3,5 – 4 كوب  طحين حلويات فاخر
ملعقة كبيرة بيكنغ بودر
كوب حليب بودرة
2 ملعقة كبيرة خميرة فورية
3 ملعقة كبيرة سكر
ملعقة صغيرة ملح
نصف كوب زيت
بيضة بحرارة الغرفة
كوب و نصف حليب




·          يوضع الحليب على النار حتى يغلي و في هذه الأثناء تحضر العجينة .

·          يوضع كوبان و نصف من الطحين و الحليب البودرة و الخميرة و الملح و السكر في وعاء محضرة الطعام  إذا وجدت ثم تشغل على سرعة واطية حتى تمتزج المواد الجافة جيداً ثم يضاف الزيت و البيضة و تترك حتى تمتزج المواد .

·          يضاف الحليب المغلي و تشغل محضرة الطعام على سرعة متوسطة و تترك لتعجن المزيج لمدة ربع ساعة .

·          يضاف الباقي من الطحين بالتدريج و تعجن العجينة بعد كل اضافة حتى تستوعب العجينة الطحين , قد لا يستخدم كل الطحين ثم يفرغ محتوى الوعاء على طاولة مرشوشة بالقليل من الطحين و تعجن العجينة باليد لمدة 10 أو 15 دقيقة أخرى حتى الحصول على عجينة طرية جداً و لا تلتصق باليد .

·          توضع العجينة في وعاء كبير مدهون بالقليل من الزيت و يغطى الوعاء بشكل محكم ثم يغطى بفوطة و يوضع في مكان دافئ حتى يتضاعف حجم العجينة .

·          بعد ذلك يربت على العجينة بلطف و تفرد على سطح مرشوش بالقليل من الطحين و تستخدم حسب الحاجة في اعداد الفطاير و غيره   .

·          إذا لم تتوفر محضرة الطعام تمزج كل المكونات الجافة على طاولة العمل ثم يعمل فيها حفرة و توضع فيها الزيت و اللبن و البيضة و تعجن باليد ثم يضاف الماء المغلي و تعجن العجينة حتى الحصول على كرة طرية و ناعمة .

تعليقات (19)

2  الكاتب منى, on 22-11-2007 21:59 بالعكس ندا , اسئلتك على عيني و راسي     الله يكون بعونك , هيك عزيمة كبيرة بدها شغل     نصيحة ان تعمليها قبل بيوم ..     الزيت الي بستعمله زيت مازولا     إذا بتحبي أعطيك كم فكرة بعملها أنا بالبوفيهات الكبيرة ..     عندك سندويش الهمبرغر , بعمله صغير و بحضره قبل اسبوع مو مشكلة و هي   الرابط    و هي سندويش بيجنن للبوفيهات     بس أنا بساويه بالدجاج أكتر   فيك تحضري الحشوة كمان قبل بكم يوم و بالبراد ليوم العزيمة   فيلادلفيا      و هل الحمص لذيذ و سهل   حمص بيروتي    و الكبة المبرومة فيك تعمليها قبل باسبوع و تحطيها بالفريز و بيوم البوفيه بطالعيها و بتخليها تحل شي ربع ساعة بس بعدها بتحطيها بصينية مدهونة و بالفرن و الطريقة      و هدول نوعين حلا سهلين و طيبين و ما بدهم شغل كتير     الأول    و التاني      و عندي كمان حلا بيجنن , بالمارس إذا بتحبي بنزلك طريقته       الله يكون بالعون     أنا بحفلة تخرجي كمان عملت سفرة , و حضرتها كلها لحالي , بس الصراحة بيوم العزيمة أمي الله يخليها هي الي استلمت كل سغلات أخر دقيقة و أنا يا دوب كنت عم سلم على الضيوف ..     يلا بيعين الله

4  الكاتب منى, on 23-11-2007 08:48 ولي على ألبي     الله يكون بالعون , و إن شاء الله بتتيسر عليك     الله يعطيها العافية ام نور , الحمد لله , الله ما بيقطع  هي اجتك أخت جديدة بتسهل عليك الغربة     يلا عم استنى خبريات عزيمتك , و الله يعطيك العافية

5  الكاتب ام نور, on 05-12-2007 16:25 اخت منى اد ما طلعت العجينة مع نداء روعة انا بدي اعملا بس حابي اسالك ضروري نوعين من الحليب السائل والبودرة ما بيمشي فقط السائل وشغلي كمان انا كتير سامعة بخلية النحل بس ماني مجربتا ممكن تنزليلنا طريقة شو بتنحشا وطريقة صفا بالصينية عم عذبك بطلباتي بس انا كمان زوجي بدو يتخرج انشالله بايلول القادم ولازم اعمل بروفا من الان لا حتى ما اتلبك وقت الحفلة لان كمان اهلي بلبنان

6  الكاتب منى, on 05-12-2007 22:07 الحمد لله , طمنتيني عن ندا     ام نور بيمشي الحال بلا الحليب البودرة أكيد , بس الحليب البودرة مع البيكنغ بودر هن سر هل العجينة       خلية النحل كتير سهلة بتحضري أي عجينة ناجحة عندك و بتقطعيها لكرات , بعدها فيك تحشيها بالي بتحبيه من جبنة أو زعتر مع زيت زيتون أو فطاير دبس الفليلفة ,و فيك تعملي أكتر من نوع بنفس الصينية     أما الحشوة المفضلة عندي الكيري ..    بعدها بتصفي العجينة بالصينية كل كرة بجنب التانية و بتدهني الوش ببيضة و بعدها بترشيها حبة بركة للجبنة أو كمون صحاح للفليفلة أو سمسم للزعتر   بتخبزي الصينية و بس ..    بيكون منظرها روعة , أماالكرات الي حشيناها كيري منحطها بصينيةلوحدها و بعد ما تطلع من الفرن منرشها قطر محضر بشكل عادي بس بضيف له ثلاث أو أربع ملاعق عسل بيعطيه طعم بيجنن        هي هي باختصار و من عيوني التنتين الخطوات و الطريقة بالتفصيل و الصور     و ان شاء الله بيعين الله على هل العزيمة الكبيرة , و إذا بدك أي شي من عيوني ام نور

7  الكاتب ام نور, on 06-12-2007 09:31 الله يبارك فيكي يا رب ما بتقصري انا حابي جرب خلية النحل بعجينة القطنة وكمان  ناوي جرب كذا شغلة خرج ضيافة لان جاي العيد وجايين ضيوف اكيد رح اعمل معمول وبيتي فور بس كمان شي معجنات كمان يا ريت تعطيني افكار بتعرف كتير الوحدة بتحتار بهاك مناسبات وشغلة كمان انا ولا مرة مجربة جبنة الكيري بالحلو وكتير بسمع عنا هالأد بتطلع طيبة وبتدوب يعني

9  الكاتب منى, on 06-12-2007 22:27 هلا ام نور     أنا لضيوفي بحضر لهم فطاير و كاتويات بس ميني ..    يعني بعمل أكتر من قالب و بعدها بقطعهم مستطيلات صغيرة و بحطهم بورق بلسيه ..    بصينية كبيرة برتب هل القطع بجنب بعضها بيطلع منظرهم تحفة     و كمان الفطاير زعتر و بيتزا و فليلفة و جبنة و كله بالحجم الصغير ..    بس بتعرفي ام نور , كل ضيوفي بالعيد بيطلبوا مني مهلبية الرز و البيتزا ..  لهيك بعمل كمان اما مهلبية أو حبوب أو رز بحليب     جبنة الكيري بتطلع كتير طيبة بالخلية , هي اساسا بتتاكل باردة , يعني رح تدوب بالخبز بس بعدها بترجع متل ما كانت     نبهتين اختي ام نور على الغلطة بالكلمة , الله يعطيك العافية , هلأ عدلتها ..

11  الكاتب منى, on 08-12-2007 07:49 ان شاء الله صحتين و هنا و عوافي يا رب ندا ..    شو كان بقيان بالي عندك و اكلة هم هل العزيمة و انت لوحدك     كلك زووء يا عسل و مية السلامة

12  الكاتب نهال صبري, on 29-12-2007 14:51 أكلتها عند نداء و كانت تجنن هجربها اليوم ان شاء الله .. تسلم ايديك أخت منى .

13  الكاتب منى, on 29-12-2007 17:40 صحتين و هنا على قلبك و قلب ندوشة يا رب     الله يسلمك حبيبتي و انا رح استنى رايك بعد ما تجربيها بنفسك

15  الكاتب منى, on 31-12-2007 20:03 صحة و هنا يا رب    كتير انبسطت انها عجبتك , ان شاء الله وافي و هنا يا رب

17  الكاتب منى, on 11-02-2008 07:14 أيوه أختي تحطيه و هو حار و تمزجيه مع باقي المقادير

19  الكاتب منى, on 11-02-2008 07:14 أحبك الله أختي و هلا أنت صرت أخت و صديقة غالية و من أهل البيت و نورتي و نور الموقع بتواجدك الطيب فيه

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved