L2ma.com | لقمة طيبة | L2ma.com | لقمة طيبة | بطاطا سوبر مقرمشة | البطاطا, حتى, · , على, الزيت | L2ma.com

القائمة الرئيسية

الأكثر تصفحاً

بطاطا سوبر مقرمشة

الكاتب/ منى

09/06/2008

بطاطا سوبر مقرمشة

شايفين كم وصفة في النت للبطاطا المقلية , عربي و انكليزي !!

أنا كلهم جربتهم , و النتيجة واحدة :: زوجي بيقلي عندك موقع طبخ و صحن بطاطا مقلية ما بتعرفي تعملي

المهم هي الوصفة الي كنت متمنية نزلها من زماان و الحمد لله و أخيرا ظبطت معي و شو بتجنن و على ضمانتي ,إن شاء الله ..

السر بالنشاء أولا لأن رح يعطيها قرمشة مضمونة , و تغطية الزيت ثانياً لأن رح تمنع البطاطا من امتصاص الزيت و بهيك بتبقى خفيفة , و القلي مرتيين ثالثاً أول مرة لحتى تستوي من جوى و تاني مرة لحتى تقرمش من برة

بدها شوي شغل و إن شاء الله مستاهل

بالصحة و الهنا

4 حبة بطاطا كبيرة
ملعقة صغيرة ملح
ملعقة نشاء ( أو كورن فلاور )
زيت عادي
direction

· تقشر البطاطا ثم تقطع لدوائر و تقطع لأصابع بأحجام متساوية .

تقطع البطاطا لأصابع باحجام متساوية و بحجم مثل الظاهر بالصورة تقريباً

·          تغسل البطاطا بالماء ثم تغمر بالماء البارد و الملح و تترك لمدة ساعة و يمكن أن تترك لمدة 12 ساعة في البراد .

·          تصفى البطاطا من الماء و تفرد على قطعة شاشة بيضاء و تترك حتى تجف تماماً .

·          ترش البطاطا بالنشاء و تقلب حتى تتغطى به جيداً , ثم يوضع القليل من الزيت و تقلب حتى تتغطى البطاطا بالزيت بشكل كامل .

بعد أن تجف البطاطا تماماً , ترش بالنشاء ثم بالزيت و تقلب حتى تتغطى

· يحمى الزيت على نار قوية و تقلى البطاطا على دفعتان أو ثلاثة و تترك حتى يبدأ لونها من التحول من اللون الأبيض إلى اللون الأشقر لمدة 4 – 5 دقائق , ترفع البطاطا على ورق ماص و تترك حتى تبرد .

· قبل وقت التقديم يحمى الزيت مرة ثانية ثم تقلى مرة ثانية حتى تشقر و تنتفخ و تصبح ذهبية ثم تقدم فوراً .

أضافة إلى المفضلة (1) |

أقتباس | مشاهدات : 1119

تعليقات (21)

1 الكاتب WAFAA, on 09-06-2008 11:25
بس كانها بتطلع دسمة شوي ، لانو كثرنا زيت :roll

بس مع هيك انا متاكده انو طعمها حيكون جنان

يسلموا الايادي يارب

2 الكاتب ام نور, on 09-06-2008 16:54
الله
على افكارك يا منى شو مهمين

طلع عبالي قوم قشر فوج لا بوقرة شوفي انا احيانا لما يكون معي وقت بقلي البطاطا مرتين بتطلع طيبة

بس ولا مرة خطرلي غير هيك ولكن النشا ميشان شو

وكمان ليش تحطي زيت بعد النشا ضروري طالما رح تقليون بالزيت

3 الكاتب منى, on 09-06-2008 17:29
هلا وفا

بالعكس رح طلع خفيفة و لا ألذ لأن لما غلفناها بالزيت ما بقى تشرب زيت كتير على عكس ما اذا قليناها بشكل عادي

يلا جربيها و ان شاء الله بتعجبك

4 الكاتب منى, on 09-06-2008 17:39
هلا بالقمر ام نور

النشاء لحتى يضمن القرمشة و الزيت لحتى ما تشرب زيت و تبقى خفيفة و مقرمشة :zzz

جربيها و أكيدة ان شاء الله رح تعجبك

5 الكاتب bano, on 09-06-2008 17:43
hi aklat kteer taybeh w kl shi jarrabto tele3 kteer tayeb bs bddi esalek eza bta3rfi elbatata elmanfokha keef btseer w shokran kteer

6 الكاتب منى, on 09-06-2008 17:57
هلا بانة

عوافي على كل شي جربتيه يا حق

يا ريت تقوليلي شو جربتي :zzz

قصدك البطاطا المنفوخة ؟؟ هيك فهمت , ممكن تشرحيلي اكتر لحتى ااقدر ساعدك

7 الكاتب Iman, on 11-06-2008 03:35
البطاطا المنفوخه هي تقطع على شكل دوائر رفيعه مثل الشبس ثم كما اتذكر انه تقلى في زيت بين الوسط و الحامي و في نصف القلي يحمى الزيت و الفكره هي انه في النصف الاول يعمل الزيت على تطريتها و قليها و عندما نحمي النار بتنتفخ البطاطا و بيكون فيها مثل الجيبه لانو صارت طريه و النار تفختها انشالله تكون الطريقه كما اتذكرها

8 الكاتب منى, on 11-06-2008 10:26
شكرا امونة على الاضافة , ان اء الله يكون هاي الوصفة المطلوبة من بانة

9 الكاتب linda, on 11-06-2008 16:30
مممممممممممممم
شكل الصحن كتير مغري
بتعرفي انا اكتشفت طريقة القلي مرتين من المطاعم لانو و انتي واقفة بيقلو البطاطا بوقت قصير كتير و بتطلع مستوية ومقرمشة
مشان هيك استنتجت انو بيقلوها نص قلية بالبداية و بس يجي الزبون بيقلوها مرة تاني مشان تضل سخنة

بس انا لما جربتها دغري بتيبس و بتصير قاسية مدري كيف
شو السبب

10 الكاتب bano, on 11-06-2008 17:40
Hi,yes this's the recipe that's i'm asking for.I like how it looks and it's so yummy.I've eaten this potato in Aleppo.I'm waiting to come back this summer and have the most delesious food in the world.thank u very much Mona & Eman for your efforts.w Allah yjzeekom el kheir.

11 الكاتب غيث, on 11-06-2008 19:24
السلام عليكم الله يجزيك الخير يا اختي على هالنصائح القيمة بتعرفي كانت قائمة طبخاتي الاخيرة هي الكارنيارك و المعكرونة غراتان و المكسيكانوكلهم رائعين الله يعطيك العافيةبدي اسالك ضروري البطاطا نقليها مرتين ما بيصير من مرة وحدة تقرمش لاني انا بصراحة فورا بحضرها بنفس اليوم وقت موعد وجبة الطعام وشكرا لك يا فنانة

12 الكاتب ام نور, on 13-06-2008 22:53
انا جربت هالوصفة كتير نجحت معي وفعلا مقرمشة وطيبة وحتى ميشان الوقت قشرت كمية وقليتا مرة ولما بردت قسمتا باكياس ووضعتا بالفريزر وما فرقت نفس النتيجة

وكل الشكر لا العسل منى

13 الكاتب منى, on 14-06-2008 13:09
هلا بانو

بتنور حلب حبيبتي باحلى قمر , الله يسلمك و يخليك و الف شكر علىالدعوات .. هلا انا ما عندي وصفة تمام الها , ان شاء الله بس ما حصل وصفة منيحة ببقى بنزلها

14 الكاتب منى, on 14-06-2008 13:12
هلا غيث

هنا و عوافي على قلبك و قلب حبابك يا حق , كتير انبسطت انهم عجبوك و الشكر ليك على ثقتك فيني

هلا لو بتجربيها بهل الطريقة للبطاطا رح تحكمي بنفسك , اول مرة مقرمشة بس تاني مرة كتيرررر مقرمشة , الشكر ليك على تواجدك و ردودك الحلوة

15 الكاتب منى, on 14-06-2008 13:13
هنا و عوافي ام نور , و هل الفكرة حكاها مرة شيف , رح احكيها بالتفصيل ان شاء الله بس ارجع للبت لان النت هلا عندي معطل

16 الكاتب منى, on 14-06-2008 13:20
هلا لنووشة

و الله ما بعرف :roll

,يمكن عم تزيدي عليها بالقلي أول مرة , لهيك لما عم تقليها المرة التانية عم تقسى معك .. جربيها هل المرة بطريقتي و ان شاء الله بتظبط معك

على فكرة انا جربت البامة بطريقتك و طلعت يمممي , رح نزل صورتها هل كم يووم :zzz

17 يسلمواا
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 17-06-2008 08:00
السلام عليكم ...
كيفك مدام منى يسلمو كتير على طبق البطاطا..انا صرلي فترة طويلة عم اتعالج أنا والبطاطا مشان تظبط وتصير طيبة ..جربت أكتر من طريقة بس أكيك رح جرب هالطريقة ..
بس سؤالي انو ممكن نضيف بهارات للبطاطا حتى تصير متل بطاطا كنتاكي مثلا؟؟
في مطعم اسمو Cook Door بالشام سيتي سنتر وأكيد ألو فروع هون وهون بس مابعرف إذا في بمدينة حلب بس المهم أنو بيعمل بطاطا بالبهارات بتجنن وكلما روح أنا وخطيبي مناكل منها ومتراهنين أنا وخطيبي أنو رح يجي يوم وأعرف ساوي من هالبطاطا اللذيذة بس لهلأ ماعرفت شو الوصفة ... فساعديني مدام منى يستر على عرضك
يعني إذا بدنا نضيف البهارات بأي مرحلة رح يكون هدا الشي؟؟ قبل مانقليه بالمرة الثانية؟؟
وياترى في بهارات خاصة بالبطاطا؟؟

وشكرا كتير كتير ..ولكل المشاركين بالموقع ..

18 الكاتب منى, on 17-06-2008 11:46
هلا نسرين

و عليكم افضل السلام و اتم التسليم , هادا المطعم ما اله فرع عنا , و يا ريت عرفت عن هل الطبق لان أخر مرة رحنا على الشام اكلنا فيه سندويش و كانوا طيبين , بس ما خطرلي جرب البطاطا , على كل فكرة كتير طيبة , البهارات بتضيفيها بعد أول قليةعلى ما أظن ..

في بهارات خاصة بالبطاطا , نحنا منشتريهامن المدينة عندي محل ابو زيد الهلالي بيبع بهارات بطاطا يممي , اكيد بالبزروية لازم تلاقي , يكون محل بتتعامل ماماتك معه دايما و بهاراته طيبة

على كل رح جرب ضيف بهارات للبطاطا و اذا ظبطت معي ببقى بضيفها للوصفة ..

الشكر ليك على الاضافة و على الرد , و ان شاء الله منفرح فيك قريب

19 الكاتب سارونات, on 20-08-2008 02:39
السلام عليكم و رحمة الله و بركاته
اكيدلازم جرباان شاء الله
بس اديش فيها تظل بين القليه لاولى و التانيه
و كمان ما حطيتي ملح غير لما نقعتيها يعني هالملح كافي و كمان اديش كمية الملح مقارنة مع المي بخاف حط ملح كتير او قليل و تخرب البطاطا
بالتوفيق
سلام

20 الكاتب منى, on 20-08-2008 06:15
هلا اختي

بتخلي البطاطا لحتى تبرد تمام , يعني نصف ساعة على الاقل , و ممكن ترشيها بالملح بس ما طلعت من النار تاني مرة و الملح ممكن تدوقي المي و تملحيها لحتى تصير على زووءك

21 الكاتب سارونات, on 21-08-2008 00:17
السلام عليكم و رحمة الله و بركاته
جازاك الله خيرا اختي منى و ان شاء الله ستتم التجربة باقرب فرصة و بخبرك بالنتيجة
بالتوفيق
سلام

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 11/06/2008 )

< السابق		التالى >

[ عودة ]