L2ma.com | لقمة طيبة | L2ma.com | لقمة طيبة | بيتزا البطاطا | البطاطا, البيتزا, · , ترش, على | L2ma.com

القائمة الرئيسية

بيتزا البطاطا

الكاتب/ منى

27/02/2008

فكرة جديدة و لذيذة لتقديم البطاطا المشوية و البيتزا بنفس الوقت . حبات البطاطا تقطع و تشوى ثم تستعمل عوضاً عن عجينة البيتزا , تغطى بالصوص و الخضار ثم الجبنة ,, يم يممي

يمكن شوي البطاطا بقشرها أو بدون قشر , أنا أفضل أن أقشر البطاطا ثم أشويها و إن كانت جميع وصفات البطاطا المشوية تتطلب عدم تقشيرها ...

بالصحة و الهنا

2 حبة بطاطا كبيرة الحجم ( بمعدل حبة لكل شخص )
صلصة البيتزا الإيطالية أو صلصة البيتزا بالتتبيلة الخاصة
جبنة صفراء مبشورة
القليل من زيت الزيتون
حبق طازج أو مجفف
ملح و فلفل أسود

أي خضار أو لحوم باردة تفضليها للتغطية و هذه بعض الأفكار :

بصل مقطع جوانح
فطر مقطع
ذرة
فليفلة مقطعة شرائح
عطون مقطع
مرتديلا مدخنة أو عادية
صدور دجاج مسلوق
direction

·          في حال شوي البطاطا بقشرها تنظف بشكل جيد جداً و تفرك ثم تقطع البطاطا لشرائح طولية بسماكة سنتيمتر تقريباً , أو تقشر و تقطع .

·          ترتب شرائح البطاطا على صينية مغطاة بورق ألمنيوم و تدهن بزيت الزيتون على الطرفيين ثم تغطى بشكل محكم و تشوى في الفرن المحمى على 180 درجة مئوية لمدة 40 – 50 دقيقة أو حتى تنضج تماماً و تطرى .

·          بعد أن تنضج البطاطا تخرج من الفرن و ترش بالملح و الفلفل ثم تدهن بصوص البيتزا و تغطى بأي نوع من الخضار حسب الرغبة ثم ترش عليها الجبنة المبشورة و ترجع للفرن حتى تذوب الجبنة .

·          تخرج البيتزا من الفرن و ترش بالكثير من الحبق الطازج أو برشة أو رشتان من الحبق المجفف و تقدم فوراً .

أضافة إلى المفضلة (3) |

أقتباس | مشاهدات : 5398

تعليقات (15)

1 يسلموا
الكاتب سمسمة, on 27-02-2008 18:58
الله يسلم هالأيدين أخت منى على آكلاتك يلي بتاخد العقل واذا في مجال تحطينا آكلات غربية وتكون طيبة مع ألف شكر

2 الكاتب omtasneem, on 28-02-2008 06:44

السلام عليكم ورحمة الله وبركاته. ماهي أخبارك؟ أتمنى أنك بأحسن الأحوال إن شاء الله تعالى. هي طريقة غريبة شوي بس تستاهل اني اعملا إن شاء الله جربها وردلك خبر

3 الكاتب منى, on 28-02-2008 19:20
هلا سمسمة

الله يسلمك حبيبتي و من عيوني أختي إذا الله راد

4 الكاتب منى, on 28-02-2008 19:23
هلا ام تسنيم , انا الحمد لله بأحسن حال و فضل و خير من الله

و الله أختي تستاهل , بس المهم انك تنتبهي على البطاطا و تخليها تسوي منيح

5 الكاتب سارونات, on 18-09-2008 16:32
السلام عليكم و رحمة الله و بركاته
وصفة جدا مميزة جازاك الله خيرا اختي منى
بدي اسال كبديل للحبق الجاف هل استعمل النعنع الجاف او الزعتر الجاف ايهما افضل و كمان قصدك صينية الفرن العادية يعني الواطية او شي تاني و كمان ثلتي بتكون الصينية مغطية بالالمنيوم و بعدين قلتي منغطيها منيح هالنقطة مو واضحة بالنسبة الي يعني منحط المنيوم فوق الصينية وز بعدين البطلطا و بعدين منغطيخها بالمنيوم تاني
لا تواخزيني عالاسئلة لكتيرة اختي منى
بالتوفيق
سلام

6 الكاتب منى, on 18-09-2008 19:26
هلا سارونات

فيك تستعملي الحبق الناشف أنا النعناع ما بعرف كيف ممكن تكون النكهة , ما فهمت شو قصدك بصينية الفرن الواطية ! استعملي اي صينية و غلفيها بورق الالمنيوم لحتى ما تلتدع البطاطا من تحت و بعد ما تصفي البطاطا ارجعي و غطيهم بورق الالمنيوم :zzz

7 الكاتب سارونات, on 22-09-2008 21:55
السلام عليكم و رحمة الله و بركاته
جربتها بهاداك اليوم متل ما قلتلك و طلعت :eek

بتجنن شكلها حلو كتير و بيجزب النظر و الطعم اقل ما يقال عليه هو 10 على 10 و بنصح الكل يجربوها و البطاطا خفيفة و طعمتها ما بتتصدق بتحسي كأنك عم تاكلي جبنة
جازاك الله خيرا اختي منى لان علمتينا هالوصفة المميزة اللي ترفع الراس و الله يجازيك كل خير و يجعلك ممن يعتقون من النار في العشر الاواخر من رمضان
بالتوفيق
سلام

8 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-11-2008 07:53
السلام عليكم اخت منى كيفك بصراحة هالوصفة شكلها كثير كثير طيب وبتفتح النفس اكيد اولادي راح يحبوها لأنهم بيعشقوا هيك وصفات خفيفة ولذيذة بس بدي اسألك بتستوي البطاطا لو شويناها بالفرن وبتطلع طرية

9 الكاتب منى, on 08-11-2008 05:29
هلا سارونات

مية الف صحة و هنا و عافية على قلبك و قلب كل مين داقها , و الف الف شكر ليك على الدعوات , ان شاء الله الك متلها و اغلى اختي

10 الكاتب منى, on 08-11-2008 05:29
هلا هيا

ان شاء الله تجربيها و تعجبك و لا تاكلي هم البطاطا رح تستوي و تدووب دوبان المهم انك تحاولي تطبيقي نفس الطريقة الموجودة

11 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 21-12-2008 06:16
صباح الخير منى كيفك معلش انا بعزبك معي بكثر الاسئلة بس كنت بدي اسألك فيني اشوي البطاطا من الصبح واجهزها ومجرد ما يدخلوا ضيوفي بحط الخضار والجبنة عليها وبرجعها على الفرن مرة ثانية ياريت تفيديني لأني بدي اعملها اليوم ومحتارة

12 الكاتب منى, on 21-12-2008 16:40
صباح الخيرات و الليرات

ان شاء الله ما كون اتاخرت عليك :roll

اكيد اختي ممكن تعملي متل ما قلتي , كنوع من التحضير المسبق

13 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 22-12-2008 17:42
مرحبا منى جربتها وطلعت طيبة كثير شكرا الك على الاكلات الزاكية

14 الكاتب منى, on 23-12-2008 05:40
الف هنا و عافية هيا , ريتو كل لقمة ألف ألف صحة و هنا

15 الكاتب لمياء, on 08-05-2010 13:06
ما شاء الله عليكى وعلى أفكارك الجميله
جزاكى الله خيرا

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 02/08/2009 )

< السابق		التالى >

[ عودة ]