كاتو أبس كريم الشوكولا

حليب
4 قطعة من شوكولا مارس من الحجم الصغير
2  ملعقة كبيرة سكر
3 ملعقة كبيرة طحين
ملعقة كبيرة زبدة 
علبة كريما خفق ( متل دريم ويب و انيا و غيره )
ثلاث أرباع كوب حليب بارد جداً لخفق الكريما

للتزيين :

كاكاو بودرة أو شوكولا مبشورة

·          تحضر الحشوة , يمزج الحليب مع الطحين و السكر ثم يوضع على نار متوسطة و يقلب الكل حتى تسمك الكريما و تغلي لمدة دقيقتان أو ثلاثة .

·          تضاف المارس و الزبدة و تحرك حتى تذوب و تمتزج مع الكريما ثم تترك حتى تبرد تماماً .

·          تخفق الكريما البودرة مع الحليب البارد جداً حتى تنتفخ و تسمك و نحصل على الكريما الشانتييه  .

·          نأخذ ثلاث ملاعق كبيرة من الكريما البيضاء و تترك جانباً للتزيين ثم تضاف باقي الكريما الشانتييه بالتدريج لكريما المارس ملعقة ملعقة مع التحريك بعد كل إضافة حتى انتهاء كل المقدار , أصبحت الحشوة جاهزة .

·          يغلف قالب على شكل قبة بورق نايلون ثم تغمس أول حبة من أصابع الليدي فنجرز بالحليب ثم تصف أول طبقة على القالب المغلف .

·          تمد طبقة من الحشوة فوق البسكويت حتى تغطيه تماماً .

·          تكرر العملية حتى انتهاء كل المقادير مع ضرورة أن تكون أخر طبقة من البسكويت , ثم يوضع طبق صغير على البسكويت و يرص بلطف للتخلص من الفجوات بين طبقات الكاتو .

·          يوضع القالب في الفريزر لمدة 12 ساعة على الاقل و يفضل اعداده قبل بيوم من وقت التقديم .

·          قبل بنصف ساعة من موعد التقديم يقلب القالب في طبق التقديم و ينزع ورق النايلون عنه ثم يدهن بالكريما البيضاء التي تركناها جانباً و يرش بالكاكاو أو بالشوكولا المبشورة و يقدم .

 

تعليقات (60)

2  الكاتب منى, on 02-06-2008 06:00 هلا أخت غيث   هنا يا رب على كل لقمة نزلت ببطونكم , ان شاء الله عوافي يا حق ..    فكرة الفطيرة هيك كتيرررر حلو و فكرة جديدة , ان شاء الله ببقى بجربها مرة تانية     كرات البطاطا يا ترى انت قليتيهم بزيت قليل , بتعرفي انا جربتهم بعزيمتي و صارت حديث الطاولة متل ما بيقولوا و انقلوا معي عادي و لا اتخربت منهم واحدة , اتوقع انك زودري الحليب بالبطاطا لحتى صارت معك طرية , انا لما جربتها ما حطيت حليب ابداً     ان شاء الله رح تحبي الايس كريم , لان كتير صار جربوها و عجبتهم , سهلة و خفيفة ..    لا تنسي تجربي هل الوصفة , رح تحبيهاااااااا كتير اذا الله راد

3  الكاتب بدور, on 02-06-2008 15:17 يا سلاااااااااااااااام   شكلو مغري كتير كتير و لازم جربو بأسرع وئت نشالله     يسلمو هالايدين الناعمين على هالوصفة الحلوة كتير..  عنجد يا منى الشطورة انت مافي متلك و كتير ئليل ألائي شخص بلطفك و شطارتك و افكارك العظيمة الله لا يضيعلك تعب يا رب

5  الكاتب منى, on 02-06-2008 18:47 هلا بدورة     ان شاء الله اذا جربتيه ما بتندمي ابدا , و اذا بتحبي فيك تشتري الليدي فنجرز جاهز من عند my bakery للتسهيل     الله يخليلي ياكي بدورة , خجلتيني يا عسل

6  الكاتب منى, on 02-06-2008 18:46 هنااا و عوافي على كل شي جربتيه أخت غيث     هيك شجعتي جرب البوظة على موز , الصراحة ناوية جربها بكل انواع الفواكة     و انا بانتظار رايك حبيبتي بباقي الليستة

7  الكاتب بدور, on 03-06-2008 14:50 مين هاد my bakery ؟ ما عرفتو؟     والله يا ريت بتكوني سهلتي علي كتير كتير..    و شكرا عالتشجيع و المساعدة ميمو الأمورة

8  الكاتب ام نور, on 03-06-2008 15:57 كاتو بيشهي فعلا سلم دياتك يا منى وما يحرمنا هالوصفات الحلوة بس شكلو بيشبه شارلوت مهاك بس عطريقتك اكيد

9  الكاتب منى, on 03-06-2008 19:38 هلا بدورة     هادا بجنب باتشي و خضير الي بالموكامبو , ما بيضيع ابدا حطي باتشي بظهرك و خضير على يسارك و خطوتين بتكوني صرتي عنده     من عيوني اي خدمة او سؤال

10  الكاتب منى, on 03-06-2008 19:43 هلا احلى ام نور     تمام كتير بيشبه الشارلوت , بس مع البوظة .. جربيه ام نور و رح تدعليلي

12  الكاتب منى, on 05-06-2008 00:18 هلا سمسمة   قصدك الكريما الفريش الي منخفقها مع السكر لحتى تعطينا الكريم شانتيه ؟    اذا كان هيك اكيد فيك , و بتطلع اطيب كمان

13  الكاتب ام محمد, on 07-06-2008 07:40 كيفك يااغلى صديقةشو هل الاكلات الطيبةوشكرا لانو عطيتنااسم المحل على فكرة اهلي ساكنين قريب منه يعني اذارحتي للمحل لازم تتفضلي وتشربي فنجان قهوة وميت اهلا وسهلا

14  الكاتب منى, on 07-06-2008 11:50 هلا ام محمد على راسي أهلك و حارتك كلها و الله     بتشرف حبيبتي , و اكيد بس ما تفضي رح كون معزومة عندك على فنجان قهوة

15  الكاتب Eman, on 26-07-2008 04:51 وصفة مغرية ومشتهية جربها ،لكن خايفة ما تنجح معي ،لأ،ي جربت من قلب كاتو الاناناس وقدرة قادر وما ضبطوا معي ، كأن الحلو مخاصمني ومو راضي ينجح معي ، برأيك ممكن تنجح معي هالوصفة ؟

16  الكاتب منى, on 26-07-2008 14:54 هلا أمولة     هيك زعلتيبني و الله , غريب , يا ترى شو الي ما نجح لحتى حاول ساعدك     هي الوصفة ان شاء الله مضمونة , و اذا البسكويت متوفرجربيها و على الغميضة ان شاء الله بتبيض وجهك     أي سؤال من عيوني

17  الكاتب مريوم, on 04-03-2009 17:42 سؤالي اليوم عن الكريمة, خصوصا كريمة شانتيه، لمن اخفقها مع سكر بودرة و بتثخن و احطها بالبراد حتى تبرد الاحظ عند الاستعمال سرعان ما تذوب او مثلا اذا اردت التزيين فيها لا تثبت على الشكل الذي رستمه.   فما هي المشكلة.   (للتوضيح: انا استعمل الكريمة السائلة التي تحتاج الى سكر ناعم و اخفقها لمدة دقيقتان )   شكرا جزيلا خالتو منى.

18  الكاتب منى, on 09-03-2009 06:39 هلا مريومة   أتوقع ان المشكلة عندك بفترة الخفق , لحتى نحضر الكريما الشانتيه لكل علبة كريما سائلة بوزن 200 غ بدنا ملعقة سكر بودرة بتحطيهم كلهم بنفس الوعاء بالفريزر لمدة ربع ساعة بعدها بطالعيهم و بتخفقي , ممكن يكون في شوية تلج على أطراف الكريم , هادا هو المطلوب , و الوعاء لازم يكون مسقع , كمان هادا هو المطلوب .  بتخفقيهم بعدها لحتى تبدى تصير كريما لمدة كم دقيقة لحتى تصير جامدة منيح .    بس ما حصلتي عل الكثافة المطلوبة بتوقفي فورا و الا رح تتحول الكريما لزبدة       ان شاء الله تكون وضحت الفكرة و اسفة للتاخر بالرد

21  الكاتب منى, on 16-03-2009 10:44 هلا أختي zanalook   مممم فكرة لذيذة كتير , ريتو الف هنا و على قلبك و قلب الأمير الصغنون , الله يبراك الك فيه و الف شكر الك للدعوات الغالية اختي

22  الكاتب منى, on 16-03-2009 10:56 هلا مريومة   ان شاء الله بتزبط معك و تصير متل ما بتحبي , لا تنسي تخبريني اختي

23  الكاتب رنا, on 13-05-2009 20:38 ياستي ساويته وطلع رائع بالفعل وكان الي بقلبه ايس كريم عن جد يسلموا ايديكي بس الغلط الي غلطته انه لما كنت عم ساويه اتصل فيني زوجي وطلب مني البس بسرعة لانه رح يجي ياخدني بعد نص ساعة وهو انا انعبطت العبطة العجيبة ونسيت اخلي ملعقتين كريما بيضا وخلطتها كلها مع الشوكولا قام النتيجة اني اضطريت زينه من برا بكريما الي حشيت فيها من جوا قصدي مزيج الكريمتين يعني طلع سوداني قالبي مو ابيض وهي صورته

24  الكاتب منى, on 13-05-2009 20:42 مممممم         ممممممممم , يممي شو بيشهي     شو هل الكاتو , يا هيك الغلطات يا بلا طالع حلو كتير و الشوكولا مغطيته كأنها دعوة للغطس فيها , ياااا سلام شي ناهي و غير شكل و الله       سلم دياتك و ريتو الف الف عافية و صحة

25  الكاتب رنا, on 13-05-2009 21:29 الله يسلمك بس على فكرة اكلت عنك كتيييييييير

26  الكاتب منى, on 17-05-2009 11:54 عن جد       و انا عم قول لحالي ليه ما قدرت اتعشى بنهاراتها

27  الكاتب DOUHA, on 01-07-2009 19:15 جربتووو من ساعة صار بالفريزر بس بيجننننننننن بكرةبخبرك النتيجة

28  الكاتب منى, on 02-07-2009 10:29 مممم , يا ريت لو تبعتيلي مسج بنص القالب ما بقول لأ

29  رائع رائع رائع رائع رائع رائع رائع رائع الكاتب لارا مينا, on 03-09-2009 13:00 حبيت أرسل صورة الجاتوه تبعي علشان مايظل الجاتوه تبع رنا وحيد ويونسوا بعض ويتسلوا في أوقات الفراغ.        ألف شكر أخت منى ونصيحة لاتفوتوا هذا القالب

30  الكاتب منى, on 03-09-2009 12:54 ريتو ان شاء الله الف صحة و هنا لارا , بتعرفي في كتير انواع كيك او حلويات بحضرها لضيوفي مرة واحدة , بس هل النوع لازم حضره كل ما اجى لعندي ضيوف و دايما بتكون النتيجة , ووواو . انا كتير مبسوطة انك جربتيه , و هي خلينا القالبين مع بعض , عن اذنكم نخليهم يتعارفوا براحتهم

36  الكاتب لارا مينا, on 08-09-2009 15:07 مساء الخير أخت سارونات ..أنا رح أجاوبك بما إني عملت الوصفة ولحد ماتفضى الأخت منى وتجاوبك وطبعا من بعد إذنها أكيد ... بالنسبة للطبق الزجاجي الي نعمل فيه الوصفة ممكن تستخدمي أي طبق دائري عميق وكله رح يزبط لا تخافي زي إلي نعجن فيه أو نخفق فيه تقريبا قطره 30 سم _ السكويت تقريبا استخدمت 45 قطعة بس أنا عملت البسكويت حسب طريقة منى وكان تحفة .. والكريمة أضفتها كلها للقالب لأن مارح يأثر لو كانت كميتها زيادة شوي عن عدد القطع لا تخافي وخليكي شجاعة _ والكريمة أنا ماستخدمت البودرة استخدمت الطازجة يلي بتنخفق على طول من دون حليب لذا ماستخدمت 3/4 كوب الحليب البارد المكتوب في الوصفة بس أضفت لها تقريبا 3 ملاعق كبيرة سكر بودرة لأنها مافيها سكر أصلا مثل دريم ويب _ ووزن العلبة 400 غم بالزبط .  وزي ماقالت منى بعض الحلويات حلوة بس نسويها مرة وحدة بس وما بنعود نكررها ليه ماأدري , أما هذا الجاتوه مستحييييييييييل مانعمله على طول سواء عندنا مناسبة أو من دون مناسبة,, جربيه ونبغى نشوف صورة الجاتوه تبعك علشان نعمل شبكة تعارف للجاتوه جلاس في الشرق الأوسط

39  الكاتب منى, on 09-09-2009 08:02 كفيتي و وفيتي لارا , انا رح نزل صورة القالب الجديد الي عملته بمناسبة عزيمة السحور عندي في رمضان و نخليهم يحكوا براحتهم

40  الكاتب منى, on 15-09-2009 11:30 و هي كاتو الجلاس النجمة احتفالا برمضان

42  الكاتب سارونات, on 06-10-2009 00:25 السلام عليكم و رحمة الله و بركاته    منوووش ساويت الوصفة و هي هلأ بالثلاجة و كل شي كان تمام و انا ساويتها كلها على شوكولا يعني ما خليت كريما بيضاء و انما خليت ثلاثة ملاعق من الكريما اللي عملتها متل ما عملت اختي رنا مشان حطها عند التقديم بس يا فرحة ما تمت لو تشوفي التعبير على وجهي لما اكتشفت اني ما حطيت نايلون بقى هلأ بعد ما يجمد راح قطعو لقطع و حط الكريما فوقه لان ما فيني اقلبه بس في فكرة شفتها بالتلفزيون يمكن جربها و هي اني بلل فوطة بمية سخنة و اعضرها و بعدين غطي فيها الاناء مشان يدوب شوي من الجوانب و هيك راح يصير فيني اقلبه الله يستر    راح خبرك بالنتيجة    بالتوفيق  سلام

43  الكاتب منى, on 06-10-2009 08:17 يييي يلا معلش خيرها بغيرها ان شاء الله هلا ان شاء الله تطلع الطعمة تمام و على زووءك     بانتظار النتيجة

44  الكاتب سارونات, on 06-10-2009 13:02 السلام عليكم و رحمة الله و بركاته    لساتني مطالعتو من الفريزر و ما قدرت اقلبو لهيك راح قطعو لقطع و كل واحد اله قطعة و طلع كتير طيب و مختلف انا على فكرة حطيت بس نص ملعقة زبدة و عم فكر قلل اكتر بالمرة الجاية و يمكن ما حط زبدة كمان يمكن قلل كمية الكريم شانتييه لان بدي ياه يكلع اخف هو طلع طيب و طلع لا ثقيل و لا خفيف يعني وسط بس مع هيك بدي خففو اكتر     جازاك الله خيرا منوووش على هالوصفة و ان شاء الله بالمستقبل ارجع جربها و ما انسى النايلون مشان اقلبها     بالتوفيق    سلام

46  الكاتب منى, on 16-10-2009 12:36 هنا و الف عافية يا احلى سوسنة كتير انبسطت انه عجبك , انا هل القالب بالذات من الوصفات المفضلة عندي     اكلتي عني كم لقمة و الا لاااا     هنا و مية صحة على البك و الب كل مين دااقه

48  الكاتب منى, on 24-02-2010 18:58 ان شاء الله اذا جربتيه بيعجبك كتير , و اذا مو متوفر الليدي فنجرز ممكن تجربي الوصفة بكيك عادي سادة تقسميه شرايح     الف صحة و هنا على كل شي جربتيه , و نور الموقع باحلى حلبية

51  الكاتب منى, on 16-04-2011 10:23 صحتين و الف الف عافية اسراء  لا تقولي فاشل عن شي انت عملتيه بايدك ابدا , ما دام تعبتي فيه و قدمتيه بحب فهو اطيب من ايا شي تاني     الصور فيك تحمليها على جروب لقمة طيبة في الفيس بوك

52  الكاتب منى, on 16-04-2011 10:47 هلا لينا   حبيبتي الوصفة بتلاقيها على هل الرابط http://www.l2ma.com/content/view/233/2/  بتشوفي الصورة لحتى تقدري تشتريه او حتى ممكن تحضريه على ايدك     اتوقع اسمه بالفرنسي biscuit au cuillère , هيك على ما اذكر     ايا سؤال تاني من عيوني

57  الكاتب منى, on 25-06-2011 10:35 هلا ريم   شكرا حبيبتي كتير للمساعدة و ان شاء الله بتكون لقتهم

58  الكاتب منى, on 25-06-2011 10:40 هلا نور   اي اكيد فيك , بتحطيه بالفريزر لوقت اللزوم و بعغدها بتطالعه قبل شي نص ساعة و بتجهزيه و تقدميه

59  الكاتب roroo51, on 25-06-2011 16:54 شكرا كتير ريم . اخيرا لاقيتهم من فترة     يسلمو ايديكي و الله يجزيكي كل خير

60  الكاتب منى, on 26-06-2011 10:25

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved