دجاجة مقطعة لأربع قطع أو دجاجة كاملة ( غير منزوعة الجلد أو العظام )
3 – 4 جبة بطاطا متوسطة
ورقة غار
ماء حسب الحاجة


التتبيلة :

ملعقة صغيرة زعتر أخضر أو أوريغانو
رشة حبق
ملعقة صغيرة بابريكا
ملح و فلفل أسود
حبة بصل صغيرة مفرومة ناعماً ( اختياري )
4 فص ثوم مهروس
عصير حبة ليمون حامض أو أقل حسب الرغبة
فنجان صغير زيت زيتون 

تعليقات (25)

2  الكاتب منى, on 11-01-2008 13:39 الله يسلمك نهولة على الرد الجميل   كلك زووء يا عسل و ان اء الله تجربيها و تحبيها

3  الكاتب ام نور, on 11-01-2008 16:46 الله يسلم هالديات يا اخت منى ويعطيكي العافية . انا زوجي كتير بيحب الجاج بشكل يعني ما بتمرء جمعة بدون ما اطبخو فيا او طاجين او مشوي او محشي مع انو الجاج بفرنسا متل ما قالت الاخت نهال مزنخ بس لمايتغسل بالخل والملح قبل ما ينقع بالتتبيلة بيمشي الحال ومع التتبيلة بيتروح الزنخة .  انا حابة اطلب منك اذا مجربتيا او عندك فكرة عنا طريقة المسخن الي بيحطوا مع الدجاج سماء وخبز كتير حابي جربا اد ما سمعت انها طيبة

4  الكاتب منى, on 11-01-2008 22:10 هلا ام نور     و الله نحنا كمان منموت على الدجاج عنا , و بطبخه كتير كتير مع أن الموقع فيه وصفات قليلة , بسأنا لسا عندي للدجاج وصفات أشكال و ألوان     المسخن بعمله و بالفعل بيجنن , اتعلمته من أخت فلسطينية يعني ان شاء الله رح أكتب لك الطريقة الأصلية

6  الكاتب منى, on 12-01-2008 10:10 إن شاء الله من عيوني

8  الكاتب منى, on 17-01-2008 17:46 هلا نورا     المي ما لازم تنشف كلها و هي المرقة رح تغمسي فيهاالخبزة مع البطاطا و الفرووج ,, يمممي     البطاطا رح تطرى أكيد , بس أنا أولادي ما بياكلوها إلا إذا كانت إلا شوي نازل نيغها     إذا بتحبيها شوي أأقسى حطيها بنص الشوي

9  الكاتب jassmen, on 18-01-2008 20:30 السلام عليكم اخت منى انا مشتركة جديدة معكم وبحب المطبخ كتير انا من مصر وبتمنى اكون شاطرة ولى نفس كتير حلو فى الطبخ بس فى حجات مش بعرف معناها زى الباربيكاوالحبق ممكن اعرف دول بالمصرى ايه والغار كمان وميرسى جدا ليكى على كل وصفاتك الهايله دى

11  الكاتب منى, on 19-01-2008 07:43 و عليك أفضل السلام و أتم التسليم ياسمين أخت جديدة و عزيزة في المطبخ معانا     أختي الحبق هو الريحان و ما بعرف اذا هو دا اسمه بالمصري أما البابريكا فهي الفليلفة الحمراء الحلوة المطحونة     ورق الغار هو ورق اللورا و دا الوحيد الي اعرف اسمع بالمصري       نورتي يا عسل و على فكرة م في داعي تكتبي الايميل بيكفي انك تعملي تسجيل دخول و بس

13  الكاتب منى, on 09-03-2008 18:06 صحتين و هنا يا نورا أكيد رح جربها ما دامنا من عشاق الجاج بكل أنواع و اشكاله

15  الكاتب منى, on 16-10-2008 06:05 و لا يهمك أختي , تحت امرك انا دوما اكيد الدجاج بينفع يكون منزوع الجلد , سبحان الله انا حضرت الوصفة من شي اسبوع بصدور بس , هلا بالدجاج الكامل اطيب اكيد , بس بالصدور تنفع و خصوصا اذا الواحد عامل ريجيم , بيخفف الزيت و البطاطا من دون قلي و صدور و بس بيطلع يممي لا تغطي الصينية من الاول بس عينك عليها و قلبيها و اذا شفتي ان الصدر بدي يتحمر ممكن تغلفيه , انا ما احتجت

16  الكاتب منامينو, on 13-11-2008 13:01 حبيبي منى، التتبيلة عجبتني كتير. فكرة حلوة وجديدة إنه بدون بندورة أو رب البندورة. بس يا ترى بقدر أنا إذا عملتها دجاجة كاملة بدون تقطيع إني أحطها مع تتبيلتها وقطع البطاطا بكيس فرن بدل الصينية، وبدون إضافة أي ماء طبعالإنه الدجاجة هي اللي راح تصفي ماء.. وبعد النضج منرتبها بطبق التقديم مع المرق اللي تصفى الدجاجة؟ .. شو رأيك؟ بيصير؟

17  الكاتب منى, on 13-11-2008 14:37 أكيد بيصير , بس يا ريت لو تضيفي البطاطا بعد شوي من وضع الدجاجة في الفرن لحتى ما تنهمس ..

18  الكاتب DOUHA, on 21-07-2009 16:30 اليوم جربتو روووووووووووووووووعة شكرا متى

19  الكاتب منى, on 21-07-2009 19:06 هنا و الف صحة ضحى , يممم طعمة الليمون و الزعتر مع بعض ما في اطيب منهم , نا على قلبك بكل لقمة و كل تغميسة

22  الكاتب منى, on 20-02-2010 10:51 هلا لارا   الف صحة يا رب و هنا و عافية     الدجاج بتفركيه بالملح كتير منيح و كمان بعدها بتحطي الخل على ايدك و بتفركيه فيه من برة و جوى و بيمشي الحال     احيانا بحضر هل الوصفة بصدور دجاج بس , هلا بتطلع طيبة و حامضة و بتشهي , بس اذا عندك ضيوف الاحسن تحضريها بجلد , بيطلع الطبق كله انكه و اطيب

23  الكاتب karamela, on 21-11-2010 03:08 مابعرف شلون تاركة هالوصفة من دون تعليق  كيفك اختي منى والله كتيييييييييييييير اشتقنالك واشتقت لتحطينا وصفة جديدة بالموقع ويدخلوا كل هالصبايا ونعرف اخبارن   والله متمنية كتير ادخل على الفيس بوك مشان قرب منكن اكتر بس ما بينفتح من عندي  وبالنسبة لهالوصفة مابيتخيل الواحد من مكونات بسيطة تطلع هيك طعمة روووووعة  ياترى انشغلتي عنا وما بقى تنعاد هيك طبخات بالموقع طمنيني الله يخليكي انا من بعد ماتعرفت على لقمة طيبة ما بقى فتحت موقع طبخ تاني  لاتتركينا انتوه بعد ما لقيناكي

24  الكاتب منى, on 21-11-2010 10:46 تشتاقلك الف الف عافية يا رب , و عن جد انا كمان مشتاقة كتير , رح حطلك وصفة معايدة صغيرة لحتى نشوف اخر الاخبار بالعيد     الفيس بوك شغلته سهلة , بس حطي حرف s ورا حرف p متل مو مبين هون  https://www.facebook.com  و بيفتح ان شاء الله    ان شاء الله صحة و الف الف هنا , و لا يهمك الجايات اطيب بكتير من الرايحات و على ضمانتي ان شاء الله     شكرا كتير على ردودك حبيبتي و ممنوتك , الله يديم الوج و المعروف

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved