أيس كريم الزبادي و الفراولة

 وصفة لذيذة و سهلة و خفيفة و بتاكلي منها و ضميرك مرتااح , طبقتها من الاخت شهد الملكة من منتدى لك و عجبتني كتير كتير و عجبت كل العيلة ..  تمنيت أن صورها بمراحلها بس بعد ما حطيتها بالفريز للمرة التالتة , اجت بنتي الصغيرة و اتمرجحت على ايد الفريزر و البوظة اتمرجحت معها و جيت أنا متل الحلوين فتحت الفريزر و إذذذذذذذذذ  ...وقع الصحن علي و ما بقي إلا الاطراف الي كانت بديت تجمد .حمام طبيعي بالفواكة الاستوائية و اللبن , شو بدي أحلى من هيك

ممكن تستعملي أي نوع من أنواع الفاكهة المتوفرة أو المفضلة و أنا جربتها بالموز كمان و طلعت راائعة


بالصحة و الهنا

300 غرام زبادي ( 3 علب )
نصف كيلو فاكهة مقشرة و مقطعة ( انا استخدمت فراولة )
نصف كوب سكر أو أقل
رشة فانيليا ( اختياري )





·          توضع الفاكهة مع السكر في خلاط الكوكتيل و تمزج حتى تصبح ناعمة تماماً .

·          يضاف الزبادي مع الفانيليا بالتدريج حتى يمتزج الكل .

·          يوضع المزيج في الفريزر و يقلب كل نصف ساعة بالملعقة , بعد ساعتين أو ثلاثة سيشتد  قوام الايس كريم .

تعليقات (39)

1  الكاتب ام نور, on 25-05-2008 20:04 ماشالله على افكارك يا منى روعة هالبوظة وسهلة كتير الله يخليكي يا قمر

2  الكاتب DOUHA, on 25-05-2008 21:11 ناناناااااااااااا     انا اول وحدة جربتوا حتى ابل ما ينزل بالموقع عنجد يا صبايا ايس كريم تحفة وهي شهادتي

3  الكاتب منى, on 26-05-2008 05:49 هلا ام نور بالفعل سهلة و طيبة و خفيييفة و خصوصا لما الواحد بيحسبها للريجيم   الله يسلمك ام نور و يخليلي هل الطلة الحلوة

4  الكاتب منى, on 26-05-2008 05:52 هنااااااااا    امبارحة كنت رح اتصل فيك و شوف شو صار معك , قلت ما دام كا خبرتيني معناها ما عجبك     هلا كتير انبسطت و عوافي ضحى على قلبك يا رب

6  الكاتب منى, on 29-05-2008 06:55 هلا لنوشة انا قصتي مع الفريز قصة , يعني لا مانع عندي اتغدى منه أو اشرب قهوتي الصبح و تكون على فريز .    لنوشة حتى لو كنت ما بتحبي اللبن مع الفواكة أو الي مع سكر هادا رح تحبيه , لان مو مبين أصلا ان فيه لبن

9  الكاتب منى, on 01-06-2008 09:35 هلا لنوشة, والله امبارحة طول الوقت عم فكر كيف ممكن ساوي قهوة بس على فريز ..    اسا الشوكولا على فليلفة نص مصيبة , المصيبة الكاملة الشوكولا على كاري , يلا اذا سويت القهوة على فريز نص براءة الاختراع ال لانك فنيتيها براسي

10  الكاتب منى, on 01-06-2008 09:37 هنااا ام الهدى على قلبك يا حق , الدعوات للاخت شهد الملكة على الوصفة المميزة

11  الكاتب linda, on 01-06-2008 14:22 طيب جربي تحطي عصر فريز مع شوية سكر وغليهون مع القهوة   و شوفي شو بيصير   يا اما حطي شي حبتين فريز بقلب دلة القهوة و هي عم تغلي   شو بيعرفني انا   انتي ام الافكار   دبري راسك     بس ازا طلعت طيبة لا تنسي تعطينا الطريقة

12  الكاتب منى, on 01-06-2008 17:05 هلا لنوشة   و الله فكرة , ما بتعرفي بيصير تطلع طيبة , اصلا المطبخ كله هو تجارب     هلا رايحة روح للمطبخ و إذا ظبطت معزومة بكرة عندي الصبحية على فنجان قهوة غيرر شكل

14  الكاتب منى, on 02-06-2008 06:03 لسا ما جربتها , قلبي ما طاوعني , بس رح جربها قبل ما يخلص وقت الفريز     ان شاء الله المرة التانية الي رح تجي فيها لسوريامنشوف بعض و منشرب قهوة مع بعض

15  الكاتب بدور, on 02-06-2008 15:22 والله شي بيفسد الاخلاق و ما بعود بيعجبك شي من السوق     شئد حبيتيا لبنتك وئت تمرجحت عالبراد؟   الله يخليلك ياها يا رب و يسلم ايديكي الحلوين يا ميمو القمر    كمان لازم جربا نشالله ما بئى عندي عذر امتحان و خلص الحمدلله

16  الكاتب منى, on 02-06-2008 17:06 و انااا حبيتها اكتر , كل الكمية راااحت و مابقي الا هل التلات كاسات الصغيرة الي صاررر عليهم معارك اثبات ملكية     جربيها بدورة , هي سهلللة و طيبة و بتستاهل التجربة

18  الكاتب منى, on 05-06-2008 12:49 هناااااا يا رب احلى ام نور     كمان شجعتيني جربها بالموز , نور الموضوع يا عسل

20  الكاتب سارونات, on 18-07-2008 00:36 اختي منى شو حطيتي فوق الفريز تحتى عم يلمع هل هو جيلاتين او شو لان طالع كتير حلو ما شاء الله و نسيت نعيما على الدوش الفواكي مفيدة للبشرة

21  الكاتب منى, on 13-08-2008 06:12 هلا أختي     ان شاء تجربيه و يعجبك لان مميز بالفعل , ممكن تستعمليه باي فواكه بس تكون ناضجة و تقطعيه قطع وسط , و الاناء ما بتفرق شو ما كان , بس الاحسن بلور او بلااستيك لان فيه لبن   حاطة فوقه شوية من مربى الفريز و هو عطاه لمعة حلوة و كمان طعم     الله ينعم عليك , بس مش رح قوول عقبالك

23  الكاتب منى, on 19-09-2008 11:12 هادا طبيعي , اتركيه بره الفريزر شوية قبل ما تغرفييه في أكواب التقديم مية هلا اختي

24  الكاتب الدمشقية, on 17-11-2008 07:49 حبيبتي منى ممكن توضحيلي المقصود بعبارة (يستبدل اللبن الزبادي بلبنة بقرية معلبة) يعني (اللبن المصفى) أم (اللبن العادي) وإذا كان من عند البقال يعني غير المعلب ما بيشمي الحال  أسفة على عذابك حبيبتي

25  الكاتب منى, on 17-11-2008 10:59 بقصد فيها لبنة متل مستر ميلك بس ما ذكرت اسم لحتى ما يقولوا عم اعمل دعاية اللبنة العادية ما طلعت طيبة لما جربتها و نزعت كل البوظة

27  الكاتب منى, on 26-11-2008 12:31 انا استعمل المستر ميلك و أخففه بشوية حليب   جربيها رنونة و على ضمانتي رح تصير من وصفات عيلتك , و لا تنسي تخبريني

29  الكاتب منى, on 27-11-2008 19:25 المطلوب شي يكون متل اللبن و مو حامض و انا بخففها بالحليب مو لانها حامضة لانها سميكة شوي , اتوقع الأحسن انك تستعملي الزبادي

31  الكاتب منى, on 26-02-2009 19:03 هلا نور   و لا يهمك انا تحت الامر بكل سؤال     طلع جامد معناها تركتيه لوقت زيادة بالفريز , و ما بعرف كيف ما خطر ببالك ان تقشري البرتقال    بس كمان فكرة لذلذة انك حضرتي الايس كريم بالبرتقال , ان شاء الله رح جربه هيك    جربيه بالموز أو بالفريز , يممم ما اطيبه

33  الكاتب منى, on 27-02-2009 06:25 الله يجازكي كل الخير نور , ان شاء الله ناوية جربها بالبرتقال لان كتير عجبتني فكرته و باذن الله رح انتبه للقشرة

35  الكاتب منى, on 12-04-2009 20:47 و الله اختي انا ما جربت منه الا بالفواكة , بس جاري التجارب من دونها و ان شاء الله تزبط معي

37  الكاتب منى, on 16-04-2009 06:37 هلا سوسنة   ان شاء الله رح يعجبك كتير , يمكن هي اكتر وصفة عم عيدها بالموقع , بتلاقيني كل كم يوم عدتها بفواكهة جديدة

39  الكاتب منى, on 30-05-2009 11:58 هلا شفاء   صحة ريتو و الف الف هنا على قلبك و قلب رفيقتك , و كل مين داقها او رح يدوقها , كتير انبسطت انها عجبتك و كمان ان جربتيها , بتعرفي أنا امبارحة خلصت بوظة التوت من عندي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved