و لو طلب مني انتقاء ألذ و أسهل وصفة كاتو شوكولا من وصفاتي لاحترت بين هذه الوصفة و وصفة شوكولا كولا

بالصحة و الهنا

كوب و ثلث سكر بني
ثلاث أرباع كوب حليب سائل
125 غرام زبدة
2 ملعقة كبيرة كاكاو بودرة
كوب + ملعقة كبيرة من طحين الحلويات الفاخر
2 ملعقة كبيرة دقيقة الذرة ( كورن فلاور )
ربع ملعقة صغيرة بيكربونات الصودا
ملعقة صغيرة بيكنغ بودر
3 بيض بدرجة حرارة الغرفة مخفوق قليلاً مع الفانيليا

الكريما :

كوب و ربع سكر بودرة
ملعقة صغيرة كاكاو بودرة
2 ملعقة صغيرة زبدة طرية بحرارة الغرفة
ملعقة كبيرة ماء أو حليب مغلي

زبدة لدهن القالب

تعليقات (95)

1  الكاتب linda, on 15-11-2007 12:54 اول شي الحمدلله على رجعة الموقع   كتير اتدايقت لما شفتو مهكر   يعني الله يصلحهون شباب السعودية بدال ما يهكروا مواقع بتسيء لديننا بيجيو بيتشاطروا على مواقع الاكل   بعين الله     تاني شي   انا بدوب بشي اسمو كيك شوكلاتة كتير بحبو   يعني مدمنة تقريبا   شكرا كتير على الوصفة منى   و يالله لا عاد تطولي علينا بالوصفات الحلوة

2  الكاتب منى, on 15-11-2007 15:07 شفت ليندا     حسبي الله و نعم الوكيل , الواحد شو بده يحكي ..    بس هدولة أكيد مو مثال عن شباب السعودية , هدولة بيمثلوا حالهم و سوءأخلاقهم و بس           و محضرة كتير وصفات بهل الغيبة , ان شاء الله رح ضيفهم     نورتي يا قمر

3  الكاتب omtasneem, on 12-01-2008 21:15 بسم الله الرحمن الرحيم شكل هالكاتو بيشهي رح نسمن هالشتوية من تحت هالاكلات الطيبة يعطيك الف عافيةبس لو طولت شو هي بيكربونات الصودا وهل ممكن تبديلها بشي تاني وشكرا لك

4  الكاتب منى, on 13-01-2008 17:51 هلا فيك ام تسنيم   حبيبتي بيكربونات الصودا هي بودرة شكلها نفس البيكنغ بودر و هي اساسا من مكوناته , ما فيك تستبدليها بشي تاني , بس فيك تحضري الكاتو من دونه

6  الكاتب منى, on 07-08-2008 09:26 هلا حبيبتي   فيك تستبدليه , رح يتغير الطعم بشكل بسيط , بس كمان لذيذ كتير و السكر استعملي السكر العادي بنفس الكمية     و انا ما عندي قوالب ليها , الصراحة ما جربت اعملها , بس لما جربها اكيد رح نزلها اذا الله راد

8  الكاتب منى, on 16-08-2008 10:56 هلا أختي     لا ما بيصير , الزبدة اساسية في الوصفة

11  الكاتب منى, on 19-08-2008 15:23 هلا أختي   المكسرات تكون مفرومة وسط , فيك تحطي النسكافية او ما تحطيه على مزاجك و زوءك , انا بحب النسكافيه مع كل كيكات الشوكولا بحس أنها بتظهر طعمة الشوكولا و منحط النسكافيه مع الحليب و مندوبو فيه ..    صينيتي هلأ مو عندي مستعيرتها رفيقتي و لسا ما رجعتها , ان شاء الله بس ما رجعت بالسلامة ببقى بقيس الصينية

12  الكاتب سارونات, on 20-08-2008 02:50 السلام عليكم و رحمة الله و بركاته  تسلميلي اختي منى و ان شاء الله رفيقتك تستفيد من الصينية و كل كاتو تساويه فيها او في غيرها يضبط معها  راح قلك على حجم صينيتي و انت حاولي تتزكري حجم صينيتك و شوفي ازا بتنفع او لا صينيتي حجما 23*33 سم يعني نفس حجم صينية كاتو الموز بحشوة الكراميل و القرفة بس مو متأكدة من الارتفاع انا صينيتي ارتفاعها لحظة تروح قيسو طلع 4 سم  شو قولك اعملا بهالصينية او بصينية دائرية  و كمان التعرجات اللي طالعة كتير حلوة بالشوكولا انت ساويتيها عن قصد لما مسدتي الشوكولا او هيك طلعت لحالها  بالتوفيق  سلام

13  الكاتب سارونات, on 20-08-2008 03:00 هادي انا من جديد طار عقلي بالصينية و نسيت خبرك بخطتي الساروناتية و اللي لازمها الموافقة من القيادة المونية العليا تتطبق  بدي بعد ما طلع الكاتو من الفرن اخد منو الثلث و حطو بالفريزر و يمكن خليه قطعى كبيرة او قطعو مربعات زغار   و طلعو بعد فترة و حطلو شوكولا دايبة او ساويلو كريما متل هاي بس قوليلي هالكريما اللي حضرناها بينفع نخليها بالبراد لفترة او لا ازا ينفع قليلي كم المدة و ازا الكاتو ينفع ينحفظ بالفريزر كمان قليلي كم المدة   ما بعرف ليش حاسة انهاما بتنفع و ان القيادة العليا راح تقيلني من منصبي بسببا  في انتظار قرار القيادة المونية   بالتوفيق  سلام

14  الكاتب منى, on 20-08-2008 06:45 عن جد فقعتيني ضحك    هلا الكيك ممكن ينحفظ بالفريز لمدة شهر طبعا من دون كريما و بيكون مغطى بشكل محكم و الكريما لازم تعمليها قبل ما تدجهنيها على الكيك مباشرة     شو اقالة و ما اقاالة , دا احنا من دونك سلطة يا جميل

15  الكاتب سارونات, on 20-08-2008 14:16 السلام عليكم و رحمة الله وبركاته  و لك تسلملي هالضحكة و ان شاء الله تصلا منورة هالوش و القلب عطول و ان شاء الله بخبرك بالنتيجة قريباعلى امل ان لا تكون هناك ضحايا بشرية او مادية بعد هاي العملية  بالتوفيق  سلام

16  الكاتب سارونات, on 20-08-2008 16:27 السلام عليكم و رحمة الله وبركاته  جات الحزينة تفرح مالقتلاهاش مطرح كنت راح ساويه اليوم و قال شو رايحة طلع الزبدة و البيض من البراد و فجأة ما في بييييض و انا بعرف انو ما في بس من كتر ماني حابه جربو نسيت يلا و عسى ان تكرهو شيئا و هو خير لكم ان شاء الله بكرا بساويه  كمان سؤال الكريما بتكون ساخنة و الكاتو بارد لما منحطا عليه او شو  بالتوفيق  سلام

17  الكاتب منى, on 20-08-2008 18:44 يلا مو مشكلة , خيرها بغيرها و ان شاء الله بكرة تجربيه و يعجبك , الكاتو بارد و الكريما مو سخنة , اصلا هي ما بدها نار على البارد بتصير     اختي انا مو نسيانة وصفات الاجاص بس صار جربت أكتر من وصفة و كلهم ما خرج نزلهم لااان ......( اتشفر الحكي )

19  الكاتب منى, on 21-08-2008 22:02 يلا عم استناك

20  الكاتب سارونات, on 22-08-2008 04:52 السلام عليكم و رحمة الله وبركاته ما ضبط للاسف بس مو مشكلة انا الخطأ اللي ساويتو هو اني ما حطيت ورق زبدة لاني كنت مستعجلة و هالشي خلاه يلزق و ييبس من الجوانب بس بعدين قدرت طلعو من القالب بس هو ما نفش ابدا و ارتفاعو طلع يادوب نص اللي بالصورة و يبس و ما طلع طري مع اني اتبعت الوصفة متل ما هي بس راح فكر و شوف وين ممكن يكون الغلط اكيد بكون مساويتلي شي غلط من دون ما انتبه عن جد كان بدي فرحك بالنتيجة خصوصا بعد تعبك معي بالاجوبة و هلأ بكون ضيقتلك خلقك سامحيني  بس اكيد راح جربو مرة تانية و ما راح استسلم   بالتوفيق  سلام

21  الكاتب منى, on 22-08-2008 07:52 بالعكس اختي انا زعلت على تعبك و و حتى لو مو حاطة ورق زبدة كان لازم يطلع معك بسهولة , أكيد المشكلة بالسوائل , اتوقع غليتي الصوص كتير أو كانت المواد الي استعملتيها من بيض و طحين و غيره باردة

22  الكاتب سارونات, on 22-08-2008 19:45 السلام عليكم و رحمة الله و بركاته  تسلميلي اختي منى و ان شاء الله راح عيدها مرة تانية و فرحك و افرح   بالنسبة للمواد فكانت بدرجة حرارة الغرفة   يعني بقيت الصلصة انا ما تركتها تغلي متل ما قلتي و ظليتني عم حركا حتى قطعت الكهربا لربع ساعة و ظليتني شوي عالعتمة بس اكيد كنت يقدر شوف بس يمكن متل ما قلتي اكون خليتها فترة طويلة مع انه يا دوب تجانست المكونات و حركتها شوي و شلتا  في احتمال كمان قوليلي لما بضيف الطحين المنخول للصوص هل لازم الصوص تكون باردة تماما او ينفع تكون دافية لان خليتها لاكتر من 5 دقايق و ما كانت تبرد  كمان البيض انا بعد ماحطيت كمية الطحين المنخول فوق الصلصة على 3 مرات و مزجتها منيخ خفقت البيض مع الفانيلا و عطول ضفتو شو قولك  بالتوفيق  سلام

23  الكاتب منى, on 22-08-2008 21:35 هلا أختي الصوص رح تكون دافية مش باردة , هلا اليوم سويت القالب و نفش و بيجنن و طررررررري متل الخسة , اتفضلي معنا     حيرتيني , فرنك حرارته مو ثابتة , أو الفرن انضرب ضربة قوية اثناء الخبز

24  الكاتب سارونات, on 22-08-2008 23:50 السلام عليكم ور حمة الله وبركاته  صحة على قلوبكم بس ليش هيك اتأخرت بس شوي قمت لقيت حصتي طارت وينا اعترفو هلأ مين اكلا او لتكوني حطيتيها بشي محل تاني لان اكيد من كتر ما الكاتو طيب خلص بسرعة  و الله انا كمان احترت يعني لهلأ كل شي ساويتو صح باقي شي و هو ضرب الصينية ضربات خفيفة يمكن هون كون ضربتا كتير و كمان لما طلعتو من الفرن القسم اللي فوق بدت تطلع فيه فقاعات او حفر زغيرة و بالنسبة للفرن ما بعتقد فيه شي بس يمكن   نحنا هلأ لازم نعرف وين الغلط تحتى المرة التانية يضبط  قوليلي باي قالب عملتيه رجعتلك رفيقتك قالبك او ساويتيه بواحد تاني   بالتوفيق  سلام

25  الكاتب منى, on 23-08-2008 08:24 عم يخطر ببالي ان تكوني خليتيه قليل بالفرن و طالعتيه من قبل ما يستوي , جربتي تنخزي الكيك بشوكة أو سكينة قبل ما تطالعيه لتتاكدي اته استوى ؟ انا امبارحة اخد معي أكتر من ساعة كاملة بالفرن     رفيقتي ما رجعت القالب فعملته بقالب مدور بقياس 24 سنتيمتر

27  الكاتب منى, on 23-08-2008 19:21 ممكن , بس مو معقول تكون هي السبب

29  الكاتب منى, on 25-08-2008 06:36 منخفقه قبل ما نضيف الطحين على السائل و فيك تخفقيه على الخفاقة الكهربائية

31  الكاتب منى, on 23-09-2008 18:59 هلا لارا مسا الخيرات و الليرات و الردود الي بتبل القلب , أكيد الاشيا الي غيبرتيها هي لحتى تناسب الوصفة مطبخك و معداتك و صحة و هنا و عوافي على قلبكة و ان شاء الله ما تكوني نسيتيني من دوعة حلوة     إذا بتحبي أقترح عليك تجربي كاتو جوز و لوز و موز حتى لو ما عنك لوز مطون تستبدلي اللوز بالطحين و بيطلع خيلة و كمان في كاتو السبانخ , تحفة و سهل كتير

32  الكاتب souha, on 07-11-2008 19:26 بدك اليوم تطولي بالك منين بتشتري طحين حلويات فاخر أنا كتير بساوي أنواع كاتو بس بلاحظ إنو جودة الطحين بتلعب دور كبير بنجاح الكاتو و كمان المعجنات الغربية

34  الكاتب ام عمر, on 22-01-2009 09:46 تسلم ايدك   حبيت اسالك الكوب العادي ولا المعياري   وجزاكي الله كل خير

35  الكاتب منى, on 22-01-2009 11:34 هلا اختي ام عمر   نور الموقع فيك و مية اهلا و سهلا .    اختي انا استعمل الكوب العادي لتسهيل عملية القياس لجميع الاخوات

36  الكاتب ام عمر, on 22-01-2009 22:03 تسلمي يا رب زالله يجزيك كل خير

37  الكاتب منى, on 23-01-2009 07:16 الله يسلمك أم عمر

38  الكاتب سارونات, on 05-02-2009 10:19 السلام عليكم و رحمة الله و بركاته  بدي ارجع ساوي الوصفة مرة تانية و ان شاء الله تضبط معي   بدي اسألك اذا فيني استعمل صينية بايركس لهالكيك و اذا استعملتها هل راح تأثر على مذة الطهي و درجة الحرارة   و اذا استعملت صينية مفتوحة من النص بقياس 20 سم هل بينفع او لا لان بخاف تكون كتير صغيرة و يخرب الكيك مع انها مرتفعة    انا بعرف انو المكونات لازم تكون بدرجة حرارة الغرفة بس نحنا هلا بالشتا فاذا كان المطبخ كتير بارد مو متل الغرف اللي هي دافئة فهل عادي حط المكونات بالمطبخ تتاخذ درجة حرارته و استعملها او حطها بمكان دافي تحتى تدفا و بعدين اخذها للمطبخ البارد و استعملها    ما تواخزيني اختي منى على اسئلتي الكتيرة  بالتوفيق  سلام

39  الكاتب سارونات, on 14-02-2009 10:36 السلام عليكم و رحمة الله و بركاته    اختي منى شو قلتي ناطرتك خصوصا هالاسئلة كتير مهمة بالنسبة لي لان لما جربت كاتو البرتقال بالصوص الابيض خرب بسبب الزبدة لان كانت بحرارة الغرفة اللي هي باردة و البيض كمان فانتزعت و علق نصها بايدي و بالخفاقة   انا في الانتظار اختي منى بعرف اشغالك كتير لهيك كل مرة راح ذكرك و ان شاء الله ما تملي مني و من اسئلتي  بالتوفيق  سلام

40  الكاتب منى, on 14-02-2009 12:00 هلا أختي   اكيد فيك بس انا الصراحة مو مجربتها لهيك ما فيني فيدك بالوقت المناسب لنضج الكيك   صينية بقياس 20 كتير كتير صغيرة و اكيد ما بتنفع     اختي اذا كان المطبخ بارد متل ما عم تقولي ممكن تحطيالنقادير بمكان دافي لحتى ما تحسي بالبرودة لما تمسكيها و تكون حرارتها عادية     و لا يهمك اختي و اسفة كالعادة بالتاخر بالرد , و ان شاء الله تكون الاجابة كافية و تجربيه و يظبط معك

42  الكاتب منى, on 14-02-2009 17:59 اختي عي الصينية عندك لو ما كانت مثقوبة من النص كانت تنفع للأغلب الوصفات , بس هيك رح تكون كتير صغيرة , ممكن تشوفي اي وصفة و تقسميها بالنص كتجربة

44  الكاتب منى, on 18-02-2009 09:14 اختي قطر الصينية الي استعملها 23 أو 24 سم    طيب عندي قاعدة رح تريح بالك بالنسبة للصواني لان بشوف انها مسالة بتقللك كتير    أي كيك لما تعمليه و تسكبيه في الصينية لازم ما يزيد عن نصف الصينية و الا بعدها رح ينفش و يخرب , ممكن الزيادة تحطيها في قوالب الكب كيك أو في قالب كيك صغير

45  الكاتب منى, on 18-02-2009 09:17 اختي قطر الصينية الي استعملها 23 أو 24 سم    طيب عندي قاعدة رح تريح بالك بالنسبة للصواني لان بشوف انها مسالة بتقللك كتير    أي كيك لما تعمليه و تسكبيه في الصينية لازم ما يزيد عن نصف الصينية و الا بعدها رح ينفش و يخرب , ممكن الزيادة تحطيها في قوالب الكب كيك أو في قالب كيك صغير

47  الكاتب منى, on 09-03-2009 06:51 ان شاء الله تنحل المشكلة و لا تنسي ان القاعدة الاساسية ان ما تزيد كمية مزيج الكيك و هو ني عن نصف قالب الكيك

49  الكاتب منى, on 30-05-2009 11:32 هلا شفاء   الف صحة و هنا على قلبك و قلب القطط الحلوة و كمان ضيوفك كلهم     ان شاء الله المرة التانية بينفش معك متل ما بتحبي

50  الكاتب DOUHA, on 01-11-2009 01:02 رح جرب بعد بكرة    لازم ايكون اسمو كاتو التحدي       معقول صعب؟؟    شكرا منى   بخبرك شو رح ايصير معي إن شاء الله

51  الكاتب منى, on 01-11-2009 10:50 مو صعب ابدا بالعكس سهللللللللل و الله     رح استنى رايك

52  الكاتب محبةالمصطفى ملك, on 01-05-2010 10:59 السلام عليكم  منى اجا دوري حتى أهلكك بالأسئلة   أولا أنا ما عندي و لا قالب كاتو ممكن أعرف منك اذا في محل عنده تشكيلة منوعة من قوالب الكاتو لأن قريب من بيتنا ما شفت غير قوالب تيفال صغيرة.....  و مشان هالكااااااااااااتو الرائع تسلم ايدك الصورة أكتر من رائعة و رح أجربوا بس بعد الإجابة على أسئلتي طبعا(الأولو شرط آخرو شو؟)  طيب   أولا:دقيق الذرة مهم؟  و الزبدة أنا عندي زبدة لونا (تركية)يتزبط؟  ثانيا:السكر أكيد معلش سكر عادي و اذا البني أطيب قوليلي ما في مشكلة   ثالثا:هلأ قلتي انو فينا نستغني عن البيكربونات طيب شو فائدتهم ليقوم يخرب الكاتو بدونه؟  و آسفة كتير عبعذبك معي

53  الكاتب منى, on 06-05-2010 12:24 هلا اختي   انا باخد قوالبي من المدينة من محل مختص بتجهيزات المطاعم , أتوقعه انه للباتنجكي , في عبارة البلور الي مقابيل خان الوزير , بس مو متاكدة من اسم المحل     دقيق الذرة مهم و اذا متوفر بتكون النتيجة ممتازة , اذا نو بيمشي الحال كمان بس بالكورن فلور النتيجة احسن     زبدة لونا ما بتزبط ابدا , يعني اذا جاي على بالك تنزعي الكاتو استعمليها     السكر البني اطيب بكتير , اذا متوفر استعمليه و رح تعجبك النتيجة كتير ان شاء الله     ما بيخرب الكاتو من دون الكربونات , فائدتهم متل البيكنغ بودر , لنفش الكاتو     ايا سؤال تاني من عيوني

54  الكاتب محبةالمصطفى ملك, on 06-05-2010 19:47 تسلم عيونك يا أحلى منى   طيب شو الزبدة اللي بتنصحيني فيها؟  و لونا بتصير لباقي الحلويات أو المعجنات ولا نو؟  و السكر البني من وين بتشتري لأني صاحبتك قليلة خبرة   و يسلموووووووووووووووو كتير

55  الكاتب منى, on 07-05-2010 10:36 احسن الشي لورباك و لافاش دو باري , و لونا ما استعملها ابدا , بحس وين ما حطيتها بيصير عدم , بومناتي كنت استعملها بس لدهن القوالب     السكر البني ملايان بالمولات و انا بجيبه من عند كنان جنب قصر المحافظ    ايا سؤال تاني تكرم عيونك

56  الكاتب محبةالمصطفى ملك, on 07-05-2010 18:22 تسلم عيونك يا حلو  طيب آخر سؤال و هو لازم أحطه بصفحة السويسرول بس يلا معلش...   هو عن آلة الخفق الكهربائية هي ضرورية لتحضير السويسرول؟؟  و من وين بتنصحيني أشتريها؟

57  الكاتب منى, on 07-05-2010 18:44 اكيد الة الخفق ضرورية لكل الكيكات .    أنصحك تدوري على ماركة منيحة و معروفة و تكون استطاعتها عالية و دايما بعدي عن الصيني و غني اله

58  الكاتب محبةالمصطفى ملك, on 08-05-2010 04:14 يسلمو يا أحلى منى بس آخر سؤال حول الكيكات و تحضيرن:  هلأ أي وصفة كيك في البداية يفضل خفقها بمضرب كهربائي؟؟؟؟  لأني بستعمل اليدوي؟؟   و تانيا بعد اضافة الطحين لازم خفق و لا تقليب بملعقة؟؟  أنا دائما و قت بعمل كيكة السفن أب بتم بخفق و بتنجح بس بدي الطريقة الصح و آسفة على كتر الأسئلة البايخة

59  الكاتب منى, on 08-05-2010 11:37 انا بخفق بالكهربائي , هلا هو باليدوي بتنجح , بس محتمل يصير بعدها معك فقرات     بعد اضافة الطحين ااقلب بالملعقة و ممكن اذا قالب اخلاقه عظيمة اترك الخفاقة الكهربائية بس على اوطى عيار  تحت امرك  ايا سؤال و لو كان فتفوت انا

60  الكاتب محبةالمصطفى ملك, on 09-05-2010 01:53 تسلمي يا أحلى منى  طيب ممكن نرجع للزبدة بس بدون ما تطعميني قتلة   هلأ لونا قلتي مو منيحة طيب زبدة طيبة لأن عندي منها   و لا الزبدة النباتي عموما ما منيحة للحلويات؟؟؟؟؟

61  الكاتب منى, on 09-05-2010 06:57 طيبة احسن من غيرها بس كمان انا افضل الزبدة الحيوانية , كلو طبيعي احسن

62  الكاتب محبةالمصطفى ملك, on 09-05-2010 13:46 امممم  ايه اش هالسرعة باردود يا منى   طيب رح أجيب زبدة بريزدن و أترك اللي عندي للسوكسيه  طيب منى آآآآآآآخر سؤال   ولي أكيد اليوم منى رح تلحقني بالعصاية   هههههه  هلأ أنا اشتريت قالب كاتو و بدي أعمل كاتو السفن أب اللي بعملو دائما بس ما بعرف اذا رح يكون القالب مناسب و لا لأ...السؤال هو:لوين لازم يصل خليط الكاتو في القالب للنصف أو أكتر أو أقل؟؟؟؟

63  الكاتب منى, on 09-05-2010 14:12 للنص احسن الشي , بس اذا اكتر من النص بشوي مو مشكلة     ممكن تتركي الزبدة الي عندك لدهن القوالب , دايما طبق مميز معناه مكونات ممتازة

64  الكاتب محبةالمصطفى ملك, on 09-05-2010 16:04     أنا كتييييييييير فرحانة فيك و بردودك السريعة يا أحلى منوووووووووووووووووووووش

65  الكاتب منى, on 09-05-2010 20:25 مية السلامة بهل القامة نورتي

67  الكاتب منى, on 12-05-2010 07:57 لاحقتك من ارنة لارنة     ماماتك متل كل الامهات , سبحان الله الخبرة الها دور و نحنا شو ما عملنا ما منجي نقطة جنبهن    تبقي كلي عني كم لقمة من المرتديلا , يا ترى طريقتك غير الطريقة الموجودة هون

69  الكاتب منى, on 13-05-2010 12:32

70  الكاتب محبةالمصطفى ملك, on 13-05-2010 14:11 ايه شو اشارات التعجب و الاستفهام هي؟؟؟  ههههههه  قصدي نسيت صفحة السجقنه رول أكيد فهمتي علي ما؟؟  طيب منوووش بدي أعمل اليوم ماريا أو عرايس بس بدي أسألك اذا بالفرن أغطي السندويش بسلفان و لا لأ لأني أنا بعنل التوشكا و السجق عالكباسة بس بدي أجرب بالفرن هالمرة      انت شو رأيك أي وحدة أطيب بالفرن و لا الكباسة؟؟؟؟؟؟  عبستنى ردك اليوم لأني مستعجلة

71  الكاتب منى, on 13-05-2010 15:06 بالكباسة اسهل , انا بعملهن بالفرن لما بكن عاملة كمية كبيرة ما بيعود الي بالم اوقف على الكباسة شي نص ساعة     اذا بدك تعمليهن بالفرن غطيهن

72  الكاتب محبةالمصطفى ملك, on 13-05-2010 16:11 هههههههه فضيت جرة الغاز يعني رح أعملهن عالكباسة  بس منى ليش منقشر البندورة؟؟؟؟ و ليش منتخلص من بذورها؟؟؟    و آخر سؤال الدبس رمان ضروري لأني حسيت أنو ما رح أحبه بالماريا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟    و منوووووووووووووش كرمالي لا تقولي اني كرارة و بسأل كتييييييييير

73  الكاتب منى, on 14-05-2010 12:11 و الله ما رح قول شي     البندورة منقشرها لان قشرها مو طيب ابدا اذا طلعلنا في السندويشة .  و منشيل البذر لان ما بدنا الخبزة تنبل و تمقمق , يقبرني الحلبي     دبس الرمان رح يعطيها طعم كتير طيب , جربي و ان شاء الله ما بتكوني الا رضيانة

74  الكاتب محبةالمصطفى ملك, on 17-05-2010 20:50 يسلمو كتييييييير يا منى أنا عملت ماريا طلعت طيبة كتييييير بس عملتها قبل ما تحطي الرد فما تشجعت و حطيت دبس رمان و البندورة تركت البذور لأن ما كانت مستوية

75  الكاتب محبةالمصطفى ملك, on 18-05-2010 05:12 يلا يا حلوة روحي عصفحة الآيس كريم بالزبادي لأن بلش وقته و رح أدعيلك كتيرررررررررر اذا نجح معي يا قمر و تسلم ايدك و الله محتارة من وين أبلش..أنا و ماما منعرف نطبخ كتير منيح بس أنا بحب الحلويات و الأكلات الجديدة و شفت طلبي بموقعك الاكتر من رائع

76  الكاتب محبةالمصطفى ملك, on 18-05-2010 14:18 منووش عصحفة الأورانجيتيه كماااااااان

77  الكاتب محبةالمصطفى ملك, on 18-05-2010 14:43 منوووووووووووووووووش هلكتك بالأسئلة بس معلش انت الكريمة و نحنا بنستاهل   هلأ منرجع بس لوصفة الكاتو بثلاث خطوات انت كاتبة ملعقة صغيرة بيكينغ باودر طيب أنا دائما بحط الظرف كامل مو قليل ملعقة صغيرة؟؟؟

78  الكاتب منى, on 18-05-2010 19:23 هنا و الف عافية يا رب على البك     حطي الباكيت كلو , انا بجيب علبة بيكنغ بودر كاملة لهيك استعمل المعالق و كمان لا تنسي كربونات الصودا

79  الكاتب منى, on 18-05-2010 19:28 هنا و عوافي على كل شي جربتيه     البيكنغ بودر مو قليل لان رح استعمل معه كربونات الصودا .    اذا ما رح تستعمليها حطي الظرف كله

80  الكاتب محبةالمصطفى ملك, on 18-05-2010 23:00 على قلبك يا حلو  طيب منى أنا فضولية و بحب أعرف كل شي بالتفصيل أول مرة كتبتيلي أحط الظرف كله و بيكربونات الصودا  و تاني مرة قلتي أحط الظرف كله اذا ما رح أحط بيكربونات الصودا       و طيب انتي ليش ما بتكتري بيكينغ باود و بلا بيكربونات الصودا و لا في سر       و آخر شغلة كمان ليش بتشتري البيكينغ علبة مو ظروف مشان أتعلم منك و الفانيليا كيف بتشتريها كمان؟

81  الكاتب منى, on 19-05-2010 11:59 يا ستي بشتري علب لان الظروف ما بلحق منها , العلبة ابرك     الفانيليا ما بجيبها الا من المدينة , كمان الظروف ما بتمشي معي     حطي الي انتي متعودة عليه و الي بيناسبك , انا كتبت طريقتي فوق متل ما بعملها

82  الكاتب محبةالمصطفى ملك, on 22-05-2010 01:29 طيب يا منوووش و أنا بدي الأبرك كمان   فشو مكتوب على علبة الفانيليا و البيكينغ باودر و من وين و السعر كمان   لأني رح أوصي زوجي

83  الكاتب منى, on 22-05-2010 10:32 البيكنغ بودر من اي محل , رويال بس بالعلب و ما كتير بعرف السعر , كني 50 ليرة .    اما الفانيليا بالمدينة فرط , بشتري ااقل شي بيبيعني ياه عمو البياع , شي بـ 25 ليرة و بتروح معي سنة , لان كتير نكهتها قوية و ربع ملعقة بتكفي و اذا كترنا بيطلع الكيك مر .    اي قبل ما انسى لا تشتري بيكنغ بودر من المدينة لان مو منيح ابدا

86  الكاتب منى, on 23-05-2010 11:12 انا بحط لكل كاسة طحين ملعقة صغيرة بيكنغ بودر

87  الكاتب محبةالمصطفى ملك, on 24-05-2010 13:32 يسلمو منى  اسعااااااااااااااف اسعااااااااااف يا منى على صفحة أورانجيتيه

88  الكاتب محبةالمصطفى ملك, on 27-05-2010 03:18 منووووووشة يلا على صفحة عدس مدمس   حطي الباشيه و الحقيني انا سابقتك

89  الكاتب محبةالمصطفى ملك, on 12-06-2010 21:24 منوووش أنا جهزت أغراض الكاتو تقريبا بس بدي أسألك عالصينية   أنا عندي الصينية المستطيلة طولها33و عرضها23 و ارتفاعها3 بتصير ولا لأ؟  و كمان اذا حطيت ظرف كامل بيكينغ باودر و ملعقة صغير كربونات بصير ولا هيك كتير؟؟؟  و الكربونات هي نفسها اللي بحطوها للسوس؟؟؟؟  و الكورن فلاور شو هو اللي بتشتريه؟؟؟  و ما بصير أحط نشا بداله(آسفة على السؤال البايخ)   و شو الفرق بينهم؟؟؟؟؟؟

91  الكاتب zina, on 13-07-2011 23:59 مرحبا مدام منى أنا صار معي اكتئاب لان ما زبط ابدا اول شي طلع ملدوع رغم أني حطيتو بس 40 دقيقة وما نفش ابدا وطلع السوس مسكر وعم يقرش كتير زعلت لان شكلو بيشهي بليز اولي شو السبب

92  الكاتب منى, on 17-07-2011 09:38 هلا زينة   ممكن يكون مزيج الزبدة سخن اكتر من اللزوم لما ضفتيه على بقية المقادير ؟  الصوص عم يقرش معناها السكر مو بودرة , معناها استعملتي سكر ناعم مو بودرة و هادا بيفرق كتير     لا تزعلي و لا يصير معك اكتئاب , منتعلم دوما من تجاربنل

93  الكاتب منى, on 17-07-2011 10:49 هلا ملك   القالب ارتفاعه قليل , هادا قالب سويس رول و ما بيصير لهل الوصفة  استعملي ظرف بيكنغ بودر و ربع معلقة صغيرة كربونات   الكروبنات هي نفسها تبعة سلق الحمص , ما بعرف شو بيحطوا للسوس   الكورن فلور بشتريه الي بالعلبة الصفرة soo good و فيكي تستعملي النشا بداله هون و الفرق بيناتهم انو واحد من القمح و واحد من الذرة

94  الكاتب zina, on 19-07-2011 20:51 شكرا مدام منى مزبوط يمكن الزبدة كانت اكتر من فاترة بس هي اول مرة بعرف انو في فرق بين السكر البودرة والسكر الناعم يعني هاد بشتىي فرط ولا في نوع معين؟؟؟؟

95  الكاتب laraye, on 02-08-2011 03:12 مرحبا منى ... جربت هالكاتو من فترة وكان كتير طيب .. بس ما نفش معي كتير و اشتهيت احشيو من نفي الكريما الفوقانية قولتك بيصير؟؟  يسلموا ايديك فعلا كتير سهل

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved