نحنا ببيت اهلي كل ما امي تطبخ بامية بتعمل قسمين قسم بلحمة و قسم بلا لحمة  لانو ابي بيحب اللحمة و امي لا  

فكانت تعمل البامية نص هيك ونص هيك 

هي طريقة البامية يلي على زيت  بس بدون مقادير مزبوطة مية بالمية يعني تقدير , بتجنن خاصة اذا كانت مقطوفة بنفس اليوم من مزرعة جدي الله يرحمو  ..

ملح و فلفل
كزبراء خضراء مفرومة ( اختياري )

تعليقات (21)

3  الكاتب منى, on 02-06-2008 11:33 اتوقع المقادير مضبوطة , و اكيدة بتعطي نتيجة لذيذة ..انا بموت على اكلات الزيت     الله يرحم جدك و يرحمنا كلنا يا رب ,بتعرفي انتي هل القصص نقطة ضعفي ..  ان شاء الله كل شي بيرجع متل اول و احسن

4  الكاتب ام نور, on 03-06-2008 15:27 سلم دياتك يا ليندا على هالبامة ذكرتيني بالذي مضى الي شي 6 سنين ماني اكلة البامة خضرا بس بتذكر كانت امي تعمل نفس طريقتك على شرط تشتري البامة حبة كبيرة لا الزيت والصغيرة لا اللحمة

5  الكاتب linda, on 06-06-2008 15:29 اهلين ام نور   و حتى انا امي كانت تشتري الكبيرة للزيت و الصغيرة للحمة   يا اما نقطف من مزرعة جدي و نوزعهون قسمين   الكبيرة طيبة طتير ازا كانت طرية     كنا كمان نقليها و ناكلها مع ملح وفلفل   وقت مرة ساويت هيك و شافني جوزي   قلي انتي غريبة الاطوار

6  الكاتب منى, on 15-06-2008 17:57 جربتها لنوشة     مقادير مضبوطة تمام التمام و اكلة ما في اطيب منها     انا حطيت بصلة مفرومة مع الثوم و اذا الله راد رح جربها شي مرة بالكزبرة ..    تسلملي هل الديات الحلوة

7  الكاتب ام نور, on 15-06-2008 21:59 اسا بالكزبرة الخضرا بتطلع شي غير شكل بتعرفي منى انا بعشق الكزبرا بالاكل ودايما عندي كزبرا ا مجلدة واكتر الاكل بحطلو كزبرا شو بتعطي نكهة لا الاكلة ولا اطيب

8  الكاتب منى, on 16-06-2008 09:36 نحنا بحلب ما منستعملها ابدا , و اخد معي وقت اني اتعود عليها , بس هلا صرت بحبهااا كتير    كيف يعني بتجلديها ؟ انا مرة جربت جلدها , بس ما عجبتني لما طالعتها من الفريزر و رميتها ممكن تعلميني الطريقة الصح ام نور

11  الكاتب ام نور, on 17-06-2008 20:24 لازم لما اطالعيها دغري تحطيا بالطبخة ميشان تبقى منيحة وبتلاحظي انها بتصير خضرا كأنها طازة

16  الكاتب منى, on 22-08-2009 11:36 هنا و الف عافية و صحة على كل لقمة و منيح ما ضفت الحمض قبل ما تدوقها , لان هي شغلة زوء ..    على فكرة ممكن تتقبل الكزبرة الخضرا اذا بديت باضافتها بكمية بسيطة كتير , ممكن ملعقة و شوي شوي بتتعود عليها , انا عني هلا صرت كتير بحبها مع اني اول مرة جربتها كان بشوربة البندورة و كانت بكمية كبيرة , رميت كل الشوربة هيك حسيت صارت طعمتها متل الصابون     هلا دوما عندي كزبرة اما فريش و اما بالفريزر

17  الكاتب منى, on 22-08-2009 11:36 هنا و الف عافية و صحة على كل لقمة و منيح ما ضفت الحمض قبل ما تدوقها , لان هي شغلة زوء ..    على فكرة ممكن تتقبل الكزبرة الخضرا اذا بديت باضافتها بكمية بسيطة كتير , ممكن ملعقة و شوي شوي بتتعود عليها , انا عني هلا صرت كتير بحبها مع اني اول مرة جربتها كان بشوربة البندورة و كانت بكمية كبيرة , رميت كل الشوربة هيك حسيت صارت طعمتها متل الصابون     هلا دوما عندي كزبرة اما فريش و اما بالفريزر

20  الكاتب منى, on 28-09-2009 12:16 هلا لارا   هنا و الف صحة يا رب , عوافي على كل لقمة اكلتيها انت و كل الاهل يا قمر

21  الكاتب منى, on 28-09-2009 12:17 هلا هنادي   ممم , طريقة جديدة و اكيد طيبة , ان شاء الله يصحلي جربها قبل ما تخلص البامة و ببقى بخبرك شو صار معي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved