L2ma.com | لقمة طيبة | L2ma.com | لقمة طيبة | صينية فطاير مشكلة ( بيتزا , خبز بفليلفة , فطاير زعتر ) | · , الفليلفة, حتى, البيتزا, الصينية | L2ma.com

القائمة الرئيسية

الأكثر تصفحاً

صينية فطاير مشكلة ( بيتزا , خبز بفليلفة , فطاير زعتر )

الكاتب/ منى

07/07/2008

صينية مشكلة للفطاير , العجينة واحدة هل المرة , ما عملت كل شي على أصوله متل عادتي , عجينة واحدة و حشوات مختلفة , بس طلعت بتجنن ..

هي الطريقة للتقديم استعملها كتير للبوفيهات أو في العزايم المشتركة بين رفيقاتي , يعني لما كل واحدة فينا بتحضر وصفة و بتجيبها , حبيت تشوفيها إن شاء الله بتستفيدي منها

بالصحة و الهنا

عجينة العشر دقائق

للبيتزا :

صلصة البيتزا بالتتبيلة الخاصة
فطر مقطع لشرائح
جبنة موتزاريلا
زعتر أخضر أو أوريغانو

خبز الفليلفة :

حشوة الفليلفة

فطاير الزعتر :

زيت زيتون
زعتر
direction

·          تحضر العجينة و تترك حتى تتخمر ثم تقسم لثلاثة أقسام و تمد على صواني غير لاصقة و يفض أن تكون مربعة الشكل .

·          تدهن أول صينية بطبقة خفيفة من صلصة الفليلفة ثم تخبز لمدة 10 – 15 دقيقة على الطبقة السفلى من الفرن فوق المشبك الحديدي حتى تنضج .

·          تدهن الصينية الثانية بزيت الزيتون ثم ترش بالزعتر و تخبز بنفس الطريقة و لنفس الوقت تقريباً .

·          تدهن الصينية الثالثة بصلصة البيتزا ثم تخبز في الفرن لمدة عشر دقائق أو حتى تقارب النضج , تخرج الصينية من الفرن و ينثر فوقها الفطر , يمكن اضافة ذرة أو فليلفة أو أي شيء أخر حسب الرغبة , ترش الجبنة المبشورة و الزعتر الأخضر ثم ترجع للفرن و تترك حتى يحمر قاعها و تذوب الجبنة .

·          تترك البيتزا لمدة عشر دقائق قبل تقطيعها ثم تقطع لمربعات أو مستطيلات متساوية الحجم , و يقطع خبز الفليلفة و الزعتر بنفس الطريقة .

·          ترتب الفطائر المقطعة في صينية كبيرة بشكل متراكب و تقدم .

أضافة إلى المفضلة (2) |

أقتباس | مشاهدات : 8159

تعليقات (15)

1 الكاتب WAFAA, on 07-07-2008 14:16
اللهم صلى على النبى
شكلها بيشهي
يسلموا ايديكي مدام منى

2 الكاتب هيلين, on 07-07-2008 21:02
ما شاء الله حلوك بس بتصددقى ضحكتينى لانى هلق حاطة بالفرن نفس التشكيلة بس دوائر
هى كانت بقايا العجين يلى جبته مبارح تركته بالبراد واليوم كملتن ونرقت معى بسهولة
بس حابة اسئلك هالعجينة بتنفع لاى فطائر تبع المخابز
وعجينة العشر دقائق ممكن نحطها بالبراد لتانى يوم ما بتنتزع من الخميرة

3 الكاتب منى, on 08-07-2008 10:39
هلا وفاء

الله يسلمك و يخليك , كلك زوء

4 الكاتب منى, on 08-07-2008 10:39
هلا هلين

ان شاء الله عوافي يا حق , يا ترى قصدك عجينة المخبز ؟

إذا هيك أكيد بتنفع بس صدقيني عجينة البيت أطيب , و عجينة العشر دقايق أو غيرها ما كتير منيح تحضريها و بعدها تحطيها بالبراد , رح تكون النتيجة مو كتير منيحة حتى لو ما انتزعت من الخميرة , بس ما رح تنفش متل اذا حضرتيها بنفس اليوم

5 الكاتب هيلين, on 08-07-2008 11:30
كلامك صح هى طبة بس قاسية اما عجينة العشر دقائق طرية وبتجنن بتطلع بس ليش حبيبتى وقت بعملها ما بتطلع كمية كبيرة مع انه 5 كاسات مو قلال
يعنى ما بقدر اعجنها قبل بيوم يعنى تجهيز مسبق ؟بس بقدر فرزها بعد الخبز متل البيتزا يعنى

6 الكاتب منى, on 09-07-2008 09:36
هلا هيلين

كمية الخمس كاسات منيحة , اذا قليلة على عيلتك فيك تضاعفيها

و ما بدها تحضير مسبق أو تحطيها بالفريزر , هي عشر دقايق و بتكون جاهزة , بتعرفي ما خطر ببالي و لا مرة ان فرز معجنات , أكيد ما رح يكونوا متل التازة , و انا روووح قلبي التازة و الفريش

7 الكاتب سموره, on 01-07-2009 18:11
ما شاء الله شكلها كتير حلو
وبيشهى كمان
تسلم ايديكى اخت منى على الوصفات الرائعه

8 الكاتب منى, on 01-07-2009 18:45
هلا سمورة

اكيد اكيد لو جربتي الوصفات الي فوق بتعجبك كتير , و يا رب تجربيهم و تاكلي عني كم لقمة

9 الكاتب مزهرة, on 23-12-2009 05:27
عزيزتي منى بقدر احفظ الفطاير بالفريزر لحين احتاجهم بعد الخبز او قبل الخبز

ياريت تجاوبيني بسرعه على ايميلي

10 الكاتب منى, on 23-12-2009 05:48
هلا اختي

بتقدري تجهزي الفطاير و تجمديهم قبل الخبز و لما بتحتاجي بتخبزيهم , طبعا بيكونوا مغطايين بشكل محكم

بس مهما كان احسن ان الفطاير المعمولة تازة اطيب , بس احيانا الواحدة فينا تكون مظطرة :zzz

شرفتي اختي و نورتي الموقع

11 الكاتب رغد غسان علاء الدين, on 20-02-2011 13:05
كتير كتير مغرية..شكلها بيشهي..والليح مسني عليها..إنو قطعة وحدة ومنقطعها...هيك فيه اختصار للوقت..رح جربها وأحكيلك يا عسل..سؤال ..إذا بدي أعمل رول جبنة.زمتل زعتر رول..شو الجبنة اللي بتنصحيني فيها..يعني عندي قشقوان بس ما عرفت بتصير او لا..

12 الكاتب منى, on 20-02-2011 18:25
و انا هل الطريقة كتير بستسهلها و بستعملها لكل شي

احسن نوع هو انك تخلطي الجبنة البيضا الي مناكلها مع الكعكة مع قشقوان او موتزاريلا او جبنة حلوم , بيلاقي لما بتخلطي اكتر من نوع بتاخدي اطيب طعم

13 الكاتب رغد غسان علاء الدين, on 22-02-2011 23:41
كعكة؟؟ انا قريت صح؟؟ كعكة؟؟ :eek

14 الكاتب رغد غسان علاء الدين, on 23-02-2011 10:47
وليع لينا..طول عمري عجولة..المخلوقة عمتقللي اللي منالكها مع الكعكة..وصلت الكهربا مشي ..لا تواخذينا فطرانين فول :zzz

15 الكاتب منى, on 23-02-2011 11:41
,

اتوقعت رغودة

الجبنة البيضا الي مناكلها مع الكعكة و الشاي , مو تحطي كعكة بالحشوة :grin

صباح الكهربا و الراس الطيبان

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 01/07/2009 )

< السابق		التالى >

[ عودة ]