وصفة فيك تعتبريها مقبلات , فيك تعتبريها غذا أو عشا خفيف و صحي حسب ما بتحبي ..سهلة كتير كتير , و عندي بالبيت جنوا عليها , لحتى ما لحقت رتبها بطبق و صورها , يا دوب من الصينيةخلصت على طول , ان شاء الله عوافي و هنا على قلوبهن الصغيرة يا رب ..
ممكن تقديم الطبق بصورة مختلفة , بعد أن ما يستوي الكوسا و يتقرمش , ترش كل واحدة بطبقة صغيرة من الجبنة و ترجع الصينية على الفرن لحتى تدوب الجبنة و تحمر شوي , طبعاً إذا رح تضيفي جبنة لازم تقليل كمية الملح بالبقسماط
جربيها و رح تعجبك ان شاء الله
بالصحة و الهنا
نصف كوب كعك مطحون
ثلاث أرباع ملعقة صغيرة حبق جاف أو أوريغانو حسب المتوفر
ثلاث أرباع ملعقة صغيرة ملح أو أأقل
ربع ملعقة صغيرة بهار
رشة فليلفة حمراء
بيضة
4 – 5 حبة كوسا متوسطة الحجم
4 – 5 ملعقة كبيرة زيت زيتون
·يخلط الكعك المطحون بالملح و الأوريغانو و البهار و الفليلة الحمراء .
·تخفق البيضة قليلاً , يقطع الكوسا لشرائح بسماكة نصف سنتيمتر تقريباً .
·تغطى صينية فرن بورق ألمنيوم أو ورق زبدة و تدهن بملعقة من زيت الزيتون , يحمى الفرن على درجة حرارة 200 درجة مئوية .
·تلت حلقات الكوسا بالبيض ثم بالكعك ثم تصف على الصينية المجهزة , يرش باقي زيت الزيتون على الليرات كم نقطة على كل قطعة .
·تخبز الصينية على الرف السفلي فوق المشبك الحديدي لمدة 45 دقيقة أو حتى تشقر حبات الكوسا و تنضج و تقلب لمرة واحدة على الطرف الأخر في منتصف وقت الطبخ تقريباً .
·أصبحت ليرات الكوسا جاهزة , تقدم مع الخبز العربي و اللبن أو البندورة كوجبة رئيسية خفيفة أو مع المشويات المختلفة و البطاطا المقلية .
تعليقات (10)
