و أخيراً جربت عجينة العشر دقائق !!!

و عجينة العشر دقائق من أشهر العجائن في عالم النت ..

كنت قد رأيت الوصفة من فترة سنتين و ربما أكثر في منتدى لك في موضوع للأخت أم عزيزان و قد نقلت العجينة عن الأخت فيافي نجد و سمتها عجينة الكنز و على الرغم من أن كثير من الأخوات جربنها إلا أنني لم أجربها حتى يوم الجمعة الفائت و بعدها فهمت سبب شهرة تلك العجينة

العجينة رائعة رائعة و سهلة و خفيفة و طرية و و و

لا تترددي أختي في تجربتها و ستعجبك النتيجة إن شاء الله

بالصحة و الهنا

فنجان قهوة سكر
2 ملعقة كبيرة خميرة فورية
2 كوب  ماء دافىء
نصف ملعقة صغيرة ملح
2 كوب طحين

باقي المقادير :

3 كوب طحين
نصف كوب زيت

للوجه :

بيضة مخفوقة
حبة بركة أو سمسم

تعليقات (73)

3  الكاتب منى, on 02-04-2008 20:04 هلا أمولة حبيبتي   بالاول أسفة كتيررر على هل العذاب الي عم تتعذبيه للرد     هلا بنصحك تجربي هل العجينة لان بالفعل كتيررر سهلة و مستاهلة تجربيها     من يوم الجمعة لهلأ صرت محضرتها أكتر من مرة و مفتوحة نفسي على المعجناات الله يستر من أسهم الميزان

4  الكاتب منى, on 02-04-2008 20:09 و عليكم أفضل السيلام و أتم التسليم أختي العزيزة أم تسنيم   جربيها أختي و أكيدة رح تحبيها

5  الكاتب أم عباده, on 02-04-2008 21:15 بالفعل متل ما قلتي ما في أروع منها جربتها من كم شهر واكتشفت قديش هيه مميزة وأحلى ما فيها سرعة التنفيذ يعني لما زوجي بيجي على باله شي اكله باخر الليل بتكون هي العحينه اجت بوقتا بتتفنني فيها بكل سهوله انا مسميتها عجينه حل الازمات الطارئه

7  الكاتب منى, on 03-04-2008 12:15 هلا أم عبادة بالفعل ما بينشبع منها , الله يجزاها الخير فيافي نجد و الاخت أم عزيزان يا حق     وصفتك وصلت أختي و إن شاء الله رح ضيفها بعد وصفة كيكة الفستق

9  الكاتب منى, on 03-04-2008 18:59 هو غير صمن الهمبرغر , بس أكيد ممكن تستعمليه للهمبرغر

10  الكاتب Eman, on 07-04-2008 21:32 الله يجزيك الخير حبيبتي منى ،ضبطت الموقع وصار كله تمام

11  الكاتب منى, on 08-04-2008 10:30 الحمد لله رب العالمين و الشكر للمهندس المختص , نور الموقع فيك من جديد

12  الكاتب omtasneem, on 08-04-2008 19:40 السلام عليكم ورحمة الله وبركاته. شو هالعجينة وهل الصمونات بصراحة حسيت حالي بحلب تسلم دياتك عزيزتي منى عجينة منفنفة وسهلة مشكورة

13  الكاتب منى, on 09-04-2008 13:43 الشكر ليك ام تسنيم لان عم تجربي من الوصفات و تخبريني    يا رب صحة و هنا يا رب

14  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 23-04-2008 11:15 أختي منى حابة أجرب هالعجينة ،لكن يا ترى الخميرة الفورية غير البكنج باودر؟؟ يعني ما بصير أستخدمه بدالها؟   ومن وين هي بتلتقى ،عمري ما شفتها بالمحلات!   سؤال تاني،شو البديل الأنسب للحليب البودرة ،يعني بصير نستبدله بحليب طبيعي؟

15  الكاتب منى, on 23-04-2008 17:19 أكيد الخميرة الفورية غير , هي الخميرة الحبيبات و كل شي منهم اله استخدامات مختلفة     اذا انت بسوريا , ممكن تطلبي من اي سوبر ماركت خميرة تركية و هو رح يعطيكي اياها ..    الحليب البودرة ما فيك تستبدليه بالحليب العادي , كمان كل شي و اله شي يا عسل بس لما الوصفة مثلا بتقول استخدمي 3 ملعقة كبيرة حليب بودرة مع كوب ماء ففيك عندا تستبدليها بكوب حليب

16  الكاتب سارونات, on 20-08-2008 04:17 السلام عليكم و رحمة الله و بركاته  عجينة العشر دقائق المشهورة   انا كمان شفتا اديش مشهورة بالنت و الكل بيحكي عنا و فرحان بنتيجتها و ما بقى غير يحكو عنا بالبرلمان فقلت يمكن جربا فشفت المقادير لما شفت ان فيها 5 كوب طحين نسيت كل المقادير اللي قريتاو قلتلا مع لسلامة و عيناي مغرورقتان بالدموع ليش لاني قلت شو راح ساوي بهالكمية لكبيرة من العجين و رجعت شفتا هون بالموقع فقريتها و لما شفت 5 كوب صرت هيك   و ها انا اليوم التقي بها مرة اخرى و قلت خليني انسى انو كمية الطحين كبيرة و قريتها مرة تلو الاخرى و بعدين صرت هيك شو هاد ما فيها لا حليب سائل و لا حليب بودرة يا فرحتي و هالمرة نزلت دموع الفرح و قريتا مرتين و 3 و 4 تحتى اتاكد انو ما فيها حليب بودرة   و هلأ عم فكر جربابدي اسالك سؤالين كنت عم فكر فيهن من اول مرة شفت فيها العجينة علني اجد عندك الجواب الشافي اول شي هل ممكن اقسم المقادير للنصف وتضبط والله هيك راح طير من الفرحة و بجربا باقرب وقت و كمان هل ممكن عمل العجينة و بعدين الاحتفاظ بنصفها في البراد او الثلاجة ليوم غد او لايام -- سبحان الله جيت تحط هالايقونة فطلعت هي -- من كتر ما حكيت عن البكي   يا ويلي شفتي ردي شو طويل مشان الله ما تواخزيني  بالتوفيق  سلام

17  الكاتب منى, on 20-08-2008 06:41 هلا أختي     و انا صرت هيك لما قريت ردك , سلامتك من الدموع مو مستاهلة ..    هلا اول مرة جربتها جربت نصف الكمية لان ما بعرف النتيجة , يعني ممكن اكيد تعملي النصف , اما عن الاحتفاظ بالعجينة بالبراد او الفريزر فمما بنصحك , لان العجينة ما رح تطلع متل التازة ..    جربيها و رح تدعي لفيافي لان بتاخد العقل

18  الكاتب سارونات, on 20-08-2008 14:09 السلام عليكم و رحمة الله و بركاته  تسلميلي يا اختي منى و ان شاء الله الضحكة دايما منورة وشك يا رب يا احلى اخت بالدنيا يا اللي مفرحتني عطول لو شو ما قلتلك ما بعطيكي حقك   جازاك الله خيرا و جازى فيافي و ام عزيزان كل خير  ان شاء الله ستتم التجربة بنصف الكمية تزكرت دعاية جونسون لشامبو الاطفال لا دموع بعد اليوم   بالتوفيق  سلام

19  الكاتب منى, on 20-08-2008 18:45 و لو مية هلا أختي و ان شاء الله بتجربيها و تعجبك , بسسسسسسسسسسس لا تنسي تخبريني شو بيصير معك

23  الكاتب نهى, on 26-09-2008 10:06 سامعة سيرة لبن بودرة رغم انى مش لاقياها فى المقادير.  ياترى في حاجة غلط؟؟

24  الكاتب منى, on 26-09-2008 10:27 لا نهى ما في غلط بالمقادير , امولة كانت عم تسال عن حليب البودر بس سؤالها ما اله علاقة بالوصفة

26  الكاتب dado, on 13-10-2008 18:44 عنجدعجينة سهلة كتير وطيبة أكتر ومنقذة أكتر بكتير   كمان أنا كنت مترددة إني جربها من زمان.. بس لما شفت إنك حطيتيها بموقعك قلت عاأكيد مضمونة.   حابة أكد على جوابك للأخت سارونات إنو بتطلع العجينة ناجحة بنصف الكمية.. لأنو أنا كمان حسيتها كتيرة على عائلتي الكبيرة   "شخصين ".. فجربتها بنصف المقادير.. وندمت لأني ما عملت كل المقادير ع كتر ما طلعت طيبة

27  الكاتب منى, on 14-10-2008 06:02 هنا و مية الف صحة و عافية , بتعرفيدالو هلا صرت ما بقى جرب شي الا بهل العجينة عكتر مو سهلة مقاديرها و متوفرة دايما و نتيجتها ممتازة و الكمية الي بعملها دايما 10 كاسات و ما شاء الله مية الف هنا على قلب الاولاد بتخلص على الغدا و بيزيد شي بسيط للنقنقة قبل العشا

28  الكاتب الدمشقية, on 06-11-2008 09:20 شهيتوني جرب العجينة   وبعد ما قريبت المقادير بعتت مسج لأختي تجيب الطحين والخميرة معها وهي راجعة للبيت   ولما أرجع من الوظيفة اليوم إن شاء الله بجربها  وإن شاء الله إذا جربتها بقلك النتيجة

29  الكاتب الدمشقية, on 06-11-2008 09:21 أنا على فكرة بعرف ام عزيزان وأكلاتها الطيبة بس بمنتدى مملكة المرأة وما شاء الله عنها أكلاتها طيبة كتير

30  الكاتب منى, on 06-11-2008 10:26 مية هلا اختي   جربيها و ان شاء الله ما بتندمي ابداً , عم استنى النتيجة ..  أكيد الاخت ام عزيزان معروفة باكلاتها و نفسها الطيب بس انا بشوفها بمنتدى لك

32  الكاتب منى, on 13-11-2008 09:04 هلا بالوصفة الاصلية تستعملها فوراً ..   أنا و لا مرة ما اتجرأت ان استعملها بهل الطريقة لهيك بتركها تتخمر شي ساعة

33  الكاتب نهى, on 15-11-2008 10:31 وأخيرا وبفضل الله تعالى نهى الفاشلة فى المعجنات عملت فطاير مظبوطة.. أحمدك يارب   فعلا سهلة جدا ونتيجتها جميلة..  تسلم ايدي الكل..  بس حسيت طعمها زى الفينو(الصمون) بالظبط..  ياترى لو استبدلت الماء باللبن او الزيت بالزبدة تكون النتيجة ايه؟؟

34  الكاتب منى, on 15-11-2008 11:08 رح تطلع طيبة كتير و قريبة على التوست   سعيدة جداً انها ظبطت معاك و ان شاء الله عقبال ما تبدي تأبدعي بالمعجنات كمان و كمان

35  الكاتب منامينو, on 17-11-2008 05:30 إي والله يسلمو على هالعجينة الحلوة كتير. مزبوط يا منى أنا شفتها قبل هيك بمطبخ لكِ، وشفتها كمان ببرنامج مطبخ منال العالم. أما هاي المرة الثالثة ثابتة زي ما بيقولو. يعني صار لازم أجربها لإنه الكل عميمدح فيها. كان سؤالي عن تخمير العجينة بعد ما نضيف لها القسم الثاني من الطحين، بس لقيت الأخت قهوه مُره سائلة نفس السؤال وقريت جوابك على السؤال. يسلمو يا حلو عالإفادة. بجربها ان شاء الله بأول فرصة

37  عندي سؤالين ؟؟؟؟؟؟؟؟ الكاتب عيون ريم, on 03-03-2009 00:19 تسلم اديكي حبيبتي منى ان شاء الله راح اجربها بس عندي سؤال انتي حكيتي ابتعملي 10 كاسات بالمقابل بدوبلي المقادير كلها؟؟؟؟ وطبعا منقدر نحشيها اي حشوه ونعمل منها صمون حجم عادي طولت عليكي ياعسل انا قرات كتير عنهاوراح اجربها قريبا جدا انا حابه اكبر المقدار لانه اولادي وزوجي بحبو المعجنااااااات كتير كتير خاصه اذا كانت طيبه على وصفك تسلميلي

38  الكاتب منى, on 03-03-2009 06:27 هلا ريومة   اكيد ندوبل كل المقادير و نحشيها شو بيخطر على بالك     ان شاء الله تجربيها و تكوني منها ممنونة     نورتينا اختي

41  الكاتب منى, on 17-03-2009 14:12 الف عافية و الف هنا , بالفعل هي عجينة كنز , كل مرة بتطلع اطيب مرة    هنا و عافية على قلبك و قلب امك و كل جيرانك الحلويين

44  الكاتب منى, on 30-05-2009 11:32 هلا هيا   هنا و الف الف عافية و صحة يا قمر على قلبك و قلب العيلة و انا متلك هل العجينة معتمدتها , الله يعطيها الف عافية فيافي نجد و يخلي كل هل الدعوات بميزان حسناتها

45  الكاتب منى, on 30-05-2009 11:41 هلا اختي gsm   نورتينا و شرفتينا اختي , مية اهلا و سهلا فيك .  المشكلة الي صارت معك سببها نوعية الطحين , ممكن تزيدي ملعقة او ملعقتين و تعجني و تشوفي لحتى تاخدالعجينة كفايتها , أما الاحسن انك تضيفي كميبة المي بالتدريج لحتى تشوفي ان عجينتك صارت منيحة و مو محتاجة لمي أكتر .    انا كتير بيصير معي هيك و خصوصا لما اجرب نوعية جديدة من الطحين .    ان شاء الله اكون فدتك و اي سؤال تاني انا تحت امرك

46  الكاتب gsm, on 30-05-2009 18:49 يسلموا ايديك اخت منى بالفعل انا زدت شي معلقتين طحين متل ما حكيتي وشو طلعت طيبة وسهلة التشكيل يعطيك الف عافية

47  الكاتب نور الأسلام, on 21-07-2009 13:32 السلام عليكم كيفك اختي منى مبارحه واخيرا جربت هي العجينه وطلعت روعه اناكتير شفتها على النت في عجينه بساويها عالطولوبتطلع معي تمام لكن قلت خليني جرب هالعجينه بما انو جربتيها والحمدلله طلعت كتير حلوه لكن انا بحس انو العجين بشكل عام لما ينعجن ويبقى لتاني يوم بتطلع احسن او شو رايك

48  الكاتب منى, on 21-07-2009 19:09 هلا نور   بالول هنا و صحة و الف عافية يا رب على الفطاير الي عملتيهم .  و الله حسب , هلا بالشتوية بياخد التخمير وقت طويل لهيك ممكن نحضر العجينة من قبل بيوم اما بالنسبة للصيفية فنو , اذا عملنا العجين قبل بيوم رح يصير العهجين كله خميرة , و ريحته شي بيشبه اللبن , فانت ادرى بمطبخك و المنطقة الي ساكنة فيها

49  الكاتب مزهرة, on 23-12-2009 01:13 ,والله لو كتبت من هون للصبح ماحدا رح يرد على كل الله يعطيكم العافيه عللى هالموقع

50  الكاتب منى, on 19-04-2010 07:47 الله يسامحك يا اختي ليش بتقولي ما حدا بيرد عليك , بتعرفي احيانا اكون مشغولة شوي و ما افوت للنت دوما لهيك اتاخر في الرد

52  الكاتب منى, on 19-04-2010 07:39 طبعا بيصير و هي العجينة من عجائني المفضلة لكل انواع الفطاير

54  الكاتب منى, on 20-04-2010 10:54 انا ااقل الخميرة و اتركها تتخمر متل العادة , و اذا حابة تعملي فيها بيتزا او غيره السماكة بتكون حوالي نص سم او اكتر شوي   اذا حابة تحشيها شوكولا ممكن تضيفي رشة صغيرة فانيليا للعجينة , ممكن تطلع طيبة   اكتر انواع الحشوات الي احبها هو مزيج من الجبنة البيضا و القشقوان مع زعتر بري , بعدها حشوة دبس فليلفة و زعتر اخضر و رشة كمون و زيت زيتون و سمسم او حبة بركة , و كمان ممكن زعتر و دبس رمان و زيت زيتون , حسب عيلتك و الي بيحبوه

55  الكاتب mwesal88, on 04-07-2010 01:01 حبيبتي منى هي اول مرة بشترك ب لقمة طيبة شكرا كتيييييييييير على هالموقع الرائع بتعرفي جربت العجينة مرة كتير نجحت معي وتاني مرة جربتها ابدا ما نجحت معي ليش ما بعرف مع انه طبقت كل شي كتبتي العجينة نفشت كل شي بس عجنت من الوسط ممكن تساعديني كيف لازم تكون النار هادية ولا عالية لانه فرني عادي وشكرا طولت عليكي

56  الكاتب mwesal88, on 25-07-2010 00:46 كيفك منى مارديتي علي لانو انا حابة اعمل فطاير بس عم انتظر ردك وشكرا

57  الكاتب منى, on 25-07-2010 11:03 مية اهلا و سهلا فيك اختي   اسفة للتاخير بالرد , كنت مسافرة       نور الموقع و فيك و ان شاء الله تجربي كمان غير وصفات و تظبط معك    الفرن لازم يكون على حرارة 180 على الرف الوسط و عينك لازم تبقى عليه لان الفطاير بيجهزوا بسرعة , بس ما اشقروا من تحت , اشعلي الفرن من فوق لحتى يحمروا     اتوقع ان المشكلة سببها ان نارك كانت عالية زيادة     ايا سؤال تاني من عيوني

60  الكاتب محبةالمصطفى ملك, on 15-08-2010 03:23

63  الكاتب منى, on 16-09-2010 12:19 هلا ملك   لا ما رح تنتفخ بس رح يصير عليها رغوة و فيها فقاعات

64  الكاتب منى, on 16-09-2010 12:38 هلا ام ادم   ممكن تقللي كمية المي المرة التانية لان بتختلف كمية السوائل حسب نوعية الطحين   العجينة ناشفة معناها ان الحرارة كانت واطية أو انك خليتي الفطاير لوقت اطول في الفرن     مية اهلا و سهلا فيك , انا مبسوطة كتير انك شاركتي معنا و ايا سؤال او خدمة تانية من عيوني  شرفتينا اختي

65  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 16-09-2010 15:20 يا هلا فيكي   انا ال ي سنتين متزوجة وانا اصلا ما عمري دخلت المطبخ في حياتي و تزوجت و سافرت على مصر و صرت لحالي وجربت اكتر من مرة اعمل عجي نة و كلها بائت بالفشل و بعدين احبطت و ما رجعت حاولت اعملها مرة تانية حتى لقيت موقعك و قرأت هاي العجينة و انبسطت كتير على انها 3-4 زبطت معي و جربت عجينة السمبوسك وزبطت معي وطلعت ولا اطيب من هيك وصرت كل يوم الصبح افتح الموقع و اوخد افكار لطبخة اليوم  شكر كتير على هدا الموقع اللي رائع بكل ما فيه

66  الكاتب نيسو, on 01-10-2010 15:32 مرحبا أختي منى ...  بدي اعمل حفلة التخرج ومعبوطة شو لازم أعمل في كم أكلة نقيتون بس ماعم بعرف لكم شخص بتكفي شلون بدي اعرف   وبدي اعمل بيتزا بس شو رأيك اعملها بعجينة العشر دقايق ولاالعادية  انا مشتيه جرب عجينة العشر دقايق بس شو لازم أعمل بعدا شأد لازم أتركها للتخمر وفي شي تاني لازم أعمله؟  ساعديني شلون بحسن أتواصل معك   وشكرا كتيرررر الك

67  الكاتب منى, on 02-10-2010 17:31 هلا نيسو   الف مبروك التخرج , ان شاء الله عقبال كل شي حو تاني ببالك    يا ترى شو الوصفات انا بقدر ساعدك ان شاء الله لحتى نقدر لكم شخص بيقدي     فيكي تحضري الصلصة من قبل يوين تلاتة و تتركيها بالفريزر و العجينة فيك تعمليها صبحية العزيمة و بدها حوالي 4 ساعات لتتخمر على جونا الحالي بسورياو كمان اذا كانت حرارة مطبخك عالية فممكن تاخد ااقل    مية هلا فيك اختي و ايا مساعدة من عيوني

69  الكاتب amoula, on 12-03-2011 19:35   اول مرة جربتها كانت النتيجة مذهلللللللة وضلت نافشة وطيبة لبعد 3 ايام , بس هلأ لسا خلصتها وكنت عاملتها للبيتزا وصار عندي اكتئاب فظيه لانو كنت عاملة صلصات بيتزا بتجنن بس العجييييينة ما استوت من الاطراف تستوي بس لما اطالعها مو مستوية من النص ومعجنة كتير   انا فرني على الكهرباء كله هيك الافران عنا بالامارات وكل شي بطبخه فيه بيكون متله متل الفرن العادي  اللي قاهرني انو انا عاملتها من قبل ونجحت وعملت كل الخطوات وهلأ ما ظبطت , اول الشي زلاعنة لانو ما ظبطت وتاني الشي زعلانة لانو هالعجينة كنت مأمنة فيها كتير ولهأ ما بعرف اذا رح استرجي ارجع اعملها    يسلم ايدييييييكي بكل الاحوال انا متأكدة انو العذر مني بس مشتهية اكتشف شو هوه   الحمد لله زوجي حباب وما بيقلي شي ورح ياكلها

70  الكاتب ssweetangela, on 27-03-2011 16:35 الله يسلم ايديكي يا ست منى عجينة ناعمة وطرية وبتاخد العقل عملت منها بتزا ومناقيش زعتر وصينية فليفلة حمرة والطعمة غير شكل ...الله يجزيكي كل خير يارب

72  عدت التجربة والنتيجة رااااااائعة الكاتب amoula, on 16-12-2011 12:47 يسلم ايديكي على العجينة الرائعة ما خطل يولا رمة بحياتي انو وصل لمرحلة اعلم امي المعجنات ههه  عملت فيها كروسان جبنة وطلع بيجنن وبيضتيلي وجهي قدام زوجي الله يجزيكي كل خير ياارب      http://www7.0zz0.com/2011/12/16/11/400871500.jpg

73  الكاتب amoula, on 16-01-2012 11:08 أنا آسفة كتير مدام منى كتير طلعت الصورة كبيرة , ما بتنحذف من عندي ياريت لو بتنحذف من عندك وبترك بس اللينك , حرام انتزعت الصفحة من صورتي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved