L2ma.com | لقمة طيبة | L2ma.com | لقمة طيبة | تارت الجلاكسي بثلاث طبقات | حتى, الطبقة, · , التارت, علبة | L2ma.com

القائمة الرئيسية

الأكثر تصفحاً

تارت الجلاكسي بثلاث طبقات

الكاتب/ منى

09/01/2008

تارت الجلاكسي بثلاث طبقات هذا التارت تحفة و كلمة تحفة قليلة عليه ..

ما عندي كتير كلمات أوصفه غير أن لا يقاوم ..

أتمنى أن تجربيه و تحكمي بنفسك

بالصحة و الهنا

الطبقة الأولى :

2 باكيت بسكويت سادة بوزن 100 غ للعلبة
ثلاث أرباع باكيت زبدة من نوعية ممتازة

الطبقة الثانية :

8 قطع جبنة كيري
ثلاث أرباع علبة قشطة
ثلاث أرباع علبة حليب مكثف محلى كبيرة

الطبقة الثالثة :

3 علبة شوكولا جالاكسي سادة
ربع باكيت زبدة
ربع علبة قشطة
ربع علبة حليب مكثف محلى كبيرة
direction

·          يطحن البسكويت حتى يصبح ناعماً تماماً ثم يفرك مع الزبدة حتى يتشكل مزيج كفتات الرمل , يرص المزيج في قالب تارت ثم يخبز في الفرن المحمى مسبقاً لمدة 10 دقائق .

·          يخرج التارت من الفرن و يترك حتى يبرد قليلاً في هذه الأثناء تحضر الطبقة الثانية : توضع كل مقاديرها في خلاط كوكتيل و يمزج حتى يصبح لديك مزيج متجانس .

·          تصب الحشوة فوق التارت ثم ترجع للفرن و تخبز لمدة 10 دقائق أخرى ثم يخرج و يترك حتى يبرد تماماً .

·          توضع مقادير طبقة الشوكولا على نار هادئة جداً و تحرك حتى تذوب كل الشوكولا ثم تصب فوق التارت حتى تغطيه .

·          يوضع التارت في البراد لمدة 6 – 8 ساعات قبل تقديمه و ذلك لسهولة تقسيمه و منعاً لتفتت الطبقة السفلى و قبل التقديم يرش بالسكر البودرة أو الكاكاو أو المزيد من بشر الشوكولا اللذيذة .

أضافة إلى المفضلة (2) |

أقتباس | مشاهدات : 3926

تعليقات (28)

1 الكاتب نهال صبري, on 10-01-2008 20:50
أموت في الشوكولا :roll

شكله لذيذ جداً .. تسلم ايديكي أخت منى .. سؤال : باكيت الزبدة 250 جرام ؟ و القشطة 500 مللي ؟ و الحليب المكثف كم ؟؟؟

2 الكاتب منى, on 11-01-2008 13:45
معاك حق نهولة :roll

نسيت أحسب حساب اختلاف المقادير من بلد للتاني

الزبدة 200 غ
الحليب المكثف المحلى وزن العلبة 395غ
علبة القشطة بوزن 170 غ
و كل لوح من الشوكولا بوزن 40 يعني التلاتة حيبقوا بوزن 120 غ

على فكرة القشطة المعلبة فيك تستبدليها بثلاث أرباع كوب من الكريما الفريش إذا متوفر عندك , بتصير أطيب

جربيه و بتدعيلي ان شاء الله

3 الكاتب نوارة, on 06-06-2008 20:34
ياي يا ميمو مااطيبو يميمييم
الله يسلم دياتك
بس بتعرفي السر فيها شو؟؟
انو وقت بتاكليها بالك بيشرد وانتي عم تستمتعي بطعمة الشوكولا
جد مابعرف ليش سرحت وانا عم باكلها
ممممم

4 الكاتب منى, on 07-06-2008 06:58
هلا نواارة يا قمر

بالاول صحتين و هنا على قلبك يا حق ..

بس صار عندي فضول أعرف ليش شردتي :zzz

, هنااا يا رب نوارة

5 الكاتب نوارة, on 07-06-2008 16:28
يعني شقد ماطعمتو طيبة بخليك تروحي على عالم الخيال

جد مابعرف ليش

6 الكاتب منى, on 07-06-2008 18:25
مممم , بتعرفي تعليقك زااد الوصفة طيبة و خلاها بتشهي أكتر ,, هنا و عوافي يا رب

7 thx
الكاتب رنا, on 24-06-2008 23:20
شكرا يامنى على هالوصفة لانه شكلها بيجنننن
بس السؤال ...اذا انا حضرت حليب مكثف بالبيت كيف بدي اعرف علبة صغيرة اوكبيرة ؟؟
كمان شوكولا جالاكسي الها كتير انواع انتي اي نوع بتقصدي ؟؟؟وشو شكلها ؟؟الواح ؟؟

8 الكاتب منى, on 25-06-2008 08:38
هلا رنونة

الحليب لما بتحضرييه بالبيت استخدمي تقريبا 400 غ منه , ما بقيان عندي كنت قسته الك بالكاسات :roll

و الجلاكسي هي الالواح السادة الي فيها بس شوكولا

9 thx
الكاتب رنا, on 25-06-2008 13:04
شكرا كتير الك يامنى هلكتك باسئلتي

بس هلأ نحنا رح نستخدم 400 غ بكل الوصفة ....شلون بدي اعرف قديش بدي حط بالطبقة التانية وقديش بدي حط بالطبقة التالتة
وهل اذا حضرت كيلو حليب بيكفي لاعداد هالوصفة ؟؟
يعني العلبة الصغيرة لنسلة بتطلع يمكن شي معلقتين كبار او تلاتة ؟؟؟ :upset

وشكرا الك مرة تانية

10 الكاتب منى, on 25-06-2008 13:21
طيب شو رايك هل المرة تشتري علية جاهزة من النستلة و غير مرة تجربي تحضريها
لان متل ما قلتلك ما عندي شي جاهز هلا من الحليب المكثف , ما فيني فيدك :roll

و الكمية الازمة لكل طبقة بتقدريها تقدير

و انا هون بالخدمة و تحت الامر لاي سؤال

11 الكاتب رنا, on 23-08-2008 14:15
طيب هلأ رح نحط مقدار الزبدة نفس البسكويت يعني ميتين بميتين ...هيك رح تطلع البسكويت اقرب للسائل ...عادي يعني؟

12 الكاتب منى, on 23-08-2008 20:38
لا أبدا ما الها علاقة بالسائل , الزبدة 150 غ و باردة رح تفركيها بالبسكويت رح تصير متل الرمل

13 الكاتب سارونات, on 13-09-2008 17:05
السلام عليكم و رحمة الله و بركاته
جازاك الله خيرا اختي منى
ان شاء الله راح جرباطريقتها سهلة و ما بتاخد كتير وقت
كل يوم عم اكتشف وصفة جديدة و عم قول كيف ما شفتها من قبل صارت قائمة التارت و الكاتويات اللي راح ساويهم طويلة و كل ما ساوي وحدة راح خبرك بالنتيجة
بدي اسالك عن قطر و حجم الصينية انا عندي وحدة بتشبها كتير تقريبا نفسها بس مو متاكدة من الحجم كأن اللي عندي اصغر يمكن تكون بنت اللي عندك :grin

كمان بدي اعرف قديش منحتاج حليب مكثف محلى من اللي مصنوع بالبيت
و هل فينا نستغنى عن القشطة و نستبدلها بالحليب او لا
بالتوفيق
سلام

14 الكاتب souha, on 06-10-2008 15:27
هلا منى

أديش درجة حرارة الفرن

ولما بدي حط الطبقة الثانية بالفرن ما بتحترق الطبقة السفلية :upset

و الأخت سارونات سألت عن قطر الصينية ياريت يا منى تجاوبي عه السؤال بعرف أسألتي كتيرة بس دخيلك ما تأخذيني

15 الكاتب منى, on 07-10-2008 12:22
هلا سارونات

الصينية 22 سنتيمتر الحليب المكثف المحلى وزن العلبة 395 غ و أما بالكوب ما عندي فكرة لان مو متوفر هلا عندي :roll

و القشطة ضرورية و ما فيك تستبدليها بالحليب أبدا نوو , هل المرة ما بيمشي الحال :zzz

16 الكاتب منى, on 07-10-2008 12:30
هلا سهى

الفرن على 180 درجة و في الرف الوسط و أكيد اذا كانت صينيتك منيحة ما رح يصير للتارت شي , بس بشرط ما تكون من التيفال الرقيق الي بينزع الوصفات

و الصينية 22 أو 24 سم , مية هلا سهى و اي سؤال انا تحت امرك

17 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-10-2008 15:41
تسلميلي يامنى كلك زوء

18 من عجائب الدنيا
الكاتب souha, on 09-10-2008 21:30
هلا منى البارحة جربت التارت شو طلع ظريف يعني فعلاً من عجائب الدنيا

سألتك المرة الماضية عن الصينية أنا فعلا الصينية اللي عندي من النوع الرقيق بس على مين :zzz

حطيت صينية التارت جوا صينية ألمنيوم سميكة و هيك بضمن توزيع جيد للحرارة تسلم دياتك

19 الكاتب منى, on 10-10-2008 08:56
مية ألف هنا سهى , كل لقمة عافيات و صحات

, ممم فكرة كتير حلوة انك حطيتي صينية بقلب صينية و لا مرة ما خطرت الي :roll

, الله يسلمك و ان شاء الله تجربي وصفة تانية و تعجبك

20 الكاتب سارونات, on 12-12-2008 21:46
السلام عليكم و رحمة الله و بركاته
اختي منى بدي ارجع ساوي وصفة القشطة المنزلية و ان شاء الله تضبط معي هالمرة بدي اعرف بالتقريب قديش كمية الحليب اللي بتغليها و قلتي من قبل ان فيني جمع الطبقة اللي بتطلع على الحليب بعد الغليان بالفريزر تحتى توصل للكمية المطلوبة و ساوي فيها قشطة طيب هيك ما راح يصير فيها ماء و تنتزع
بالتوفيق
سلام

21 الكاتب منى, on 13-12-2008 09:53
هلا سارونات

و الله اختي انا بتزبط معي و ما بتنتزع عادي , الكمية ما في شي محدد لان أحيانا بيكون الحليب منيح و بيطالع قشطة منيحة و احيانا يا دوب بيطلع منه شي :roll

22 الكاتب سارونات, on 12-04-2009 22:45
السلام عليكم و رحمة الله و بركاته

جربتها اليوم و تحضيرها سهل و ما بياخد وقت انا صينيتي قياسها 27 سم و طلعت على قدها لانها مو مرتفعة متل اللي بالصورة
جمعت القشطة متل ما قلتيلي بافريزر و عملتها اليوم و استعملتها مباشرة

بكرا الصبح ان شاء الله راح ندوقها و نشوف النتيجة و ان شاء الله ما تطلع ثقيلة لان فيها زبدة و قشطة و حليب مكثف محلى اول مرة عم استعمل القشطة و الحليب المكثف المحلى و اول مرة كل هالمكونات تجتمع بنفس الوصفة عندي
الله يستر
بالتوفيق
سلام

23 الكاتب منى, on 13-04-2009 07:52
ان شاء الله بتعجبك و تكون على زووءك و تدعيلي , يلا بانتظار النتيجة بعد الدوق :zzz

24 الكاتب سارونات, on 14-04-2009 15:28
السلام عليكم و رحمة الله و بركاته

معك حق اختي منى ان طعمتها كتيييير طيبة و مميزة بس شوي ثقيلة و كمان حلاوتها زيادة بس بعد رشيت فوقها الكاكاو نقصت شوي كمان مكلفة شوي بس بعتقد اذا امكن استعمال جبن مثلثات و عمل الحليب المركز المحلى بالبيت راح تطلع ارخس

بس هي وصفة جدا مميزة و كتير فرحت اني جربتها
بالتوفيق
سلام

25 الكاتب منى, on 15-04-2009 12:37
منيح ان عجبتك شوي , و اختي على التكلفة كل شي صاير عم يكلف بس الواحد بيدورله على لقمة طيبة

26 الكاتب رنا, on 22-04-2009 19:06
هلأ بيصير استعمل بسكون دايجستيف ؟؟ولا لازم بسكويت اولكر السادة العادي
انا لما جربتها كنت عند اهلي واستعملت بسكوت سامي بس هلأ انا هون وعندي كتير بسكويت دايجستيف بقا شو قولك

27 الكاتب منى, on 23-04-2009 07:42
اكيد بيصير و بيطلع بيجنن

28 الكاتب hajar, on 18-05-2010 03:07
فعلا تحفة وانا ماعندي كمان كلمات اقدر اوصفه اكتر :zzz

تحفـــــــــة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 25/06/2008 )

< السابق		التالى >

[ عودة ]