نصف كوب سكر
نصف كوب ماء أو حليب
2 ملعقة كبيرة عسل

·          تجهز العجينة كما في وصفة البريوش و تخمر لأول مرة ثم تدعك و توضع في البراد لمدة ساعتين أو ثلاثة حتى تبرد العجينة و يسهل التعامل معها .

·          تدهن صينية دائرية صغيرة بقياس 22 سنتيمتر بالزبدة ثم تغلف بورق الزبدة .

·          تمرغ اليدان بالطحين ثم تقطع العجينة الباردة لـ 20 – 22  كرة تقريباً .

·          تجهز الحشوة : تقطع كل قطعة من الجبنة لقسمين , تحشى كل كرة من العجينة بنصف حبة كيري ثم تصف في الصينية المدهونة و تكرر العملية حتى الانتهاء من كل الكرات .

·          تغطى الصينية بورق نايلون لاصق بشكل محكم و تترك لمدة ساعتين أو حتى تنتفخ من جديد و يتضاعف حجمها و تسد كل الفراغات بين الكرات .

·          يحمى الفرن على درجة حرارة 180 درجة مئوية , يدهن وجه الخلية بالحليب أو بصفار البيض ثم تخبز في الفرن المحمى  لمدة 45 – 60 دقيقة أو حتى تنضج و تشقر .

·          في هذه الأثناء يجهز القطر , يوضع السكر و الماء أو الحليب على النار لبضع دقائق حتى يذوب السكر و يترك ليغلي قليلاً , يبعد القطر عن النار و يضاف العسل , أصبح القطر جاهزاً .

·          تخرج صينية الخلية من الفرن , باستخدام سكينة يعمل في الصينية بضع ثقوب في مكان التقاء كرات البريوش ثم تسقى بقطر العسل و تترك حتى تبرد .

·          أصبحت خلية النحل جاهزة , تقدم مع كوب من الشاي الساخن و بألف صحة و هنا .

 

تعليقات (20)

1  الكاتب غيث, on 11-02-2008 23:18 يسلمو ايديك يا اخت منى انا هون بالرياض بالسعوديةبجيب خلية النحل جاهزة وطيبة كتير والله منظرها بالصورة مثل اللي بجيبها جاهزة شكرا لك لاعطائنا طريقة صنعها ورح اجربها ان شاء الله قريبا

2  الكاتب منى, on 12-02-2008 07:28 و الله و انا بحبها كتير و كنا ما مناكلها الا برمضان لهيك بقيت جرب وصفات لحتى طلعت معي متل الي منشتريها   ان شاء الله إذا جربتيها تبقي تخبريني

3  الكاتب نهال صبري, on 13-02-2008 14:41 ما شاء الله.. شكلها يجنن .

4  الكاتب منى, on 13-02-2008 16:51 هلا نهولة يا ريت لو فيني أوقف على باب الموقع و أعطي كل حبايبي قطعة قطعة , و الله نفسي تدوقوا من طبخاتي كلكم   شكرا ليك نهولة على ردودك و تشجيعك

5  الكاتب ام نور, on 13-02-2008 17:46 الله يبارك فيكي مجرد التفكير فينا كأن طعميتينا وبعدان ماشالله عنك مبين أكلك بيشهي وبيفتح النفس الان خمرت العجينة وبوقرة انشالله بعطيكي الجواب .

6  الكاتب منى, on 14-02-2008 07:44 هلا ام نور يا عسل , اكيدة رح تعجبك ان شاء الله , انا بموت عليها و ما بتسدقي اني انا و جوزي ممكن نقضي على الصينية كلها بقعدة واااحدة

7  الكاتب ام نور, on 16-02-2008 21:03 شو هالخلية النحل طلعت معي شو هالبريوش هيدا رهيب ما بتسدقي خفيف وطري وطعمتو بتشهي وما اخد معي تحضير الوقت الي انت محددتي اقل بكتير لان الشوفاج عندي شغال فالبيت دافي وبسرعة طلع العجين والاهم طعمتو بتسوا البريوش الجاهز الله يبارك فيكي

8  الكاتب منى, on 17-02-2008 07:25 هلا حبيبتي ام نور   عوافي و هنا على قلبك و قلب نور و القطة الحلوة الصغيرة ..    كتير انبسطت لان حبيتيها و كانت على زووءك بس لا تنسي تاكلي عني كم قطعة

9  الكاتب منامينو, on 17-11-2008 08:06 حلو حلو يا منى، روعة, ما شاء الله عليكي. يسلمو إيديكي.. طب خطرت لي فكرة .. شو رأيك نعمل حشوة الكرات مش كلها نفس الشي؟ يعني شوي نحشيهن جبنة وشوي تمر أو شوكلاتة أو أي شي ثاني. ووقت ما نحطهن بالصينية منحطهن بترتيب عشوائي بنفس الصينية طبعا، هيك عشان الزغار يتشوّقو ياكلو ويقولو لبعض كل واحد شو الحشوة اللي طلعت له وبيصيرو بتحزّرو كمان إنه شو راح تطلع الحشوة.. وهيك بيصير أكل مع شوية متعة وضحك خصوصا إنه الزغار (والكبار كمان) ما شاء الله بيحبو المفاجآت .. شو رأيك؟

10  الكاتب منى, on 19-11-2008 17:28 فكرة بتجنن يا عسل انت يا ام الافكار , انا احيانا بعملها بحشوات مالحة مختلفة بس و لا مرة ما خطرلي جربها بحشوات حلوة مختلفة     من هلا اتوقعت اولادي شو رح يصير بحالتهم , فكرة مميزة الف شكر ليك عليها

11  الكاتب tala11, on 28-11-2010 13:44 السلام عليكم   كيفك ياعزيزتي منى والله ما بتصدقي ادي حابة شوفك   منشان اوصفلك ادي بحبك وبحترمك وبعزك   يعني عملتا لخلية النحل اليوم وطبعا هي اول مرة بجرب عجينة البريوش وطلعت كتيييييييييير طيبة يعني ما توقعت تطلع هيك   وطبقت فكر ة منامينو   مع انو ولادي صغار بس بتمشي ال ولابو الشباب   والحشوة هي تمر وجبنة وشوكولا بس اطيب شي الجبنة  عم استنى زوجي لحتى ييجي ويشوف الابداع تبع مرتو قصدي تبع حبيبة قلبي منى

12  الكاتب رغد غسان علاء الدين, on 20-02-2011 13:42 رح أجربها بعجينة أمي الذهبية..لنو وصف البريوش عنجد دوخني وفتت بسبعمية حيط وضعت..كم مرة مذكور الطحين؟؟ دخت..واتخربطت..رح جرب عجينة أمي وبحكيلك النتيجة..

13  الكاتب منى, on 20-02-2011 17:59 رغودة جربيها , بس اذا جربتي هل العجينة رح تجي لعندي مخصوص لتعطيني بوستين   لا بجد , شايفة المعكرو المحشي الي منشتريه برمضان , بتطلع اخته اللزم

14  الكاتب رغد غسان علاء الدين, on 24-02-2011 12:17 يسعد أوقاتك ميمو..   اليوم رح جرب هالأكلة بإذن الله تعالى..وهللئ طالعة أجيب اليانسون والمحلب والمستكة..ما بدي ينقص ولا ذرة مذرذرة من الوصفة   وببقا بحكيلك عالنتائج يا قمر   دعواتك يا جميــــــل

15  الكاتب منى, on 24-02-2011 12:40 ان شاء الله بتطلع معك يمممم , بس انتبهي على كمية السوائل لا تزودي لحتى ما تلوص معك الحكاية

16  الكاتب رغد غسان علاء الدين, on 25-02-2011 09:05 حضري حاكل يا ميمو ويا سيداتي العزيزات على تعليق طويل   يا ستي أول الشي أبشرك..النتيجة روعة..فظيعةولا أجدع محلات المعجنات ممكن تعملها بالهنتيجة الروعة والنكهة الخطيرة..بس إنو شو..ما بعرف يمكن لأنو الدنيا شتا..يعني من وقت ما بديت القصة وبلشنا نفضي الأغراض من الأكياس لوقت ما صار عالصحن وجاهزة للأكل..مضا حوالي 6 ساعات..كتير يعني..أول مرة بيوصل زوجي ولسه النتيجة مو جاهزة..وشو منشان يا مبمو الوصفة بدها كاستين طحين ما عدا نص كاسة التخميرة الاولية..مستحيل مستحييييييل يمشي الحال بلا هالنص الزيادة (( على الأقل)) إنو زيادة بتصير مريقة ولا تقليلي كمية السوائل..أنا مشيت عالمقادير بالذرة وعالتمام..وكمان شغلة..أنا بالنسبة إلي تاني مرة رح قطعة الكيري كلها بدون قسم..لأنو لما تستوي وتنفش وتكبر الكرة..بتصير النص قطعة الكيري كتير قليلة..بتاكلي لقمة وبتستني هللئ بتطلعلي الجبنة..بترجعي بتاكلي لقمة وبتستنتي.. بس شو بدك بالحكي..خيلــــــــــة..عنجد خيلة..كان لازم أعصر برتقال امبارح بدي أعمل شارب وأجلتو لليوم كرمال هالأكلة..قام طيابة الأكلة ونكهتها الروعة مع كاسة الشاي عملت مفعولها السحري ونستو لجوزي يسألني شو صار بالبرتقالات   فعلا فعلا..أقصر طريق إلى قلب الرجل..معدته

17  الكاتب رغد غسان علاء الدين, on 26-02-2011 11:53 نسيت أقللك..     ما قدرت أصور الوصفة لأنو ابني الهل يهديه وقع الكاميرا وانعوجت العدسة تبعتها   انشالله يكون تصليحها شغلة بسيطة..

19  الكاتب منى, on 17-10-2011 17:29 لا لوليتا فيكي تحشيها بايا شي بيخطر ببالك

20  الكاتب منى, on 17-10-2011 19:55 هلا رغود  حسيت حالي كنت بالمطبخ معك , هنا و صحة و عافية و ازرعيها بدقني على التنتيف الي ما زبطت معك , المهم النتيجة العامة كانت منيحة     يلا خيرها بغيرها على التصوير , ان شاء الله بتحضريها مرة تانية و بتصويرها بكاميرتك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved