لمن كنت صغيرةما كنت اكل القرنبيط , ماما كانت تحضره مقلي مع تتبيلة بهارات و ما كنت كتير حبه , بس بعد ما اتزوجت دقته مرة عند أهل زوجي مع صوص الطحينة و كان كتير كتير طيب , فاتشجعت ان اطبخه و يكون من بين الوصفات الي بحضرها بشكل دائم على مائدتي .
لمن شاف زوجي القرنبيط و هو مغمور بالصلصة الحمراء , اطلع علي بنظرة غريبة و قالي ان شاء الله عاملة شي جنب هل القرنبيط , بس بعد ما داق أول لقمة و الثانية كانت الطبخة كلها قد انتهت بخلال عشر دقائق ما بين صحن له و صحن , للأولاد و يا دوب لحقت على كم لقمة . ألف هنا و عافية يا رب .
ممكن تبدلي الفليلفة بالجزر و بتطلع كمان طيبة كتير و بهيك بتصير وصفة شتوية , مية بالمية
بالصحة و الهنا
رأس قرنبيط متوسط الحجم ( زهرة ) 2 ملعقة كبيرة زيت زيتون أو ملعقة كبيرة سمنة ربع كيلو لحمة مفرومة ناعم حبة كبيرة فليلفة حمراء بصلة متوسطة الحجم 2 فص ثوم مهروس 2 – 3 حبة بندورة 1 – 2 ملعقة كبيرة صلصة بندورة ملح و بهار ملعقة صغيرة فليلفة حمرا ناعمة رشة كمون ( اختياري )
·تقشر البندورة و تفرم ناعماً , تفرم البصلة ناعماً و تتقطع الفليلفة لنصفين و يتم التخلص من البذور ثم تفرم ناعماً .
·يقسم راس القرنبيط لزهيرات صغيرة ثم يقلى بالزيت الغميق حتى يشقر من دون أن يغمق لونه , ترفع زهرات القرنبيط على ورق ماص للتخلص من الزيت الزائد .
·تقلى البصلة بالزيت أو السمنة حتى تشقر , تضاف اللحمة و البهارات و تقلب حتى يجف مرقها و تنضج .
·يضاف الثوم و الفليلفة و تقلي اللحمة لبضع دقائق , تضاف البندورة و رب البندورة و ماء لتحضير صلصة تكفي لغمر القرنبيط .
·تغلى الصلصة لمدة عشر دقائق ثم تضاف زهرات القرنبيط و تهدى النار و تترك حتى تنضج حبات القرنبيط و تتسبك الصلصة ثم يقدم القرنبيط ساخناً مع الرز المفلفل .
فكرة سريعة :
يمكن استبدالالفليلفة الحمراء بحبة جزر مفرومة لمكعبات صغيرة .
تعليقات (12)
