L2ma.com | لقمة طيبة | L2ma.com | لقمة طيبة | كاري البطاطا و الباذنجان | · , حتى, تضاف, متوسطة, ملعقة | L2ma.com

القائمة الرئيسية

الأكثر تصفحاً

كاري البطاطا و الباذنجان

الكاتب/ منى

23/07/2008

كاري البانجان و البطاطا

من المطبخ الهندي وصفة لذيذة جداً و قد تكون غريبة قليلاً لعدم وجود اللحم أو الدجاج بين مقاديرها و لكن هذا ما أفضله في فصل الصيف , أطباق خفيفة و فيها الكثير من الخضار الصيفية ذات الطعم الحقيقي لأنها من الحقل مباشرة للمطبخ ...

دخل ابني مروان للمطبخ و قال : امممم , ماما بدي أكل من هادا الي طالعة ريحتو , قلتلو كتير حرّة قالي لي معلش , و هنا و عوافي شو حبها ..

بالصحة و الهنا

2 ملعقة كبيرة زيت زيتون
حبة متوسطة بصل مفروم ناعماً
فص ثوم كبير مهروس
نصف ملعقة صغيرة كاري
رشة فلفل أسود و كزبرة يابسة
رشة هال
نصف ملعقة صغيرة فليلفة حمراء حرّة
حبة متوسطة باذنجان
حبة متوسطة بطاطا
2 حبة بندورة مقشرة و مفرومة
ملح
2 ملعقة كبيرة كزبراء خضرا مفرومة
direction

·          يقطع الباذنجان لمكعبات متوسطة , تقشر البطاطا و تقطع لمكعبات بنفس الحجم .

·          يحمى الزيت على النار في مقلاة غير لاصقة ثم يقلى فيه البصل حتى يطرى , يضاف الثوم و يقلب لدقيقة أخرى .

·          تضاف البهارات و تقلب لبضع ثواني ثم تضاف البطاطا و الباذنجان و يقلب لمدة خمس دقائق تقريباً أو حتى تحمّر الخضار .

·          تضاف البندورة و الملح و القليل من الماء و يغطى الوعاء و يترك حتى يغلي ثم تهدى النار و يترك لمدة ربع ساعة تقريباً أو حتى تنضج الخضار و تتسبك الصلصة .

·          يرفع الكاري عن النار ثم تضاف الكزبرة المفرومة و يقدم فوراً مع الأرز البسمتي المسلوق .

أضافة إلى المفضلة (1) |

أقتباس | مشاهدات : 3314

تعليقات (9)

1 الكاتب غيث, on 23-07-2008 20:30
يسلم ايديك اختي على وصفاتك الطيبة بدي اسألك كيف ممكن ابعث لكم وصفة اذا حبيت اشارك بوصفة جديدة في الموقع طبعا بعد موافقة حضرتك الرجاء اعلامي بالطريقة وشكرا لكم

2 الكاتب منى, on 24-07-2008 06:23
هلا غيوثة

فيك تبعتيها باي رد بشكل عادي و انا رح ضيفها ان شاء الله

بانتظارك

3 الكاتب بدور, on 28-08-2008 22:13
يم يم يم ما أطيبها

عنجد كتير كتير مشهية و خفيفة و نكهة الكاري رح تخليها بتجنن

بس على هالصورة عصافير بطني صارت تزئزئ :grin

رح جربها بكرة نشالله وبخبرك النتائج يا قمر الله يسلم اايديكي و يخليلنا ياكي يا رب :zzz

4 الكاتب منى, on 29-08-2008 07:44
هلا بدورة

ان شاء الله بتعجبك حبيبة قلبي و لا تنسي تقوليلي شو بيصير معك

5 الكاتب DOUHA, on 12-09-2008 13:00
انا جربتااا وطعمتا تحفة
يعني تغيير شكل برمضان بدون لحمة نكهة الهال والكاري فيا قابلية غير شكل يسلموا منى

6 الكاتب منى, on 12-09-2008 19:26
هنا ضحى و عافية يا حق

رمضان كريم عليك و على كل العيلة و سلام خاص لماماتك

7 الكاتب dado, on 06-06-2009 22:13
مرحبا..
كنت خبرتك بقسم الانكليزي إني جربتها.. وهلأ بدي قلك إنو ما بتذكر كم مرة صرت عاملتها.
رادتها هلأ عالنار وناطرة تستوي.. رح موت من جوعي... وريحة الكاري عم تهفهف بالبيت.

8 الكاتب منى, on 07-06-2009 20:04
هنا و عافية و الف الف صحة و هنا دالو على كل لقمة بكل مرة عملتيها و رح تعمليها :zzz

مممم , شهيتيني , انا جوعانة هيأتي و قايمة ااقرطلي شي شغلة :grin

9 الكاتب karamela, on 17-06-2010 13:09
السلام عليكم
يسلم ايديكي يا قمر على هالاكلة
كنت طالعة من يوم الجمعة اللي اكلت فيه لحمة
قلت لحالي لدور بالموقع على اكلة رئيسية بدون لحمة وطلعتلي هالاكلة وجربتا
عن جد خفيفة كتير وطيبة
الله يسلمك من كل مكروه
والي طلب عندك وياريت ماحدا يزعل مني
يعني مع تقديري لكل الوصفات اللي عم تنضاف بالموقع من الاخوات وانا شخصيا استفدت منن بس انت بضلي الاصل اشتقنا كتير لوصفاتك بعرف قديش مشغولة بس لا توصلينا لنص البير وتقطعي الحبلة فينا يعني انا وحدة من كتير مابقى يسألوا حدا على طبخة ولابقى يفتحوا على موقع طبخ غير هالموقع
الله لايحرمنا منك وسامحيني لاني طولت عليكي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 18/11/2008 )

< السابق		التالى >

[ عودة ]