ربع كوب سكر بني 

تعليقات (23)

1  الكاتب ام نور, on 06-01-2008 16:21 شو هالكاتو الروعة يا اخت منى الصراحة صار الواحد يحتار شو يجرب كل نوع اطيب من التاني ومميز عن التاني الله يبارك فيكي اكيد رح جربو بس لاحقا لان من العيد لا اليوم حلي قلبي من لكاتو وحابي اطلب منك وصفات طبخ

2  الكاتب منى, on 08-01-2008 10:24 و الله معك حق ام نور     حاسة نفسي ما عم تطلب الا حلوو بهل البردات و عم ناكل قالب كاتو كل يوم     عم حضر القالب كل يوم بالليل و تاني يوم الظهريات بيكون خلص كله ما شاء الله تبارك الله , حتى جوزي اجا من الشغل و كان بده يقسم قطعة من قالب الكيك السخن , قلت اله استنى بس لحتى يبرد ..  قال لي لأ : الله أعلم لبكرة ما بيبقى لي و لااا قطعة

3  الكاتب ام نور, on 06-01-2008 17:49 انا كنت مفكرة لوحدي فاتحة نفسي عالكاتو طلعنا اتنين , ما بتسدقي انو من العيد لا اليوم وانا كل يوم عاملة قالب شكل من الموقع  وشو ينجحوا ويطلعوا طيبين غير شكل  لدرجة زوجي قلي شو بك هريتينا من الكاتو شو بطلتي تطبخي

4  الكاتب منى, on 08-01-2008 10:21 أنا جوزي بالعكس مكيف على هل الكاتويات   و الاولاد كمان     يا ترى شو جربتي أم نور       حشرية أنا ما هيك

5  الكاتب ام نور, on 08-01-2008 15:13 الله يخليليك ياهون يا رب جربتو مبارح الصراحة كنت ناطرتك تنزلي شي طبخة وكل ما افتح عالموقع لا شوف شو منزلي جديد يطلع هالقالب فدامي وعأساس ناوية خفف الحلويات فا لم استطيع المقاومة وكان عندي اناناس طبيعي مما شجعني واستعملت كاكاو اصلي والشوكولا سادة مر ما بتسدقي شو طلع طيب ونكهة الاناناس الطبيعي غير شكل ما فيني الا الك الله يجزيكي كل خير ويوفقك يا رب

6  الكاتب منى, on 09-01-2008 09:55 صحتين و هنا يا رب     حقك علي ام نور , هل الاسبوع و الاسبوع القادم امتحانات الأولاد النهائية لهيك مشغولة كتير معهم    بس المهم انك جربتيه و عجبك, و الله أنا صار عملت هل القالب أكتر من مرة وراء بعضهم من كتر ما حبيناه

7  الكاتب Eman, on 18-01-2008 10:40 كنت ناوية أعمل شي طبق حلو لزوجي بمناسبة حصوله على درجة عالية في الامتحان، فاخترت هاد القالب بعد ما شفت في إقبال عليه، بس ما بعرف ليش ما ضبط معي ،أول شي ما نفش كتير وكان معجن وما استوى مع إنو بقي ساعة ونص بالفرن،تاني شي طلع حلو كتير .  ممكن يكون لأنو البيض قليل على المكونات؟ ولا لأنو خليط الكاتو سخن أثناء الخفق؟ ولا لأنو ما استخدمت بيكربونات الصوديوم؟ ما بعرف إذا غلطت بشي تاني وكان السبب.       بتمنى أختي منى تقوليلنا الكمية اللي بنستخدمها بالجرام وحجم الوعاء اللازم وكم شخص يكفي هذا الطبق.    عم كتر غلبة مو؟ شو بعمل أنت كريمة ونحن..ما بعرف إذا بستاهل!     تحياتي لك أختي الكبيرة الانترنتية

8  الكاتب منى, on 19-01-2008 07:24 هلا أمولة     شو زعلت لان ما زبط معك , بس و لا سبب من الي قلتيهم ممكن يكونوا السبب , عم فكر انك إما ما استعملتي طحين كاتو أو كان السكر عادي مو ناعمأو كان في غلط بعيار الزبدة أو ممكن كمان الزبدة كانت إما سايلة أو قاسية .. مقدار الزبدة اللازمة تقريبا 150 غرام     أمولة قصدك المقادير بالغرام لهل القالب و الا بصورة عامة

13  الكاتب منى, on 13-02-2009 17:20 هلا سارونات   اسفة اختي للتاخير بالرد و الله حقك علي لا تأخذيني     القالب هو قالب التوست و فيك تستبدلي السكر البني بالابيض بس ما انصحك لان السكر البني بيعطي نكهة مميزة للكيك و اذا حابة تستبدلي فتستعملي نفس الكمية     لا تزعلي مني ومنيح انك بترجعي بتذكريني

15  الكاتب منى, on 14-02-2009 17:57 اختي ان شاء الله بينفع , القالب الي عندي قياسه 12 * 30 و هادا هو قالب التوست الي بحكياك عليه دوما , احفظي قياسه

16  الكاتب رنا, on 25-04-2009 20:35 طيب طيب وناجح بكل المقاييس بس انا عملته كتجربة نص الكمية خفت يروحوا الاناناسات ويصير معي متل ايمان وحتى كمية الزبدة كانت 75 غ  المهم طلع ظريف جدا جدا ولذيذ بس انا شوي عقلي خفان هاليومين يمكن كل ماعم يزيد وزني عم يخف عقلي قسمت كمية الاناناس بالنص قام طلعت معي 125 غ هو لازم حط 250بقا كانوا الاناناسات قلال عالقالب وماطلعت معي طبقة صفرا متلك بس اكيد رح عيده لان كتير طييييييب

17  الكاتب منى, on 27-04-2009 11:31 هلا رنونة   اذا على الاناناسات مو كتار مو مشكلة الحمد انه نجحمعك و عجبك     بتعرفي شو ضحكت و انا عم اقرا ردك , خلص تاني مرة الحسابات علي

18  الكاتب سارونات, on 18-09-2009 22:08 السلام عليكم و رحمة الله و بركاته    رنا حست الاناناسات قلال و انا حسيتهم كتار     منووش بكرا ان شاء الله بدي ساوب هالكاتو و قياس القالب اللي عندي متل ما خبرتك و نوعية القالب نص نص بقى بدي اعرف اذا فيني ساويه بقالب دائري قطره 26 سم بعرف ما راح يطلع متل اللي شكله مستطيل بس بدي اعرف قديش الكمية راح تكون مشان اعرف شو ساوي يعني هل الكمية راح تكون كبيرة او لا قصدي كمية خليط الكيك لما نحطها     بالتوفيق  سلام

19  الكاتب منى, on 19-09-2009 15:09 دقيقة سارونات , كانو اخد علي الصيام , فهمت بالاخير من ردك انك رح تعمليه بالقالب الي قياسه 26 سم , اتوقع بيصير و انا مو متذكرة الكممية بالكوب على المزبوط , المهم انه يملئ اكتر من نص القالب بشوي

21  الكاتب منى, on 01-11-2009 10:52 هلا ضحى حبيبتي   السكر الناعم هو سكر مضروب على الخلاط شي كم دورة , البودرة بشتريه جاهز و هو متل الطحين , نفس نعومة سكر المعمول

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved