كما وعدت الأخت كويتية , هذه طريقتي بتحضير فطائر السبانخ الرائعة و هي مختلفة قليلاً عن الطريقة اللبنانية , فأنا أضيف دبس الرمان للحشوة مع الجوز و القليل من فرط الرمان , يم يمممي

العجينة التي أستخدمها هي نفس عجينة منأيش الزعتر و الفليلفة

بالصحة و الهنا

 كيلو سبانخ
نصف ملعقة صغيرة ملح
نصف كوب جوز مفروم خشناً
رشة بهار و فليلفة حمراء ناعمة
رشة كمون
ملعقة صغيرة سماق مطحون
2 ملعقة كبيرة عصير ليمون
2 ملعقة كبيرة دبس رمان
حبة كبيرة بصل
4 – 5 ملعقة كبيرة زيت زيتون
2 ملعقة كبيرة حبات رمان مفروط ( اختياري )

تعليقات (21)

2  الكاتب منى, on 24-03-2008 18:01 هلا ام تسنيم , ان شاء الله الله يتقبل يا رب و يجعلك بهل الصيام نور و بركات     أختي أكيد بيصير تحضري الفطاير بالحشوة الي بتحبيها , العجينة نفسها بس بتغيري الحشوة على كيفك , و ممكن كمان تستعمليعجينة أميلحتى تحضري الفطاير بالحشوة الي بتحبيها, متل الزعتر أو الفليلفة أو الجبنة , الجبنة منرش عليها حبة بركة و الزعتر سمسم و الفليلفة من الفليلفة الحمرا الناعمة

4  الكاتب منى, on 26-03-2008 07:32 شو ازعاج و ما ازعاج رينوو     انا كنت مستنية وصفة منك من زماان و هلا لو سمحتيلي نزلتها بموضوع كامل و على التطبيق القريب ان شاء الله

6  الكاتب منى, on 31-03-2008 08:55 هلا فيك عبير , مية هلا أختي   صحتين و هنا على الوصفات , يا ترى شو جربتي     السبانخ هون ما منسلقها بس منرشها بالملح و منضغط عليها لحتى تنزل منها كل المي

8  الكاتب منى, on 01-04-2008 19:07 صحتين و هنا عبورة , كتيرر انبسطت من ردك و من هل الكلام الي كتيررر حلو , الله يجبر بخاطرك و ان شاء الله عوافي و هنا على قلبك و قلبك كل مين داق من طبخاتك

9  الكاتب ام عون, on 13-01-2010 13:50 مرحبا منى . انا بعمل الفطاير بالسبانخ بس مابكون زابطين لكن بدي اعمل طريقتك بس بدي اسالك الصينيه اللي فيها المعجنات بتنحط بالوسط ولا من اسفل الفرن .وكيف النار منخفضه ولا مرتفعه.بستنى منك الرد لاني جاي على بالي اعمل الفطاير بالسبانخ

10  وين بستنى الرد؟؟؟؟؟؟؟ الكاتب ام عون, on 20-01-2010 18:58 شو يااخت منى وين ردك اللي عن طريقة الفطاير بالنسبه للنار وبصراحه اعملت الفطاير بس طلعوا معي مش زي ما بدي ياريت انك اجاوبيني

12  الكاتب ام عون, on 21-01-2010 15:40 ياست اللي ما زبط معي هو خبزتها من اسفل الفرن وكان الرف ملاصق لنار والحراره 180 مئويه.واتحمرت من تحت لكن من فوف ماتحمرت فصرت اقلبه علشان تتحمر لكنه وانا عم بقلبها تكسرت.لكن طعمتها طيبه .بدي اسئلك هي بدها فرن عربي يعني رفين

13  الكاتب منى, on 21-01-2010 18:24 وووواخ , و لا يهمك خيرها بغيرها , ان شاء الله المرة التاية تسبتي الفرن على النص و يمشي الحال     ما فهمت عليك شو هو الفرن العربي , المهم انا فرني فرن عادي و ما فيه ايا ان

14  الكاتب ام عون, on 22-01-2010 11:47 شكرا الك على التوضيح الفرن العربي(هي افران موديل قديم وحتى الان النساء بستعملنه في خبز الخبز)بيكون رفين

15  الكاتب منى, on 22-01-2010 13:16 اااه , هلا فهمت عليك

16  مممم العجينة ؟ الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 08-01-2011 05:04 السلام عليكم    جربت هالحشوة من كم يوم بس بعجينة الباف باستري، طلع زوجي العينتين ما بيحب هالعجينة   لذلك كنت بدي اسألك ، ما بتزبط بعجينة العشر دئايئ أو عجينة البيتزا يلي انتي منزلتيها ؟  وصفة هالعجينة، فيني بدال المي والحليب الجاف استخدم حليب مبستر ؟ لأن نحنا ما منجيب حليب جاف أبدا ابدا، بئى مشان ما اضطر جيبو بس كرمال هالوصفة.    كمان سؤال، الحشوة ما بدها دورة قلية عالنار؟ أو البصل عالأقل ؟    يسلمو جدا كثيرا منشوفك بخير معلمتنا !    والسلام عليكم

17  الكاتب منى, on 08-01-2011 11:01 و الله برهن ما بتصير , انا يوم الخميس حضرت هل الفطاير من دون الحليب المجفف و باستعمال الحليب و استعملت زيت زيتون عوض الزيت العادي و طلعت بتجنن     الحشوة كلها المفروض تكون نية , بس اذا ما بتحبي البصل ممكن تقللي كميته او تستغني عنه او تقليه تقلاية صغيرة بس اصوله نو

18  االبصل الأخضر طلع طعمو رهيب !! الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 20-01-2011 00:05 السلام عليكم ورحمة الله      كيفك معلمتي ؟ انتي معلمتنا كلنا !!! شئتِ أم أبيتِ ذلك.  المشكلة أن انا بستخدم السبانخ المجمد بشتريه جاهز هون.  أولتا امبارح عملت هالفطاير يااااه من برا طلع شكلون بيهبل، كأن مو حقيقيات من أد مو مزبطين وهيك، ومن جوا طبعا طيبين وحبون جوزي ..... بس ... أنا قبل هيك ما كنت عاملة فطاير غير السمبوسك لهيك رققت العجينة قد ما قدرت .. يعني بتتصوري كيف طلعت رقيقة. بس ماشي الحال نيكست تايم ان شاء الله أحسن.    يسلمو كتير كتير ، ومنشوفك بخير مع الوصفات القادمة.    وسلام لحلب خيتو، شتقتلا .....     والسلام عليكم ورحمة الله

19  الكاتب larooo, on 03-03-2011 10:07 السلام عليكم ..منى والصبايا الحلوين جميعا   امبارح عملت هي الوصفة ..وعملت بس نص كيلو سبانخ  ومع هيك زاد سبانخ ..قلت غريبة مافي بالعادة العيارات ماتكون مزبوطة عالتكة ..بس الطعمة طيبة   وهلأ بدي ارجع اعمل عجينة مشان باقي السبانخات   الله يعطيكي العافية منوش وعم استنى كتابك ان شاء الله

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved