متبل الباذنجان بعصير الرمان

من أشهر مقبلات بلاد الشام و يعرف أيضاً باسم بابا غنوج .. تتميز طريقتي باضافة عصير الرمان عوضاً عن عصير الليمون و هو ما يعطيه طعماً لذيذ جدا و مختلف أتمنى أن تجربيه و يعجبك . أكيد لو مو متوفر عندك عصير الرمان ممكن تحضرييه بعصير الليمون

بالصحة و الهنا

·          تثقب حبات الباذنجان ثم يشوى على البوتوغاز حتى تصبح لون القشرة سوداء .

·          تترك حبات الباذنجان حتى تبرد ثم يجرف لبها بملعقة أو طرف سكين , يرمى القشر و تهرس بالشوكة و بمدقة الثوم .

·          يدق الثوم مع الملح ثم يضاف للباذنجان مع الطحينة و عصير الرمان أو الليمون و يقلب ثم يعدل المذاق حسب الرغبة .

·          يصب المتبل في صحن التقديم و يزين برشة كمون و بابريكا و زيت الزيتون و حبات الرمان و الجوز  .


سر الطبخة :

·          يمكن شوي الباذنجان على الفحم للحصول على نكهة الشوي اللذيذة .

·          لحفظ المتبل في الفريزر , يشوى الباذنجان و يهرس و يملح  ثم يقسم لحصص صغيرة و توضع في أكياس في الفريزر , عند الإستخدام يوضع الباذنجان المهروس على مصفاة دقيقة الثقوب للتخلص من ماءه حتى يذوب الثلج عنه تماماً , ثم يعد بالطريقة السابقة .

تعليقات (9)

1  الكاتب WAFAA, on 21-05-2008 08:40 بدي اسالك مدام منى     ضروري يوضع على مصفاة ناعمة جداً لاني بعد مااهرسه بتبله وعلى الاكل على طول   ماكنت بعرف حكاية التصفاية     طيب هي ضرورية

2  الكاتب منى, on 21-05-2008 11:24 أنا بحطه على مصفاة لان عيلتي بتحبه متوسط السمك , لما رح أضيف عصير الرمان أو عصير الليمون من دون ما اصفيه حيصير مريق كتير , و فيك طبعا تستغني عن هل الخطوة , بس لو استعملت البانجان المحفوظ بالفريزر هي الخطوة أساسية

4  الكاتب منى, on 01-02-2009 07:46 هلا فيك أختي   هادا ممكن يكون اسمه بابا غنوج و كمان متيل , بس البابا غنوج معروف اكتر ان فيه خضار , يعني نفس الاسم ممكن يكون للمتبل و كمان بيكون لوصفة تانية فيها بانجان مع خضرة و كتيرر طيب

5  الكاتب larooo, on 10-04-2010 18:00 ممكن سؤال ؟؟ عصير الرمان أكيد مو نفسه دبس الرمان ما

6  الكاتب منى, on 10-04-2010 20:42 اي لارو , للمتبل استعمل عصير الرمان الحامض لما بيكون وقته , و اذا مو متوفر استعمل عصير الليمون

7  شي ناهي ... !!! الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 22-09-2010 11:59 السلام عليكم    عم بكتب وأنا تقريبا خلصت من التتبيلة والقلبة الأخيرة بقيت شي مو معقول شو طيب !    بالبيت ما كنا نعملو، بس كنا نطلبو بالمطاعم. ولما كنت صغيرة ما كنت حب الباذنجان وخصوصي بهيك "خبيصة" فما كنت دوقو .. ولما كبرت ولقيت حالي بعيدة عن سوريا طبعا كم مرة بس دقتو     لذلك ما بعرف طعمتو المزبوطة .. لكن "الخبيصة" يلي طلعت معي طيبة كتير كتير كتير وبخاف ما يضل في شي منها للغدا     شكرا كتير كتير منوشة خانم ! .. شو مشان سؤال الأخت zsoukra بخصوص إضافة اللبن ؟   لما كنت اسأل أهلي بصغري "شو هاد" ؟ .. يقلولي : "بيتنجان مع لبن"       والسلام عليكم

8  يا ترى الرد وصل ؟ الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 22-09-2010 12:05 السلام عليكم    كتبت من شوي رد طويل عريض ولما كبست سيند سكرلي الصفحة منوش إذا وصل الرد السابق هاد مالو داعي. كنت كاتبة :    ياي شي ناااااهي، أنا عم بكتبلكون هالرد وعم بعمل القلبة الأخيرة للأكلة ، كتير كتير طيبة بشكل. بخاف أخلصها قبل الغدا أنقذوا الصحن شيلوه من أدامي.    نحنا ما كنا نعملها بالبيت، بس كنا نطلبها بالمطاعم وأنا كنت صغيرة وما كنت حب البيتنجان لذلك ما كنت آكلها. لكن لما كبرت وصرت بموت بكل شي من البيتنجان لقيت حالي بعيدة عن سوريا، فما صحلي دوق هالطبق غير كم مرة معدودة عالأصابع. لذلك ما بتذكر طعمتو لكن "الخبيصة" يلي طلعت معي طيبة كتير كتير كتير. يسلمو معلمتي منى !    بس شو مشان سؤال الأخت zsoukar بخصوص إضافة اللبن ؟ لما كنت اسأل أهلي بصغري : "شو هاد؟" كانوا يقلولي: "بيتنجان مع لبن" .     والسلام عليكم

9  شي ناهي الكاتب amoula, on 10-05-2011 19:01 يسلم ايديكي يارب , من شوي عملته, العيارات بالحرف نظامية , مع انو هون البانجان مو كويس وكله بذر بس طلع طيب وما بين شي , وكان شغل مطاعم بالضبط

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved