L2ma.com | لقمة طيبة | L2ma.com | لقمة طيبة | كاتو التمر الطري | · , كوب, حتى, نصف, الكاتو | L2ma.com

القائمة الرئيسية

الأكثر تصفحاً

كاتو التمر الطري

الكاتب/ منى

17/11/2007

كوب و ثلاث أرباع كوب من التمر المنزوع النوى و المفروم
نصف ملعقة بيكربونات الصودا
كوب و نصف ماء مغلي
نصف كوب زبدة بحرارة الغرفة
ثلاث أرباع كوب سكر بني أو سكر عادي
2 بيض بدرجة حرارة الغرفة
فانيليا
2 كوب طحين حلويات فاخر
2 ملعقة صغيرة بيكنغ بودر
صوص التوفي كريم
direction

·          يوضع التمر و بيكربونات الصودا في وعاء صغير و يصب فوقه الماء المغلي ثم يترك لمدة نصف ساعة أو حتى يطرى التمر .

·          يحمى الفرن على درجة حرارة 170 درجة مئوية , ينخل الطحين مع البيكنغ بودر , تدهن صينية فرن بالزبدة .

·          يخفق البيض و الفانيليا حتى ينتفخ البيض و يبهت لونه ثم يضاف السكر و يخفق المزيج جيداً .

·          يضاف مزيج التمر و الزبدة الطرية و يقلب الكل بلطف ثم يضاف الطحين المنخول مع البيكنغ بودر و يقلب مزيج الكاتو بلطف حتى يتجانس .

·          يصب المزيج في الصينية المدهونة و يخبز لمدة 40 - 45 دقيقة أو حتى ينضج .

·          يترك الكاتو في القالب لمدة عشر دقائق ثم يقلب على مشبك سلك حتى يفتر .

·          يحضر صوص التوفي كريم و يصب و هو دافئ فوق الكاتو الفاتر و يمكن أن يقدم هذا النوع من الكيك فاتراً أو بارداً حسب الرغبة .

تنويعات و إضافات:

·          يمكن إضافة نصف ملعقة من القرفة و رشة هال لإضافة نكهة مختلفة .

·          و يمكن إضافة نصف كوب من الجوز المحمص لمزيج الكاتو بعد إضافة الطحين .

أضافة إلى المفضلة (0) |

أقتباس | مشاهدات : 4240

تعليقات (31)

1 الكاتب linda, on 18-11-2007 15:25
هذا ليس عدلا يا منى (هي بالفرنسي بما انك عم تعملي دورات فرنسي )

بتعرفي انو ما عندي فرن ونازلة تشهينا باشكال والوان من الكاتو
بس ما بيرورح خسارة والله بكرة بس لغير هل الفرن ما رح خلي وصفة تعتب عليي

شكرا كتير و يعطيكي الف عافية
صحيح
كيف كانت الامتحانات معك
طمنيني

2 الكاتب منى, on 18-11-2007 20:16
:grin

خليلي عينك يا ليندا شو دمك خفيف

يلا ان شاء الله تجربي الوصفات و تدشني فيهم الفرن الجديد و يكونوا على زووءك

الامتحانات منيحة من فضل الله

و هلأ باقي ثلاث اسابيع لتخلص الدورة و أبدأ بعدها مستوى جديد إذا الله راد

سألت عليك العافية دايما يا قمر

3 الكاتب ام نور, on 21-11-2007 16:16

كنت مفكرة بس فرني الي بهدلة وما بيصير في الكاتو طلعت الاخت ليندا متلي

بس انشالله شي شهرين وجيب فرن ما رح خلي قالب كاتو يعتب علي

4 الكاتب منى, on 21-11-2007 22:09
يلا ان شاء الله مبروك مقدماً

حرقة اعصاب اذا الفرن ما بيساعدك :roll

عم استنى تجربتك و ان شاء الله يكونوا على زووءك

5 الكاتب بدور, on 24-12-2007 14:12
يمي يمي أنا روح ألبي الكاتويات وفرني بساعدني أعمل كاتو لا تزعلو أنا بجربو وباكلو بدالكون :grin

هلأ التمر بخفقو بخلاط الكاتو بدون تقشير؟

واذا عندي عجوة جاهزة يلي بحطوها بالمعمول بدل التمر بصير؟ :roll

6 الكاتب منى, on 24-12-2007 18:39
صحتين و هنا ياا رب

التمر ما بده خفق , بتضيه بعد ما تنقيه مع باقي المقادير و رح يطلع لك في الكاتو قطع لذيذة من التمر

أكيد فيك تستعملي العجوة , بس انا مو مجربتها لهيك ما بقدر ساعدك بالمقادير :roll

7 الكاتب ام نور, on 13-02-2008 18:02
انا يا منى جربت هالقالب
مع اني بالاول خفت لان ماني دايقتو قبل ولكن تجربة مستاهلة
ونداء ونهال اكلوا منو وقالوا انو كتير طيب

وجربتو بالتمر المطحون جاهز ليش لا عزب حالي واطحنو وانقعو اسرع ونكهة التمر بالكاتو كتير مميزة ورهيبة بنصحكون تجربوا وطلع معي متل الصورة تمام ولا حتى صورتوا اد ما انبصطت في :grin

8 الكاتب منى, on 14-02-2008 07:39
صحتين و هنا على قلبك و قلب نهولة و ندوشة

منيح خطرتلك هل الفكرة , رح يكون هيك اسهل كتيررر

هلا بقي شي وااحد

وين الصورة

9 الكاتب ام نور, on 14-02-2008 14:30
تكرم عينيك رح ابعتلك ياها ولو

10 الكاتب سارونات, on 13-09-2008 12:54
السلام عليكم و رحمة الله و بركاته
اختي منى ان شاء الله راح جرب هالوصفة و بدي اسالك كالعادة عن قطر الصينية و حجمها و ان شاء الله بخبرك بالنتيجة لما ساويها
بالتوفيق
سلام

11 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 08-11-2008 17:16
السلام عليكم كيفك اخت منى تسلم ايدك على هالوصفة كثير طلعت طيبة ولما عملها وقدمتها نالت اعجاب الجمبع شكرا لك على هيك وصفة

12 الكاتب منى, on 08-11-2008 17:49
هلا سارونات

الصينية بحجم 22 - 24 سم و هادا الحج الي استعمله على الاغلب لكل الكيكات الا اذا كانت المقادير كبيرة كتير

13 الكاتب منى, on 08-11-2008 17:52
هلا هيا

الشكر ليك لتجربتك وصفاتي و كتير انبسطت انها عجبتك ,و عوافي و هنا على قلبك و قلب ضيوفك

14 الكاتب نهى, on 04-01-2009 10:18
ازيك يامنى.. اخبارك واخبار وصفاتك ايه؟؟
عارفة من كام يوم جه على بالى ها الكاتو وقعدت ادور على طريقته لان كان نفسشي اجربه وجربته بطريقتك.. فعلا فعلا رائع واكتر كمان
احنا حتى ماصبرنا لما نضيف التوفى كريم ، اتنسف نصه وهو سخن.
انا حسيت انه طري وجميل حتى من غير اضافة الصوص
المرة الجاية اجربه بالتوفي ان شاء الله بس ربنا يصبرنا

15 الكاتب منى, on 04-01-2009 10:57
الف الف هنا نهى , ريتو عوافي يا حق و هو طيب من توفي او بدونه معاك حق :zzz

بعد زمان حبيبتي و لا بقى تطولي الغيبة

16 الكاتب zanalook, on 01-03-2009 15:18
الف شكر على الوصفة الجميلة تسلم ايدك

ربنا يجعلة فى ميزان حسناتك

17 الكاتب منى, on 03-03-2009 06:55
مية هلا ام عمر

نورتي و شرفتي بيتك , و ربي يسلمك و يخليك و يحفظك

الف شكر الك للدعوات الغالية , ان شاء الله تجربي من الوصفات و تكون على زوووءك :zzz

18 الكاتب سارونات, on 07-03-2009 11:43
السلام عليكم و رحمة الله و بركاته

اختي منى فيما يتعلق بالتوفي بدي اسالك بعد ما راح نحطو فوق الكيك و يبرد راح يجمد مو هيك يعني خلينا نقول اني ساويته اليوم و حطيتله الصوص و خليتو لبكرا بينفع او لا
كمان بدي ساوي ارجع جرب ساوي توفي و ان شاء الله يضبط معي هالمرة بس قبل بدي ساوي قشطة و انا جمعتها بالفريزر و بعدين راح ساويها سؤالي هو بعد ما ساوي القشطة قديش بتضاين بالبراد

بالتوفيق
سلام

19 الكاتب منى, on 07-03-2009 13:14
اختي التوفي بتعمليه قبل التقديم بفترة بسيطة مو من قبل بيوم .

القشطة ما كتير بتنفع تبقى بالبراد , خلينا نقول يوم أو يومين بالكتير نظرا لانها بالاساس طالعة من الفريزر عني مو فريش و تازة

20 الكاتب رنا, on 11-03-2009 20:11
شي لذيذ بالفعل ...جربته ...وطلع رائع

21 الكاتب منى, on 12-03-2009 06:22
هنا و الف عافية رنونة

22 الكاتب نهى, on 16-04-2009 13:27
ازيك يامنى..
معلش ليا طلب ياريت الوصفات كلها تكون محطوطة تحت رابط مطبخنا.. يعنى انا دخت كتير اوى على رابط سوكسيه التمر ومش لاقياه خالص

كمان رابط الفلافل مش ممكن الاقيه الا عن طريق الفطور المفتوح.. وكمان كنت لمحت مرة وصفة باف بستري بالدجاج والمشروم بس مش عارفة الاقيها تانى :cry

23 الكاتب نهى, on 02-05-2009 16:01
ليه ماردتيش عليا؟؟

24 الكاتب منى, on 02-05-2009 20:23
هلا نهى

و الله عمري كل الوصفات موجودة تحت رابط مطبخنا , بس لمن تزيد الوصفات عن 50 وصفة في القسم , تصير في صفحة تانية , انت روحي لاخر الصفحة جتشوفي رابط لصفحة تانية عليها رقم 2 اكبسي و حيطلع كل الوصفات الي حاباها

و هي الوصفات الي طلبتيها مع العلم انها موجودة باول صفحة
هي فطيرة الدجاج
و هي سوكسيه التمر

حقك عليا بالتاخير و اي وصفة عاوزاها انت بس تاشر يا جميل

25 الكاتب DOUHA, on 01-11-2009 01:09
والله باين بيجنننن رح جربوا بعدكاتو الشوكولا

شكرااا
ممنونة :grin

26 الكاتب منى, on 01-11-2009 10:53
انا الي ممنونة ضحى يا حلوة , رح استنى رايك

27 الكاتب سارونات, on 10-11-2009 20:58
السلام عليكم و رحمة الله و بركاته

جربت الوصفة و طلعت طيبة منووش بس اللوم طلع فاتح مو متل ما بالصورة يا ترى ليش

بالتوفيق

سلام

28 الكاتب zina, on 07-02-2011 17:47
السلام عليكم منى عنجد شكرًا كتير على هل موقع والله يجزيكي الخير. بس أنا عندي سؤال اذا بتريدي هلأ بدي جرب الكاتو بس ما عرفت منحط التمر مع المي او منصفيه اول؟ فيني استعمل كاسات العيار او لا؟ شكرًا كتير

29 الكاتب منى, on 07-02-2011 19:16
لا ما بده تصفيه , منحطه كله على بعضه

اكيد فيكي تستعملي كاسات المعيارية

اي سؤال تاني من عيوني

30 الكاتب zina, on 08-02-2011 16:31
شكرًا كتير انك جاوبتيني بسرعة وانامبارح جربتو وطلع بجنن عنجد الله يجزيكي الخير

31 الكاتب منى, on 08-02-2011 19:36
صحة و الف الف عافية , هي واحدة من وصفاتي المفضلة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 08/02/2011 )

< السابق		التالى >

[ عودة ]