وصفة لذيذة جداً للكاسترد المحضر في البيت ..

 
قبل أن أتعلم هذه الوصفة من صديقتي رولا لم أكن أكل يوماً الكاسترد لأن الكل يحضره بمزج بودرة الكاسترد مع الحليب ..

و بعد أن تذوقته عندها , أعددته و أصبح من وصفات عائلتي المفضلة .

بالصحة و الهنا

4 كوب حليب
2 بيضة
2 – 3 فنجان سكر
فانيليا
4 ملعقة كبيرة طحين
ملعقة كبيرة زبدة
2 – 3 علبة بسكويت سادة ( بوزن 100 غرام للعلبة )
نصف كوب شوكولا مفرومة لقطع صغيرة ( أو أكثر حسب الرغبة )

للتزيين :

شوكولا بيضاء مبشورة

تعليقات (34)

1  سؤال الكاتب بتول, on 07-10-2007 19:41 السلام عليكم كم ملعقة كاسترد وهل أخلطه مع الحليب أم مع الماء الرجاء كتابة مقدار الكاسترد البودرة بصراحة دائما لا ينجح معي وهل يمكنك تقدير المدة التي سيبقى فيها الكاسترد على النار حتى يسمك وهذه الكمية لكم شخص و شكرا جزيلا

2  و عليك أفضل السلام و أتم التسليم الكاتب منى, on 07-10-2007 22:33 هلا فيك بتول     نجي على الأسئلة واحد واحد     كم ملعقة كاسترد؟ وهل أخلطه مع الحليب أم مع الماء؟    أختي بطريقتي ما في و لا معلقة كاسترد لأن رح تحضري الكاسترد بس شغل ايدك و هو أطيب بمية مرة من الكاسترد البودرة و عن تجربة       الرجاء كتابة مقدار الكاسترد البودرة     بالنسبة للكاسترد الجاهز كل كوب من الحليب السائل بده ملعقة كبيرة من بودرة الكاسترد , بدوبي الكاسترد بالحليب البارد و بعدها بتحطي الكل على النار و بتحركي لحتى يغلي و بعد ما بيغلي بتخليه دقيقة تقريباً .        وهل يمكنك تقدير المدة التي سيبقى فيها الكاسترد على النار حتى يسمك     من بعد ما بيغلي يا دوب كم دقيقة و بيسمك , يعني أقل من 5 دقائق و بيكون جاهز     وهذه الكمية لكم شخص    تقريباً لخمس أشخاص         و شكرا جزيلا    مية أهلا و سهلا فيك بتول و أي سؤال تاني أنا بالخدمة

3  شكرا لاهتمامك الكاتب بتول, on 08-10-2007 00:22 شكرا جزيلا لك هلق فهمت   لكني أحاول حفظ الصفحة على كمبيوتري و داءما يطلع خطأ في صفحة ويب مع العلم أن كل المنتديات الأخرى أستطيع الحفظ منها بسهولة و أنا أفضل حفظ الصفحة حتى ما أغلط بالمقادير يا ترى فيك تساعديني و تفيديني و لا تواخذيني عبتقل عليك شكرا

4  الكاتب منى, on 08-10-2007 07:35 مية أهلا و سهلا بتول     أختي هي المشكلة عم تصير معي كمان و حاول كتير المهندس الي صمم الموقع حلها بس من دون نتيجة   فيك تعملي نسخ للطريقة و لصق على أي ملف وورد     هلا فيك أختي

6  الكاتب منى, on 08-10-2007 14:14   موتيني من الضحك ليندا     ان شاء الله عوافي يا رب مقدماً   رح يعجبك أكيد ان شاء الله      الله يسلمك يا عسل   و ايقي خبريني شو بيصير معك

7  الكاتب بدور, on 11-10-2007 11:45 والله يا منى فعلا إنك تحفة     محتارة شو جرب     من وئت ما تعرفت عالموقع صارت هواتي جرب بهالأكلات و وزني في صعود     بالنسبة لحفظ الصفحة أنا كان يصير عندي كمان خطأ وماتنحفظ لحتى جربت أحفظا بتردد  (file name.mht) مو  (file name.html)  و مشي الحال نشالله تظبط معكون

9  الكاتب بدور, on 22-10-2007 15:12 عفوا عالتأخير بالرد بس ظروفي صعبة شوي ما عبئدر أدخل متل أبل     بالنسبة لحفظ الصفحة بدخل على:  ملف\\حفظ الصفحة باسم\\بختار:web archive single file(.mht)     نشالله تكوني فهمتي علي   خبريني شو بصير معك

10  الكاتب منى, on 22-10-2007 21:24 هلا بدور     و الله بعرف ظروفك و الله يكون بالعون ..    هلأ جربت , بس ما مشي الحال , طلعلي مستطيل كأن عم يحفظ , بس صار النت بطيء كتير و بعدها انعل قلبي و لغيت الفكرة     يلا مو مشكلة المهم ان فهمت القصة

11  الكاتب بدور, on 26-10-2007 17:14 يا ربي والله أنا بتنحفظ معي الصفحة بثواني     خلص نشالله بجبلك الطريئة بالتفصيل ونشالله بيمشي الحال

12  الكاتب منى, on 27-10-2007 11:11 ان شاء الله بدور   على كل الصفحات كلها عندي بالوورد , بس انا كان عندي فضول اعرف الطريقة بس

13  رد الكاتب بتول, on 04-11-2007 09:09 ياي يا بدور شكرا كتتتتتتتتتتتتتتر على طريقة الحفظ لانها زبطت معي وبسرعة مدهشة

15  الكاتب منى, on 05-05-2008 18:43 هلا ام الهدى     أكيد بينفع أختي , بس رح يصير شوي صعب لان ممكن الكاكاو يتكتل     لقمة القاضي ما عندي ليها وصفة ممتازة , الوصفات الي مجربتها لحد هلا هنن وصفات عادية , ان شاء الله أول ما تطلع معي الوصفة الي بتستاهل نزلها , رح يكون أول صحن ليك

16  الكاتب ام عمر44, on 23-05-2008 07:21 رووووعة ما شاء الله.. سويتها امس حبيبتي منى وطلعت بتجنننننن.. بتعئد غير شكل.. ولادي ماتوا عليها صحتين وهنا يا عمري عليهم الله يسعدك يا منى.. مشتاءة اجرب شغلات كتير من هالموقع الروعة!!!

17  الكاتب منى, on 24-05-2008 06:03 هنااااااا ام عمر على قلوبهم الحلوة الصغونة , الله يخليك يا رب ام عمر و ما انحرم من هل الطلة الحلوة و الكلمات الحلوة و ان شاء الله بيبيض وجهي ادامك بغير تجارب

19  الكاتب منى, on 26-05-2008 05:47 هلا ام الهدى الله يسامحك على هل الحكي , حبيبتي انا تحت أمرك و انت و اسئلتك على راسي     الكاسترد طلع مريق لسبب واحد على ما أظن , و هو ان معالق الطحين ما كانت معرمة على الاخر , لهيك طلعت معك مريقة ..    بتعرفي فكرتك كتير حلوة , المهم انك ما رميتي الكاسترد و سويتي فيه شغلة عجبت عيلتك     سمماكة الكاسترد رح تطلع كانها بيشاميل أو أخف شوي و بعد ما يبرد رح يسمك أكتر

20  الكاتب أم الهدى, on 26-05-2008 22:11 حبيبتي الله يجزيك الخير اليوم رجعت جربت الوصفة وزودت الطحين متل ما قلتيلي وفعلا طلع رووووووووووووعة طعم كتير لذيذ أطيب من الكاسترد البودرة بمليون مرة تسلم ايديك صار جربت كذا وصفة من وصفاتك وطلعو طيبين كتير   الله يعطيك العافية

21  الكاتب منى, on 27-05-2008 06:02 هناااااا و عافية ام الهدى , كتير انبسطت انك جربتيها مرة تانية و ظبطت معاك , كلك زووء و هنا على كل شي جربتيه و عجبك

23  الكاتب منى, on 26-08-2008 19:33 هلاا منونة فيك تبعتيها باي رد و انا رح اضيفها باسم اذا الله راد و يا ريت لو من الوصفات السعودية الحلوة أكون ليك شاركرة

25  الكاتب منى, on 30-08-2008 11:45 هلا إذا عيلتك صغيرة فلازم تغطيه بنايلون و هو بيبقى بالبراد يوميين أو تلاتة تقريباً     مية هلا اختي نورتي

27  الكاتب منى, on 01-09-2008 11:13 لا أختي ما بده طحن , متل ما هو

29  الكاتب منى, on 01-09-2008 21:16 عم استناك

31  الكاتب منى, on 11-09-2008 14:48 ما بتفرق شو ما كان البسكويت يكون , المهم يكون سادة و انت بتبقي بتتحكمي بالكمية الي رح تستعمليها في الطبق

33  الكاتب سارونات, on 25-09-2008 16:16 السلام عليكم و رحمة الله و بركاته  بعد النجاح الساحق لمهلبية الشوكولا امبارحه جربت الكاسترد و النتيجة روعة و اللون ما ساويت ابيض مع شوكولا و انما لان ما خليتها تطول على النار بالاول فما جمدت و بالتالي خلطت الابيض مع شوية من كاسترد الشوكولا فصار لون بني فاتح كتير حلو فساويت في كؤوس منخفضة و عريضة طبقة بسكويت و طبقة كاسترد و هيك و اخر طبقة خليتها كاسترد و بعدين حطيتلها بالنص كاسترد الشوكولا و شوية فول سوداني مقطع خشن و طلعت الالوان بتجنن و الطعمة كتير طيبة و ان شاء الله بالمرة الجاية بساويه متل ما قلتي و بعتقد الطعمة راح تختلف و تطلع كتير طيبة كمان  ما بعرف شو قول تحتى اشكرك على مساعدتك مافيني غير ادعيلك دعوة الخير اللي ان شاء الله تسهل دربك و الله يجازيك الجنة ان شاء الله

34  الكاتب منى, on 25-09-2008 22:29 مممم , فكرة حلوة الي قلتي عليها , هنا يا ستي و مية عافية عليكم , ألف شكر ليك على الدعوات الغالية , أغلى هدية و الله أختي , و ان شاء الله الك متل هل الدعوات و أحلى

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved