L2ma.com | لقمة طيبة | L2ma.com | لقمة طيبة | كاتو الشوكولا و الزبادي | حتى, · , كوب, على, الكاتو | L2ma.com

القائمة الرئيسية

الأكثر تصفحاً

كاتو الشوكولا و الزبادي

الكاتب/ منى

19/03/2008

2 بيض بدرجة حرارة الغرفة
كوب و ثلاث أرباع الكوب سكر ناعم
فانيليا
بشرة ليمونة حامضة
نصف كوب زبدة طرية ( ما يعادل نصف باكيت 200 غ )
ثلاث أرباع كوب لبن زبادي ( يفضل استعمال لبن البقر أو لبن الغنم بشرط أن يكون غير حامض )
ثلاث أرباع كوب حليب
2 كوب طحين حلويات
ثلثي كوب كاكاو
2 ملعقة صغيرة و نصف بيكنغ بودر
رشة ملح
رشة بيكربونات الصوديم
direction

·          يحمى الفرن على درجة حرارة 180 درجة مئوية , ينخل الطحين مع البيكنغ بودر و الكاكاو و الملح و بيكربونات الصوديم مرتان , تدهن صينية فرن بالزبدة .

·          توضع الزبدة الطرية في كوب فارغ و يغطى الكوب ثم توضع في الميكروويف و يشغل بربع الطاقة حتى تذوب الزبدة تماماَ .

·          يخفق البيض و الفانيليا و بشر الليمون حتى ينتفخ البيض و يبهت لونه ثم يضاف السكر و يخفق المزيج جيداً حتى يسمك .

·          يضاف اللبن و الحليب و الزبدة المذوبة و يقلب الكل بلطف ثم يضاف الطحين المنخول و يقلب مزيج الكاتو بلطف حتى يتجانس .

·          يصب المزيج في الصينية المدهونة و يخبز لمدة 40 - 45 دقيقة أو حتى ينضج .

·          يترك الكاتو في القالب لمدة عشر دقائق بعدها يقلب على مشبك سلك و يترك حتى يفتر , يوضع القالب على طبق التقديم ثم تغز الكيكة باستخدام سكينة حتى يدخل الصوص لقلب الكاتو .

·          يحضر صوص شوكولا المارس و يصب و هو ساخناً فوق الكاتو الفاتر كي يحافظ الصوص على لمعته و يترك حتى يبرد ثم يزين بالجوز أو بالشوكولا المبشورة حسب الرغبة .

أضافة إلى المفضلة (2) |

أقتباس | مشاهدات : 6171

تعليقات (48)

1 الكاتب ام نور, on 19-03-2008 22:28
السلام عليكم ,
كيفك اخت منى ؟انشالله بخير شو هالكيك الرائع حليب ولبن اكيد طعمة ولا اطيب انشالله رح جربو وخبرك

2 الكاتب منى, on 20-03-2008 08:14
و عليكم افضل السلام و اتم التسليم ام نور حبيبتي , الحمد لله رب العالمين انا منيحة و باحسن حال من فضل الله علي

ان شاء الله تجربيه و يكون متل ما بتحبي

3 الكاتب أم مــــالــــك, on 20-03-2008 21:48
يمي يمي
رح اعتمدها اكيد بالوصفات ولو انها دسمه :grin

4 الكاتب منى, on 21-03-2008 02:50
ان شاء الله تجربيها و يا رب تكون على زوءك

5 الكاتب رندوش, on 21-03-2008 06:27
تسلمي عزيزتي منى وصفه شهيه
وخاصه الصوص طيب خالص مشكوره :upset

6 الكاتب منى, on 21-03-2008 06:40
الله يسلمك رندوشة يا قمر و الشكر ليك على الردود الحلوة

7 الكاتب أم عباده, on 21-03-2008 21:36
عزيزتي منى والله حيرتي كل ما بقول بدي أعمل هالكاتو بتحطي واحد جديد وبقول لحالي ياترى مين أطيب وأختي العزيزه أم تسنيم مصره تجرب كل الكاتو اللي بالموقع وكل ما جربت شي بتقلي مو معقول كتير طيب ورائع وقولتا ريجيم الكاتو أحسن شي فالله يعطيك ألف عافيه بس بدي أسالك شو اللي بيعملوا اللبن بالكاتو واقترحي علي نوع سهل ومضمون لانو عندي حفله يوم الاحد وبدي اعمل كاتو فشو اختار
الله يخليك ما تتأخري على بالرد مشان الحق اجهزو يوم الاحد صباحا

8 الكاتب منى, on 22-03-2008 16:04
أسفة حبيبتي أم عبادة , هلأ أنا عم حاكيك من الشام, فتت و شفت ردك ان شاء الله ما أكون اتأخرت :roll

و الله أختي عن جد بتمنى تجربي كل الانواع لان كل نوع نازل هون بيكون جربت قبل ماأحط الوصفة كذا واحدة لحتى واحدة منعهم تخش دماغي :grin

اللبن بيعطيه طراوة غير شكل , و النوع السهل و المضمون ما الك الا كاتو الزبادي على طريقتي أو كاتو السبانخ الاتنتين مميززين و سهليين , و هدا النوع كمان سهل و الاولاد بيجنوا عليه , بس يمكن يصير توسيخ من الكريما

9 الكاتب Rino, on 24-03-2008 11:19
ألف شكر منى عالوصفةالتحفة
الحقيقة أنا بعملها بنفس الطريقة بس بستعمل بدل الزبدة زيت و الخمائر عبارة عن 4/3 م ص بيكنغ باودر و 4/3 م ص صودا و لما بخبزها بحاول أخلي الوش فيه بعض اللزوجة ولادي كتير بيحبوها و بيني و بينك أنا لو بيصحللي آكل بس الوش ما بقول لأ
فعلا الكيكة روعة متل كل كيكاتك و بنصح الكل يجربوهاو بإذن الله ما رح يندمو
تعيشي منى و تجيبي وصفات كمان و كمان

10 الكاتب omtasneem, on 23-03-2008 10:01
السلام عليكم ورحمة الله وبركاته. شكلو بيشهي بس عندي سؤال طعمة اللبن بتكون ظاهرة وخصوصي حسب اللبن اذا كان حامض مشكورة عزيزتي منى

11 الكاتب منى, on 24-03-2008 14:19
هلا رينو

الله يخليلي ياكي على هل الكلام الحلو

رينو أحيانا لما بتكون الزبدة مو متوفرة باستخدم الزيت , بس الزبدة أطيب , و لو جربتيها رح تحكمي بنفسك

12 الكاتب منى, on 24-03-2008 14:33
لا ما رح تكون طعمته واضحة , و كمان أكيد لا تستعملي لبن حامض , إذا لبن بقر بيكون أحسن

مية اهلا و سهلا ام تسنيم

13 الكاتب أم عباده, on 24-03-2008 21:21
شوهالكاتو يا منى تسلم دياتك كتير طلع لذيذ والكل حب الطعمه والاولاد طار عقلون عالكريما ولوتشوفي صوره عباده والكريمامغطيه كل وجه وشوي من لبسوا كمان :grin

بس يالله هنا على قلبه والله يعطيك الف عافيه لانك ما تأخرتي علي بالردومبين كنت بالشام من الكلمات الشاميه مو هيك خيتو :grin

14 الكاتب منى, on 24-03-2008 23:40
هناااااا يا رب على قلبك و قلب عبادة حبيب قلب ماماته

و الله كشفتيني , انجقم لساني , بس هلا رجعته لأصله :grin

15 الكاتب نورا, on 25-03-2008 19:28
ياي يا منى... عملته وطلع بيجنن... كتير كتير كتير طيب ومن البارحة مساءً لليوم المساء طار نص القالب... بس على فكرة عملته من دون الصوص وجنيت عليه بقى كيف لو مع صوص؟؟؟ كان طار القالب كله...

والله يا منى شكلك رح تطيريلنا الريجيم وهاالكم كيلو اللي نزلوا... :grin

16 الكاتب منى, on 26-03-2008 14:27
صحة و هنا على قلبك و قلب سامي الصغنون

و نحنا أهم شي عنا في الموقع ان واحد ينسى الريجيم قبل ما يفوت من الباب و الا بيطير عقله من الشبااك :grin

17 الكاتب نهى, on 06-04-2008 08:10
ماشاء الله يامنى.. جربت الكيك ده وطلع رهيب فعلا.. تسلم ايديكى كتير
المرة الجاية ح اجربه بالناناس والكريما ان شاء الله بس مش عارفة هو اللى عليه الدور الاول ولا السويسرول.. لان السويس رول عندنا له جاذبية خاصة

18 الكاتب منى, on 09-04-2008 13:41
ان شاء الله بتجربي الاتنين وبيعجبوك و كل واحد يهم ألذ من التاني

صحتين و هنا نهولة

19 الكاتب أم مــــالــــك, on 16-04-2008 16:43
انا زوجي جاي من سفره يوم الجمعه وناويه اعمله سفرة مرتبه وليمة كامله يعني مع حلويات :roll

شفت وصفاتك احترت كتير شو اطبق وأطبق منها :upset

والي زاد الطينه بلل اني اليوم وقعت على رجلي واعملت غرز فيها يعني مو ئادرة أوقف عليها :cry

بليزبليز منى تعالي ساعديني

20 الكاتب منى, on 16-04-2008 20:27
و انا متل حكياتك , عندي عزيمة مهمة يوم الجمعة , شو رايك اسكبلك من طبخاتي و خلصنا

عليك ان شاء الله الف عافية و من غير شر يا رب :roll

ابقي طمنيني عنك

21 الكاتب وردة, on 21-05-2008 18:37
السلام عليكم تسلم ايديكي على هالكيكة الروعه بس اذا سمحتي اعطيني طريقة صوص المارس لاني بدي جربها ودمتي بود

22 الكاتب منى, on 21-05-2008 19:55
هلا وردة

اسمك بيجنن أنا بموت على الورد و الفل و الياسمين

اختي الصوص بتشوفيه على هل الرابط و اي سؤال من عيوني

23 الكاتب وردة, on 22-05-2008 14:58
اشكرك كتير على اهتمامك وهذا من لطفك يا زوء بس معليش اتحمليني شوي بدي اسالك كمان شو بتقصدي لبن زبادي ما يكون حامض ؟ يعني الزبادي اللي في العلبة وبيكون جامد ولا اللبن الحامض وينشرب ؟

24 الكاتب منى, on 22-05-2008 17:52
بقصد فيه اللبن الي بيكون بالعلب , و ال بقصد أن ما يكون حامض هو للأخوات في سوريا لان نحنا اللبن بيجي بعلب كبيرة و في لبن بقر و لبن غنم و لبن الغنم بيتميز بحموضته

أنا وردة هون بس لحتى جاوب عن اي استفسار أو سؤال , أي شي تاني أنا بانتظارك :zzz

25 الكاتب وردة, on 23-05-2008 23:12
السلام عليكم شكرا كتير ليكي يا حبيبة قلبي الله يعطيكي العافيه جربت الكيكة وطلعت كتير طيبه بس بدي اسالك شو فايدة الملح في الكيكه؟ لاني كنت مارح حطه بعدين قلت لنفسي احسن اتبع التعليمات بدقه وطلعت جونان :grin

شكرا

26 الكاتب منى, on 24-05-2008 05:58
هناااا و عوافي وردة

كتير انبسطت انها عجبتك و طلعت جونان لانها من تحت ديات الورد الحلو :zzz

..

الملح , رح ندخل درس على علوم, لتحقيق التوازن بين الطعم الحلو و المالح على اللسان و ذا سر بسيط في كل أنواع الحلويات تقريباً

27 الكاتب غرام, on 11-07-2008 08:16
تسلم ايدك يا قمر

28 الكاتب منى, on 19-07-2008 16:06
هلا غرام

الله يسلمك نورتي

29 الكاتب سارونات, on 19-08-2008 14:06
السلام عليكم و رحمة الله و بركاته
جازاك الله خيرا اختي منى على الوصفة المكونات عم تخليني اتخيل الطعمة اللي اكيد بتكون كتير حلوة اللبن مع الحليب و بشر الليمون والكاكاو و ستتم التجربة ان شاء الله
بدي اسال عن كمية الزبدة هل هي 100 غرام لان ما عرفت ازا قصدك بال 200غ هو الباكيت او نصو فيا ريت توضحيلي لان اعتقد ان نصف كوب زبدة يساوي 100 غرام
و كالعادة بدي عزبك معي و اطلب مني ازا بتقدري حجم الصينية مشان الله تسامحيني لاني عم اتعبك معي و ان شاء الله نتيجة تعبك تكون خير
و هلأ المشكلة بصوص شوكولا مارس لانه دسم يمكن جربو شي يوممشان دوق الطعمة بس بهالفترة ما فيني ساوي شي دسم فيا ريت لو تقدري تعطيني وصفة لصوص تنفع تنحط فوق هالكيكة و تكون خفيفة
بالتوفيق
سلام

30 الكاتب منى, on 19-08-2008 15:18
هلا أختي

الزبدة 100 غرام و الصينية دائرية بقطر 22 أو 24 سنتيمتر و طبعا الحرف بيكون عريض , أقصد أن تكون حوافها سميكة

ان شاء الله رح حط وصفة لصوص سهل و بسيط , تكرم عيونك

31 الكاتب مريوم, on 23-09-2008 23:10
في البداية هذه اول مشاركة لي في هذا الموقع الظريف... ولكن عندما رأيت أن من يرعاه إسمها منى استبشرت لانه اسم السعد عندي فهم اسم اختي الغالية و اعز صديقاتي و ام زوجي و الظاهر سيكون معلمتي بالطبخ و التي سأذكرها حتى آخر مسيرتي في المطبخ ....
عزيزتي منى أنا أشهد لك بالنفس الرائع و التفنن في المطبخ " اسم الله عليكي" و الله يعينك عليي :roll

على العموم وصفة الكاتو رائعة و انا البارحة عملت مثل هذه الوصفة ولكن الظاهر المقادير تختلف قليلا، ولكن أريد أن أسألك كيف أحافظ على حجم الكيك بعد أن اخرجه نافش من الفرن ، حيث بعد 5 دقائق تقريبا يبدا بالهبوط حوالي 20% من حجمه يتقلص ...
شكرا جزيلا اختى العزيزة
"جارتكم من لبنان"

32 الكاتب منى, on 24-09-2008 12:55
هلا مريومة

نورتي و مية هلا فيك و بكل اهل لبنان الحلويين , يا ستي ما بقى بيطلع النا نحكي , الطبخ و النفس خلق لأهل لبنان

..

هلأ شوفي مريومة الكيك لما بينزل بعد ما العيه من الفرن اله عدة اسباب , انتي شوفي شو صار معك منهم , أول الشي حرارة الفرن بتكون عالية كتير , أحسن حرارة لخبز الكيك 180 درجة .و السبب التاني انك طالعتيه من الفرن و قلبه لسا مو مستوي , يعني صح نفش بس قلبه من جوى عجين , و كمان ممكن يكون الفرن انضرب شي ضربة قوية أثناء الخبز و أخر الشي انك فتحتي الفرن قبل وقته لهيك دخل الهواء و خلاه ينزل :roll

مية هلا فيك و بكل زوارنا من لبنان , يا ستي حلت البركة

33 الكاتب مريوم, on 24-09-2008 19:56
الله يسلمك يا ست المزوقين، هو الظاهر اذا طابت اللقمة يطيب الفم، الظاهر ان حرارة الفرن كانت عالية 300 درجة , ولكن تركته ساعة بالفرن لان طبقة العجينة بالصينية كانت كبيرة ... فالظاهر هذه المشكلة و لا شو رايك يا قمر حلب و سوريا...

34 الكاتب منى, on 25-09-2008 07:34
هلا مريومة

تسلمي أختي على الكلام الحلو ..

هلا شو قصدك حرارة الفرن 300 ؟ ليكون فهرنهايت , انا بقصد 180 مئوية , إذا كانت حرارة الفرن عندك فهرنهايت و كنت حاططيها على 300 فهي هي المشكلة لان درجة الحرارة المناسبة هي 350 فهرنهايت , الصينية اذا كبيرة أو صغيرة مو مشكلة المهم الشغلات الي قلتها قبل , متل حرارة الفرن و انك ما تفتحي باب الفرن و غيره ..

ان شاء الله تجربي شي وصفة من الموقع و تعجبك و مية اهلا و سهلا فيك مرة تانية مريومة

35 www.l2ma.com
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 22-01-2009 23:42
عملت هالوصفة و كتير طيبة و بدي ابعت صورة بس ما عرف

36 الكاتب منى, on 23-01-2009 06:53
هلا فيك أختي

الف صحة و هنا و عوافي بكل لقمة , و فيك تبعتي الصورة عن طريق مراسلتي على الايميل , بكون مبسوطة فيها كتير

37 الكاتب مروة المصرية, on 03-05-2009 10:17
السلام عليكم

انا من مدة لم ادخل الموقع لانى حامل وتعبانة شوية
بس من يومين دخلت لانى محتاجة للكيك بشوكولا
واخدت الوصفة وبجد ممتازةولذيذة وابنى حبها جدا
وماشاء الله مقاديرك بالظبط
اشكرك وتسلم ايديك ودائما فى تقدم

38 الكاتب منى, on 03-05-2009 10:45
الف سلامة عليك , ان شاء الله امورك هلا صارت احسن و الحمل منيح

الف هنا و صحة و عافية على قلبك و قلب ابنك و كل عيلتك و بصحة دايما يا رب

39 الكاتب BaSmAa, on 26-06-2009 12:11
ما شاء الله عليكي يا ست منى
اللي بيدخل الموقع ما بيعرف ايمتى يطلع من حلاوة الوصفات وروعتها
ربي يبارك فيكي ويزيدك من نعيمه
ألف ألف شكر

40 الكاتب منى, on 26-06-2009 15:52
هلا بسمة

الله يحفظك يا قمر و انت طولت علينا الغيبة هل المرة , ان شاء الله خير
يا رب تجربي شي وصفة و تعجبك حبيبتي و مية اهلا و سهلا فيك

41 الكاتب BaSmAa, on 29-06-2009 16:00
بدك الصراحة
والله ما عرفت كيف طريقة كتابة المواضيع وادراج الصور
ومشاغل السفر كمان أثرت علي
إن شاء الله بتشوفيني بالموقع دائما
وبالنسبة للتجريب ما شاء الله وصفاتك مميزة جدا وعم استفيد من ملاحظاتك كتير وخبرتك ما شاء الله
والى لقاء قريب بإذنه تعالى

42 الكاتب منى, on 01-07-2009 13:50
و لا يهمك بسومة

ان شاء الله هلا مشي الحال و يا رب تجربي شي وصفة و تكون يممي

43 الكاتب منى, on 02-07-2009 10:26
يلا بسومة ان شاء الله هلا مشيالحال و الحمد لله على السلامة

و اتمنى ان تتواجدي دوما , بينور الموقع يا عسل :zzz

44 الكاتب سارونات, on 07-07-2009 15:47
السلام عليكم و رحمة الله و بركاته

ساويته امبارحه و شو طلع طيب و ما احتجت حطلو صوص خليتو سادة و طلع كتير هش و خفيف و نفش كتير مع اني ساويته بصينية 26 سم بس كتييير نفش و كتير فرحت فيه

جازاك الله خيرا اختي منى

ربي يوفقك و يسهل دربك

سلام

45 الكاتب منى, on 08-07-2009 19:03
هنا و الف عافية و صحة على قلبك سارونات

و عقبال تظبط بقية الوصفات الي في بالك :zzz

46 الكاتب hajar, on 23-06-2010 00:13
يم يمممممممممممي فعلا طيب اليوم جربته ولا اطيب يسلموووووو منى :zzz

47 الكاتب منى, on 23-06-2010 12:50
هنا و الف صحة هاجر

48 الكاتب رغد غسان علاء الدين, on 30-01-2011 10:30
مرحبا ميمو..الله لا يرويكي إش طلع بهدلة البهادل..مع إنو اتقيدت بالمقادير وجبت كل المواد..يا ترى درجة حرارة الفرن..أو لأنو دهنت بسمنة نباتية القالب؟؟ هللئ الواحد يحكي الحق..مو إنو بهدلة بهدلة..لا..إنو ما نزل من القالب بشكل نظامي..فرط..بس طعمتو ســــــــحرية..فاضطريت أضيف صوص الشوكولا اللي محضرتها للتغطية..وعطنتها مع الكاتو اللي نزل نصو وضل نصو..عجنتهن مع بعض..وعملتهن كرات صغيرة ورشيت عليهن جوز الهند المبشور..وبعدها اللي باقي من الصوص.زحطيتو بشكل خطوط متضاربة ودوائر ..زينة..بس شو طلع يا منى.آخ إش احكيلك وإش أعبر عن مشاعري..شي رهيب مدمر فظيع..رفقات جوزي ألقو شعر فيه..فكره من عند جوسي ..عنجد..ما كان ناقص غير حط هي الورقة المدورة الحلوة البيحطوها تحت القطع..هللئ اوك أنا فرحت إنو طلعت النتية هيك..وفيكي تفوتي تشوفي الصورة بألبوم الصور..بس إنو انحريت..ليش ما زبط نظامي..هللئ هنن ما بيعرفو شو كنت بدي أعمل..بس ناا بعرف وااااع..

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 01/06/2010 )

< السابق		التالى >

[ عودة ]