L2ma.com | لقمة طيبة | L2ma.com | لقمة طيبة | سندويشات الحمص المقرمشة | ملعقة, كبيرة, · , نصف, صغيرة | L2ma.com

القائمة الرئيسية

الأكثر تصفحاً

سندويشات الحمص المقرمشة

الكاتب/ منى

17/11/2007

رغيف صغير خبز باغيت
فص ثوم
5 ملعقة كبيرة حمص بالطحينة
حبة بندورة ناضجة مفرومة ناعماً جداً
2 ملعقة كبيرة بقدونس أو حبق مفروم ناعم
نصف ملعقة صغيرة فليلفة حمراء ناعمة
نصف ملعقة صغيرة كمون
رشة ملح
3 – 4 ملعقة كبيرة زيت زيتون
direction

·          تشعل شواية الفرن , يقطع خبز الباغيت لشرائح بسماكة 2 سنتيمتر ثم يفرد في صينية كبيرة و يوضع في الفرن حتى يتحمص أول وجه قليلاً لمدة دقيقتان أو ثلاثة , تقلب القطع على الوجه الأخر حتى تتحمص قليلاً أيضاً , يمكن استعمال الباغيت من دون تحميص حسب الرغبة .

·          يقسم فص الثوم لنصفيين و يفرك بالخبز لاعطاء نكهة خفيفة من الثوم للسندويشات ثم تدهن قطع الخبز بالحمص .

·          تخلط البندورة و البقدونس أو الحبق و الفليلفة و الكمون و الملح مع الزيت ثم تمد فوق الحمص و تقدم السندويشات فوراً .

أضافة إلى المفضلة (0) |

أقتباس | مشاهدات : 3086

تعليقات (12)

1 الكاتب linda, on 18-11-2007 15:28
اه يا قلبي
انا عم اتعزب ههههههههههههه
صايمة و عم اتفرج عل الاكل

بعين الله
منى انتي من وين بتجيبي هل الافكار اعترفي

2 الكاتب منى, on 18-11-2007 20:14
سلااامة قلبك يا رب

الله يتقبل منك , هلا الصيام مو صعب .. اليوم قصير و مو شوب

الافكار بجيبها من كتير محلات , من النت و الكتب , أو من رفقاتي لما بيكونوا عاملين شي جمعية دايما بيكون في اشيا جديدة
و أحيانا بجرب أشياء بتخطرلي

إذا طلعت طيبة بنزلها

و إذا لأ , بقول لأولادي و جوزي استروا ما شفتوا مننا :grin

3 الكاتب muna.g.7, on 09-09-2008 13:49
ايوة كذا يا اختي قدموا انواع كنابيه ومقبلات عربية علوا قلبنافي العزايم بالكافيار والسموك سالمون ناكلها مجاملة وهي مو كثير تعجبنا بس عشان ما يقولوا متخلفين

4 الكاتب منى, on 09-09-2008 21:08
من عيوني منونة , وصفات عربية بس بشكل جديد ,اسك الوصفة الأصلي كروستيني الحمص بس عجبني الاسم الي قلتيه أكتر

5 هاي
الكاتب قهوه مُره, on 11-09-2008 22:09
لذيذه

6 الكاتب سارونات, on 11-09-2008 22:33
السلام عليكم و رحمة الله و بركاته
ما شاء الله ابداع عن جد فكرة مميزة جدا ربنا يوفقك اختي منى و الى الامام

سلام

7 الكاتب منى, on 12-09-2008 11:20
هلا قهوة

اسمك لذيذ من على الصبح , شهيتيني

مية هلا فيك نتور الموقع بأخت جديدة و غالية

8 الكاتب منى, on 12-09-2008 11:23
هلا فيك سارونات

هدا بس من زووءك , ان شاء الله تجربيها و تعجبك , كتيرر طيبة

9 الكاتب رغد غسان علاء الدين, on 27-02-2011 12:45
ممممممممم كتير غريبة وكتير كتير كتير عجبتني..فكرة شكلها حلو..وبنفس الوقت مو صعبة وكتير كلاس عالسفرة..ذكرتيني بفكرة شفتها بصور رفيقتي لعيد ميلاد ابنها..جايبة صمنة مدورة وشاكّة فيها حوالي عشر عود (( متل عود الأسنان بس طوال شوي يعني فيكي تقولي طول العودة الخشبية حوالي 12 سم)) وبعدها شاكّة بكل عود..بندورة صغيرررة وبعدها قطعة خيار (( بكرة يعني بسماكة 2 سم)) وبعدها قطعة جبنة..وبعدها بتكرري..بتغررررف القلب..ياي شكلها ما احلاه وقالتلي رفيقتي غنو كتير سهلة..المهم تلاقي من هدول البندورات الصغار..قولك هالبندورات معلبات يا منى؟ ولا منلاقي منهن بالكيلو..بالمولات؟؟

10 الكاتب منى, on 27-02-2011 18:28
اي و الله رغودة منظرها حلو بيطلع من بعيد متل القنفذ , بصراحة دوما الاشيا الغريبة مطبلوبة على السفر لان الناس ملت من الاشيا العادية حتى لو كانت طيبة , و كمان فيك تشكي زيتونات , يمممم

هدولة مو معلبات , بيجوا فريش بعلب صغيرة بلاستيك متل الفريز و يمكن حق العلبة 100 ليرة او هيك شي و هدول شغل بلدنا بس شوي غليين و هنن للديكور اكتر من الاكل

11 الكاتب رغد غسان علاء الدين, on 28-02-2011 14:27
ممتاااااااز إذا شغلة مية ليرة..أبدا مو كتير الواحد بياخد علبة وهيي متل ما قلتي للزينة

12 الكاتب منى, on 28-02-2011 14:40
:zzz

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 28/08/2008 )

< السابق		التالى >

[ عودة ]