L2ma.com | لقمة طيبة | L2ma.com | لقمة طيبة | سلطة العدس | كوب, · , حتى, على, حبة | L2ma.com

القائمة الرئيسية

الأكثر تصفحاً

سلطة العدس

الكاتب/ منى

24/04/2008

سلطة العدس سلطة الوداع لأيام الشتاء و استقبال فصل الربيع بألوانه الزاهية التي ينعم الله بها حتى على الخضار و الفواكهة ..

و هي سهلة و مغذية بنفس الوقت ..

بالصحة و الهنا

كوب عدس أسود
حبة جزر
1 - 2 عود بصل أخضر
عرق كرفس مقطع
حبة صغيرة فليلفة حمراء
حبة بندورة
نصف كوب كزبرة خضراء
نصف كوب بقدونس

الصوص :

فص ثوم
ملعقة صغيرة بشر ليمونة
ثلث كوب عصير ليمون طازج
ربع كوب زيت زيتون
ملح و رشة كمون و رشة فليلفة حمراء ناعمة

·          تمزج مقادير الصلصة جيداً و تترك حتى تجهز باقي المقادير .

·          ينقى العدس و يغسل ثم يغمر بثلاث أكواب من الماء المغلي و يوضع على النار مع القليل من الزيت حتى ينضج لمدة 20 – 30 دقيقة تقريباً , يضاف الملح بأخر خمس دقائق ثم يغسل بالماء البارد و يوضع على مصفاة حتى يبد و يتم التخلص من مائه تماماً .

·          يفرم البصل و الكرفس لشرائح دائرية رقيقة , تفرم البندورة و الجزرة و الفليلفة الحمراء لمكعبات صغيرة .

·          يفرم البقدونس و الكزبرة ناعماً ثم يغسلا عدة مرات و يوضعا على مصفاة للتخلص من الماء تماماً .

·          تقلب كل الخضار مع العدس و تتبل بالصلصة ثم تقدم .

أضافة إلى المفضلة (0) |

أقتباس | مشاهدات : 2687

تعليقات (8)

1 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 26-04-2008 08:58
تسلم إيديكي السلطة باين عليها كتير طيبة و أكيد مغذية كتير
ما ننحرم منك يا منى

2 الكاتب منى, on 26-04-2008 19:40
و لا انحرم من هل الطلة الحلوة رينو

طيبة و كل ما بعمل مجدرة بشيل شوية من العدس لحتى حضر هل السلطة

3 الكاتب linda, on 01-05-2008 17:53
يسلمو هل الايدين انا بحب العدس كتير بس ما بعرف اعمل فيه شي و لا حتى المجدرة ازا انت حاطة طريقتها هون عطيني الرابط تبعها الله يخليكي

انا امي كانت تقول انو العدس المسلوق كتير مفيد
رح صير ساويها للولاد

4 الكاتب منى, on 01-05-2008 19:37
و لو لولو , دا انت تاشر يا جميل و العدس بالفعل ما في انفع منه , بيسموه اللحم النباتي مع الفول و باقي الانواع من البقوليات

هي رابط أطيب مجدرة

5 الكاتب linda, on 03-05-2008 19:27
الله يسلم هل الايدين يا حئ

بكرة بروح اشتري عدس شوي بعملو سلطة و شوي مجدرة

بس لما شفت لرابط لقيت المجدرة فيها رز
انا بدي تبع البرغل
فيني خلي العيارات نفسها بس بدل الرز برغل ولا لاء

6 الكاتب منى, on 04-05-2008 12:14
نفسها تمام بس عوض كمية المي بتستخدمي كاستين مي لكل كاسة من البرغل لان البرغل بياخد مي اكتر و بتستخدمي البرغل الخشن من دون نقع

7 الكاتب linda, on 04-05-2008 17:53
شكرا منى وان شالله منردلك ياها بالافراح

الله يعطيكي العافية

8 الكاتب منى, on 05-05-2008 06:29
هلا لولو

من عيوني يا قمر و اي سؤال انا بالخدمة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

< السابق		التالى >

[ عودة ]