L2ma.com | لقمة طيبة | L2ma.com | لقمة طيبة | فرنش توست | · , على, الصمون, قطعة, المغطسة | L2ma.com

القائمة الرئيسية

الأكثر تصفحاً

فرنش توست

الكاتب/ نوارة

01/07/2008

هي اكلة بتتقدم على الفطور كتير طيبة و تغيير شكل

4 – 6 شرائح من خبز فرنسي أو صمون
2 بيض
نصف كوب حليب
سكر ناعم
قرفة
direction

·          يقسم الصمون إلى دوائر سميكة نوعاً ما .

·          تغطس كل قطعة من الخبز بالحليب جيدا ثم تغمس بالبيض .

·          يحمى القليل من الزيت و تقلى فيه قطع الصمون المغطسة لمدة دقيقتين أو ثلاثة على كل وجه أو حتى تحمرّ قليلاً .

·          عند احمرارها تبعد عن النار و يرش السكر و القرفة على كل قطعة بشكل جيد و صحة و هنا .

أضافة إلى المفضلة (1) |

أقتباس | مشاهدات : 4079

تعليقات (8)

1 الكاتب منى, on 01-07-2008 10:13
تسلم دياتك نوارة ,على هل الوصفة , انا بشوفها كتير مفيدة و فكرة لحتى الواحدة ما ترمي الصمون لما بيصير قديم و حتى ممكن نفس الوصفة تتحضر بالبريوش ..

أنا بعملها بطريقة بتشبه طريقتك , بخفق البيض مع شوية فانيليا و معلقتين كبار كريما أو نصف كاسة حليب بغمس فيها الصمون و بتركه ثواني لحتى يشرب من المزيج شوي و بقليه بالزبدة و بعدها بحطها بالصحن مع رشة قرفة و عسل أو مربى , فطور بيروح معك يوميين ..

أحيانا عوض الفانيليا و الكريما بضيف بشرة و عصير برتقالة , كمان يميي

2 الكاتب نوارة, on 01-07-2008 13:11
والله فكرة رح اجربها بطريقتك تغير شكل ومتل ما قلتي بينفع مع الصمون القديم ولو كان قاسي شوي حتى

3 الكاتب linda, on 06-07-2008 20:10
شكرا كتير على الوصفة
كنت بدي اسأل منى عنها
بدي اسأل ازا ساويت نفس الشي مع خبز التوست بيطلع طيب شي
حدا مجربها منكون يا صبايا

يعطيكي الف عافية يا نوارة

4 الكاتب منى, on 07-07-2008 09:43
و الله لنوشة انا مو مجربتها بالتوست :roll

بس اتوقع نفس المبدأ , و أظن مرة شفت مارتا ستيوارت عاملتها بالتوست بس مو متاكدة , يلا جربيها و خبرينا

5 الكاتب نوارة, on 07-07-2008 15:15
انا مو مجربتها بالتوست بس بتخيل انوبتصير بس بالحالة هي لازم ما تغطسي قطع التوست بالحليب كتير لأنو التوست أرق ممكن يفرط

6 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-08-2008 23:02
هلا ليندا ومنى و الكل بتعرفوا انا ما بعملا الا بالتوست ما كنت بعرف انا بتنعمل بغيرو على العموم اذا استعملتو مثلا 4 او 6 بيض منحط معون تقريبا بس 2 ملعقه كبيره كريمه سائله لانو التوست بينهري و انا ما بحط سكر بس كريما و بخلطون و بقليون عالوجين و بعدين اللي بيحب ياكلون مالحين برش عليون ملح و فلفل اسود و اللي بدو ياهون حلوين اما سكر بودره او سيروب تبع البان كيك او عسل بتعرفوا هادا كان فطور و غدا بنتي زينه حبيبتي لمده سنه تقريبا كانت معلقه عليها هههه لما كانت صغيره هلاء اسمالله هي بالجامعه المهم بتغطسو الخبزه بالبيض المخفوق مع الكريما على الوجهين يعني البيضتين بيعملوا تقريبا 3 توستات بس مو اكتر صحتين و عافيه على قلوب الجميع انشاالله و اذا عملتوهم حلوين بعد ما ترشو سكر في ناس بيقدموه مع اما مربى عالوش او فواكه فريش معقطه او فواكه مقطع و يادوب مقليه شوي بالزبده و شويه سكر و رشه قرفه يعني انتو و ذوقكم
وصحه و هنا

7 الكاتب gsm, on 02-06-2009 15:24
مرحبا يعطيك ألف عافية إم نور على هي الوصفة اليوم انا جربتا وكتيير طلعت طيبة بس انا ضفت شوية عصير فواكة فوق التفاح والموز وكمان رشيت قرفة فوقن كتيير طلعت لذيذة شكرا إلك

8 الكاتب لمورة الامورة, on 19-07-2011 23:11
ياسلام شكلها كتييييييييير طيبة
وخاصة عالفطور
يسلموو وتحياتي
لولووو

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 26/07/2008 )

< السابق		التالى >

[ عودة ]