كوب أرز بسمتي
2 كوب مرق
نصف ملعقة صغيرة عصير ليمون

الخلطة ( الكشنة ) :

ملعقة كبيرة سمنة
حبة صغيرة جداً بصل
5 – 6 ملعقة كبيرة كاجو مفروم خشناً
نصف ملعقة صغيرة كمون حب
حبة صغيرة جداً فلفل أخضر حرّ ( يمكن استبداله بالفليلفة الحلوة حسب الرغبة )
ربع ملعقة صغيرة فليلفة حمراء ناعمة
ربع ملعقة صغيرة كركم
كوب جزر مبشور
نصف ملعقة صغيرة بهارات غرام ماسالا
2 ملعقة كبيرة كزبرة خضراء مفرومة ناعم

تعليقات (21)

2  الكاتب منى, on 16-12-2007 20:04 كلك ززء ام ياسمين     عن جد بعد ما اقرأ ردودك مابعرف شو جاوب و باي كلمات شكر ممكن رد عليك     هاد بس من لطفك و طيبتك أختي

4  الكاتب منى, on 23-01-2008 10:01 صحتين و هنا يا رب على قلبك و قلب عبادة الصغنون و قلب كل العيلة     الله يسلمك أختي و كتير انبسطت انها بيضت لك وجهك

5  الكاتب بدور, on 14-11-2008 12:34 شي بيجنن و للنظر قبل الاكل     كتير الصورة حلوة والوصفة مشهية الله لا يضيعلك تعب ويسلم دياتك على هالذوق واللمسات السحرية  والله انت ست بيت درجة اولى الله يهني زوجك و اولادك فيك

6  الكاتب سارونات, on 14-11-2008 12:44 السلام عليكم و رحمة الله و بركاته  جازاك الله خيرا اختي منى الصورة بدا تحكي   للاسف انا مؤجلة الوصفة الى ان يتوفر الغرام ماسالا او الكاري بس هالش يما بيمنع ازعجك باسئلتي لحتى وقت يتوفرو عطول ساويه   شو قولك ازا جربتو اول مرة بس بالجزر و من غير كاجو لاني مو متعودة ضيف المكسرات للاكل و بخاف ما يتقبلوها و كمان هل فينا نستبدل الكاجو بغير مكسرات مثلا الفول السوداني peanuts لان بحس طعمتهم قريبة لبعض مع ان الكاجو اطيب   و هل فينا نستبدل الكركم بالزعفران  كمان الكاجو بينباع املح بكتير من بقية المكسرات انا هيك لاحظت المهم يعني هل هيدا السبب لانك ما ضفتي ملح و كمان ازا استعملت الفول السوداني هل بحمصو و بملحو او لا  بالتوفيق  سلام

8  الكاتب منى, on 17-11-2008 12:12 هلا بدورة   هدا بس من زووءك يا أطيب عسل و الله يهني صاحب النصيب فيك كمان

9  الكاتب منى, on 17-11-2008 12:13 هلا سارونات   و لو اختي انت تامري , ممكن تحضريها اكيد من دون كاجو و ما اعتقد انك ممكن تستعملي الفول السوداني , يس جربي ليش لا   الملح نسيت اكتبه بين المقادير و الكاجو الي استعملته هو كاجو عادي و مو مملح و نستعمله من دون تحميص     الحر فرمته ناعم و إذا ما بتحبي طعمته كتير ممكن تخليهم بحالهم و ترفعيهم بعد ما تخلص الطبخة

10  جزر ...جزر الكاتب نادين, on 17-11-2008 13:35 السلام عليكم   شكرا منى على هالوصفة الظريفة   انا عندي جزر كتير ومحتارة شو اطبخ .....من اسبوع عملت جزرية و كاير حبيتها(ما بعرف اذا منزلة بالموقع بس اذا مو موجودة بيشرفني اشارك فيها )  وكنت حابة اعمل شي بالجزر و لاقيت هي الاكلة بس سؤالي اديش كمية الجزر الي لازم اضيفها للطبخة و مشكورة

11  الكاتب منى, on 17-11-2008 17:56 لا و الله نادين ما بعرفها و انا بمووت على الجزر , عم استناها   الجزر كوب مبشور و فيك تظيفي كوب و نص على كيفك

12  الكاتب عيون ريم, on 10-03-2009 21:39 تسلم هالايادي الحلوة انتي جدا رااااائعه موسوعه ماشاء الله عنك الله يحميكي

13  الكاتب منى, on 11-03-2009 11:03 هلا ريومة   هادا بس من زووءك و لطفك اختي , مية هلا فيك نورتينا

15  الكاتب منى, on 22-05-2009 11:36 لكل مكعب كوبين مي و بتدوبيهم على النار مع المي قبل اضافتهم للرز لحتى ما يبقى كتل ما دابت

19  الكاتب شفاء, on 06-03-2010 12:02 شلونك منى ان شاء الله تمام    عملت اليوم هالرز لأنه كان عندي مشاوي من امبارح  فحبيت أعمل معهن شي     بصراحة طلع كتييييير لذيذ  حتى اني مو قدرانة أصبر ليجي جوزي فتغديت من هلأ    وعملت السلطة كمان     بصراحة كله لذيذ    الله يجزيك الخير ويسلم ايديكي

20  الكاتب منى, on 06-03-2010 20:49 هلا سارونات   الف صحة و هنا و عافية يا حق بكل لقمة

21  الكاتب منى, on 07-03-2010 07:08 هلا شفاء   هنا و عافية حبيبتي على البك و الب القطط الحلوة , كتير بحب هل الوصفة لانها سهلة و نكهتها غنية , عوافي على البك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved