قد تكون القطايف من أشهر الحلويات العربيه ولكن الكثير يجد من الصعب تتطلبق العجينه بالمنزل 
أمي حفظها الله وادامها تجيد فن صب القطايف و تحبه فعلمتني سر الصنعه وأنا بدوري سوف أقوم بنقلها لكم المهم لنجاح القطايف الدقه في الخطوات التي ستقلل من حالات الفشل في الاعداد 

يمكن طولت الخطوات بس ضروري مشان تصل الطريقه بشكل واضح و أي سؤال انا جاهزه و بتمني تنجح مع الكل من اول مرة  .

و اكيد الاخوات المغتربات رح يلاقولها قيمه لاننا نفتقد هالاكلات الحلوه بهالغربه والله يرجع الجميع لبلاده بالسلامه 

و بالهنا والعافيه 

نصف ملعقه طعام بيكنغ بودر

·          تخلط جميع المكونات السابقه بالخلاط لمدة دقيقه, ثم تترك فيه لتتخمر لمدة ساعة تقريباً و عندها ستجدين السائل له قوام سميك نوعا ما و المهم أن يتكون مسامات صغيره على سطح القطايف عندها تكون جاهزه للصب. 

·          اعدي مقلاة تيفال جيده او صاج مسطح ضعيه على النار حتي يسخن جيداً و جهزي قطنه مبلوله بقليل من زيت نباتي .

·          ادهني المقلاة بالقطنه بشكل جيد ثم صبي القليل من عجينة القطايف لتتأكدي من أن المقلاه سخنت جيداً و يجب أن ترتفع العجينه قليلاً و تتشكل بها مسامات كبيرة و واضحه , دعيها حتي تنشف العجينه كلها ثم قومي برفعها و يجب أن تكون الخلفيه بلون بني خفيف و ذلك يدل على جودة النضج ,عندها تابعي الصب بالحجم المفضل عندك (القطايف العصافيري تصب عادة أصغر من القطايف المقلية )

·          بعد الانتهاء من الصب يجب ان تكون الحشوة جاهزة و تحشى القطايف  و تغلق جيداً و عليك اختيار الحشوة إما القشطه أو الجوز المكسر و المخلوط بقليل من القرفه و السكر أو الفستق الحلبي مع ماء الزهر الجيد .

·          يحمي الزيت الغزير ثم نبدأ بالقلي حتى تصبح مقرمشه و بلون شهي .

·          ترفع على ورق لامتصاص الزيت الزائد ثم تسقى بالقطر المعد و المبرد مسبقاً .

·          أما القطايف العصافيري فهي تحشى و تغلق من طرف واحد و لا تقلي و تسقي بالقطر الممزوج بماء الزهر كما هو موضح بالصورة  .

 

 

 

تعليقات (26)

1  الكاتب منى, on 07-02-2008 23:29 أأأأه يا ام عبادة     شو هل القطاايف , شي منفنف و بياخد العقل , هلأ صرت قول نيال ام تسنيم و غيث عليك ..    الله يعطيك مية ألف عافية يا رب و يحفظلك أمك و يرجعك لحلب سالمة و غانمة       حبيت أضيف حشوة لذيذة كمان و هي حشوة الجبنة العكاوي , بتاخد العقل ..

3  8.2.08........9.00 الكاتب omtasneem, on 08-02-2008 07:56 السلام عليكم ورحمة الله وبركاته بصراحة وبدون مجاملات اختي وصديقتي ام عبادة فنانة بالطبخ والقطايف اول شي اخدو منا وقت جيت عاالمانيا ونجح نجاح فظيع بوقت كنت مبتدئة بالطبخ والله يعطيك الف الف عافية ويسلم دياتك الحلوين ويخلينا ماماتك ويخليلك عبودة

5  الكاتب منى, on 09-02-2008 09:09 هلا فيك أخت غيث ما شاء الله عليكم , محبة و ألفة غير شكل , الله يحفظكم لبعض و تبقى هيك على طول      أم عبادة , لو سمحتي الطحين الي بتستخدميه حين عادي يعني طحين الفرخة أو طحين حلويات , حابة جربها

7  أهلا بنهال الكاتب أم عباده, on 09-02-2008 20:35 الله يسلمك أختي نهال ويخليك وبشكر مشاركتك  اكيد القطر الساخن له مشاكل بيخليها طريه كتير ويمكن تخرب عالاخر بتمنى تجربيها وتطلع معاك تمام وخبريني شو بيصير معك

9  الكاتب أم عباده, on 09-02-2008 20:42 بدي أسألك أختي منى عن حشوة الجبنه العكاوي كيف بدها تحلايه ولا شو   ما بنستغني عنك وعن خبرتك والله يعطيك ألف عافيه

10  للعزيزة غيث الكاتب أم عباده, on 09-02-2008 20:48 والله يا غيث خجلتيني وما بعرف شوبدي اقول غير الله يجزيك كل خير على هالمشاعر الصادقه وتسلمي يارب وما أنحرم هالاخت المحبه والعزيزه

11  الكاتب منى, on 10-02-2008 10:27 هلا فيك أختي أم عبادة الشكر ليك على وصفاتك المرتبة الي رح شم ريحتها الا شوي من وصفك ليها ..  رح جربها اذا الله راد خلال هل الاسبوع و اكيدة رح ادعيلك

14  الكاتب منى, on 20-02-2008 17:44 هلا م عبادة   و الله اسفة أختي هلا انتبهت على سؤالك     المهم الجبنة العكاوية بتقطعيها لشرايح و بتنقعيها بالمي لحتى تروح منها الملح تماما بعدهابتصفيها منيح كتير و بتفرميها ناعم مع شوية مستكة و بتحطي معها اما جوز أو لوز أو صنوبر على كيفك و أنا ما بحب حط معها شي , و بس

15  الكاتب نور, on 11-05-2008 17:15 كتير طيبة الوصفة أختي أم عبادة .. حابة أسألك ليش لما أعمل القطايف عم تتمزق من المنتصف عند الحشو ؟ والسميد ناعم وللا خشن ؟ لكي كل التقدير

16  الكاتب أم عباده, on 15-05-2008 00:26 اهلا اختي نور   اسفه لتأخري بالرد عزيزتي بتكون القطعه سميكه اكثر من الازم فعند الحشو والاغلاق تجدينها تتمزق فحاولي ان تكوني القطع اقل سماكه يعني ارق وذلك من خلال تمديد الخليط بقليل من الماء قبل الصب لكي تتمد العجينه بارض المقلاة جيدا ولكن لاتكثري من الماء وبالنسبه للسميد الناعم يكون اسرع بالنتيجه المطلوبه ولكن اذا لم يوجد الاالخشن فهو يفي بالغرض واتمنى ان تجربيها مرة اخري وتكون النتائج مرضيه لك ولعائلتك والف صحه وهنا

17  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 04-09-2008 12:10 يسلموا هالايدين ام عباده على الوصفه. صرت مجربه وصفات كتيره جدا للقطايف ما حبيت ولا وحده لحد الان. ما بحب طعمه الخميره فيها. كتير انبسطت انو وصفتك ما فيها خميره. راح جربا اليوم و ابلغك بالنتيجه ان شاء الله. عندي سوءال عزيزتي وهو عندما تقليها هل بيكون حراره النار على اعلى شيء او بين العالي و الوسط او وسط? و هل تقليها في زيت نباتي? و بالنسبه للناس اللى بيشووها بالفرن شو بيستعملوا لدهنا لان الشوي اسهل اذا كان عندك عزيمه كبيره و ناس كتير. و على اي حراره و في اي رف? و هل نستعمل الشوايه والا بس الفرن? معليش غلبتك بس بدي اياها تظبط معى هالمره. شكرا كتير سلف عزيزتي

19  الكاتب منى, on 23-09-2008 14:37 أمونة أنا لسا ما جربت الوصفة ما فيني جاوبك عن الأسئلة بس رح احكيلك شو بعمل لما بجيب القطايف جاهزة , بقليها بزيت نباتي نظيف يعني استعمال لأول مرة و الشوي ممكن تشويها على الرف الوسط حرارة 200 بعد ما تدهنيها بالزبدة , بس الصراحة فرق شاسع بالطعم بين القطايف المشوية و المقلية

20  الكاتب منى, on 23-09-2008 14:38 مية هلا فيك قمر نورتي أختي و ألف شكر ليك على الكلام الجميل

22  الكاتب منى, on 25-08-2009 12:43 هلا فيك اختي   شرفتي الموقع و نورتيه و ان شاء الله تجربي وصفة ام عبادة و تكون متل ما بتحبي

24  الفشل الذريع ... !!! الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 30-01-2011 06:01 السلام عليكم ورحمة الله وبركاته    ما فشل معي شي بحياتي متل هالمرة، غير لما عملت فول مقلى من الفول اليابس حطيتو وقتها بزيت الزيتون وقعدت إقلي فيه لا تضحكوا علي .. بتصير في أحسن العائلات .  لما حطيت المقادير (بالحرف) بالخلاط، ما كان يخلط وطلعت ريحة شويط ولما شلت منه المكونات وهيك خلطتون عادي طلعت كتييييييييييييييييييييير سميكة العجينة يعني كان خرج أشكل منها قراص القطايف بإيدي. أمت حطيت مي شوية أتورة وخلطتون بالخلاط ورجعت حطيت شوية مي ... لصارت متل ما لازم تكون. وتركتها. بس بدال ما يطلع عوجهها فقاعات، تشكلت طبقة سميكة عالوجه متل تبعيت الرز بحليب هيك. أمت خلطتها وتركتها كمان ساعة ... ولما إجيت إقلي القراص طلعت غرائب عجائب ومعجنة ووووووو وما بتنقلب وهيك.  تعبت وعصبت وتركتها كنت رح كبها . بس قلت لحالي خلص خليها لبكرا بالبراد بشوف شو بعمل فيها.  وقلت بلكي المقادير غلط ، طلعت منال العالم نفسسسسس المقادير عاملة وطالعين ما أحلاهون معها.   اليوم من الصبببببح طالعتها خلطتها شوي وكانت منيحة وطلعلها فقاعات عالوجه، وضليت عم سخن المقلاية ربع ساعة ...... وتقريبا النتيجة نفس الشي.  من تحت القرص كتير طلع مستوي وهيك بس من فوق معجن ولما إجيت بدي شيلو عجن كلو على بعضو طلع بيشبه كل شي إلا القرص. وهكذا دواليك لانتهت العجينة. وطبعا ما سخيت كبهون أمت حطيتلون مربى وأكلتون شوي شوي (قبل ما يجي جوزي) مشان ما يعرف شو صاير تماشيا مع القاعدة الذهبية للفشل :  (( إذا قمت بتجربة وفشلت، فاقضي على كل الآثار الدالة على ثيامك بها))       ليش هيك ؟ .. مافي شي وصفة تانية ؟؟؟    والسلام عليكم ورحمة الله وبركاته

25  قطايف فاشلة الكاتب alyatabbaa, on 06-08-2011 16:29 مرحبا! أنا جديدة عل الموقعو ما شالله كتير ظريف الله يعطيكم العافية... بس بصراحة انا جربت هل الوصفة و صار معي متل الأخت يلي كتبت قبلي بالخلاط ما مشي الحال و بالخفاقة طلعت عجينة متل عجينة الخبز أو البيتزتا... يا ترى في شي ملاحظة ما اتبهنالها أو في شي منسي بالوصفة و شكرا كتير ممنونة !! :

26  الكاتب منى, on 07-08-2011 08:46 و الله اخواتي انا مو مجربة الوصفة , ما عندي فكرة تمام عليها

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved