موضوع جديد حابة شارككم فيه بعزيمتي

العزيمة كانت امبارة يوم الجمعة , بمناسبة وصول خال زوجي من فرنسا لمدة عشر ايام و لهيك كانت السفرة سورية و ما فيها الا القليل من الوصفات الغربية ..
 
و الوصفات رح ابدأ فيها من فوق و نحنا نازليين ...

سلطة المعكرونة

محشي كوسا بلبن

سمبوسك

رز مفلفل

كبة بالصينية

ايتش

بسمشكات ( مع اضافة الخضار للصوص )

 عش البلبل ( جاهز )

الباشا و عساكره

كرات البطاطا المحشية باللحمة و الكيري

كبة دراويش

محمرة

و اليالنجي مو بالصورة و مثل عادتي بأيا عزيمة لازم أنسى طبق محضرته و ما أحطه على السفرة و هل المرة رااحت على اليالنجي !!!

الحلويات في الها صورة لقالب واحد و التاني ظاهر بطرفه

تعليقات (29)

2  الكاتب بدور, on 19-04-2008 13:45 يا سلام !!!!     اش هالاكلات الطيبة والبتفتح النفس منى الحلوة؟  الله يسلم هالايدين يا رب و نشالله بألف هنا..    هيك ما بيمشي الحال, كترو الاكلات علي لازم اتعلم كل اكلة لحالا حتى استوعب الوئت يلي اخدو معك تحضيرو.    بس ما شالله عليكي, كإنو ما اخدو وئت ابدا؟     لازم بس أتزوج اذا الله يسرلي أعمل دورة عندك بالأول اذا مافي مانع     الله يعطيكي العافية يا رب و يسلم ايديكي على هالسفرة الحلوة...

3  الكاتب بدور, on 19-04-2008 14:27 على فكرة منى نحنا كمان إلنا عادة ننسى شي من الأكلات بالعزايم..   يعني عادي لا تزعلي     مرة كان عنا عزيمة كبيرة و نسينا الكبة النية كلا على بعضا بس تذكرناها بآخر وئت و مشي الحال     نتبهت انو في بسفرتك اكلات مو حلبية صح؟  وفي كذا شغلة نحنا ما منعملها بس نشالله رح اتعلمون منك

4  الكاتب بدور, on 19-04-2008 14:32 عغوا هلكتك بأسئلتي..  بس هالأكلات شلون بدي أعرف طريئتون مو كلون موجودين؟    يعني بتنزليون بعدين     عفوا عبعذبك..     كنت بدي أعرف شو هي بسمشكات بس مالئيتا..    شكرا

5  الكاتب ايمان, on 19-04-2008 17:39 ماشاء الله لا قوة الا بالله  عاشت ايدك اختي منى على هاي السفرة العامرة والله الواحد محتار شو ياكل قبل وان شاء اللهصحة وهنا للجميع واتمنى اذا ممكن تنزل وصفة سلطة المعكرونة اول شي لانني في الحقيقة مغرمة بها ولكني لااعرف المقادير المضبوطة لها والتي تجعلها متميزة وان شاء الله من يدك سوف تكون متميزة وجزاك الله كل خير على ما تقدميه من معلومات و وصفات

9  الكاتب منى, on 20-04-2008 15:58 هلا رندوشة يا قمر , هيك خجلتيني يا ست الستات   ان شاء الله كمان هنا و عوافي على قلبك و قلب كل الي بتحبيهم

10  الكاتب منى, on 20-04-2008 16:02 هلا بدورة اتفضلي حبيبتي   و لو ايه و الله شكلك عندك نفس غير شكل , و بكرة بتقولي منى قالتلي     متل ما قلتي السفرة فيها كم اكلة شامية و الايتش الارمنية بس الكبة حلبية احيية مع المحشي نم نمممي     هلا زبطتت الروابط و فيك تشوفي البسمشكات و الباقي رح نزلهم كتير قريب ان شاء الله

11  الكاتب منى, on 21-04-2008 08:57 هلا امولة الله يسلمك يا قمر و المهم انك لا تخجلي مدي ايدك و ان شاء الله عوافي و هنا و صحة     من عيوني اطيب و اسهل سلطة معكرونة

12  الكاتب منى, on 21-04-2008 09:09 هلا ام ياسمين نورت الصفحة باطيب قلب حبيبتي   متل ما قلتي هي هي الكبة الي سالتيني عليها زمان , و يا ريت لو تجربيها بنفسك كمان و تعجبك يا عسل

13  الكاتب منى, on 21-04-2008 09:14 هلا عبير من عيوني طريقة الفريزية اسمه هلأ وقت الفريز

14  الكاتب منى, on 21-04-2008 09:46 هلا فيك اختي هوايتي الطبخ   اشكرك على هل التواجد في الموقع و على ردك الحلوو كتير و ما دامها الطبخ هوايتك فخديها مني انك رح تفردي احلى بكتيرر من هل السغرة     مية اهلا و سهلا

15  الكاتب أم الهدى, on 21-04-2008 10:52 ماشاء الله علبك سفرة بتشهي تسلم ايديك  بس ما هلكت؟   انا امبارح كانو عندي صاحباتي وعملت سفرة مشكلة تبولة ويالنجي وبيتزا وفطاير سجق ( على فكرة تبلة السجق طلعت طيبة كتير وكلهم حبوها وزوجي كتير عجبتو)ونمورة وسمبوسك جبنةوكرات حلوة بالكاكاووجوز الهند هلكت واليوم فايقة تعبانة بقى كيف انت   حبيبتي عندي سؤال القشطة يلي منستعملها في الطبخ مع المعكرونة مثلا أو مع فطيرة الدجاج في قشطة خاصة للطبخ ولا القشطة العادية متل قشطة التاج مثلا؟  وأحيانا بكون عندي سؤال على بعض الوصفات الموجودة أضيف التعليق في نفس صفحة الوصفة بتشوفي السؤال ولا في طريقة تانية للاستفسار وشكرا كتيييييييير إلك

16  الكاتب أم الهدى, on 21-04-2008 11:14 عندي اقتراحبيبتي لحتى ما تنسي شي وخاصة اليالنجي حيف عليه حبيب قلبي هاد  بتكتبي قائمة بالأطباق على ورقة وحطيها على باب البراد لحتى ماتنسي شي انا على طول بساوي هيك

17  الكاتب منى, on 21-04-2008 12:36 هلا ام الهدى شو هلكت , الله وكيلك لتاني يوم لحتى صحصحت شوي ..    عوافي على السجقات و كتير انبسطت انهم عجبوك , هنا يا رب ..    القشطة الي استعملتها مع فطيرة الدجاجح هي قشطة عادية متل التاج و نسلة و غيره .. أما المعكرونة فما عرفت ايا وصفة لان كل وصفة الها شي     اي سؤال حابة تساليه فيك تضيفيه للوصفة لان بشوف التعليقات كلها     و هل الاقتراح كتيرر مفيد , رح جربه العزيمة التناية و إذا ما نسيت شي بيكون الك الحلوان

18  الكاتب أم أحمودة, on 22-04-2008 22:07 سفرة كتير لذيذة ومتكاملة ويا رب دايما عامر بابتكارات يديك الساحرتين ويارب يكون هذا المجهود فى ميزان حسناتك ونكون مثلك فى يوم من الأيام

19  الكاتب منى, on 23-04-2008 10:01 هلا أختي أم أحمودة ربي يجزيك الخير و كترري من هل الدعوات الحلوة أختي , مية أهلا و سهلا

21  الكاتب منى, on 23-04-2008 17:10 مية هلا رينو انت الي موزءة و الله حبيبتي و هي نزلت الفريزييه فيك تشوفيها و تجربيها اذا بتحبي

23  الكاتب منى, on 24-04-2008 13:08 نوارة انت لساعروسة جديدة و كتير منيح انك عم تفردي سفر     مستقبل سفرك متل سفرة تخرجك الي عملتها ماماتك و الي ما بقى نعرف شو نااكل لنااكل     بعد زمان يا عسل

25  الكاتب منى, on 26-04-2008 19:15 و الله احلى مفاجاة يا انجل يا قمر انت     و انا انبسطت اكتر فيك و بهل الرد الحلوو , و هلا رح شوفك دايما هون , و طبعا دايما الحلوان عندي بعد كل درس ادرسه منك     ان شاء الله بتكون البسمشكات على زووءك , نورتي انجل

26  الكاتب linda, on 01-05-2008 18:01 بتعرفي شو قبل ما اقرا الوصفات و شو عاملة ضربت عيني على صحن البطاطا المحشية   قلت معقول تكوني ساويتيها   هيك حسيت بسعادة وابتسمت هههههههههههه  قال يعني فرحت بحالي     ان شالله ريتو صحة وهنا و مجرى العوافي على قلوبكن يا رب

27  الكاتب منى, on 01-05-2008 19:26 و على قلبك يا حق     شو ساويتها , ايه من كتر مو طيبة ما بقى حدا ما اخد طريقتها لولو ..    وصفة بتجنن و لا تنسيني من باقي وصفاتك يا عسل

29  الكاتب منى, on 17-01-2009 11:17 هلا اختي   هادا بس من زووءك يا قمر مية اهلا و سهلا فيك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved