سلطة المعكرونة Pasta salad

من سلطات عائلتي المفضلة , سلطة شهية و لذيذة .

الفكرة من استخدام أنواع مختلفة من الخضار هو اضفاء الالوان الاساسية التالية : أحمر,  أخضر , برتقالي , أصفر . لذا يمكن استعمال أي نوع من الخضار التي تفضلينها أو المتوفر عندك حتى يمكنك استعمال نوع واحد من الخضار المتوفرة عندك , المهم في هذه السلطة هي التتبيلة التي ستعطيها الطعم اللذيذ

بالصحة و الهنا

5 ملعقة كبيرة مايونيز
ملعقة صغيرة خردل
1 – 2 ملعقة كبيرة خل
نصف ملعقة كبيرة سكر
ملح
رشة كاري ( اختياري )

تعليقات (31)

1  الكاتب ايمان, on 01-05-2008 11:18 السلام عليكم ورحمة الله وبركاته  الف الف شكرا اختي العزيزة منى على هذه الوصفة الشهية والبسيطة في نفس الوقت وان شاء الله اجربها في اقرب اقرب فرصة سلمت يداك وجزاك الله كل خير

2  الكاتب منى, on 01-05-2008 11:41 هلا امولة و هي السلطة خصوصا الك و يا رب تجربيها و تكون على زووءك

3  الكاتب ام نور, on 20-05-2008 17:33 بتعرفي صرت عاملتا مرتين هالسلطة سريعة وبتشبع وتغير شكل الله لا يحرمنا هالوصفات يا منى يا عسل .هريتك اليوم من كتر تعليقاتي مهاك يالله بيعينك الله بس ما يكون دمي تقيل

4  الكاتب منى, on 20-05-2008 18:33 شو تقيل و مااا تقيل , دا الموقع اليوم نور بهل الردووود الحلوة الله لا يحرمني هل الطلة الحلوة احلى ام نور , و هنااا يا رب على قلبك و قلوب القطط الصغيرة الحلوة

6  الكاتب منى, on 20-05-2008 18:48 ايه من عيوني , بس هي في الها كتير حشوات , في حشوة معينة بتحبيها ؟؟ و كمان ممكن تصير بطريقتين , بالمعكرونة الانابيب و كمان بالكريب ..     اذا بدك تحيره خيره

7  الكاتب ام نور, on 23-05-2008 15:13 تسلملي عيونك يا رب الصراحة حابة جربا بالمعكرونة انابيب وبحشوة اللحمة وشو في حشوات تانية عزوءك لان اشتريت الانابيب وما عدت اعرف كيف ممكن احشيا

8  الكاتب منى, on 24-05-2008 06:01 تكرم عيونك ام نور , ان شاء الله خلال الاسبوع بحضرها و بنزلك الوصفة

9  الكاتب بدور, on 16-11-2008 22:56 يا سلاااااااااااااااااااام اخيرا لقيتها     والله انت ام الافكار واللمسات السحرية لك الله يخليلنا ياكي يا رب     شكلا وحدو كتير مغري ومشهي  كيف رح يكون الطعم لكن؟  نيال يلي بياكل و مابيسمن     الهي الله يحميلنا ياكي و يسلم دياتك النواعم يا احلى من العسل

11  الكاتب منى, on 19-11-2008 13:14 لا اكيد ما بيصير , ممكن تحمضيها بزيت و ليمون اذا حابة تكون خفيفة

12  الكاتب سارونات, on 16-12-2008 17:55 السلام عليكم و رحمة الله و بركاته  ساويتها و شو طلعت طيبة و ما طلعت ثقيلة بالعكس خفيفة و الشكل شو بدي احكي عنو لازم اكتب قصائد تحتى اقدر اوصفو انا استعملت المعكرونة الحلزونية و اول مرة استعملها و بسرعة نضجت و الالوان ما شاء الله عنجد طلعت كتييييييير حلوة و انا ساويت نص الكمية و حطيت كالعادة بس رشة سكر و ما حطيت طماطم لان تذكرت انو فيها جزر و اللي عطى اللون المطلوب   جازاك الله خيرا اختي منى و شكلي راح غير اسمي تيكون سلطة المعكرونة   بالتوفيق  سلام

13  الكاتب منى, on 22-12-2008 09:48 شو ضحكت و انا عم ااقرا ردك    ريتو مية الف هنا و عافية سوسو

15  الكاتب منى, on 15-07-2009 10:51 و عليكم السلام و رحمة الله و بركاته , مية هلا فيك دكتورتنا   نور الموقع فيك و انا اسعد بهل الصدفة الي خلتك تتعرفي على الموقع ..    الف شكر الك لزوءك و ردك و الكلمات الي فيه و الف صحة و هنا على الفاهيتا و خاصة البي بي الصغنون , ان شاء الله تشوفيه بجنبك بصحة و عافية انت و اياها و يكون من المرضيين و المسعدين في الدنيا و الاخرة     اتمنى ان تجربي وصفات غير الفاهيتا و تعجبك و نورتي مرة تانية

16  الكاتب fattal, on 16-07-2009 17:57 السلام عليكم،  يا سيدتي الغالية انا من يجب ان تشكرك على ذوقك الحلو، وعلى أكلاتك الطيبة وامنياتك اللطيفة. مالك بالطويلة اليوم ساويت سلطة المعكرونة، والشعب عندي طار عقله! كتر الله خيرك. اذا بتتذكري هي السلطة كانوا يعملوها في مطعم الغراند بس مع قطع من صدر دجاج مسلوق، المرة الجاية انشاءالله هيك رح اساويها. هلق قايمة اساوي كاسترد حسب وصفتك الخطيرة الله يستر، المشكلة اني حامل ونفسي شي بتغم شي بتنفتح، خايفة اسمن كتير وما اعرف بعدن شلون انزل وزني، بس رح اساويه اش ما صار!   بدي اسألك كم سؤال اذا سمحت:  من اين نحصل في حلب على البصل الأحمر، الكرفس (اقصد به ذلك الموجود في الصورةعلى هذا الرابط http://www.assuredproduce.co.uk/resources/000/151/357/celery_tallthin.JPG)، الهليون التازة، ذلك انك ذكرت هذه المكونات في وصفات مختلفة واريد ان اعرف اذا كانت موجودة عنا.  سلامي الحار لك والله يسلم ايديك.

17  الكاتب منى, on 17-07-2009 11:59 هنااا و الف عافية على قلبهن واحد واحد , و هي السلطة وصفتها مطاطة , المهم الصلصة و بهدها انت اتفنني على كيفك و حسب خيالك او الي بتفضله عيلتك .    البصل الاحمر متوفر بشكل , انالا بجيب منه من الخالدية و احيانا بوصي من باب الفرج . اما الكرفس و الهليون فما لاقيت منهم عندنا , و انا كل ما بيصحلي طلعة على الشام بجيب كرفس , و الهليون كمان من الشام بس مو كل وقت بس بالربيع .. يلا مصيرنا نلاقي كل شي عندنا بشي يوم     عم استنتى رايك بالكاسترد و ان شاء الله يعجبك و يكون على مزاج الكتكوت

18  الكاتب fattal, on 18-07-2009 10:07 يا ستي امبارح ساويت الكسترد بس طلع السكر زيادة كتير وما حدا اكل منه! امري لله، بس المهم تعلمت الطريقة وطلع ناجح بس حلو كتير كتير. امبارح كمان ساويت رز مفلفل على طريقتك وصينية كباب مع بندورة وبصل، طلعوا ممتازين. انا بستعمل للرز طنجرة الرز الكهربائية وعندي منهاكل المقاسات : من كاستين بس لحتى 2 كيلو، ما بعرف اذا كنت بتستعمليها، بس اذا بتجربيها بتصير اساسية عندك، انا بطبخ فيها كلشي فيه حبوب، يعني: الرز، الفريكة، البرغل،المقلوبة بأنواعها، المجدرة، وممكن تستعمليها لتبخير الخضار وللطبخ العادي اذا ما عندك غاز أو بالرحلات والسفر، بابا جاب اول طنجرة معه من تايوان سنة الـ 85 ، ومن وقتها كل العيلة بتستعملها، صراحة انا ما بقدر بلاها ابدا وكنت كل ما اسافر اجيب وحدة بس هلق صار في عندنا منهن بس للأسف ما حدا بيعرف فيها او بيستعملها. الحلو فيها انها بتحتفظ بالرز أو الأكل ساخن لمدة 5 ساعات بعد الطبخ وهادا ممتاز للعزايم, واستعمالهاسهل كتير بتحطي كل المكونات وهي بتساوي الباقي. المهم انا كترت الشرح لأنو بتخيل انو خبيرة متلك بيلزمها هيك اداة بالمطبخ (هي اذا ما كان عندك ياها اصلا) بس جربيها وما بتندمي وعلى كفالتي. ممكن اعطيك وحدة لتجربيها

19  الكاتب منى, on 19-07-2009 12:18 ووواخ زعلت على الكاسترد كتير , سبحان الله امبارحة كنا عم نحكي نفس الحكي انا و اخواتي , ان عم تكون احيانا نوعية بالسكر بتحلي كتير و نوعيات تانية ما بتحلي زيادة . على كل الاحوال انت ادرى بزووء عيلتك و السكر فيك تعدلي كميته حسب ما بتلاقي الحالة العامة عندك     بتعرفي كم مرة شفت هل الطنجرة على التلفزيون , بس و لا مرة خطر ببالي و لا حتى فكر ان اشتري واحدة , كنت فكرها مو هل الأد منيحة , او بالاحرى لازمة . بس بعد حكيك غيرت رايي . طيب وين متوفرة عنا بحلب و ايا ماركة احسن من غيرها   و اذا بتعطيني مبدئيا وحدة لجربها بكون ممنونة

20  الكاتب fattal, on 22-07-2009 10:54 بعتذر عالتاخير بالرد، بس ما شاء الله الشغل كفت اليومين الماضيين وما فضيت احك راسي، بالنسبة للطنجرة صدقي بس تجربيها ما رح تتركيها وانا خميس وجمعة ما بشتغل، اقترحي طريقة للتواصل والطنجرة بتجي لخدمتك لعندك

21  الكاتب منى, on 22-07-2009 12:42 لك شو عم امزح معك , عطيني اسم ماركة منيحة مجربتيها و اسم محل مضمون و انا بدور عليها و بشوفها

23  الكاتب منى, on 30-07-2009 13:07 خليلي عينك كلك زووء , لا خلص انا بدور عليها بالمحلات الي ذكرتيها وببقى بشوف ربنا شو بيسر ..    بس نهفة هي قصة ان اصحاب المحلات عنهم منها بس ما بيعرفوا لشو     الف شكر الك لزووءك كله و كمان لنصيحتك , رح اشتري منها قريب ان شاء الله و الاحسن ما يكون صيني مشان ما يوجعني قلبي عليها اذا صار فيها شي

25  الكاتب منى, on 12-08-2009 13:43 ان شاء الله تشوفي على وجه هل العيادة الخير الكتير و يبباركلك الله برزقك كله و تكون هي خطوة لخطوات تانية أكبر و مهمة اكتر     متل ما اتوقعت , انا بعرفك و انت اكيد كمان بتعرفيني

26  الكاتب fattal, on 16-08-2009 17:04 دقيقة، انا من كم يوم ما دخلت عالخط، منين منعرف بعض؟؟؟؟ انا والله اسمك ماهو ميرر علي وما بتذكر اني بعرف حدا من بيت صابوني، طيب اشو اسمي هاتي لأشوف

27  الكاتب منى, on 20-08-2009 14:36 منى

29  الكاتب منى, on 12-05-2010 07:24 الله يسلمك     جربيها و ان شاء الله بتعجبك

31  الكاتب منى, on 06-10-2010 13:12 مممم , بتطلع طيبة كتير بالتونا او صدور الدجاح المسلوقة     الف الف صحة و هنا على البك اماني

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved