نصف كيلو صدور دجاج مقطع و بدون عظم
ثلاث بصلات متوسطة الحجم
نصف كوب زيت زيتون 
نصف كوب عصير ليمون
ثلاث ملاعق طعام من السماق الناعم
القليل من الملح حسب الذوق
صنوبر وبقدونس للتزيين (اختياري)
خبز عربي أو خبز الصاج 





·          يفرم البصل الى جوانح رقيقه ويرفع مع زيت الزيتون على النار .

·          بعد ما يذبل و يصبح شفافا بعض الشئ يضاف الدجاج الذي يقطع إلى بضع قطع لسهولة الطهي و يقلب على نار هادئة لمدة عشر دقائق .

·          نضيف عصير الليمون و السماق و الملح و يترك لمدة نصف ساعة تقريباً حتى ينضج و يصبح الدجاج متشرباً للتوابل بشكل كامل ثم يترك حتى يبرد تماماً .

·          يفرد الخبز و يحشى بالخلطة و يزين بالصنوبر و البقدونس المفروم و يلف على شكل عرائس .

·          يصف في صينيه و يدخل للفرن حتى يتحمر الخبز قليلاً أو يكبس على الشوايه الكهربائيه و هي تعطي للسندويش شكلاً جميلا ً .

·          يقدم ساخنا مع التبوله أو الكريم ثوم أو ما تفضلين و ألف صحه و هنا . 

تعليقات (13)

1  الكاتب منى, on 22-01-2008 12:44 الله يعطيك ألف عافية أخت أم عبادة     طريقة لذيذة , أنا اتعلمت المسخن من صديقة فلسطينية و هم بيستعملوا للمسخن خبز خاص ( أظن اسمه خبز الطابون أو خبز الشراك )و ما بيقدموه بشكل سندويش و هي طريقة السندويشات طريقة جديدة بس أظن أنها عملية أكتر من الطريقة الأصلية .    طريقتي لسندويش المسخن الفلسطيني بتشبه طريقتك , أنا بستعمل خبز الصاج , بسلق دجاجة كاملة مع شوية بهارات بعدها بنظفها من العظم و الجلد , بقلي كم بصلة مفروميين ناعم بزيت زيتون و بتبلهم بالسماق و بهارات حسب الذوق متل الهال أو   الكمون أو الكركم أو القرفة و بضيف فوقهم الدجاج و بحرك شي عشر دقايق لحتى يتبل الدجاج بالبهارات و البصل   أفرد خبز الصاج و أقسمه لمستطيلات و بعدها أحشيه بحشوة الدجاج و أرش فوقهم شوية صنوبر و لوز محمصين و أرتب السندويشات بصينية مدهونة و بعدها أدهن السندويش دهنة صغيرة بمرقة دجاج و بعدها بشوية زيت زيتون و في الفرن لحتى يتقرمشوا ,, يممم بالفعل و لا أطيب     تسلم دياتك على الطريقة المرتبة و المقادير الواضحة و تعيشي و تجيبي وصفاات طيبة

3  الكاتب منى, on 23-01-2008 10:46 هلا حبيبتي ام عبادة     بالفعل متل ما قلتي هل الطريقة مناسبة أكتر , و أنا الصراحة حبيتها أكتر من الطريقة الأصلية للمسخن     ممم رح جرب المرة التانية ان حضر المسخن من دون سلق الدجاج و ببقى بخبرك شو صار معي اذا الله راد     أختي الشكر ليك على هل الوصفات المرتبة الي عم تبعتيها , عن جد تسلم هل الدياات

7  الكاتب منى, on 31-01-2008 07:10 بعد زمان أختي أم عبادة , سألت عليك العافية يا رب     الحمد لله , بس الي صار هل المرة مو هكر , هي قصة تانية     و عن جد أنا كمان كتير كتير اشتقتلك و لباقي الخوات , و ان شاء الله أخر مرة بيصير هيك

9  الكاتب أم عباده, on 05-02-2008 21:02 الله يخليك وما يحرمني منك ومن كلماتك الحلوه ةالغاليه يا غيث خجلتيني بلطفك المهم الحلوين يكونوا حبوا والف سلام

10  الكاتب منى, on 06-02-2008 12:36 ألف شكر ليك أم عبادة على الصور , عن جد شي مرتب و بيفتح النفس     الله يجزيك كل الخير

11  الكاتب ام نور, on 06-02-2008 16:15 سلم دياتك على هالاكلة جربتا وشو طلعت طيبة عنجد نكهة السماق والحامض فخامة حسيتا مع الجاج الله يبارك فيكي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved