نصف كوب حمص
كوب و نصف فول مقشور
ملعقة صغيرة بيكربونات الصوديم لنقع الحمص و الفول
نصف كوب كزبرة خضراء
نصف كوب بقدونس
حبة بصل
2 فص كبير ثوم
2 ملعقة صغيرة ملح
2 ملعقة كبيرة سمسم

بهارات الفلافل :

ملعقة كبيرة كمون
نصف ملعقة صغيرة فليلفة حمراء
ملعقة صغيرة بهار
نصف ملعقة صغيرة قرفة
نصف ملعقة صغيرة كزبرة
بشر جوزة الطيب طازج
رشة سماق
ملعقة صغيرة بيكنغ بودر
ربع ملعقة صغيرة بيكربونات الصوديم

لتحضير السندويش :

مخلل اللفت أو الخيار أو المقتي
بندورة شرائح
صلصة الرطور
نعناع طازج
خس
خبز عربي

تعليقات (37)

1  الكاتب ايمان, on 08-03-2008 11:47 السلام عليكم ورحمة الله وبركاته  سلمت يداك اختي منى , لقد كنت دائما ابحث عن وصفة للفلافل سهلة ولذيذه والحمد لله يبدو هذه الوصفة مثلما اتمنى وان شاء الله اجربها في اقرب فرصة.فجزاك الله كل خير

2  الكاتب منى, on 08-03-2008 14:13 هلا أمولة و انت كمان أختي على الرد و التشجيع الدائم     إن شاء الله تجربيها و تعجبك

3  الكاتب أم عباده, on 08-03-2008 22:47 يا سلام شو هالفلافل من الصورة والوصفه شي شهي ورائع بس بدي أسألك بحلب بيحطو كزبره خضراء وفول ولا بس بالحمص ؟؟  أنا جربته بالحمص بس وعم تصير معي مشكله بالقرص يا بيكون مقرمش أو لما بسمكو شوي بحس القلب ني وعير ناضج مع أني بستعمل قالب الفلافل وخطوات التحضير كتير قريبه من طريقتك فشو المشكله برأيك احدي الاخوات قالتلي حطي شوي خبز يابس بس مع هيك ما عم يصير مثل السوق فأفيدينا جزاك الله ألف خير بعرف عم طول عليك بس بقول لحالي بالك طويل وبتتحمليني   وانا بانتظار ايميلك بخصوص الصور

4  الكاتب منى, on 09-03-2008 10:47 هلا أم عبادة     بالعكس ام عبادة أنا تحت أمرك حبيبتي , المشكلة الي عم تصير معك كانت نفسها تصير معي , حس ان الفلافل ني من جوى و الحل بشغلتين , أول شي تستعملي الحمص مع الفول و الشغلة التانية انك تنقعيهم 24 ساعة عوض عن 12 ساعة ..    أما كيف بيعملوا الفلافل بحلب فوالله ما بعرف , لان هل الطريقة اتعلمتها من شيف لبناني و الكزبرة رح تعطيها طعمة و لا أطيب

6  الكاتب منى, on 05-05-2008 18:32 مممممم فكرة حلوة كتير , الله يعطيكي العافية نوارة ان شاء الله بجربها المرة التانية و أكيدة رح ادعيلك ..    بتعرفي , ما عرفت الشيف وديع مع اني من متابعي برامج الطبخ

7  الكاتب نور, on 11-05-2008 13:24 مبروك رجوع الموقع . كتير اشتقنالك ولموقعك الحلو .. الشيف وديع بيجي على قناة إنفينيتي على الساعة 11 ونص صباحا بتوقيت السعودية ..

8  الكاتب منى, on 12-05-2008 10:33 كلك زووء نور و انا اشتقت الك كمان كتير   رح شوف برنامجه إذا الله راد , شكرا الك

10  الكاتب منى, on 14-11-2008 07:16 لا اختي لازم فول ناشف

12  الكاتب منى, on 21-11-2008 07:06 هلا ايمان   اختي لو رح تجربيها بالحمص ما رح تعطيكي الطعمة المظبوطة , رح تطلع طيبة بس مو متل الفلافل الي متعوديين عليها   ممكن تفرزيها بعد ما تفرمي الول و البقدونس و البصل بتحطيها في الفريزر و لما حابة تستعمليها تطالعيها و تحليها و بعدا تضيفي البهارات و الكربونات

14  الكاتب منى, on 23-11-2008 17:42 هنا و الف عافية و ان شاء الله تجربيها و تحبيها     مية اهلا و سهلا فيك أختي , نورتي الموقع

16  الكاتب منى, on 23-11-2008 17:51 لا اختي مو من الضروري انك تبرديها , المهم ان البقدونس و الكزبرة و هل الاشياء تكون ناشفة كتير قبل ما تفرميهم مع الفول , أكيد ما لازم نضيف و لا نقطة مي للعجينة , و يمكن كمان أن العجينة تفرط معك لأن حرارة الزيت مو حامية

17  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 24-12-2008 09:31 مرحبا منى يسعد لي مساك يارب كيف صحتك بدي اسألك الفول لازم يكون مقشور ما فينا نحط الفول العادي اللي بقشره لأنه هو المتوفر عندي ما عندي الفول المقشور

18  الكاتب منى, on 24-12-2008 11:52 هلا هيا   لا ما بيصير , انا ما لقيت الا الكامل فبعد ما نقعته قشرته و بيتقشر كتير بسهوولة

20  الكاتب منى, on 02-01-2009 10:11 الف الف صحة و هنا و عافية على قلبك و قلب كل العيلة واحد واحد   هادا بس من زووءك و لطفك و زوءك و ربي يديم المحبة و المعروف

21  الكاتب نهى, on 12-04-2009 08:58 ازيك يامنى..  اذا كان أصل الوصفة مصري يبقي لازم المصريين يقولوا رأيهم   احنا عندناأصل الطعمية الكرات وهو نوع من الخضرة ولكن اوراقة طويلة يشبه العصي قليلا بلا سيقان ولو جربتيه يامنى ح تحسي بفرق كبير..  كمان بتقولى انه ما ينفع نحط نقطة مية على العجينة.. معلش يامنى انا كتير باحط شوي مي صغيرين علشان العجينة تبقي ناعمة وجميلة ومش ممكن تنفك في القلي ابدا..  عندى سؤال اخير.. ايه هو السماق؟؟

22  الكاتب منى, on 12-04-2009 12:15 هلا نهى   و منك نستفيد يا قمر , لازم اجربها مرة التانية اذا ربنا عطاني عمر     المي ما تشجع اجربها , اخااف تفرط , بس ما دام انتي قلتي يبقى خلاص كلامك مزبوط    السماق نبات فيه مزة حموضة و نحنا كتير نستعمله و هي صورة على هل الرابط

24  الكاتب رامة, on 22-06-2009 17:48 الله يعطيك العافية   أنا جربتها وطلعت كتير طيبة   لكن لمارجعت ساويتها مرة تانية بالأول صارت تذوب بمجرد دخولها للزيت تتقلص وبعدين ما بيبقالها أثر بعدين تماسكت لما وضعت قليل من الطحين بس للأسف ما يستوي داخل القرص   بدي آخذ من وقتك شوي وأعرف إذا ممكن تعطيني حل للكمية الباقية الله يجزيك ألف خير

25  الكاتب منى, on 22-06-2009 20:15 هلا رامة   بالاول كتير انا هلا زعلانة لان ما رجعت ظبطت معك , و اتوقع المشكلة انك حطيتي مي زيادة , إذا كان هيك الحل الوحيد انك تعملي فلالفل بس نيو لوك , يعني حطي كل العجينة بصينية فرن مدهونة بالزيت و خبزيهالحتى تستوي و بس ما طالعتي الصينية قطعيها لمكعبات و احشيها بالسندويش و بتطلع طيبة كتير و انا مجربتها

26  الكاتب semo, on 12-03-2010 15:07 بنكمل حديثنا اللي ابتديناه بصلصة الباشاميل بالنسبة للفلافل الطعم كتييييييييير طيب بس عندي كم سؤال وحابة تساعديني فيهن  انا عملت الوصفة وطبقتها بحذافيرا وحطيت متل ماقالت الاخت نور ملعقة كون فلاور وعطاه قرشة كتير طيبة بس متل اغلب الاخوات طلع من جوى مو كتير مستوي متل الجاهز مع اني قليتو بزيت حار وما حطيت ولانقطة مي والبقدونس كان ناشف جدا وحطيت ملعقتين طحين فرخة     بس ما بعرف ليش طلع شوي من جوى معجن انا عم يخطر ببالي سببين وحابة اخد رأيك فيهن  1-كان زيت القلي كتير كتير حار والنار قوية يعني مايلحق القرص ياخد دقيقتين عالنار يعني معقول كان لازم تكون النار اخف عالزيت؟؟    2-او انو ضغطت كتير على قرص الفلافل بالمغرفة ولا مالو علاقة؟؟

27  الكاتب منى, on 15-03-2010 08:25 هلا سمسوم   انا ما بضيف شي اضافي و بيطلع يممي , اكيد سبب الي صار معك ان الزيت كان حامي اكتر من اللزوم ,الزيت لازم يكون وسط , لان اذا كان مو حامي ممكن يفرط الفلافل و اذا حامي كتير رح يتقمر من برة و من جوى لسا طري     هنا و الف عافية سمسوم و ان شاء الله المرة الجاية تطلع تمام من جوى و من برى

29  الكاتب منى, on 10-04-2010 12:11 هلا ام يوسف   تشتاق الك العافية , ان شاء الله الغيبة على خير     الف الف صحة و هنا و عافية يا رب , ممم ما في اطيب من الفلافل

30  الكاتب omyosef, on 11-04-2010 01:39 تسلمى حبيبتى منى والحمدلله بخير وبتمنالك الخير لانو عن جد مبدعه ويارب من احسن لااحسن وانا كمان عجبتنى طريقتك انو نحط الفول مع الحمص واكيد راح جربهاوالسلام عليكم حبيبتى :

31  الكاتب منى, on 11-04-2010 07:47 الحمد لله     ان شاء الله تجربيها و تطلع كمان طيبة , هنااا و الف صحة

33  الكاتب منى, on 08-09-2010 00:14 و الله قمر كان الي محاولة اني اعمل الوصفات بالانكليزي لان متل ما حكيتي شغلة ضرورية و فكرة حلوة كتير , بس كتير بدها وقت و اخدت مني كتير لهيك وقفتها , يمكن حتى اشعار اخر او لحتى ربنا يسر       الف الف صحة و هنا و عافية على البك و الب رفيقتك , مبسوطة كتير فيك قمر

35  الكاتب منى, on 10-11-2010 19:46 ان شاء الله يزبط معك متل ما بتحبي و اطيب , رح استنى رايك اختي    مية هلا فيك

36  الكاتب أم المنذر, on 21-12-2010 01:10 عزيزتي منى اللي اسمك على اسم بنتي منى الغالية اللي هلئ عمرا 17 سنة الله يخليلي ياها وأشوفا ناجحة بهالحياة متل أختنامنى يسلمو ايديكي ذكرتيني فيا كنت من زمان اعملا وهي طيبة كتير ولذيذة عندي حليب وان شاالله بدي اعملا بس أول مرة بعرف انو منستفيد من المي اللي بتطلع منو مشكورة خيتو

37  الكاتب زهرة المدائن, on 12-03-2012 18:12 السلام عليكم ورحمة الله وبركاته اختي منى الله يعطيكي العافية على هالأكلات الطيبة ... هي اول مشاركة إلي جربت اكلة الفلافل متل ماانتي عاملتيها تماماً وكتير طيبين ونسيت حط بكيبمبودر بس للأسف طلعوا الاقراص معي غامقين ممكن تفيديني بالسبب !! وشكراً سلفاً

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved