مطر و برد و أرض مرصوفة بأوراق الشجر الصفراء ..

بداية فصل الخريف و معه تأتي كل الفاكهة التي أحبها الأكثر .. المانجا و البرتقال

المانجا هو الاسم المؤقت الذي سأستعمله لفاكهتي حتى سماع رأيك و المعلومات التي عندك عنها ...

و الفاكهة التي أقصدها ذات لون برتقالي مشرق تسمى مانجا أو كاكي داخل سوريا و تسمى في لبنان خرمة على ما أعتقد ...و هي من الفاكهة المفضلة عندي و التي أكل منها قطعة أو قطعتين كل يوم طوال موسمها .


كيكة المانجا بالبهارات كيكة رائعة طرية ذات رائحة ستغمر مطبخك بالدفء , ممممم ..

يمكن الاستغناء عن المكسرات حسب رغبتك و يمكنك أن تزيدي كمية السكر إذا كنت تفضليين الكيك حلو زيادة  

4 حبة مانجا طرية و ناضجة ( الفاكهة الظاهرة بالصورة )
نصف ملعقة صغيرة بيكربونات الصودا
نصف باكيت زبدة ( 115 غ )
كوب سكر ناعم
بيضة بدرجة حرارة الغرفة
2 كوب طحين
2 ملعقة صغيرة بيكنغ بودر
ملعقة صغيرة قرفة
نصف ملعقة صغيرة جوزة الطيب
نصف ملعقة صغيرة قرنفل
نصف كوب جوز مكسر أو أي نوع مكسرات أخر حسب الرغبة

للتقديم :

كريما بيضاء مخفوقة مع القليل من الفانيليا أو زبدة طرية
شرائح من المانجا

تعليقات (15)

4  الكاتب منى, on 01-01-2008 16:45 هلا رينو     معك حق هو المقدار شو صغير , بس انا عكسك بحب أعمل مقدار صغير لحتى اذا ما حبته عيلتي ما اكون اتورطت     هي أول مرة أعرف ان هل المانجا هيك اسمها في الشام     ان شاء الله عم استنى رايك بعد ما تجربيه

5  الكاتب منى, on 01-01-2008 16:47 هلا ام نور     بالفعل أختي المانجا الحقيقية شي مختلف تماما عن هل المانجا بس هي هيك معروفة عندنا

6  الكاتب منى, on 01-01-2008 17:05 هلا إيمان     بالعكس ايمان هي معلومات كتير مفيدة ...  صعب انك تقعني الناس و خصوصا الكبارية منهم أن تغير اسم شي بتعرفه طول عمرها     ان شاء الله تجربي الكاتو و يعجبك

7  الكاتب ام نور, on 02-01-2008 16:44 سلام عليكم  اخت منى هالكاتو ممكن يطلع طيب بدون جوز الطيب والقرنفل يعني اذا نفذت كل الخطوات المذكورة باستثناء هالنوعاين من البهار لعدم وجودون عندي بيمشي الحال ولا بيصير شي تاني

8  الكاتب منى, on 02-01-2008 17:03 هلا ام نور     أكيد بيصير اختي , فيك تحضريه حسب المتوفر عندك

10  الكاتب منى, on 21-04-2009 12:01 و عليك أفضل السلام وأتم التسليم أختي ام المجد     نور الموقع أختي بانضمام أخت جديدة و غالية , و الحمد لله ان جربت وصفات من الموقع و عجبوك و ان شاء اله تجربي هل الوصفة كمان و تكون على زووءك     هي مشكلة صعبة لما تحبي تجربي الوصفة و ما تقدري تلاقي مقاديرها, كمان بالصين عندك مكونات غريبة ممكن تستفيدي منها و تعلي تجديد لمطبخك     كتير انبسطت بردك أختي و مرة تانية مية أهلا و سهلا فيك

11  الكاتب dado, on 17-02-2009 21:58 مرحبا منوش  بتعرفي أول شي لما وصلت بالقراءة لعند رد الاخت ام المجد وحياة الله إني فرحت.. حسيت إنو موقعك متل شي كافيه زغيرة أو صالون وعم تجمعينا من كل اصقاع الارض متل ما بيقولوا.. شو بدك أكتر من هيك.. واصل صيتك للصين   المهم... أنا كنت ناوية جرب وبعدين رد.. بس ما قدرت ما عبر عن سعادتي بإنو عم تلمينا عندك بكل حميمية   أنا بعرف إنو بالشام منسميها خرمة أو كاكي واصطلاحاً لدى الباعة وخاصة الجوالين مانجا "بسبب عدم توفر المانجا الحقيقية بكثرة في بلدنا.. كما هو الحال مع الاناناس.. لذلك في بعض الاحيان يطلقون على البطيخ الاصفر أو الشمام اسم الاناناس"  شلوني معك بتحليلات علم النفس الاجتماعي؟   بس حبيت قول أخيرا إنو اسم هي الفاكهة بالانكليزي ٍ Sharon Fruit احتمال هيك تسهل معرفة الفاكهة على الاخوات يلي بأوروبا أو من أصل غير سوري.    سلام يا قمر

12  الكاتب منى, on 18-02-2009 09:42 هلا دالو حبيبتي   خليلي عينك دالو و الله بحس المحبة بين كلماتك دايما , و الله القلب على القلب     أكيد هادا هو السبب لان بيسمموا اشيا متوفرة عندنا باشيامو متوفر , بس شو رايك لو صار العكس , يعني مرة البنات عندي عم يتصفحوا كتاب الشيف رمزي و وصلوا لوصفة مربى الخرمة و قالولي نيالهم يا ماما بلبنان عندهم خرمة بيعملوا فيها هل المربى الي بيشهي   تعي بقى اقنعيهم ان الخرمة هي المنجا الي عندنا     الف شكر الك للمعلومة , و كمان في اسم تاني للخرمة بس هلا رااح عن بالي و اتوقع انه بيفرق حسب النوع , قصدي الاسم     يلا بانتظار رايك و ان شاء الله تعجبك دالو حبيبتي

13  الكاتب إسراء, on 05-11-2010 23:16 السلام عليكم ورحمة اله وبركاته   ننقل اليكم ما يجري من قلب الاحداث من المطبخ لحد هلق كللو تمام والريحة بالمطبخ بتشهي زكرنتي بريحة الكرابيج والمعمول   عشر دقايق وبطلع القالب من الفرن شكلو كتير حلو وغمق لحالو مابعرف السبب؟؟؟؟  بس حبيت قلك شغلة ست منى انا مرة جربت طريقة كيكة الموز بالمكرويف وحبيت نكهة الزنجبيل فيها   قمت اليوم اجتهاد شخصي مني حطيت شي ربع ملقعة زنجبيل بهالكيكة بقا الله يستر   والمنغا ماقشرتو (قليلة مروة) حطيتو بالخلاط وخفقتو وحطيت منو للكيكة شي كوبين وربع بس عندي الكوب صغير شوي  هلق رح طلع الكيكة وخليها تبرد ولفا بالنايلون لبكرا ان شا الله بردلكن خبر   سلام

15  الكاتب منى, on 08-11-2010 13:12 هلا اسراء   لا الخرما ما رح تكون واضحة فيها , بس رح تعطيها طراوة و نداوة غير شكل     اكيد الزنجبيل بيطلع فيها طيب , الف صحة و هنا يا رب

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved