L2ma.com | لقمة طيبة | L2ma.com | لقمة طيبة | دولما الكوسا بالزيت على الطريقة التركية | الكوسا, · , حتى, على, ملعقة | L2ma.com

القائمة الرئيسية

الأكثر تصفحاً

دولما الكوسا بالزيت على الطريقة التركية

الكاتب/ منى

07/07/2008

من المطبخ التركي وصفة لعيون لنوشة الي بتحب المطبخ التركي و بتحب اكلاته , وصفة مغذية و لذيذة و مناسبة لأيام الصيفية و غذاء خفيفة على المعدة ..

اكتشفت اني بموت على الكوسا , ممكن اعمله شوربة و باللحمة و بزيت و كمان كاتو و شو ما عملت فيه بيكون ما أطيبه , هلا بقيان وصفة سلطة يكون من مقاديرها كوسا لحتى يكتمل الفريق …

نسيت خبرك ان اليوم جربت عجه من لب الكوسا و طلعت يميي , ان شاء الله بنزل وصفتها بكرة إذا الله راد .

بالصحة و الهنا

كيلو كوسا من الحجم الصغير ( ما يقارب 14 حبة )
ماء يكفي لغمر الكوسا

الحشوة :

6 ملعقة كبيرة زيت زيتون
2 حبة بصل كبيرة أو 6 عود بصل أخضر مفروم ناعماً
2 فص ثوم مهروس
نصف كوب برغل خشن
4 حبة بندورة مقشرة و مفرومة ناعماً
نصف باقة بقدونس مفروم
2 ملعقة كبيرة نعناع طازج مفروم
عصير ليمونة و بشرها
حبة فليلفة خضراء ( حرّة أو عادية حسب الرغبة )
نصف ملعقة صغيرة بهار مشكل
ملح
رشة قرفة
نصف ملعقة صغيرة فليلفة حمراء
ملعقة صغيرة دبس بندورة أو دبس فليلفة
direction

·          يغسل الكوسا ثم تلت أعناقه بالملح كي تطرى و يسهل حفره من دون أن يتشقق , يترك جانباً حتى إعداد الحشوة .

·          يغسل البرغل و يوضع على مصفاة ناعمة حتى يجف قليلاً , يقلى البصل بزيت الزيتون مع الثوم حتى يطرى , يضاف البرغل و يقلب لبضع دقائق ثم تضاف البندورة و عصيرها و تهدى النار و تترك حتى يمتص البرغل كل المرق .

·          يبعد القدر عن النار و تضاف باقي مقادير الحشوة و تترك جانباً حتى إعداد الكوسا لمدة نصف ساعة تقريباً .

·          يحفر الكوسا بحذر و يستعمل لبه لتحضير المثومة أو عجة الكوسا .

·          توضع الحشوة على مصفاة و يتم الاحتفاظ بالسوائل , يحشى الكوسا بالحشوة المجهزة مع الضغط أثناء الحشي بلطف للتأكد من امتلاء الحبة بالحشوة .

·          يغطى الكوسا بمرق الحشوة و ما يكفي من ماء لغمره ثم يوضع فوقه ثقل و يوضع على نار متوسطة حتى يغلي .

·          بعد أن يغلي المرق تهدى النار و يترك حتى ينضج الكوسا و يطرى لمدة 30 – 40 دقيقة تقريباً .

·          يرفع الكوسا من المرق و يقدم فاتراً أو بارداً .

أفكار و تنويعات :

·          يمكن أن تحضر دولما البندورة و الفليلفة بنفس الطريقة .

·          يمكن استبدال البرغل بالرز حسب الرغبة .

أضافة إلى المفضلة (0) |

أقتباس | مشاهدات : 3012

تعليقات (10)

1 الكاتب WAFAA, on 08-07-2008 09:18
نفس طريقتى بالملي بس بستعمل رز :grin

2 الكاتب منى, on 08-07-2008 10:42
هلا وفا , شو فيك اصل تركي معناها

هنن الاتراك بيحضروها بالبرغل أما بالرز فصارت قريبة لطريقتنا أكتر , قصدي طريقة أهل بلاد الشام , ان شاء الله شي مرة تجربيها بالبرغل و تكون على زووءك

3 الكاتب linda, on 08-07-2008 17:48
مرحبا منوشششششششش
ليكنا انا و امي متل العرايس الشاطرين قاعدين حد بعض و عم نتفرج عل الموقع
شهيتنا على الاكل الطيب
الله يعطيكي الف عافية يا رب
قالتلي امي انو بتعرفها هي الاكلة
قلتلها لكان ليش ولا مرة عملتيلنا ياها
قام ضحكت
و قال ابوكي ما بيحبا

4 الكاتب منى, on 08-07-2008 19:02
هلا لنوشة حبيبة قلبي

و الله ما حدا قدك , بوسيلي ياها من كل خد , خليلي قليك و قلب ماماتك الله يخليكم لبعض دايما

5 الكاتب um3bdl3ziz, on 14-08-2009 21:49
يسلموا الايادي اختي منى
أنا من محبي الاكل *المتوسطي * كلهوأخص التركي منه والشامي,شكرا على الموقع الرائع,

6 الكاتب منى, on 15-08-2009 07:58
معناها يا اختي وصلتي للموقع الي رح تلاقي فيه كتير وصفات على زووءك :zzz

مية اهلا و سهلا , نورتي و شرفتيو اتمنى ان تبقي معنا على طول ان شاء الله

7 الكاتب dado, on 04-12-2010 01:56
mannoush sorry i don't have arabic keyboard
tried this recipe today and was fantastic, you know how much i like bulghur and courgette. I made some pepper as well, but with courgette is more delicious. thanks ya amar

8 الكاتب منى, on 04-12-2010 10:08
هنا و الف صحة دلوش حبيبتي على البك و الب الكتموس الصغير

شو انقطعت اخبارك بالمرة , و انا مشتاقتلك :zzz

9 الكاتب baniqia, on 12-10-2011 23:42
يسلمو يا البي انا من فترة كنت بحلب واكلت دولمة الكوسة بهي الطريقة وعجبتني كتير بتسلم اناملك يااختي

10 الكاتب منى, on 13-10-2011 08:03
صحتين و هنا حبيبتي

منورة الموقع مية هلا فيك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 15/08/2009 )

< السابق		التالى >

[ عودة ]