ما بعرف إذا كان هذا المربى معروف برة سوريا أو لا , الي بعرفه أن مين ما ذاق من رحيق هل المربى ما بيعرف شيئ عن الورد و كرمه و لغته الأرجوانية ...

لون جميل ينعش الخيال و رائحة عطرة فيها عبق الورد البلدي و الأهم الطعم الي ما بيشبه شيئ أعرفه ..


بعد طبخ المربى لازم نبرد القدر بالماء البارد فورا لخفض حرارة المربى لحتى يبقى لونه فاتح و مشقرق و حلو و هل المربى بتقدم  مع الجبنة البيضاء و الخبز العربي و شرحات من الخيار , يمكن طريقة غريبة شوي بس عندي هي  ألذ طريقة لحتى ناكل فيها هل المربى .

بالصحة و الهنا  

كيلو ورد
ملعقة كبيرة ملح ليمون
2 كيلو و نصف سكر
6 كوب ماء





·          تنزع أوراق الورد بلطف و يتم التخلص من قلب الوردة , الجزء ذو اللون الأصفر .

·          توضع الأوراق المنزوعة في مصفاة ذات ثقوب خشنة و تهز المصفاة حتى يتم التخلص من الحبوب الصغيرة ذات اللون الأصفر , تكرر العملية مرتان .

·          يوضع الورد في صينية كبيرة مع ملح الليمون و يفرك بين أصابع اليد حتى يذبل و يشكل ما يشبه الكرة و يعصر حتى يستخرج منه العصير الوردي , يحفظ العصير الوردي جانباً .

·          توضع الستة أكواب ماء على النار مع أوراق الورد المعصورة على نار هادئة و يترك ليغلي لمدة 10 دقائق .

·          يضاف السكر و يحرك حتى يذوب السكر ثم يترك ليغلي لمدة 10 – 15 دقيقة .

·          يبعد القدر عن النار و يصب الماء البارد على أطراف القدر الخارجية لخفض الحرارة مع ضرورة الانتباه أن لا تسقط و لا قطرة من الماء البارد على المربى .

·          بعد بضع دقائق من صب الماء البارد على أطراف القدر , يسكب العصير الوردي فوق المربى و يحرك حتى يتجانس المربى .

·          أصبح المربى جاهزاً يعبأ في مراطبين زجاجية و يحفظ في الفريزر حتى وقت الاستخدام .

تعليقات (24)

2  الكاتب ام نور, on 30-07-2008 13:43 سلام عليكم منى اتمنى ان تكوني بخير شو هالحلو هاد شي بيشهي انا اكلتو مرة عند حبيبة قلبي نداء كتير طيب اكيد رح جريو لما انزل على لبنان

3  الكاتب منى, on 31-07-2008 18:17 هلا غيوثة  الله يخليلك ماماتك و يحفظكم لبعض بصحة و عافية يا حق     سر اللون الي اتعلمته من أم زوجي هو الكوب الي منحفظه من بعد ما نعصر الورد بين دياتنا , و هيك بيطلع اللون يممي من دون اضافات     ان شاء الله تجربي الكعكات و يكونوا على زووءك , نورتي غيوثة

4  الكاتب منى, on 31-07-2008 18:21 هلا ام نور  الله يزكرها بالخير ندوشة , عم اسمع اخبارها من بعيد , بسال ضحى عنها دايما     ان شاء الله تجربيه و يعجبك نورتي ماجي

6  الكاتب منى, on 03-08-2008 17:01 هلا فيك أخي قاسم مية هلا فيك بالموقع ..    أخي بالنسبة لشراب الورد , نحنا ما نعمله بحلب و لا مرة جربت حضره لهيك ما عندي اله طريقة مضمونة و مجربة..    بس وعد رح حط هل الوصفة ببالي و ان شاء الله إذا جربت وصفة و عجبتني أكيد رح نزلها

9  الكاتب منى, on 16-04-2009 06:53 له يا اخت حنان , اي انا الاخوات الجداد بحطهم بعيوني و على راسي , و الي صار ان انا ما فتت المسوية للنت , بس     الورد المستعمل هو الورد البلدي , ان شاء الله تجربي الوصفة و اكيدة باذن الله رح تعجبك كتير

11  الكاتب منى, on 23-04-2009 07:39 هلا حنان     الورد البلدي هو نفسه الورد الجوري بس مو الي بينزرع بالأصيص , بيكون حجمه صغيره و لونه بين الوردي و الأحمر و باذن الله انا بعد اسبوعيين او تلاتة رح حضره لان قرب موسمه , رحصور الك الورد و كل الخطوات لحتى تكون الوصفة واضحة

13  الكاتب منى, on 09-05-2009 17:09 تكرم هل العيون و انا طريقته صارت عندي و طلع ما بده ورد طلع بده ماء الورد , اذا ظبط معي ببقى بنزله و القلب على القلب أختي الغالية

16  الكاتب محبةالمصطفى ملك, on 19-05-2010 02:34 السلام عليكم منى امممممممم شو هالمربى الحلو اليوم أنا لسه عملته بس بطريقة مختلفة شوي و طلع طيب كتير بس بتعرفي مشتهية اعمل جنبه كعك أو أوصي زوجي يجيب....أنا بحطله ملون مع انه لونه حلو بس بقولو اذا طول ممك لونه يتغير شوي مشان هيك بحط شوي صغيرة

17  الكاتب منى, on 19-05-2010 11:49 انا اتعلمت طريقته من دون حمض و اذا كان الورد شغل الباب و منظوم , على قولة الحلبية , ما بده شي

19  الكاتب منى, on 22-05-2010 10:30 خربطت الله وكيلك , عواض ما قول لون قلت حمض     رح استنى الطريقة منك ان شاء الله

20  الكاتب محبةالمصطفى ملك, on 22-05-2010 23:38

21  الكاتب منى, on 23-05-2010 11:10

23  الكاتب منى, on 23-05-2010 18:21 هلا سارونات     بعد زمان عنك , ان شاء الله كله تمام     ملح الليمون ما فيك تستبدليه بالملح العادي , ممكن بعصير الليمون , اما كم وردة بيطلع بالكيلو فما بعرف نهائيا , ولي اكتر من مية ميتين تلاتميت وردة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved