L2ma.com | لقمة طيبة | L2ma.com | لقمة طيبة | كوكيز | · , على, جيداً, غرام, حتى | L2ma.com

القائمة الرئيسية

الأكثر تصفحاً

كوكيز

الكاتب/ ام نور

07/11/2007

اليوم جربت وصفة بسكويت cookies اول مرة بعملا وشو طلعت معي طيبة وبتشهي اشتهيت اعطيكون ياها تجربوها وكتير سهلة وبسيطة

بيضة
ظرفان فانيليا
رشة كتير صغيرة ملح
75 غرام سكر ناعم
100 غرام زبدة
225 غرام طحين
ملعقة صغيرة باكينغ باودر
150 غرام شوكولا اسود للحلويات مقطع قطع صغيرة
direction

·          يخفق الزبدة و السكر .

·          تضاف البيضة والفانيليا و الملح و يخفق الكل جيداً .

·          تضاف الشوكولا و الباكينغ باودر و يحرك بملعقة خشبية جيداً .

·          يضاف الطحين و يعجن جيداً حتى للحصول على عجينة متجانسة .

·          توضع العجينة على ورق زبدة خاص بالفرن و تعطى شكل اصبع طويل تشبه المرتديلا الحلبية قبل تقطيعها نفس البرمة و تبرم جيداً حتى يخرج الهواء و تدخل البراد حوالي ساعتين .

·          عند اخراجها من البراد تقطع قطع متساوية سماكة 0.5 سم تقريبا و توضع على صينية فرن شرط ان نبعد القطع عن بعضهم البعض لان القطعة ستكبر و تـأخذ محل فاذا كانوا قراب على بعضون رح يلزئو.

·          تخبز الصينية بفرن 180 درجة ويشوا حتى تحصلي على كوكيز لونو اشقر وهكذا عندما يبردوا بيصيروا بسكويت مقرمشين .     انشالله كون عرفت عبرت عن طريقة التحضير ووصلت الفكرة.

أضافة إلى المفضلة (7) |

أقتباس | مشاهدات : 4496

تعليقات (12)

1 الكاتب linda, on 15-11-2007 16:41
يسلمو هل الادين يا اخت ام نور
باين عليها سهلة كتير
يعطيكي الف عافية

2 الكاتب ام نور, on 31-01-2008 08:47
الله يخليكي اخت ليندا هيدا من زوقك

3 الكاتب منى, on 13-02-2008 13:23
كيف ما رديت انا على هل الوصفة :roll

تسلم دياتك أم نور وصف بيشهي , ان شاء الله رح جربها و ببقى بخبرك

4 الكاتب نور, on 03-05-2008 11:47
مشكورة ام نور .. باين عليها كتير طيبة وحابة أجربها بس ما عرفت مقدار الزبدة اللازم ؟ ياريت توضحي لي ها النقطة .. والله يعطيكي العافية

5 الكاتب ام نور, on 04-05-2008 13:50
عفوا نسيت كتابة مقدارالزبدة يجب اضافة مئة غرام زبدة اتمنى لك اخت نورالتوفيق في تحضير هذه الوصفة واذاكان لديك اسئلة اخرى فانا في الخدمة

6 الكاتب منى, on 04-05-2008 17:01
الله يعطيكي العافية ام نور , و الف شكر ليك على المرور

7 الكاتب fofosam, on 01-09-2008 15:57
أنا مشاركة جديدة و الحقيقة اني كتير حبيت الموقع و الوصفات شكلهم بيشهوا يسلموا إيديك مو مصد قة و أنا أعمل شي و صفة منهم أنا كتير بحب شغل المطبخ و الحمد لله بعمل شغلات زاكية كتير بس بدي أسألك شو هو ورق الزبدة؟ نفسه ورق القصدير؟و ازا مو نفسه بيزبط نستخدمه؟ شكرا

8 coociez
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 01-09-2008 16:03
لو سمحت بدي أسألك بندهن الصينية بشي قبل ما نحط قطع الع جينة ويلا ما في داعي؟و كم مد ة الخبز بالفرن قبل الشوي؟ شكرا كتير

9 الكاتب منى, on 02-09-2008 06:34
مية هلا فيك أختي نور الموقع بأخت جديدة و كريمة

اسمحيلي جاوب عوض ام نور , ورق الزبدة ورق شفاف و ممكن يدخل للفرن و هو غير ورق القصدير بس اذا مو متوفر ممكن تستخدمي ورق القصدير عواضه

, الأحسن انك تدهني الصينية بشوية زبدة و تقريباً رح ياخدوا معك من 8 لــ 12 دقيقة بالفرن , بس خلي عينك عليهم لحتى ما يتقمروا

10 الكاتب zanalook, on 01-03-2009 15:38
تسلم ايدك حبيبتى باين علية يجنن
جزاك اللة خيرا
اختك ام عمر

11 one question
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 19-12-2010 00:59
thanks alot Madam Om Nour for this dilicious and thnks Ma Mouna for ur respond but I have one Question did u meen sure poudre or sure normal as we used every day...ou shokran 3ala hal wasfat el lazeeze

12 الكاتب sheraredflower, on 04-06-2011 02:11
yeslamo 7abibti shakelha 6aybeh kteer

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 04/05/2008 )

< السابق		التالى >

[ عودة ]