2 كوب رز بسمتي
4 – 5 ملعقة كبيرة زيت
حبة كبيرة بصل
3 – 4 فص ثوم مهروس
قطعة صغيرة من الزنجبيل الطازج المبشور
نصف حبة ملفوف متوسطة
2 حبة كبيرة جزر مفروم ناعماً
ثلاث أرباع كوب بازلاء مسلوقة
نصف كوب ذرة
رشة كمون
رشة كزبرة ناعمة
رشة فليلفة حمراء حرّة
رشة قرفة
رشة بهار
ملعقة كبيرة صلصة الصويا
4 كوب مرق دجاج أو لحمة أو مرق خضار

تعليقات (24)

2  الكاتب منى, on 18-01-2008 10:06 الله يسلمك رينو و ما أنحرم من هل الطلة الحلوة

3  الكاتب نورا, on 19-01-2008 11:07 وصلت ريحته لعندي.. شكله كتير طيب... ومغذي كمان...  على فكرة منى انا ما كتير بستعمل رز بسمتي لانه طبخي اصلاً بالرز الطويل.. بس مرة عملت منال في التلفزيون رز استنبولي كتير اتحمست اعمله واشتريت رز بسمتي بنجاب او مدري شو مشانه.. ونظراً لأنه منال ما قالت شقد نحط مي قرات كتيب الرز وكان فيه انه ثلاث كؤوس ماء والله لا يرويكي شو طلعت الأكلة كتير طيبة بس مخبوصة خبص   ومن وقتها ما استعملت رز بسمتي بنوب.. فإذا ممكن تكتبيلي نوع الرز اللي بتستعمليه لانه فهمت منك انه 2 كأس ماء للكأس الواحد من الرز.. ومشكورة يا امورة...

4  الكاتب منى, on 19-01-2008 12:17 هلا نورا     أنا بستعمل الشعلان كتير بحب طعمته و ما بيخبص بحياته ..    أنا بستعمل لكل كوب رز كوبان من المرقة , و في ناس بتحط لكل كوب من الرز كوب و نصف مي بس أنا بحبه أطرى شوي

7  الكاتب منى, on 16-10-2008 10:04 هلا فيك اختي شوفي اختي لاحظت من اسئلتك انك كتير بتسألي عن البدائل , لهيك حابة فيدك ان ما في شي بالطبخ ما بيصير , اصلا أغلب الوصفات طلعت عن طريق التجربة , انا بمقاديري بكتب الطبق متل ما بشوف رح يعطي اطيب نكهة و احيانا اذا مو متوفر عندي شي , متل الزنجبيل الطازج استبدله بالمطحون و اذا مو متوفر الصويا صوص ممكن استبدله بصوص الوسترشاير أو صوص الفطر , بس بالطريقة المكتوبة بتطلع اطيب الشي و هيك بكون اتعلمتها من مصادرها الاصلية في وصفة في الموقع للتشاينز بيف فيها ملفوف , كتير طيبة بس فيها صويا صوص

8  الكاتب سارونات, on 20-10-2008 21:05 السلام عليكم و رحمة الله و بركاته  اي شفتها لوصفة التشاينيز بيف و عجبتني لحد ما لقيت الصويا صوص   طيب بدي اسال صوص الفطر ما بينعمل بالبيت  لقيت وصفات لصوص الفطر بس ما بعفر ازا بتنفع او لا  بالتوفيق  سلام

9  الكاتب منى, on 21-10-2008 06:18 و الله اختي ما عندي فكرة ابداً

13  الكاتب منى, on 02-12-2008 17:53 هلا اختي   هو مفروم هلا رح عل الوصفة و الف شكر الك للمتابعة

14  الكاتب dado, on 13-01-2009 16:34 مرحبا منى وكل الصبايا  اشتقتلكن كتير  صرلي من قبل العيد ما كتبت شي..  كان عندي مشكلة بالانترنت بالبيت، وبالشغل ما عم يصحلي شارك بشي يدوب بفوت بسرعة لشوف شو صاير وبطلع.  كتير عجبتني الوصفة.. أنا بموت على الأكل الهندي وكلشي فيه بهارات عطرية ونكهات قوية.  حابة إني جربها بعد بكرة إذا الله راد.  منى عندي استفسار لو سمحتي: هل ممكن إني حضر الطبق لعند مرحلة إضافة الرز و وقف؟ يعني هل ممكن إني جهز الصلصة قبل بيوم ووقت بدي قدم الطبق بضيف الرز وبطبخه؟  بصراحة أنا عندي مشكلة مع الوقت.. دوامي 13 ساعة ومرات بيكون بالليل وبعكس دوام زوجي فبضطر إني إعمل خطط خمسية للطبخ   عنجد .. بحاول حضر ما يمكن من الوصفات وبحط بالفريزر.. لما بكون معطلة لازم على الأقل جهز لشي 4 أطباق بحيث ما ياخد مني الطبق أكتر من نص ساعة تحضير وقت التقديم.  آسفة منى.. بلعي كتير أنا.. بس مو صرلي زمان.. فاعذريني

15  الكاتب منى, on 14-01-2009 11:31 هلا دالو   و الله اشتقت الك و انا بعرف هل النوع بيعجبك     الله يكون بالعون و أكيد ممكن تحضري كل التتبيلة و بالخير بيكون عليك بس تضيفي الرز لما تجي للغدا و لوقت ما تجهزي للبيت بيكون غداك جهز     بالعكس دالو انا بحب الردود الطويلة و بقراها اكتر من مرة     خبريني شو بيصير معك

16  الكاتب dado, on 14-01-2009 18:33 مرحبا منى  شكرا كتير على استجابتك السريعة.. والله العظيم إنتي ما في منك.. بتحبي الخير للناس كتير. الله يوفقك ويديم عليكي وعلى أهلك وعيلتك الصحة والعافية.  اليوم عملت التتبيلة وبكرة على الطبخ والالتهام   ان الله راد بكرة بخبرك كيف طلعت.. بس باينتا رح تكون طيبة كتير.. ريحتها بتشهي جداً

17  الكاتب منى, on 15-01-2009 06:08 هنا و الف عافية يا رب مقدما و ان شاء الله تكون متل ما بتحبي     ابوسك دالو الله يديم الخير و المعروف دايما , الك مني الف بوسة

18  الكاتب بدور, on 15-01-2009 22:45 شكلو كتير كتير مغري   الله يسلم دياتك ميمو   يا الله شئد بدي وئت حتى اتعلم كلهاد؟     بصراحة موقعك بيعطيني ثقة بالنفس كتير عالية لإني أغلب الأكلات يلي بجربون من وصفاتك بينجحوا معي اذا مو من اول مرة من تاني مرة    بس بالفترة الاخيرة جربت وصفتين مو من موقعك وكانت النتائج كتير مخجلة     يئست وبردت همتي اتعلم شي جديد لإني ما عبنجح بعدا رجعت على موقعك لآخد جرعة حماس و استعيد نشاطي من جديد     ادعيلي..

19  الكاتب dado, on 16-01-2009 13:52 مرحبا مرة تالتة  آسفة تأخرت حتى ردلك خبر شو صار معي.. بس كنت عم استلم البوسات الألف   تسلمي يا منى.. كلك ذوق وطيبة.  شو بدي قلك عالأكلة.. عنجد يسلم دياتك وتبقي دائما مبدعة..   الأكلة طيبة كتير وأنا بحب هالنمط من الأطباق .. والسلطة كمان طيبة.. لما كنت روح عمطعم هندي ما حب آكلها لأنو ما بتعرفي شو حاطين بقلب اللبن.. بس مبارح أكلت لحتى قلت حاج وتهنيت بالأكلة ودعيتلك  شكرا مرة تاينة

22  الكاتب منى, on 08-06-2009 11:58 الف صحة و هنا سارونات على كل شي جربتيه , عوافي على قلبك و قلب كل عيلتك

23  الكاتب سارونات, on 18-09-2009 22:06 السلام عليكم و رحمة الله و بركاته    مننوش جربته من غير ملفوف لان مو متوفؤ هلأ و طلع كتير طيب و جربته بصلصة الفطر و من غيرها و كمان طلع كتير طيب جربته بجزر مفروم ناعم و بجزر مبشور و بزنجبيل بودرة و مرة تانية بزنجبيل طازج )) اكيد عغم تضحكي هلأ حتى انا عم اضحك )) كأنها تجربة علمية     المهم اني حاسة باطمئنان لان فيني ساويه بالمكونات المتوفرة عندي و بكل مرة راح يطلع طيب    يخليلي ياكي منوووش جيبي ايشاربك و الحقيني على وصفة كاتو الشوكولا بحشوة الاناناس و الكراميل و مشان سهل عليكي ليكو الرابط )) الرابط ما عم ينتسخ)) متل ما ممنقول دايما المهم هو المحاولة     بالتوفيق   سلام

24  الكاتب منى, on 19-09-2009 15:09 هنا و الف الف عافية يا رب على كل مرة جربتيه فيها و زبط معك و كان على زووءك , كتير مبسوطة انك جربتي الوصفة اكتر من مرة و بعدة مقادير . انا كتير احيانا بعمل هيك و بعدل بالوصفة الاصلية لحتى اما تطبق على زوء اهل البيت عندي او اذا كان شي مقدار مو متوفر     يالله يالله , لاحقتك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved