L2ma.com | لقمة طيبة | L2ma.com | لقمة طيبة | البندورة المحشية بسلطة المايونيز | صغيرة, حبة, · , القليل, البندورة | L2ma.com

القائمة الرئيسية

الأكثر تصفحاً

البندورة المحشية بسلطة المايونيز

الكاتب/ منى

21/10/2007

البندورة المحشية بسلطة المايونيز فكرة جميلة لتقديم سلطة المايونيز , و يمكن أن تحشي البندورة بأي نوع من أنواع سلطة المايونيز أو السلطة اليونانية أنت و زوءك و إبداعك ..

بالصحة و الهنا

8 – 10 حبة بندورة ( يفضل استعمال الحجم الصغير )
2 – 3 ملعقة كبيرة مايونيز
2 حبة صغيرة بطاطا
حبة صغيرة جزر
حبة صغيرة خيار
فص ثوم ( اختياري )
ملح
رشة فلفل أبيض
بضع نقط من الخردل ( اختياري )
القليل من عصير ليمون حسب الرغبة
direction

·          تسلق البطاطا و يوضع مع ماء السلق شرحتان من الليمون مع القليل من الملح , ثم تقشر و تفرم لمكعبات صغيرة .

·          يسلق الجزر حتى يطرى قليلاً ثم يفرم لمكعبات صغيرة , تفرم الخيارة و يهرس الثوم في حال استعماله .

·          يقص رأس حبة البندورة من الأعلى و يحتفظ به جانباً ثم يستخلص اللب باستخدام ملعقة صغيرة , تفرك حبة البندورة برشة صغيرة من الملح و تترك جانباً بشكل مقلوب للتخلص من العصير الزيادة ثم تجفف , يمكن استخدام اللب لإعداد سلطة ستي .

·          يمزج الخيار و الجزر و البطاطا مع المايونيز و الملح و الفلفل و الثوم و الخردل و القليل من عصير الليمون و تذاق الخلطة للتأكد من الطعم .

·          تحشى حبات البندورة بالحشوة ثم تغطى بالرأس و تصف على طبق التقديم و تزين ببضع أوراق من البقدونس , يمكن وضع طبقة من الخس المفروم على طبق التقديم ثم ترتب الحبات فوقه قبل تقديمها .

أفكار و تنويعات :

هذه فكرة لحشوة أخرى : تمزج بطاطا مسلوقة مع بيض مسلوق و بصل أخضر و مخلل الخيار و زيتون أسود و القليل من البقدونس المفروم و تتبل بالملح و الفلفل و عصير الليمون و المايونيز .

أضافة إلى المفضلة (1) |

أقتباس | مشاهدات : 2505

تعليقات (10)

1 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 21-10-2007 18:44
أقل شي بينقال على هالطبق و طبق السلطة المقلمة أنون كتير شيك عن جد يعني اتخيلتون على الصفرة بش عزيمة فعلا منظر أكابري
الله يعطيكي العافية يا فنانة

2 الكاتب منى, on 22-10-2007 10:09
هلا فيك رينو

كلك زووء حبيبتي , و ان شاء الله تجربيهم بشي عزيمة و يبيضوا وجهك

3 الكاتب بدور, on 26-10-2007 17:09
الظاهر إنك يا منى سفرتك بالعزايم للفرجة مو للأكل

الله يسلم ايديكي والله كلك ذوق و يممممممممممممي باينتا كتير طيبة كمان

4 الكاتب منى, on 27-10-2007 11:38
هلا بدور

تسلمي على الكلام الحلو , و الله انت الزووء ..
نورتي

5 الكاتب نوارة, on 12-09-2008 20:15
ميمو كتير من زمان مشتهية اجربها لأنو شكلها بجنن وانا بحب سلطة المايونيز واليوم جربتها وطلعت بتجنن وشكلها على السفرة بيفتح النفس

6 الكاتب منى, on 12-09-2008 20:27
هنا يا حق نوراة وعوافي كتير انبسطت انها عجبتك ..

ان شاء الله رمضان كريم عليك و على محمد

7 البندورة المحشية
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 10-04-2009 08:40
تسلم ايدك طبق تحفة وشكله كتيرمزوء وحلوولما عملته صورته بس أكيد ما متل صورة طبقك بس عمنحاول تلاميذك يا ست منى وشكرا كتير
ما عرفت كيف بدي نزل الصور؟؟؟ عندي اكتر من صورة لعدة أطباق وللسفرة يلي عملتها بمساعدة هالويب سايت الرائع

8 الكاتب منى, on 20-04-2009 18:20
هنا و الف عافية عزة

و صحة يا حق
هادا بس من زووءك اختي , ممكن تنزلي الصور عن طريق تحميلهم بالاول و بعدها وضع رابط الهم

بانتظار الصور و الف صحة و هنا و عافية على كل شي جربتيه و عجبك

9 واخيييييييييييييييييييييييرا
الكاتب نوجه, on 15-08-2010 15:27
حبيبتي مدام منى .واخيييييييرا اقدرت لاقي بفضل هالموقع المميز يلي اندليت عليه من فتره قريبه لقيت طبق مقبلات لسفرتي الرمضانيه لليوم وشكرا الك الف مره والله يريح بالك زي ما ريحتيني لاني من اليوم وجاي ما عدت اعاني من اني الاقي اطباقمتنوعه لسفرتي وخاصه اني متغلبه مع زوجي كتيير لانو بحب الاكل وبحب يشوف عالسفره كتير اطباق فالله يريح بالك

10 الكاتب منى, on 16-08-2010 10:32
ان شاء الله تجربي من الوصفات و تطلع طيبة و تعجب الباشا

خليلي عيونك على هل الدعوات الكريمة و الغالية , الك متلها و اكتر ان شاء الله

نورتينا اختي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 21/10/2007 )

< السابق		التالى >

[ عودة ]