L2ma.com | لقمة طيبة | L2ma.com | لقمة طيبة | سلطة البطاطا بالبقدونس | البطاطا, حتى, ملعقة, كبيرة, · | L2ma.com

القائمة الرئيسية

الأكثر تصفحاً

سلطة البطاطا بالبقدونس

الكاتب/ منى

30/06/2008

سلطة البطاطا بالمايونيز Mayo potato salad

بدأ الحرّ و بدأت تقل قابليتي للطعام و للطبخ , أصبح الوقوف أمام الفرن المحمى مسبقاً و تحريك الخضار أو اللحوم أمام عيون النار المشتعلة طريقة جديدة لتخفيف الوزن لشدة تصببي عرقاً .. أفضل من السونا بكثير !

مع بداية فصل الصيف تنفتح شهيتي على السلطة بكل أنواعها , و أكاد أن أفطر و أتغذى و أتعشى سلطة ,, منعشة , باردة و خفيفة ..

هذه السلطة من أنواعي المفضلة و أحضرها على الأغلب من دون مايونيز لتكون أخف و لكي أكل منها بدون عذاب ضمير

بدأ موسم السلطة في لقمة طيبة , و الكل مدعوون ..

بالصحة و الهنا

2 حبة بطاطا متوسطة
2 ملعقة كبيرة بقدونس
ملعقة صغيرة ملح
1 – 2 ملعقة كبيرة مايونيز ( اختياري )

الصلصة :

رشة فلفل أسود
رشة فليلفة حمراء ناعمة
نصف ملعقة صغيرة كمون
3 ملعقة كبيرة خل ( أو أقل )
3 ملعقة كبيرة زيت زيتون
فص ثوم صغير ( اختياري )

·          تقطع البطاطا لمكعبات متوسطة ثم تغمر بالماء البارد و الملح و تترك حتى تغلي ثم تهدى النار و تترك لمدة 10 – 15 دقيقة أو حتى تطرى و تنضج .

·          يمزج الثوم مع البهارات و الزيت و الخل حتى تتجانس المقادير .

·          تصفى البطاطا من ماء السلق ثم تتبل بالصلصة مباشرة من دون أن تحرك و انما يهز القدر بلطف حتى تتغطى مكعبات البطاطا بالصلصة و تترك حتى تبرد تماماً , ستشرب البطاطا الصلصة .

·          يمزج المايونيز بالبقدونس المفروم ناعماً ثم تتبل بها البطاطا و تقلب بلطف ثم تسكب و تقدم فوراً أو توضع في البراد حتى وقت التقديم .

أضافة إلى المفضلة (2) |

أقتباس | مشاهدات : 3357

تعليقات (10)

1 الكاتب WAFAA, on 01-07-2008 12:19
بتشبه كثير طريقتى وفيكي تضيفي بيض مسلوق كمان بتطلع طيبة ومغذية .

بتنفع عشاء خفيف جدا

2 الكاتب منى, on 01-07-2008 12:33
ممم , اتوقعها طيبة و مغذية كتير بالبيض :zzz

, شكرا على الاضافة وفا و ان شاء الله بجرب البيض معها

3 الكاتب غيث, on 01-07-2008 20:47
السلام عليكم والله اليوم كنت محتارة اي سلطة اعملها وعندي بطاطا مسلوقة فورا خطرت لي وصفتك هذه البارحة لسع اطلعت عليها وجربتهااليوم وطلعت طيبة ومقبلة كتير الله يعطيك العافية انابعملها كنت بالكمون وحمض الليمون والملح وزيت الزيتون مع البطاطا المسلوقة طبعاواحيانا اضع لها البيض المسلوق متل ما قالت الاخت وفاء كمان طيبة واليوم طريقة منى الحلوة كمان كانت لذيذة وطيبة وتغيير شكل شكرا لك يا اكتر من رائعة

4 الكاتب منى, on 02-07-2008 10:02
هناا و عوافي يا غيوثة

و انا متلك كنت حمضها بالليمون , بس هلا ما في ليمون و انا ما كتير بحب استعمل اشيا مو بوقتها لهيك جربتها بالخل و عجبتني :zzz

المهم انك تكوني تبلتيها و البطاطا لسا سخنة ..

خليلي عينك غيوثة , هلا فيك

5 الكاتب غيث, on 02-07-2008 23:04
الله يسلمك منى والله انا دوما البطاطا المسلوقة بعيد تسخينها قبل استعمالها وبترجع كأنها مسلوقة طازة طبعا يعني يومين تلاتة مو اكتر بتركها بالبراد حتلى تبقى طازة ومتل ما قلتلك برجع بسخنها وكانت سخنة تماما وطلعت كتير طيبة ولذلك اليوم كمان على العشاء رجعت عملت صحن صغير كان لذيذ الله يعطيك الف عافية

6 الكاتب منى, on 03-07-2008 06:31
فكرة و الله تسخين البطاطا مرة تانية

وكمان مرة تانية هنا و عوافي يا حق و لا يحرمني هل الطلة الحلوة

7 الكاتب بدور, on 10-11-2008 14:26
وانا جربتها ميمو وطلعت كتير كتير طيبة

بس جربتها مع مايونيز وفعلا شتغل بعدها تعذيب الضمير :grin

ميمو ليش لازم تكون البطاطا سخنة وئت التتبيل اذا ممكن؟ :roll

8 الكاتب منى, on 10-11-2008 15:56
هنا و عافية , ما بتعرفي بدورة هل السلطة شو بحبها و شو بعملها , يمكن اكتر سلطة :zzz

الباطا لازم تكون سخنة لحتى تغب الصلصة و تطلع أطيب

9 الكاتب سوسنة, on 16-04-2009 15:52
من الوصفات الي جربتها

وكتير طيبة وبحبها

يسلمو منى

10 الكاتب منى, on 16-04-2009 19:07
هنا و عوافي سوسنة

الشكر الك و لردك يا قمر

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 10/11/2008 )

< السابق		التالى >

[ عودة ]