كيلو بامية
2 ملعقة كبيرة سمنة
حبة كبيرة بصل مفروم ناعماً
نصف كيلو لحمة مفرومة ناعماً أو لحمة مقطعة مكعبات و مسلوقة
ملح و بهار مشكل
كيلو بندورة مقشرة و مفرومة ناعماً أو معصورة
مرقة لحمة حسب الحاجة
حمض حسب الرغبة ( و يمكن الاختيار ما بين عصير الليمون أو عصير الحصرم أو عصير الرمان )
ملعقة كبيرة سكر ( اختياري )

تعليقات (16)

2  الكاتب منى, on 01-06-2008 09:50 هلااا لنوشة انا بقى عكسك جوزي بيموت عليها و انا عادي , بس مع هل الطريقة صرت حبها أكتر ..     يلا جربيها و خبريني شو بيصير معك , و كمان يا ريت تقوليلي عن طريقتك

4  الكاتب منى, on 01-06-2008 14:00 هلا وفاء     الله يسلمك يا رب على الرد , معناها هي الطريقة كمان بيعملوها الفلسطينية ؟     هنا على قلبك و ربي يخليك الماما و لا يحرمكم من بعض يا رب

5  الكاتب linda, on 01-06-2008 17:57 يا ستي نحنا ببيت اهلي كل ما امي تطبخ بتعمل قسمين قسم بلحمة وقسم بلا لحمة   لانو ابي بيحب اللحمة وامي لاء     يلي باللحمة   منقلي البامية و منحطها على جنب   منقلي اللحمة بسمنة لحتى تستوي تقريبا مع التقليب المستمر   منضيف الها مي و رب البندورة و منتركها تغلي شوي   اخر شي منضيف البامية و ملح وفلفل و منتركها تتسبك     قبل ما نشيل البامية عن النار امي بتدوب معلقة كبيرة سكر بشوية مي و ربع معلقة زغيرة ملح الليمون و بتضيفهون   و بس     انا كتير بحبا بطريقة امي   يمكن لاني تعودت عليها         و توتة توتة خلصت الحتوتة

6  الكاتب منى, on 01-06-2008 18:00 ممممم , يا سلام طريقة ماماتك الله يخليها كتير بتشبه طريقة امي , نفسها باختلاف الحمض لان امي بتحط عصير الرمان و انا كمان كتير بحبها بس جوزي ما بيحب طعمة الحلو في البامية لهيك عودت حالي ان ما حطها     لو سمحتيلي لنوشة اضفت وصفة البامية بزيت على على هل الرابط

8  الكاتب منى, on 02-06-2008 06:07 خليلي عينك لنوشة , يلا عم استنى الوصفات الباقية و شي يكون على عيار كرات البطاطا

9  الكاتب ام نور, on 03-06-2008 15:21 يا عيني على صحن هالبامة بيشهي والاحلى طريقتك اول مرة بسمع فياشكلا مميزة وسهلة لان بتذكر امي بتقلي البامة وبتصفيا كتير منيح وبستعمل لحمة غنم شقف وبتكتر كزبرة خضرا بس سكر ما بتحط سالتا ليش بتقليا قالتلي لا حتى ما تمغط فسبحان الله كل ناس عندون تقاليد بالطبخ .

10  الكاتب منى, on 03-06-2008 20:06 سبحان الله , متل ما قلتي كل ناس الهم طريقتهم , بس هون عنا بحلب كتير بيستخدموا النكهة الحلوة بالطبخ العادي     اتفضلي يا قمر , البيت بيتك

12  الكاتب منى, on 17-06-2008 11:49 أكيد عبورة سمعانة فيها , هي اطيب بامة, ان شاء الله بترجعي بالسلامة يا حق , و يا ريت لو تعلميني طريقتك و طريقة ماماتك الله يخليها

14  الكاتب منى, on 04-12-2009 20:26 هلا لينا   و انا كمان رح اشكرك لردك الحلو و ان شاء الله ترجعي من الغربة سالمة و غانمة و الله يسر عليك الغربة     الف شكر الك للدعوات الحلوة و نورتي الموقع , مية هلا

16  الكاتب منى, on 10-01-2011 08:03 اي طبعا , حتى احيانا بتكون البندورة مو مستوية تمام ببقى بضيف شي ملعقة دبس بندورة , بس الحلوة مو الحامض, مع قلية اللحمة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved