كريب بالشوكولا

2 بيض من الحجم الكبير
نصف كوب طحين
ثلاث أرباع كوب حليب
رشة فانيليا ( للوصفات الحلوة )
رشة سكر أو ملح ( حسب نوع الوصفة المحضرة )
4 ملعقة كبيرة زبدة سائلة أو زيت
زيت أو زبدة سائلة لدهن المقلاة

·          يخفق البيض باستخدام مضرب سلك في وعاء متوسط , يضاف نصف الطحين و يقلب حتى يتجانس المزيج .

·          يضاف باقي الطحين و يقلب حتى الحصول على مزيج ناعم .

·          يضاف الحليب مع الزبدة او الزيت بالتدريج مع التقليب بعد كل اضافة ثم يضرب مزيج الكريب بالخلاط العامودي للحصول على مزيج ناعم تماماً أو يمرر على مصفاة ناعمة .

·          يغطى مزيج الكريب و يترك لمدة نصف ساعة على الأقل حتى يرتاح و يمكن أن يحضر قبل عدة ساعات من وقت الاستعمال و يغطى و يوضع في البراد حتى الحاجة .

·          تدهن مقلاة متوسطة ( بقطر  18 سم ) و توضع على نار متوسطة ثم تدهن بالزيت أو الزبدة باستخدام محرمة أو قطنة .

·          عندما تسخن المقلاة تسكب حوالبي ملعقتان أو ثلاث ملاعق كبيرة من مزيج الكريب على المقلاة و تفرد بسرعة على كل المقلاة , إذا شعرت أن المزيج سميك نوعاً ما يمكن اضافة القليل من الحليب .

·          يترك لبضع دقائق حتى يتحول سطح الكريب من الشكل الرطب و اللامع إلى الجاف نوعاً ما و تبدأ حوافه بالتلون .

·          يقلب الكريب على الطرف الثاني و يترك حتى يتلون ثم يرفع على طبق مسطح .

·          تكرر نفس العملية حتى الحصول على ما يقارب 8 – 10 حبة كريب و يستخدم الكريب فوراً أو يمكن أن يوضع في كيس بلاستيكي محكم الإغلاق في البراد و الاحتفاظ به لمدة يوم قبل استخدامه   .

أفكار و تنويعات :

 ·          يمكن استبدال نصف الحليب بالمياه الغازية للحصول على نكهة جديدة و لذيذة .

·          احدى صديقاتي الاسبانيات أخبرتني بأنهم يعدون وصفة الكريب باستخدام مرق اللحم و يستخدمونها في وصفة مالحة مشهورة جداً عندهم , فكرة لذيذة .

 

تعليقات (30)

1  الف شكر الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-06-2008 10:09 يعطيكي ألف عافية أخت منى على الوصفة      مبين إنه طيبه كتير       تسلم الايادي يارب      والموقع كتير أعجبني صراحة وجوه مريح , وأخدت منه كذا وصفه    أنا مشترك جديد بالموقع , ممكن طلب شي لو سمحتي      بدي أعرف مقادير الشوكولاه السوداء لو سمحتي      دورت في الموقع وما لقيت شي عن الشوكولاه       ومشكوره كتير , بيوتي ( مهند )

4  الكاتب منى, on 11-06-2008 09:49 هلا ايمي مية هلا فيك و الف شكر على الكلام الحلو ..    الكريب بتاع كله , بتحشي لحمة و بتحطي فوقه صوص صار عندك وجبة رئيسية , بتحشيه بجبنة و بتقطهيه صار مقبلات , بتدهنيه بمربى أو شوكولا صار وجبة حلو , المهم انا نزلت الوصفة الاساسية و رح نزل بقى وصفات استخداماته ان شاء الله     مية هلا ايمي نورتي

5  شكر الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-06-2008 13:01 تسلميلي يا قمر على الرد السريع والله يوفقك ويفتحها بوجهك ويجيبلك كل خير

7  الكاتب ام نور, on 13-06-2008 22:43 ماشالله عنك يا منى الله يحميكي يا رب طريقة ممتازة   نفس طريقتي بس انا بزيد ماء ورد مع الفانيليا بيقتل الزنخة وبيعطي نكهة شهية اكيد مع الكريب الحلو

8  الكاتب منى, on 14-06-2008 13:05 هلا ايمي     هي نزلت وصفة الكانيلوني و منستعمل فيها الكريب , و الله يخليك و يسلمك على الدعوات الحلوة

9  الكاتب منى, on 14-06-2008 13:06 هلا لنوشة حبيبتي   ان شاء الله تجربيها و تبيض وجهك و لا تنسي تخبريني شو بيصير معك

11  الكاتب منى, on 13-10-2008 09:24 هلا سهى مية هلا اختي و انا الي الشرف ان اتعرف بأخت متلك     الصورة لازمها صوص الشوكولا و رح نزل وصفته هل الاسبوع اذا الله راد , بعمل 3 انواع من الصوص بغطي الكريب بصوص الشوكولا الي على حليب و بعدها بعلبة الكتشاب بعمل خطوط بصوص الشوكولا الابيض و صوص الشوكولا السوداء و بالسكينة أو بعود بمرر لحتى يطلبع معي متل الشبكة

13  الكاتب منى, on 21-10-2008 16:00 مية اهلا و سهلا اختي ام عمر حلت علينا البركة و النور اختي , دعواتك من القلب وصلت للقلب ليك ان شاء الله متلها و أحلى اختي , مية هلا و سهلا

14  الكاتب عيون ريم, on 20-02-2009 10:36 تسلم اديكي بس اعطيني افكار للحشو او طريقة للتقديم

15  الكاتب منى, on 21-02-2009 12:15 هلا ريم     تكرم عيونك اختي رح نزل وصفات مختلفة لحشوات الكريب

17  الكاتب منى, on 23-02-2009 17:23 يلا عم استنى   و ان شاء الله بيطلع طيب و على زووءك اختي

19  الكاتب منى, on 08-03-2009 08:12 هلا اختي   الحمد لله انا بالف خير من الله , ربي يديم نعمه و يعرفنا اياها بدوامها و يألهمنا الشكر عليها .    اختي البان كيك هو غير الكيك و باذن الله ببقى بنزل وصفة البان كيك قريب

20  يسلمووو الكاتب بشرى, on 04-04-2009 19:54 يسلم إيدكي ربي .. جربت كتير وصفات للكريب وما زبطتت معي ,كل مرة يشقق ويطلع مخربط ويتفتت .. بس هي تمام التمام ..  يخليلي ياكي يارب

21  الكاتب منى, on 05-04-2009 13:50 هنا و الف الف عافية بشرى   لو تعرفي شو بنبسط لمن واحدة من الاخوات الغاليات تجرب وصفوة و تعجبها .    عوافي يا حق و مية هلا فيك اختي

23  الكاتب منى, on 20-10-2009 20:25 اذا كانت الوصفة حلوة فممكن تضيفي الفانيليا مع البيض

27  الكاتب larooo, on 24-02-2011 15:41 كيفك منوش .. طبعا اكيد وصفة فخمة جدا ومجربتها من قبل  بس هالمرة بدي حطها بالبراد لتاني يوم ..بصير ما   وبدي فيني سخنها ياترى بالميكرويف شوي قبل التقيدم ؟؟ الله يعطيكي العافية يارب

28  الكاتب nabila, on 03-05-2011 01:12 يسلمو ايديكي على هالوصفة الطيبة وانا بعملها بطريقة تانية وهي:  بيضة واحدة  كاسة طحين  كاسة حليب  رشة ملح  فانيليا ... وطريقة التحضير متل طريقتك تمام...  والشوكولا بدوبها بزيت مازولا والافضل تكون شوكولا نوتيلا   ياريت اشوف ردك ست منى

29  بتمنى تجاوبيني بأسرع وقت الكاتب lulu, on 24-05-2011 20:53 اخت منى يسلم دياتك على هالوصفات اللي بتشهي.. ساويت طريقة الكريب وهلأ بالبراد عم انتظره بس اللي صار معي انو المزيج قبل الزبدة والحليب كان متماسك وظريف بس لما ضفت بالتدريج الحليب والزبدة صار كتير مريق ياترى هوة هيك لازم يكون ولا متماسك شوي ؟؟؟ واذا لازم يكون متماسك شوأعمل هلأ ؟؟ بتمنى تردي على سؤالي بأسرع وقت ومرسي كتيييير

30  ياعيني على هالكريب الكاتب lulu, on 25-05-2011 00:29 يسلم ايديكي يامنى على هالكريب الخطير ..عنجد طلع بيجنن وكتييير طيب وفرحت انو زبط معي واخيرا ..الله يجريكي الخير على هالموقع الرااائع يمكن مابيمرق يوم الا وبفتح عليه وبتعرف على وصفات جديدة ومميزة فيه ..يعطيكي الف عافية

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved