البريوش ( وصفة قريبة على ما يعرف في سوريا بالمعروك )  خبز فرنسي ذو طعم حلو قليلاً , غني بالزبدة و البيض و يمكن أن يقدم مع الجبنة و المربى و البيض ... أنت و أفكارك .

هذه الوصفة و الملاحظات الصغيرة هي خلاصة الكثير الكثير من التجارب . لا أحب أن أذكر كمية البيض و الطحين التي استخدمتها و لا نظرات زوجي المستغربة كلما طلبت منه المزيد من الزبدة ..

تقسم العجينة لمرحلتين , التخميرة الأولية و العجنة الرئيسية و في وصفتي لا توجد كمية كبيرة من الخميرة , أضع كمية قليلة نوعاً ما و أترك العجينة لتختمر لمزيد من الوقت ..و إذا كنت ترغبين بتقديم البريوش على الافطار يمكن تحضيره في الليلة السابقة .

كمية السكر في العجينة تتفاوت حسب رغبتك بتقديم البريوش , للوصفات المالحة تضاف ثلاث ملاعق كبيرة و للوصفات الحلوة تضاف خمس ملاعق و ككل العجائن التي تحتوي الزبدة في مقاديرها , يجب أن تبرد العجينة قبل البدء باستخدامها و تشكيلها , يجب استخدام نوعية ممتازة من الزبدة للحصول على أفضل نكهة ..

 

بعد أن يجهز البريوش و يختمر للمرة الأولى , يمكن أن يشكل بالكثير من الأشكال  , تقطع العجينة لكرات كبيرة أو تقطع لثلاث أقسام ثم يشكل منها ضفيرة أو تقطع لكرات صغيرة و تحشى بالشوكولا أو الكيري أو الجبنة أو عجينة اللوز مع الزبدة  أو حشوة الدجاج أو اللحمة حسب الرغبة أو تدهن قوالب الكب الكيك الصغيرة و توضع فيها كرات البريوش المحشية .

بعد خبز البريوش أغطيه بقطر محضر من السكر و الحليب و يمكن دهن وجهه البريوش بالزبدة ثم يرش السكر البودرة عوضاً عن هذا القطر .

بالصحة و الهنا

ملعقة صغيرة سكر
ملعقة صغيرة و نصف خمبرة فورية

العجينة :
 
3 بيض من الحجم الكبير بدرجة حرارة الغرفة
كوب و نصف طحين
3 – 5 ملعقة كبيرة سكر
ربع ملعقة صغيرة ملح
2 ملعقة كبيرة حليب بودرة
نصف ملعقة صغيرة بيكنغ بودر
نصف ملعقة صغيرة محلب حب
ثلث ملعقة صغيرة يانسون كامل
بضع حبات مستكة
اصبع و نصف زبدة ( ثلاث أرباع كوب )

لدهن الوجه :

صفار بيضة أو حليب سائل

القطر  :

ثلث كوب سكر
نصف كوب حليب

تعليقات (42)

1  الكاتب ام نور, on 05-02-2008 08:14 يسلم هالديات شو هالبريوش هيدا كأنو جاهز ماشالله عنك.عفكرة متل ما قلت كتير فيا الوحدة تتفنن بهل بريوش وبيطلع طيب

2  الكاتب منى, on 05-02-2008 10:19 هلا ام نور الله يسلمك و لا يحرمني هل الززوء ..    أنا رح حط أفكار كتيرة لهل البريوش إن شاء الله بموضوع لحاله و إذا عندك أفكار يا ريت تشاركينا فيها

3  الكاتب أم عباده, on 05-02-2008 21:12 أكبر غلط عملتوا أني دخلت على الموقع وانا جوعانه وياسلام الاكلات الجديده بدا صبر ومقاومه بس هالصفحه خلتني اقرر انو اول شي رح اعملوا بكره اعجن عجينه البريوش ان شاء الله لانو المعروك عنا خاطرو غالي واكيد رح اقلك عالنتائج والله يعطيك الف عافيه

5  الكاتب تورتاية بالكريز, on 07-02-2008 04:36 ياريت اخت منى الغالية تحطي كمية الطحين بالعجينة عشان تكون معيار لي ولاهي بالنظر حسب الاحتياج والف شكر ياقمر

6  الكاتب منى, on 07-02-2008 12:19 هلا ام ياسمين الغالية   و الله أختي ردودك بقرها أكتر من مرة من كتر مو حلوة , الله يوفقك و يجازيك كل الخير     نبهتيني اني نسياانة أذكر مقدار الطحين upset , بارك الله فيك و هلا تم التعديل

7  الكاتب منى, on 07-02-2008 12:19 هلا ام ياسمين الغالية   و الله أختي ردودك بقرها أكتر من مرة من كتر مو حلوة , الله يوفقك و يجازيك كل الخير     نبهتيني اني نسياانة أذكر مقدار الطحين upset , بارك الله فيك و هلا تم التعديل

8  الكاتب منى, on 07-02-2008 12:19 هلا ام ياسمين الغالية   و الله أختي ردودك بقرها أكتر من مرة من كتر مو حلوة , الله يوفقك و يجازيك كل الخير     نبهتيني اني نسياانة أذكر مقدار الطحين upset , بارك الله فيك و هلا تم التعديل

9  الكاتب نهال صبري, on 07-02-2008 14:15 السلام عليكم .. كيف حالك أخت منى ؟ تسلم ايدك .. أنا نقطة ضعفي هي كل أنواع الخبز لأن في القاهرة اللي بتخبز بيتقال عليها شاطرة أوي و ست بيت ناجحة ..  ناوية أجربه ان شاء الله بس قوليلي ما هو المحلب ؟ و هل يمكن الاستغناء عنه ؟

10  الكاتب منى, on 12-02-2008 11:48 هلا نهولة أسفة للتاخر بالرد بس حبيت أكتب لك موضوع كامل عن المحلب فيك تشوفيه على على الرابط التالي  إن شاء الله تكوني عرفتيه, أما اذا كان مو متوفر ففيك ما تستعمليه مع ان رح يعطي طعمر كتير مميزة للبريوش , فيك تحطي شوية فانيليا لتنكيه العجينة

11  الكاتب نهال صبري, on 13-02-2008 14:37 تسلم ايدك ، و جزاك الله خيراً على تعبك .. هو فعلا ما بنعرفوش في مصر ، لكن ما يمنعش أجرب البريوش من غيره

12  الكاتب منى, on 13-02-2008 17:07 و الله افتكرت انه معروف عندكم , بس البريوش رح يبقى طيب من غيره ..    إن شاء الله تجربيها و تعجبك

13  الكاتب رنا, on 07-09-2008 12:43 والله شكله صعب   بس لذيذ كملن وبماأنه انا كتير بحب المعروك وهون تقريبا المعرول اللي بيعملوه متل الصمون بس على شكل قرص لذلك حابة جربه  بس عندي كم سؤال   هلأ انا ماعندي من هالقالب يلي بالصورة بينفع اخبزه بصينية عادية حوافها مرتفعة شوي ؟؟    تاني شي ...بعد مأحضر التخميرة الاولية بحط الطحين يلي رح استعمله بالبريوش ؟؟يعني مااترك التخميرة اول بعدين احط الطحين ؟؟  انشالله رح جربه باقرب وقت وشكرا كتير على هالمجهود الرائع

14  الكاتب منى, on 09-09-2008 12:55 هلا رنونة   أسغة للتاخير بالرد , ابدا مو صعب , هي اسهل من الكروسان بمية مرة , تقريبا عجينة عادية     بينفع تخبزيه بأي قالب من\\توفر عندك و فيك تتحكمي بالشكل متل ما بتحبي , السؤال التاني ما كتير فهمته , بس الفكرة انك تحضري التخميرة الاولية و تغطيها بباقي الطحين الموجود في وصفة البريوش و الي هو كوب و نصف ..    كلك زووء حبيبتي , نورتي و ان شاء الله تجربيه و يكون على زوووءك حبيبتي

15  الكاتب منى, on 09-09-2008 13:27 هلا رنونة   اسفة للتاخير بالرد , ممكن تخبزي المعروك بأي قالب متوفر و تعطيه الشكل الي بيعجبك , اما السؤال التاني ما كتير فهمته , بس الفكرة انك بعد ما تحضري التخمبرة الاولية بتغطيها بالطحين اللازم لوصفة البريوش و بتخليهم يتخمروا مع بعض..    ان شاء الله تجربيه و يعجبك و رح نزل وصفة للمعروك المظبوط هل الاسبوع إذا الله عطانا عمر الشكر ليك على ثقتك فيني و تجربتك لوصفاتي , مية هلا

16  الكاتب رنا, on 10-09-2008 12:39 الله يسلم ايديكي على هالوصفة اللذيذة جدا بس شو قصدك بالمعروك الاصلي لكان شو هاد اللي اكلته حسيت طعمته بتختلف عن طعمة اللي كنت اكله بحلب بس نجح وطلع طيب شكرا كتير كتير   وهون في صورة لتطبيقي قديش بتعطيني يامعلمتي؟؟؟هو يمكن تشوفي انه شوي من تحت غامق مع انه على درجة 180 وخبزته عشرين دقيقة بس     المهم طلع طيب وخلص

17  الكاتب منى, on 10-09-2008 12:56 بالاول صحتين و عوافي و هناا ياحق رنونة , صورة البريوش يممي , لو سمحتيلي انا صغرت الصورة لحتى تصير مناسبة للصفحة , بعطيكي علامة تامة يا قمر ما دامها من اول مرة طلعت معك بتشهي هيك , سلم دياتك و ان شاء الله ما تكوني نسيتي تاكلي عني كم لقمة     يا ترى صينتك تيفال ؟ لان التيفال بيلدع عقب المخبوزات     هلا عندي كم وصفة عأساس للمعروك الاصلي الوصفة اخت البريوش بس من دون بيض , جربت اول واحدة و طلعت هلا لنشوف البقية

18  الكاتب رنا, on 10-09-2008 14:36 مزبوط كلامك الصينية تيفال خلص تاني مرة بجربه بوحدة غيرها   شكرا كتير عالرد وبالنسبة للصورة مو مشكلة ...  وانشالله يزبطوا معك وصفات المعروك وماشالله على بالك شو طويل

19  الكاتب منى, on 10-09-2008 21:10 ان شاء الله , الوصفة الماضية حرقتلي دمي و راحت الزبدة المعتبرة كلها على الفاضي     مية هلا رنونة

20  الكاتب souha, on 08-11-2008 13:05 السلام عليكم تسلم إيدكي يا منى الله يعطيكي العافية الصورة شكلها جنان و برمضان اتشجعت كتير و ساويت المعروكة بس لأحكيلك شو صار معي إنو طلعت العجينة مريقة شوي يعني إذا قطعتيها كرات و حطيتيها بالصينية تسيح و ما تاخد شكل كرة مع إنو الصورة إلي حاطتيها باينها مضفورة و أنا بحب هالشكل يا ترى قولك ليش صار معي هيك خايفة إرجع جربها و أفشل مرة ثانية

21  الكاتب منى, on 08-11-2008 13:40 معناها عجينتك كانت مو باردة , أو ممكن يكون البيض كتير , جربي رجعيها على البراد لحتى تبرد كتير منيح و بعدها رح تصير سهلة بالتشكيل و بتاخد اي شكل انت حاببتيه

22  الكاتب BaSmAa, on 13-01-2009 23:50 تسلم اديكي عالبريوش الرائع  لهلئ ما جربتو خايفة منو لأنو مراحله كتير  من عجن وتخمير وتبريد ههههه  إن شاء الله أتشجع وأجربه لأن طريقتك ماشاء الله بتاخد العقل

23  الكاتب منى, on 14-01-2009 11:23 ان شاء الله تجربيه و يعجبك و الله بده وقت بس يمممي     هلا فيك بسومة نورتي يا عسل

24  الكاتب alraunak, on 17-01-2009 02:05 تسلم ايدك ياست منى بس حابة أسألك هل الخميرة الفورية هي نفسها الخميرة الحبيبات

25  الكاتب منى, on 17-01-2009 09:35 هلا أختي   هي نفسها أختي و منسميها هيك لنميزها عن الخميرة الي ممكن نشتريها من الفرن تازة

26  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 15-07-2009 19:18 شكلو حلو بس بدو طولة بال ، بتذكر اني اكلت خبز فرنسي بيشبه هاد ، طعمه حلو بس معمول على شكل كرات منفصله وبالنص رشة سكر ناعم ما بعرف اذا هاد نفسه ولا لاء

27  الكاتب منى, on 19-07-2009 12:19 نفسه تمام بس الاختلاف بالتشكيل , اتمنى تجربيه و يكون طيب و على زوووءك اختي و اي سؤال انا تحت امرك

28  الكاتب قهوه مُره, on 25-08-2009 02:01 السلام عليكم....تسلم إيدك منمونه..أنا بدي إعمله بالجبنه المالحه ف شو بتنصحيني أعمل خلطة الجبنه .وشو حط على الوش...غلبتك معي ..الله يعينك علينا..بشكرك شكر جزيل.والله يجمعني فيكي وبالأخوات على خير

29  الكاتب منى, on 25-08-2009 11:53 هلا و مية هلا   رمضان كريم عليك و على كل حبايبك اختي .    الجبنة ممكن تستعملي الجبنة البيضاء الملح خفيف و الوج ممكن تدهنيه بالبيض و رشة نسكافيه قبل الخبز و بس ما طالعتيه من الفرن تمرري عليه قطعة زبدة باردة لحتى يعطيه لمعة حلوة

32  الكاتب منى, on 30-08-2009 14:07 يا ريتك ما كابرتي و لا كملتي   ما دامها ما نفشت معك معناها الخميرة مو مزبوطة او انك ضفتي الحليب و درجة حرارته عالية لهيك قتلت الخميرة , و الي صار بعدها طبيعي ان ما تنفش العجينة   العجينة كمبتها مو كتيرة , ي بس لحتى يطلع معك متل الظاهر بالصورة , ان شاء الله ما تيأسي و ترجعي تجربي الوصفة و تعجبك

33  الكاتب noradham, on 18-10-2009 19:24 كان لى سؤال هل يمكن الاستغناء عن المحلب والمستكة ولا دول اساسى فى العجينة لاننا فى مصر معندناش فى مقادير البريوش النوعين دول وشكرا لكى

34  البريوش الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 20-12-2009 06:11 هاي عزيزتي منى     بحب اقلك اني من النوع اللي بيحب يجرب وصفات كتير وخصوصاً الحلويات والمعجنات . وبالفعل عملت عدة وصفات حلو أغلبها كيك وكانت كتير ناجحة وأخذت منها لصحباتي بالشغل وكتير كتير مدحوها وعطيتهم السايت وقلتلهم انو كتير مفيد وفي وصفات كتيلا حلوة.   أسفة طولت عليكي بس أنا جربت البريوش وللأسف ما ظبط معي العجينة ما نفشت كتير وكمان حسيت كمية الطحين قليلة . أنا جربت نصف الكمية لشوف النتيجة بس للأسف ...وكانت العجينة كتير لزقة وما قدرت شكلها مظبوط أنا اتبعت كمية الطحين بس الظاهر كان بدها أكتر ما بعرف .وهاي تاني وصفة ما بتظبط معي قبل العوامات وهلق البريوش . بتمنى تردي عليّ لأن حابي أرجع اعملها بكرا . شرا كتير وأسفة طولت عليكي .

35  الكاتب منى, on 02-01-2010 19:57 هلا نور   المحلب و المستكة رح يعطوا طعم طيب كتير للعيجينة , بس مش اساسيين لنجاحها , و اكيد هنن متوفريين بمصر بس يمكن بغير اسم

36  الكاتب منى, on 02-01-2010 20:23 هلا رلا   كتير زعلت لان ما زبطت معك الوصفة , اختي المفروض بهل العجينة انها تكون باردة لحتى ما تلزق معاك و كمية الطحين مزبوطة مع المي و الزبدة , اتوقع هادا هو الغلط     يلا ازرعيها بدقني و خيرها بغيرها ان شاء الله

38  الكاتب منى, on 10-02-2010 11:17 هلا للكاتو ما بستعمل الا الالمنيوم لان بالتيفال بيصيروا الاطراف قاسية كتير , بس مو حيا الله صينية , في انواع صواني المنيوم بتكون مخصصة للاستعمال الغذائي , لحتى يكون الاستعمال اامن.    للمخبوزات متل البيتزا و الفطاير و غيره استعمل التيفال

39  الكاتب reema, on 11-02-2010 20:16 الله يجزيك الخير يا رب..وتسلم ايديك اللي عمتطبخي فيهن وتكتبيلنا فيهن

40  الكاتب منى, on 11-02-2010 23:33 خليلي عيونك ريما على هل الدعوة , ان شاء الله انت كمان

41  الكاتب عيون ريم, on 02-05-2010 22:27 تسلم اديكي حبيبتي منى والله كل وصفاتك رووووووعه الله يحميكي انا عندي عزومة عشابعد كم يوم وعجبتني العجينة وحابة اعمل منها خلية النحل بس بدي اسالك بصير اعمل مراحل العجن تبعتها قبل بيوم ويوم العزومة اعجنها العجنه الاخيرة واحشيها واتركها تتخمر على راحتها واخبزها عشان مايصير عندي ضيق بالوقت ؟؟؟؟؟  وتسلميلي ياااااااقمر طولت عليكي

42  الكاتب منى, on 03-05-2010 11:45 ايه اكيد فيك و هي خطوة دايما اعملها     ان شاء الله تنول الرضا , رح استنى رايك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved