السلطة المقلمة

السلطة الي حتلفت نظر كل ضيوفك و حتنسيهم باقي الوصفات الي محضرتيها , من كتر ما بحبها كنت حابة سميها سلطة لقمة طيبة لأن هي برأيي أكتر وصفة مميزة للسلطة في الموقع .

فيك تحضري أي نوع من أنواع السلطة الي بتحبه عيلتك و بعدها زيني الوجه بخطوط من مختلف أنواع الخضار و الجبنة المبشورة الملونة , و كل ما أكثرت الألوان كان منظر السلطة أجمل .

بالصحة و الهنا

( اختياري )

مقادير التتبيلة :

5 ملعقة كبيرة زيت الزيتون
نصف ملعقة صغيرة كمون
نصف ملعقة صغيرة فليلفة حمراء ناعمة
ملح
4 ملعقة كبيرة عصير ليمون
ملعقة كبيرة خل أحمر
نصف ملعقة صغيرة خردل
و يمكن استبدال عصير الليمون و الخل بعصير الحصرم

للتزيين :

اختاري ما يعجبك أو ما يتوفر عندك من المقادير التالية

ذرة مسلوقة
جزر مفروم ناعم
ملفوف مفروم ناعم
فجل مبشور أو مقطع شرائح
جبنة صفراء مبشورة أو مقطعة مكعبات
جبنة بيضاء مبشورة أو مقطعة مكعبات
بندورة مفرومة ناعمة
عطون منذوع البذور و مقطع شرائح
زيتون منزوع البذور و مقطع شرائح
فليلفة حمراء مفرومة ناعم
خيار مفروم ناعم
فاصوليا خضراء مسلوقة حتى تطرى و مقطعة لقطع صغيرة
بيض مسلوق و مقطع أرباع
مرتديلا مقطعة مكعبات
بقلة منزوعة عن العود
زعتر أخضر

تعليقات (20)

1  الكاتب linda, on 21-10-2007 20:30 يا سلام   انا لو بضلني عايشة على السطات طول عمري ما بقول لاءءء  ما في اطيب من السطلة   و خاصة ازا حدا محضرلي ياها وانا قاعدة على الرف ههههههههههههه  بس ولا بالاحلام   انا بقوم متل العروس الشاطرة وبعمل لحالي     يسلموووو

2  الكاتب منى, on 22-10-2007 10:36 و انا كمان بموت على السلطات و خصوصا برمضان أو الصيف , بحس ما فيني اكل الا سلطة   تقبشيني انت و خفة دمك , الله يرحم ايام لما كان حدا يحضرلنا الاكل و نحنا متل الحلوين بس نقعد على الطاولة و إذا قمنا بعدها و أخدنا صحنا معنا بكون الله يرضى علينا

4  الكاتب منى, on 19-12-2011 11:56 هلا ليندا     أول الشي , فرطيلي قلبي من الضحك , و الله مو بس جوزك    الله يعين كل الجواز على عروساتهم شو بيعملوا فيهم  بس الواحدة فينا لازم تغلط لحتى تتعلم و لحتى تركز معها الطبخة   زكرتيني باول طبخة طبختها لجوزي , كانت يا ثلاااام ...  هلأ نجي للأسئلة :  العصعوص هو أخر العمود الفقري للخروف و اللحمة الموزات هي لحمة العضل    البصل بتحطيه في مصفاية مغطاية بورق الجرايد لحتى يدخل الهواء بين حبات البصل و الجرايد بتمتص اي رطوبة     أما البطاطا فما الها حل غير انك تفرزي قسم منها .  بتقطعي الكمية الي بدك اياها لأصابع و بعدها بتغلي مي مع خل و بس ما غلت تمام المي بتطبي البطاطا و بتخليها 5 دقايق   بعدها بتصفيها كتير منيح و بتحطيها على منشفة مطبخ نضيفة لحتى تنشف و بعدها بتفرزيها..  لما بتلزمك بتطالعي كيس صغير من البطاطا من الفريزر و بتخليه شي ربع ساعة برة و بترجعي بتنشفيه من المي و بعدها بتقليه بزيت غميق و حامي و لما بطالعي البطاطا بترشيها بالملح   و صحة و عوافي يا رب

6  الكاتب منى, on 27-10-2007 11:32 مية السلامة يا عسل تسلمي على الدعوة الحلوة   و ان شاء الله انت بالمثل يا رب

7  الكاتب الدمشقية, on 12-03-2009 13:12 طبعاً السلطات أكتر شي بنتفنن فيه على السفرة لأنها الطبق يلي بحبه كل يلي بالبيت كبير وصغير   وهي فكرة جديدة ورائعة طبعاً لأنها من منونة الغالية  ربي يسلم ايديكي

8  الكاتب منى, on 12-03-2009 14:49 هلا دمدومة   ان شاء الله يصحلك تجربيها و انا متاكدة انك رح تحبيها     لا تنسي تخبريني

9  الكاتب dado, on 27-04-2009 17:05 مرحبا مرة تانية اليوم   كمان كانت هي الوصفة من التحف الجميلة يلي زينت سفرتي مبارح وبيضت وجهي..   بعد ما حضرتها ضليت اتفرج فيها واستخسرت إنو تتاكل وتنتزع..   بس وحياة الله كنت عم بدعيلك من كل قلبي إنو الله يعطيكي مقابل كل لقمة هنية أكلتها أنا أو أي حدا ببيتي من وقت ما تعرفت عليكي مليون حسنة وتبقى بصحة وعافية دائماً إنت وعيلتك وأحبابك

10  الكاتب منى, on 27-04-2009 20:00 خليلي قلبك و عيونك يا دالو على هل الدعوة الحلوة و الله و الله يمكن اغلى دعوة اندعتلي من زمان     ان شاء الله انت كمان الك متلها انت و كل الغاليين عليك و تبقى دايما بصحة و عافية و الف الف هنا على السلطة , ان شاء الله تكوني اكلتي عني شي مية لقمة

11  الكاتب روح الجمان, on 05-05-2009 15:52 ما شاء الله تسلم ايدينك حبيبتي في الله .. طبق مميز غني بالألوان والأهم غني بالفيتامينات   جاري التطبيق في أسرع وقت

12  الكاتب منى, on 05-05-2009 18:25 هلا جمان   ان شاء الله اذا جربتيه بيعجبك و بيعجب كل عيلتك و لا تنسي تخبريني

14  الكاتب منى, on 20-08-2009 14:35

15  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 16-09-2010 17:06 السلام عليكم ورحمة الله    من زمان بشوفها بالموقع خصوصي بالعزايم تبعاتك .. بس ما جربتها إلا من أسبوع، وصرت اعملها كل يومين تلاتة، وكل مرة جوزي ما بيسخى يبلش فيها ويخربها .  ما بفهم بالخل يعني تقليلي أحمر، أبيض، أصفر، خل رز .. ما بحب جيب من كل وحدة قنينة كبيرة وما استخدمها غير قليل ... ما بعرف يمكن بس تكبر عيلتي وصير اطبخ كميات .. لذلك حطيت خل البلزاميك اللي بحبو كتير وبيناسب كل الأذواق   هلئ عن جد طعمة كل خل من هدول بيختلفوا ؟     شكرا الله يجزيك الخير منى     والسلام عليكم

16  الكاتب lilithia, on 01-08-2011 03:50 أول ما فتت عالموقع و شفت هالسلطة من كم يوم الت يعني لازم جربا على أد مو شكلا رائع و بصراحة عملتا مرتين من 4 أيام لهلأ لما اجاني ضيوف و كانت النتيجة كتير حلوة و كتير حبوها حتى صاروا يقولولي حرام ناكلا و ننزع شكلا...    تسلم ايديكي عهالوصفة الحلوة

18  الكاتب منى, on 19-12-2011 12:01 العطون هو الزيتون الاسود

19  الكاتب منى, on 19-12-2011 13:22 هلا lilithia   منورة الموقع يا جميل و الف صحة و عافية على البك و الب الضيوف , الحمد لله انها عجبتك و عجبتهم ..  مية هلا

20  الكاتب منى, on 19-12-2011 13:26 و عليكم السلام و رحمة الله و بركاته ياسمين   وين غاطة , صار الك زمااان مو باينة , ان شاء الله امورك و عيلتك كلها بخير     مو مهم النوعية , المهم انو يكون بيعجبك و الطعم بيفرق كتير و بشكل واضح , مو انو بده معلمية     صحتين و مية هنا يا قمر , مبسوطة كتير انك جربتيها , عوافي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved