من أشهر الوصفات الخفيفة الإسبانية : دولتشي دو ممبريلو


كلمة ممبريلو معناها السفرجل و نفس هذه الوصفة يمكن أن تحضر و لكن مالحة , حيث يضاف الثوم حسب الرغبة و القليل من زيت الزيتون ثم تحضر بنفس الطريقة تقريباً .


من يحب مربى السفرجل سيعشق هذه الوصفة و سيحضر منها كمية وراء أخرى ( كما هي الحال معي )

بعد أن حضرت هذا الحلى قطعته لقطع صغيرة و وضعته في ورق بليسيه صغير جداً , و كان مفاجأة لذيذة لضيوفي ..

بالصحة و الهنا

للتنكيه يمكن الاختيار ما بين :

عود فانيليا مع قشرة ليمونتان
أو عود قرفة

·          يغسل السفرجل و يقشر ثم يتم انتزاع بذوره مع الجزء القاسي المحيط بها و يقطع لقطع خشنة ثم يغمر بالماء و يوضع على النار و يترك حتى يغلي .

·          تقشر الليمونة بحيث نحصل على الجزء الأصفر الذي يحوي كل النكهة من دون المرار الموجود في الجزء الأبيض و يوضع فوق السفرجل مع الفانيليا أو يستخدم عود القرفة حسب الرغبة ثم تهدى النار و يغطى الوعاء و يترك السفرجل على النار حتى يطرى لمدة 45 دقيقة تقريباً .

·          يصفى السفرجل من الماء و يتم التخلص من عود القرفة في حال استعماله أو عود الفانيليا و يترك قشر الليمون ثم يوضع السفرجل و كوبان من ماء السلق في الخلاط أو في محضرة الطعام و يمزج الكل حتى الحصول على بيوريه ناعمة .

·          توضع بيوريه السفرجل في قدر ذو قاع سميك على نار متوسطة و يضاف السكر و عصير الليمون و بعد أن تغلي تهدى النار .

·          تترك البيوريه لمدة ساعة أو أكثر قليلاً حتى يسمك المزيج جداً و يتحول لونه للون الأرجواني الجميل مع التحريك بملعقة خشبية بين فترة و أخرى , هذه المرحلة قد يعلق المزيج بالقدر لذا يجب الانتباه .

·          يحمى الفرن على أخف درجة ممكنة , تغلف صينية بايركس بورق الزبدة ثم تدهن بالزبدة بشكل خفيف ثم يصب فيها مزيج السفرجل و يمسد الوجه ثم توضع الصينية في الفرن لكي يجف المزيج لمدة ساعة تقريباً ثم تترك حتى تبرد .

·          يحفظ الحلى في وعاء محكم الإغلاق و للتقديم تقطع قطعة من الدولتشي دو ممبريلو و تقدم مع الجبنة و التوست أو الخبز العربي .

 

تعليقات (29)

1  الكاتب ام نور, on 16-12-2007 14:04 ماشالله عنك يا اخت منى دقوا عالخشب فعلا كلك ذوء وست بيت غير شكل ,كل يوم وصفة غير شكل وشي بيشهي الله يبارك فيكي ويوفقك يا رب

2  الكاتب منى, on 16-12-2007 20:12 هاد بس من زووءك ام نور     نورتي يا عسل

3  الكاتب ام نور, on 17-12-2007 10:01 اخت منى انا اليوم بدي اعمل المعمول باذن الله بس الاخت نداء قالتلي انو رح تنزلي طريقة غير شكل فيا ريت تنزليا باسرع وقت والك الف شكر عم نتطلب كتير بس انت كريمة ونحن منستاهل ما هاك

4  الكاتب منى, on 17-12-2007 11:07 الله يسامحك ام نور ..    انت بتامري امر    ان شاء الله الوصفة ساعة و بنزلها

5  الكاتب نهال صبري, on 18-12-2007 16:09 السفرجل عمري ما جربته ولا أعرف طعمه .. لكن وصفتك شكلها لذيذ أوي و هتشجعني أجربه ان شاء الله ، الموقع منور بأصحابه .. بارك الله فيك.

6  الكاتب منى, on 18-12-2007 18:40 هلا نهال     السفرجل بيجنن في في الموقع وصفة للسفرجل باللحمة الكباب , رااائعة   و كمان لمربى السفرجل , لو حابة تجربي انصحك تجربي المربى أول الشي       مية أهلا و سهلا و فيك أختي

7  الكاتب بدور, on 24-12-2007 13:41 بعد زمان مو بالله؟  والله انتي ببالي ديما يا منى انت و وصفاتك الروعة وموقعك البجنن والله بيعلم انها مو مجاملة بس حسب ظروفي عبغط كتير     كل عام وانت بالف خير بمناسبة العيد والله يعيدو عالجميع بالصحةوالعافية.    ونشالله يوم عن يوم بينشهر الموقع اكتر و بيكبر بوجودك و وجود الخوات الطيبات     يسلمو ايديكي كتير على هالوصفة أنا بحب السفرجل كتير ونشالله رح جربا بأسرع وئت.    الله يبارك فيكي و يخليلنا ياكي أخت غالية و معملة باهرة

8  الكاتب منى, on 24-12-2007 17:50 هلا بدورة     و الله بعد زمان , بس انت دايما بالبال    ان شاء الله و انت بألف خير , و ينعاد عليك بالخير و بالفضل من الله ..      ان شاء الله تجربيها و تكون على زووءك

10  الكاتب منى, on 07-08-2008 09:39 ممكن أختي بس انا بحبه من دون اضافات , هيك لاستمتع بطعم السفرجل لحاله    و أظن ان هل الوصفة خاصة بالسفرجل ما اظن فيك تستبدليها بغير شي

11  الكاتب سارونات, on 08-08-2008 05:07 السلام عليكم و رحمة الله و بركاته  معك حق ازا حطينا شي فوقه راح تتغير الطعمة  صار لازم يصير اسمي اجاصة لان باغلب ردودي عم احكي عن الاجاص بس و الله عندي كمية كبيرة و ما عرفت شو ساوي فيها كتير دورت على وصفات و ما لقيت   لا تواخزيني   بالتوفيق  سلام

12  الكاتب منى, on 08-08-2008 08:55 و لا يهمك حبيبتي , حاسة فيك , ان شاء الله رح ضيف كم وصفة و تكون على زووءك

14  الكاتب سارونات, on 08-08-2008 18:45 السلام عليكم و رحمة الله وبركاته  الله يخليلي ياكي و ما يحرمني منك ابدا كتير فرحتيني   ناطرة الوصفات على احر من الجمر   ربنا يوفقك   سلام

15  الكاتب منى, on 09-08-2008 07:56 أن شاء الله اختي مية هلا

17  الكاتب منى, on 06-01-2009 09:01 اي و الله منونة   انا بحب هل الوصفات الي بتكون تغير عن الوصفات العادية   الف الف هنا على قلبك و قلب ضيوفك يا احلى عسل

19  الكاتب منى, on 08-05-2009 09:42 هلا ضحى   بتصير جامدة و فيك تقطعيها متل الجيلو , و لمن تدوقيها بتكون طرية و بتدوب دوبان بالتم و انا عني حاططتها بمرطبان , ل ما بشتهي على تحلاية باكل منها , عوض البنبونة يعني

21  الكاتب منى, on 09-05-2009 11:34 ان شاء الله تجربيها و تكون على زووءك و يا ريتني مدوئتك ياها وقت جيتي لعندي

22  الكاتب DOUHA, on 17-10-2009 14:36 السفرجل على النار     للحديث بقية

23  الكاتب DOUHA, on 17-10-2009 18:58 هلئ انا عملتا وهية بالفرن بس الغريب ما صار لونا ارجواني متل يلي بالصورة  انا عملت كيلوا سفرجل وكاسة ونص سكر وملقعة ونص عصير    ياترا ليه؟؟    للحديث بقية

24  الكاتب منى, on 18-10-2009 11:21 كان بدها وقت اطول على النار , انا ما بشيلها من على النار الا لحتى تصير متل اللون الي بالصورة , هلا ان شاء اللهرح تطلع الطعمة طيبة حتى لو ما كان اللون احمر   ضحى هي فيكي تعتبريها تحلاية متل البنبون او قطعة الراحة او الغريبة , اطيب ما تاكليها مع الجبنة , هيك انا راايي

26  الكاتب ream, on 25-11-2010 13:31 شكلها بشهي ومغري  وحسيتا سهلة-امبارح جربتا وتركتا تغلي ساعتين لحتى تحول لونها للأرجواني بس كانت متل البركان عم تفور وتبقبق- وبالفرن مابقا تجف تركتا أكتر من 3ساعات عل 125درجة وماكانت تجف وبالاخير سودت وحترقت يعني فشلت فيها فشل ذريع

28  الكاتب منى, on 26-11-2010 11:00 انا مرة هيك صار معي , المهم , سبب الفشل ان المي الي خلطتيها مع السفرجل كبيرة و اكبر من الكمية المذكورة في الوصفة , لهيك ما بقى تنشف معك     بكل الاحوال اذا صح الك جربيها مرة تانية , مع التقيد الحرفي بالمقادير و رح تعجبك كتير ان شاء الله

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved