قرنبيط بطحينة

المتابعات للموقع بيعرفوا أن أكلات الزيت غرامي و إذا سمعت و لو عن أكلة سمع بركض و بجربها . بس على رأس القائمة من وصفات زيت الزيتون الي بموت عليهم هنن القرنبيط بطحينة و المثومة و الجزر بزيت .

الوصفة اتعلمتها من أم زوجي , اكلتها مرة عندهم لما كنت عروس و من بعدها صرت حب القرنبيط لخاطر هل الوصفة المميزة و السهلة . أهلي كانوا بيقدموا القرنبيط المقلي مع صوص الطحينة بس هل الوصفة عن جد غير , بيشرب القرنبيط من نكهة الليمون و الطحينة و بيطلع يمممي

بالصحة و الهنا

رأس قرنبيط متوسط الحجم
حبة بصل مقطعة جوانح 
5 ملعقة كبيرة طحينة
عصير ليمونة حامضة
2 فص ثوم مدقوق
ملح
ملعقة صغيرة فليفلة حمراء ناعمة
نصف ملعقة صغيرة كمون
كوب ماء بارد
زيت ذرة  لقلي القرنبيط
بقدونس للزينة 

 




·          يقطع القرنبيط إلى زهرات ثم يقلى بالزيت العميق على دفعات حتى تشقر ثم توضع الزهرات المقلية على ورق ماص ثم يرتب في صينية فرن .

·          تقلى جوانح البصل بالقليل من زيت الزيتون حتى تشقر قليلاً ثم تنثر فوق القرنبيط .

·          تمزج الطحينة مع عصير الليمون و الثوم و الملح و الفليفلة الحمراء و الكمون و يقلب الكل جيداً ثم يضاف الماء بالتدريج مع التقليب بعد كل اضافة حتى تتجانس الصلصة .

·          توزع صلصة الطحينة فوق القرنبيط ثم تخبز الصينية في الفرن لمدة 15 – 20 دقيقة .

·          يرش البقدونس على وجه القرنبيط بالطحينة و يقدم فاتراً أو بارداً مع الخبز العربي . 

تعليقات (14)

2  الكاتب منى, on 30-03-2008 12:31 صحتين و هنا و عوافي يا وفا  انا هل الاكلة بموووت عليها و فيني خلص صينية كاملة منها و الله عن جد باكل منها و ما بعرف كيف وقف   كتير انبسطت انها عجبتك و عجبت العيلة

4  الكاتب منى, on 13-12-2008 09:16 ان شاء الله تجربيها و تحبيها لان انا بمووت عليها

6  الكاتب منى, on 14-12-2008 05:09 يا حرام , يلا و لا يهمك , كل ما حضر من القرنبيط ابعتلك شوي على الايميل

7  الكاتب سارونات, on 28-01-2009 21:55 السلام عليكم و رحمة الله و بركاته  اختي منى ساويتها اليوم لهالوصفة و ريحتها طلعت حلوة بس الطعمة ما كتير طيبة ما عرفت اذا هيك هي طعمتها او الوصفة ما ضبطت معي   الصوص طلع لونو برتقالي هيك بيطلع لونو او لا   و يمكن لاني عملت الطحينة بزيت زيتون   هي طلعت طعمتها مقبولة بس مو متل ما توقعتها و الله ما عرفت اذا المسالة مسألة ذوق او ما نجحت الوصفة معي يعني مشان عيدها او لا خصوصا انك قلتي انك بتحبيها كتير و نحنا ذوقتااحيانا كتيرة قريب لبعض شو قولك اختي منى  بالتوفيق  سلام

8  الكاتب منى, on 29-01-2009 10:51 اتوقع اختي انها ما زبطت معك , لان هل الوصفة تقريبا الكل بيحبها كتير و انا بموووت عليها .    شوفي اختي قبل ما تضيفي الطحينة دوقيها لحتى يكون حمضها على زووءك و بهاراتها , بس غريبة هي قصة ان طلعت برتقالية ! أتاوقع في شي مو مزبوط لحتى هيط طلع لونها

9  الكاتب اباء, on 22-11-2009 22:45 السلام عليكم   جرّبت هالأكلة اليوم وفعلا كتير طيبة   عادة بطبخها من غير كمون وبصل   بس سؤالي عن الفليفلة الحمرء الناعمة طالزجة أو بودة وحلوة أو حرّة؟؟

10  الكاتب منى, on 23-11-2009 11:47 هلا اباء   رفتي الموقع اختي , مية السلامة فيك و الف صحة و هنا يا رب .    أختي الفليلفة ناعمة بودرة و فيكي تستعملي حلوة او حرة حسب الراي العم العالمي عندك

12  الكاتب منى, on 04-01-2010 11:02 التنتين طيبات كتير , حسب شو مشتهية , اكلة خفيفة من دون لحمة , اذا اكلة غدا معتبرة على اللحمة

14  الكاتب منى, on 02-02-2010 16:51 ان شاء الله الف صحة و هنا يا حق و الله يقومك بالسلامة و تكوني انت و البي بي بصحة .    مممم , بموت على هل الاكلة و منظر الصورة بيشهي , كانت كتير طيبة و الله , تسلم ايدي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved