نصف كيلو فراولة
6 ملعقة كبيرة سكر أو حسب الرغبة
ملعقة كبيرة ماء ورد أو ماء زهر
2 ملعقة كبيرة نشا
نصف كوب ماء

- للزينة :

 أوراق نعناع
6 حبات فراولة

·          توضع الفراولة و السكر في الخلاط و يخفق الكل جيداً .

·          يذوب النشا مع الماء و يوضع مع مزيج الفراولة ثم يوضع الكل في قدر و يوضع على نار متوسطة و يحرك جيداً حتى يغلى و يسمك , يضاف ماء الورد و يقلب  .

·          تقطع حبات الفراولة و ترتب في أطباق صغيرة على الجوانب و قعر الطبق .

·          تصب المهلبيه بلطف فى الأطباق ثم توضع في البراد لمدة 4 ساعات أو حتى تتماسك .

·          تقلب الأطباق على صحون مستوية و تهز قليلاً حتى تنزل ثم تزين بأوراق النعناع و تقدم .

 

 

تعليقات (23)

2  الكاتب منى, on 05-06-2008 17:27 هلا نهولة ان شاء الله تعجبك لانها خفيفة و سهلى و منعشة

3  الكاتب ام نور, on 05-06-2008 21:25 فعلا شكلا ولونا بيفتحوا النفس ذكرتني بالجيلي اكيد رح جربا

4  الكاتب منى, on 05-06-2008 21:42 و الاولاد شو رح يحيوها ..    بنتي لفتي و قالتي يا ماما انت أحلى فنانة بالعالم     ان شاء الله تعجبك و لا تنسي تخبريني

5  الكاتب linda, on 06-06-2008 15:33 يالله شو حلو شكلا   بتجنن       الله يخليلك ولادك   كنا و نحنا صغار كمان ازا امي عملت شي اكلة طيبة نقلها يالله شو منحبك يا امي   انتي احسن ام بالعالم   شايفة شو مصلحجية نحنا     و هلاء اجا الدور على ولادنا يحاكونا بنفس الطريقة

6  الكاتب منى, on 07-06-2008 18:20 و الله ما في حدا مصلحجي أدن , بس أبوس ألبهم ما في احلى منهم

7  الكاتب ام نور, on 09-06-2008 17:22 من يومين جربت هالمهلبية طيبة  فعلا طيبة وكتير منعشة ونكهة الفريز مميزة وشوفي توم وجيري شو حبوها بس مشكلتي انو لما اقلب الصحن ما طلع متلك فرط مع انو لما طبختا كتير كانت جامدة ولكن ممكن لان الفريز الذي زينت في نزل ماي شو اولك

8  الكاتب منى, on 09-06-2008 17:47 غريبة هل القصة     أظن لما قلبتي المهلبية كان لازم تستني على الفريز لحتى ينزل مع باقي المهلبية       المهم عجبك طعمتها و لو تعرفي شو ضحكت على توم و جيري ابوووسهم هنا و عوافي يا رب

9  الكاتب سارونات, on 06-08-2008 05:36 السلام عليكم و رحمة الله و بركاته  ما شاء الله عنجد فنانة و يسلم ايديك و الله يخليلك ولادك و يحفظهم لك   خسارة ما في فريز هلأ و الا كنت ساويتها من دون تردد  قليلي فينانعملا بفواكي تانية و شو هي هالفواكي   كمان بدي اسال عن مهلبية الشوكولا كيف بتنعمل جربتا من قبل بس ما ضبطت   بالتوفيق  سلام

10  الكاتب منى, on 30-08-2008 11:02 هلا أختي   الحقيقة ما جربت , اكيد إذا جربت بخبرك , و من عيوني مهلبية الشوكولا و لا يهمك أختي

12  الكاتب منى, on 10-09-2008 21:27 ان شاء الله

13  الكاتب ام اروى, on 28-07-2009 00:33 بسم الله ماشاء الله جميع الوصفات جميلة انا اخت لكم جديدةهنا فى المنتدىوكل شى بتقدموة بيعجبنى تسلم ايديكو

16  الكاتب منى, on 23-05-2010 18:52 هلا ام اروى   الله يسلمك , نورتينا و شرفتينا و اتمنى تبقي معنا دوما    يا هلا

17  الكاتب farah, on 26-05-2010 22:19 ساويت هالمهلبية كتيييير طلعت لذيذة   بس... بقيت شوي مريقة يعني ما جمدت لتنقلب علماً اني تقيدت بالمقادير بالغرام اتمنيت اقلبها لتطلع متل صورتك بس صارت شوربة   ليه برأيك هيك صار؟؟ على فكرة اوراق النعنع معها كتير لذيذة يعني مو بس زينة

18  الكاتب منى, on 27-05-2010 12:12 هلا فروحة   و الله غريب , انا لما عملتها المرة التانية حسيتها طلعت جامدة زيادة و قلت المرة التانية بدي قلل النشا     ممكن يكون كمية النشا , لان انا المعالق الي استعملهم معالق مليانة مو مسطحة ؟

20  الكاتب منى, on 08-07-2010 10:28 الله يسلمك اختي و نورتي الموقع و شرفتيه

22  الكاتب منى, on 22-11-2010 14:26 بيصير للمهلبية نفسها , بس ما اتوقع ان الفراولة الي على الجوانب رح تزبط بالفراولة المفرزة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved