L2ma.com | لقمة طيبة | L2ma.com | لقمة طيبة | مخلل الخضار المشكلة | الخضار, إلى, · , يقطع, يمكن | L2ma.com

القائمة الرئيسية

الأكثر تصفحاً

مخلل الخضار المشكلة

الكاتب/ منى

22/03/2007

حااامض و طيب كتير مخلل لذيذ و ألوانه فاتحة للشهية , ,,

يمكن إضافة أي نوع من الخضار التي تفضليها كالخيار أو المقتي أو البندورة الخضراء ..

و لمنظر جميل يمكن أن تحشي الخضار بحبات الفليفلة الحمراء أو الخضراء ثم ترتب في المرطبان و تخلل .. أو يمكن اضافة مكعبات من الفليلفة الملونة , حمراء أو صفراء أو خضراء

يجب الإحتفاظ بالمخلل بعد نضوجه في البراد كي يحافظ على قوامه و نكهته اللذيذة .

بالصحة و الهنا

راس قرنبيط متوسط
حبة ملفوف متوسطة الحجم
كيلو جزر
كيلو فاصولياء خضراء
10 فص ثوم

مزيج التخليل :

3 كوب خل التفاح
كوب ملح و نصف ملح خشن ( صخري )
4ليتر ماء و نصف
ملعقة كبيرة فليفلة حمراء ناعمة
نصف ملعقة صغيرة كزبرة مطحونة

·          تجهز الخضار أولا , يقطع القرنبيط إلى زهرات صغيرة . تمشط حبات الفاصولياء ثم تقطع إلى قطع بطول 2 سم تقريباً .

·          يقشر الجزر ثم يقطع إلى شرائح , و يمكن استخدام قطاعة خاصة لإعطائه الشكل الجميل الظاهر بالصورة .

·          يقطع رأس الملفوف إلى أربع أرباع ثم يقطع كل ربع إلى قطع متوسطة و يتم التخلص من العض الداخلي .

·          تغسل الخضار جيداً ثم تخلط و تعبأ في مرطبانات بلورية .

·          يحرك مزيج التخليل حتى يذوب الملح ثم يصب فوق الخضار بحيث يغمرها .

·          يترك المخلل لمدة اسبوع في مكان دافئ حتى ينضج ثم يحفظ في البراد .

أضافة إلى المفضلة (2) |

أقتباس | مشاهدات : 2607

تعليقات (6)

1 الكاتب لارا مينا, on 04-07-2008 12:58
مساء الورد والمسرات يامنى ..هل يمكن إستبدال خل التفاح بعصير الليمون في التخليل ؟
-وماهو رأيك في خل التفاح المصنع والذي يعرض بالأسواق هل يعتبر طبيعي ...ألف تحية لكي .

2 الكاتب منى, on 05-07-2008 18:30
هلا لارا

بعد زمان عنك , اشتقت الك كتير

هلا الليمون ما بينفع ابدا عوض الخل , لازم خل و ممكن استعمال خل التفاح أو خل العنب , و في ناس بتستعمل روح الخل :roll

بس هو كتير مؤذي

انا باستعمل الخل الي في السوق و في خل الجويد بيعجبني , بس ناوية هل السنة حضر خل العنب و ان شاء الله اذا زبط ببقى بنزل الوصفة ..
و الخل الي في السوق مو كله بيسوا , لازم الواحد يقرا شو مكتوب على العلبة و بعدها يشتري

3 وأخيرا
الكاتب لارا مينا, on 15-01-2009 19:13
مساء الخير أخت منى ...كيف الحال؟ إن شاء الله تكونين إنتي وعيلتك بألف خير..وأخيرا عملت مخلل الخضرة المشكلة وبصراحة إلي متعود على المخلل الصناعي مايعرف كيف يكون طعم المخلل الطبيعي فالنسبة لي كنت أشوف المصنع كويس وبعد ماجربت البيتي اكتشفت إنه في غاية البشاعة وألغيته من قائمة مشترياتي نهائيا لأن هنا كل المخللات والمربيات والصلصات نأخذها جاهزة لأنها ليست من ضمن عاداتنا الغذائية ولا نعرف أساسا طريقة عملها....وأنا عملت نوعين مخلل نوع بدون فلفل والثاني ضفت عليه فلفل أحمر حار جدا وكلهم كانوا في غاية الروعة وفعلا أعجز عن شكرك وربنا يجزيكي عنا كل خير ... بس عندي شوية أسئلة :
1)أبغى أضيف المره هاذي للمخلل بندورة هل بتنفع الحمراء القاسية أو لازم الخضراء بس؟

2)وأيضا أبغى أضيف الفاصولياء الخضرا هل نسلقها قبل بماء مملح مثل مكدوس الفاصولياء أو على طول وهي نيئة ؟

3)هل أقدر أعمل مخلل بالليمون الأخضر الصغير؟وياليت تعطيني الطريقةالسورية؟غير طريقة حامض مرقد لأني عملته قبل وكان تمام التمام .

4)آخر سؤال بس أبغى أزيد من معلوماتي لأني دايما أفكر فيه.. لاحظت إنك قلتي المخلل بعد مايجهز مباشرة ينحط بالبراد عشان مايتغير.. طيب أهل سوريا قديما بعد مايجهزون المخللات كيف يحفظونها للمونة التي تكون لأشهر طويلة من دون أن يفسد؟

في الختام عذرا عذرا عذرا للإطالة
وتسلمين يارب وتصبحين على ألف خير .

4 الكاتب منى, on 17-01-2009 10:57
الف هنا و الف عافية لارا على المخلالات ريتو صحة بكل لقمة انت و كل عيلتك حبيبتي و بالفعل فرق كبير بين المخلالات الجاهزة و المخلل البيتي .

خلينا على الاسئلة

البندورة لازم خضراء, ما سمعت ابدا ان ممكن نستعمل بندورة حمرا للمخلل و انا مو مجربة استعملها, الفاصوليا تضيفيها من دون سلق و رح تستوي بالخل و الملح و تطلع كريسبي و اخر حلاوة

مخلل الليمون ما كتير نعمله لحاله بسوريا , ممكن نفرم الليمون و نخلله مع الزيتون و الجزر المفروم و نكبسه بمي و ملح بس , أما لحاله فما نعمله

من زمان كنا نعمل المخلل و بعدها نحفظه بغرفة المونة و هي قبو تحت البيت العربي بيكونوا حيطانه سميكة كتير و لهيك بيكون بااارد كتير , يمكن أبرد من اليراد و بيحفظوا فيه كل المونات و الزيتون و الجبنة المكبوسة و الخضرة المجففة و غيره و غيراته

الله يخليلي ياكي لارا و لا تعتذري و لا شي انت واسئلتك على العين و الراس

5 الكاتب آرام, on 19-10-2009 06:07
مرحبا أخت منى
لاحظتي قديش صاير نشيط هاليومين .. دقي عالخشب

المخللات من الأكلات اللذيذة اللي كنت محروم منها .. مع أنها سهلة كتير بس ما حدا من كل الناس اللي بعرفهم أعطاني مقادير .. كلهم بيعملوا مخلل بالاعتماد على التذوق وبدون أي مقادير .. وناس بتستخدم خل وناس روح الخل وناس بتستخدم مي وملح بس .. ولذلك بعمري ما جربتها.
المهم أني البارحة عملت أول مخلل .. عملت مخلل فليفلة .. استخدمت نفس العيار المذكور بالوصفة بس بدون الفليفلة الناعمة لأن الفليفلة أصلاً نار.
ناوي أعمل باقي أنواع المخلل قريباً جداً .. خيار وقتة وخضار مشكلة .. المشكلة ما عندي مطرح كافي بالبراد ومضطر أحفظهم برا ولذلك رح أستخدم آسفاً روح الخل .. سؤالي أخت منى هل بيتغير شي من العيار ولا نفس العيار أضيف عليه روح الخل

نقطة ثانية .. أهلي كانوا يعملوا مخلل باذنجان .. كتير طيب وبتعرفي أنا بعشق الباذنجان كيف ما كان (ولا زلت ناطر مربى الباذنجان

) .. سألت عن طريقته فقالوا لازم ينسلق شوي (متل المكدوس) وبعدين نحشيه توم ودبس فليفلة ونغمره بماء وملح فقط .. عندك فكرة إذا هالطريقة صحيحة ويا ترى ما بتحتاج خل

6 الكاتب منى, on 20-10-2009 08:39
هلا ارام

ايه ما شا الله , ان شاء الله على طول هيك .

أي روج الخل فيك تستعمله عوض عن الخل , بس بصراحة ما عندي مقدار ثابت اله , بس المهم انك رح تستخدم ملح و مي و روح الخل , و روح الخل بيستعمل بكمية قليلة

سبحان الله أخي انا محضرة طريقة مخلل الباذنجان , و الطريقة الي ذكرتها صح و فيك تشوف تفاصيل طريقتي على الصفحة الرئيسية

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 06/05/2009 )

< السابق		التالى >

[ عودة ]