متل ما وعدتكم هلأ طريقة العدس بحامض على طريقة أهل حلب و هي شوربة مختلفة تماماً عن العدس بحامض على الطريقة اللبنانية , بس شو الطريقتيين كتير طيبات و ما بينشبع منهم ..

بالصحة و الهنا

2 كوب عدس
8 - 10 كوب مرق
نصف كوب حمض الحصرم
6 ملعقة كبيرة زيت زيتون
10 فص ثوم صغير
ملح و كمون

تعليقات (13)

1  الكاتب أم عباده, on 06-03-2008 19:22 يا سلام على هالعدس بحامض شي أصولي وتمام التمام ومافي أطيب منه لما بيكون الحمض بالحصرم بيطلع عن جدغير شكل وطعمتوأطيب من أي حمض تاني تسلم دياتك شهيتيني عليه وعم تذكرينا باكلات لذيذه وغاليه علينا يعطيك ألف عافيه

2  الكاتب منى, on 06-03-2008 22:33 الله يعافي قلبك و بدنك أختي أم عبادة , و الله ما في أطيب من طبخاتنا المنفنفة , كلك زوء

3  الكاتب نهال صبري, on 07-03-2008 12:54 يشبه كتير شوربة العدس المصرية ، باستثناء أننا لا نستخدم حامض الحصرم ، فقط نعصر فص ليمون قبل التقديم .  أخت منى : الله يعينك ع الموقع . .

4  الكاتب منى, on 08-03-2008 09:10 هلا و مية هلا بنهولة     هدا هو المميز بهل الشوربة , الحصرم بيعطي طعم مختلف عن أي حمض تاني     الله يسلمك نهولة , ادعيلي حبيبتي

5  السلام عليكم الكاتب هنون, on 12-10-2008 12:17 بصراحة موقعك عجبني كتير وانا اول مرة بسجل بموقع و بكتب تعليق فيه بس بصراحة باين انه جهودك جبارة و انت فنانة طبخ ما شا الله تبارك الله وانا من المستفيدات من هذا الموقع كتيرا الله يجزيك الخير لانك حلتيلي مشكلة كبيرة و هي تعلم الطبخ بطريقة سهلة و نتائج مضمونة انشاالله بصراحة انا اتزوجت جديد وكنت ببيت اهلي كل اعتمادي ع ماما في الطبخ كنت اساعدها في شغلات بسيطة بس ما كان اللي خلق اني اتابعها لاخر الطبخة و كنت ملتهية بدراستي ومن بعدها بوظيفتي بس الاحلى اني تزوجت و سافرت بعيد عن اهلي وما عندي حدا اساله عن شي فصرت ادخل ع النت منشان اشوف مواقع الطبخ الموجودة و اقرا كل الوصفات حتى اعتمد الوصفة اللي اقتنعت فيها و عجبتني وتكون قريبة من طبخ ماماوهيك كنت تايهة بس مرة ع مرة كنت ع طول تطلعي وصفات من موقعك وما الاقي حالي غير ع طول عجبتني و عملتها و تزبط الحمد لله منشان هيك قررت انه ما دور و اتعب حالي بس بدي اي وصفة بفتح ع موقعك و بدور ع اللي بدي اياه حتى بس كون محتارة شو بدي اطبخ بفتح ع موقعك و بختار حسب ما متوفر عندي وبيزبط معي الحمد لله وكمان عجبني بصراحة طريقة ترتيب و تنظيم الموقع و طريقةتنسيقه كتير حلوة و مريحة للناظر بصراحة انت بستاهلي كل شكرو ثناء ع مجهودك الطيب و اسفة اذا طولت عليك بس هي اقل ما فيني احكيه مشكورة و الله يعطيك العافية و الصحة و تظلي تتحفينا بوصفاتك الطيبة  السلام عليكم

6  الكاتب منى, on 13-10-2008 09:22 مية اهلا و سهلا فيك هنون نور الموقع بأخت غالية و جديدة , بتعرفي اختي رد متل ردودك هو الي بيحسسني ان الشغل الي بيصير بالموقع ما بيروح من دون فائدة و بيشجعني نزل كمان وصفات من مطبخنا اللذيذ لان بتعرفي ما في اطيب من المطبخ السوري ..    هنا و الف صحة على قلبك و قلب زوجك على كل وصفة جربتيها و عجبتك و ان شاء الله بترجعي سالمة و غانمة لسوريا ..    يا ترى اختي شو جربتي

8  الكاتب منى, on 22-12-2008 15:57 هلا ام سيمى   هادا بس من زووءك أختي و ربنا ييسر عليك الغربة و ترجعي سالمة و غانمة     المخلوطة فيك تشوفيها على الرابط هذا و ان شاء الله تجربيها و تعجبك

9  الكاتب اسماء, on 01-04-2009 17:46 يعطيك الف عافية على هالوصفة انا من زمان حابة اعمل عدس بحامض وقت اللي قريتها اتشجعت كتير . بس سؤال صغير لازم حمض الحصرم بيصير الليمون وشقد بدي لاصل للحم المعقول .. ويسلموا ايديك

10  الكاتب منى, on 02-04-2009 07:25 هلا اسماء   بيصير تستبدلي الحصرم بالليمون بس ما رح تعطيكي نفس الطعمة اكيد   اتوقع ممكن تستخدمي عصير ليمونتين او ااقل شوي , بس كمان هي قصة زووء , على كل هل الشوربة لازم تكون شوي حامضة

12  الكاتب منى, on 30-07-2009 18:40 هلا سيرينا   الف صحة و هنا و عافية يا رب على قلبك بكل لقمة اكلتيها انت و عيلتك الحلوة الصغنونة , كتير انبسطت انك عم تلاقي طلبك هون     المرق هو مرق سلق لحمة أو دجاج و اذا مو متوفر تحت ايدك ممكن تستعملي مكعبات مرق دجاج عادية , بس بالطبيعي اطيب .    رح نزل وصفة خصوصية لحفلات الاطفال لحتى اعطيكي فكرة سهلة و سريعة و مو مكلفة للكيكات , يا رب تعجبك , و باذن الله رح نزلها بكرة

13  الكاتب فائزة أحمد, on 17-07-2010 08:18 تسلم يدك منى على الوصفات اللذيذة      بس ايش هوه حمض الحصرم

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved