إدماني الجديد , هل الكاتو الرائع الي أبهر و أدهش كل ضيوفي , عن جد ما بعرف كيف أوصفه و لا أوصف طعمته و لا الحشوة الي ممكن تاكليها لوحدها و تكون أطيب تحلاية .

حضرته أول مرة لحفلة جودي و رفقاتها و خبرت أية على التلفون أن عاملة قالب كاتو خيلة , لمن اجت اية لعندي و داقت منه لقمة , قالتلي أكيد هادا مو انت عاملتيه ! أكيد هادا جاهز ؟ صح ؟

لازم تجربيه و ان شاء الله رح تعتمدي الوصفة و تدعيلي كتير و لا تنسي تاكلي عني قطعة كاملة .


بالصحة و الهنا

2 كوب حليب
3  حبة مارس صغيرة أو  شوكولا على حليب  
3  ملعقة كبيرة سكر
4 ملعقة كبيرة طحين
2 ملعقة كبيرة زبدة  

لتطبيق الوصفة :

3 شرائح أناناس  ( اختياري )
بضع ملاعق من عصير الأناناس
علبة كاملة كريما بودرة على شوكولا
ثلاث أرباع كوب حليب بارد جداً
علبة قشطة ( اختياري )
شوكولا مبشورة  أو كاكاو بودرة
حبات فريز أو كرز أو توت

تعليقات (32)

2  الكاتب منى, on 09-04-2008 11:39 انت الي زووء ام نور     ان شاء الله تجربيه و يعجبك

4  الكاتب منى, on 13-04-2008 11:06 هلا غيث بعد زمان عنك أختي  الحمد الله على السلامة , ان شاء الله كانت سفرتكم ميسرة..    الحمد لله هلأ انحلت كل مشاكل الموقع , و أكيدة لو جربتي هل القالب رح يعجبك كتير     الله يعافيكي يا رب و نور الموقع فيك من جديد

6  الكاتب منى, on 15-04-2008 05:37 الله يسلمك سممسومة يلا عم استنى , و ان شاء الله اكيد رح تحبيها

7  الكاتب أم مــــالــــك, on 16-04-2008 16:40 يمي يمي أحترنا يا منى اي وصفه نعمل كلهم الذ واروع من بعض شكرا حبيبتي

8  الكاتب منى, on 16-04-2008 20:26 اعملي هي الوصفة و إذا ما بتبعتيلي ست مية بوسة ما بكون أسمي منى     مضمونة ان الكل رح يموت عليه , أتمنى انك تجربيه ام مالك

9  الكاتب بدور, on 16-04-2008 23:12 يعني والله يا منى اكلاتك بتفسد الأخلاق و ما بعود بيعجبك أي شي ولا أي كاتو بتدوئيه     بس أنا مشكلتي بكاتوياتك الطيبين كتير إني لا أنا ولا إخواتي منصبر ناكلو تاني يوم بعد ما يخلص بالكامل..  بيئلولي خلص مو هاد صار كاتو بلا تكملي بكرة و تحطيلو شوكولا و هالشغلات,  متعودين عبعمل كاتو اليوم معناتا لازم ناكلو اليوم

11  الكاتب منى, on 17-04-2008 18:22 هلا بدورة خلص ساوويه و خبيه عندي و إن شاااااااء الله إن شاااء الله برجعلك ياه تاني يوم

12  الكاتب منى, on 17-04-2008 18:23 هلا لارا  الشكر ليك أختي على الكلام الجميل و الرد الحلو , و إن شاء الله تجربي وصفة منهم و تعجبك و كمان لا تنسي تخبريني

13  سؤال الكاتب رنا, on 28-04-2008 16:09 شكرا كتير يامدام منى على هالوصفة بس بدي اسألك هلأ انتي عم تقولي انه نستخدم كاتو اللبن وبوصفة هالكاتو انتي حاطة انه لازم نغطيها بشوكولا مارس ....طيب كبف اذا حطينالها صوص بدنا نرجع نحشيها ونحط كريما ؟؟  وبصير اعمل الكاتو ابيض يعني بدون كاكاو بس احط اناناس   وشكرا كتير الك

14  الكاتب منى, on 28-04-2008 17:39 هلا رنونة     انا قصدي تحضري الكاتو من دون صوص أكيد و كمان بيصير تحضري اي كاتو أبيض بيعجبك و تحشيه و انت و خيالك و زوووءك يا عسل , بس لو رح تعمليه ابيض الاحلى انك تزينيه بكريما بيضا

16  الكاتب منى, on 01-05-2008 11:45 و لا يهمك رنونة انا هون تحت الخدمة و الامر و اي سؤال من عيوني أختي     و هنا و عوافي على قدرة قادر

18  الكاتب منى, on 03-07-2008 09:54 هنا و عوافي وفا   انبسطت كتير ان جربتيه و عجبك و عجب أهلك , ريتو هنا يا حق

19  الكاتب ام محمد, on 04-10-2008 14:59 السلام عليكم والله كتير اشتقت للموقع وخاصة لاختي الغالية منى كنت بحلب كتير احكي ع الموقع وعن اكلاته الطيبه وطبخت كم وصفة من عندك ونالت الاعجاب الله يعطيكي العافية

20  الكاتب منى, on 05-10-2008 07:35 هلا ام محمد تشتاق الك العافية من زمان القمر ما بان, مية هلا فيك و مية الف صحة و هنا على كل شي جربتيه و عجبك

22  الكاتب منى, on 22-02-2009 10:09 هلا ام اسامة   يلا اتفضلي بسم الله و الاكل على قد المحبة   ان شاء الله تجربيه و يعجبك و مية هلا فيك , على فكرة اسم اسامة احلى اسم بالعالم بالنسبة الي , الله يحفظه و يخليه يا رب

23  الكاتب سارونات, on 02-03-2009 16:28 السلام عليكم و رحمة الله و بركاته    بعد النجاح الساحق و المبهر لكاتو البرتقال بكريما البرتقال عبالي جرب هالكاتو بس عندي شوية اسئلة     كاتو الشوكولا بالزبادي طالع صغير في صورته الاصلية و قلت الصينية قطرها 22 او 24 بس هون عم شوف ان الكاتو كتير كبير يعني انت ساويتي نفس مقادير الكاتو الاصلي او ضاعفتيها و بدي اعرف طول و عرض هالصينية المستطيلة اللي ساويتيه فيها    كمان هل ضروري عصير اناناس يعني ما بينفع نحط عصير تاني و كمان قصدك بعصير الاناناس اللي بيجي معاه في العلبة او ممكن عصير اناناس عادي   بالتوفيق  سلام    اختي منى شو اخبار صوص الشوكولا الخفيف اللي خبرتيني عنه

24  الكاتب منى, on 03-03-2009 06:43 هلا سارونات   انا ضاعفت الكمية بهل الوصفة لان كان عندنا عزيمة كبيرة , بس الصراحة ما بقى اذكر ايا صينية استعملت     ممكن تستعملي ايا عصير بتحبيه , بس الاناناس مع الشوكولا خطير بيطلع و العصير الي ااقصده هو العصير الي في العلب     ايا صوص ! نسيت اختي و انا صار واعدتك بكتير وصفات ممكن تذكريني بس بايا وصفة لحتى ارجع اقرا ردي و اتذكر شو كنت عم ااقصد

26  الكاتب منى, on 03-03-2009 19:05 الف هنا و عافية سارونات   و لو ما انت شطورة ما كان كسر الدنيا     الحشوة لهل الكمية و صوص الشوكولا المقصود هو صوص الشوكولا  و هو فيه قشطة بس اخف من صوص المارس لان ما فيه زبدة و الشوكولا المستخدمة شوكولا سادة

28  الكاتب منى, on 12-03-2009 06:25 اختي بالنسبة للصواني ما فيني احكم من عندي , عينك هي ميزانك     اذا غلفت الصواني ما رح يأثر على النضج ابدا , و هي الفكرة نستعملها اكتر الشي لما احضر التشيز كيك

31  الكاتب سارونات, on 18-03-2009 11:12 السلام عليكم و رحمة الله و بركاته    اختي منى قديش بتطلع كمية الشوكولا بالغرام لان راح استعمل شوكولا على حليب    و ناطرين كيكة الفواكه باقرب وقت لحتى شوف اذا راح ساويها هي او راح ارجع ساوي كيكة البرتقالبكريما البرتقال مرة ثانية    بالتوفيق  سلام

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved