L2ma.com | لقمة طيبة | L2ma.com | لقمة طيبة | ساندويش الفاهيتا | ملعقة, · , صغيرة, تقلب, شرائح | L2ma.com

القائمة الرئيسية

الأكثر تصفحاً

ساندويش الفاهيتا

الكاتب/ منى

04/10/2007

نصف كيلو من فيليه دجاج مسحّب منزوع عنه الجلد و مقطع شرائح
حبّة كبيرة فليفلة حمراء
حبّة كبيرة فليفلة خضراء
حبة بصلة متوسطة الحجم
ملعقة كبيرة زبدة
ملعقة كبيرة زيت ذرة

صلصة النقع :

ربع كوب خل أو عصير ليمون حامض
ربع كوب زيت زيتون
3 فصّ ثوم مدقوق
2 – 3 ملعقة كبيرة كتشاب
ملعقة صغيرة فليلفة حمراء ناعمة
نصف ملعقة صغيرة كمون مطحون
نصف ملعقة صغيرة فلفل أسود
نصف ملعقة صغيرة أوريغانو

للتقديم :

12 رغيف خبز تورتيلا
غواكامولي ( اختياري )
خسة صغيرة مفرومة ناعماً
جبنة تشيدر مبشورة
ساور كريم ( اختياري )
direction

·          تمزج مقادير صلصة النقع في وعاء ثم تضاف شرائح الدجاج و تقلب حتى تتغطى بالصلصة , يغطى الوعاء و تترك الشرائح لتنقع مدة 8 ساعات أو طول الليل ,

·          تفرم الفليفلة الحمراء والخضراء إلى عيدان و البصل إلى شرائح البصل .

·          تسخن الزبدة و الزيت في مقلاة التورتيلا الخاصة أو في مقلاة غير لاصقة و تُضاف الفليلفة و البصل و تقلب حتى تنضج من دون أن يتغير لون الفليلفة ثم ترفع جانباً .

·          ترفع شرائح الدجاج من التتبيلة و تضاف لنفس المقلاة و تقلب بالباقي من الزبدة و الزيت على نار متوسطة حتى تحمر و تنضج .

·          ترجع الفليلفة الحمراء و الخضراء للمقلاة و تقلب مع الدجاج لبضع دقائق إضافية , أصبحت الحشوة جاهزة .

·          تغلف أرغفة التورتيلا بورق ألمنيوم و توضع في فرن محمى لمدة عشر دقائق حتى تسخن .

·          تخرج أرغفة التورتيلا من الفرن و تفرد ثم توزع عليها صلصة الغواكامولي ثم تغطى بالقليل من الخس المفروم و بضع ملاعق من الفاهيتا و تغطى بجبنة التشيدر ثم تلف السندويشات و تقدم فوراً مع المزيد من الساور كريم لمن يرغب .

أضافة إلى المفضلة (3) |

أقتباس | مشاهدات : 6112

تعليقات (15)

1 الكاتب nidaa84, on 04-10-2007 16:20
بليز شو هو السور كريم دائما بشوف وصفات وفيها سور كريم هل تقصدين الكريما الفرنسية السائلة والف شكر عم اعذبك باالاسئلة

2 الكاتب منى, on 05-10-2007 13:47
لا بالعكس نداء

اختي الساور كريم هو الكريم الحامضة و بتتحضر بشكل اساسي من الكريما فريش الي بيضيفوا الها نوع معين من البكتريا لحتى يصير فيها طعمة حموضة لذيذة
بتشبه اللبنة شوي بس بغير طعمة حموضة
و اكيد لازم تلاقيها باي سوبر ماركت ما دامك بفرنسا

3 الكاتب ام نور, on 10-10-2007 16:19
انا كنت بدي اسال نفس السؤال كتير بسمع في وبستعمل بدالو الكريم السائل وفي عندنا بفرنسا كريم فريش مليان بس مانو حامض طعمتو دسمة وجامد اكتر من اللبن ونكهة قريبة لا الزبدة ممكن نحن نزيدلو حامض ولا ما بيصير

4 الكاتب منى, on 10-10-2007 19:02
بيصير اختي

ممكن لو سمحتي تمهلني يوم أو اتنين و انا رح نزل لك موضوع كامل عن الساور كريم و بدائله , بس متل ما قلت هي بتبقى بدائل و انا اكيدة انه متوفر عندكم
إذا بسوريا متوفر بالسوبرماركات الكبيرة , فأكيد بفرنسا رح يكون موجود

5 الكاتب أم رغدة, on 17-03-2008 23:04
شكرالك يا منى كان نفسى أعرف طريقة الفاهيتا من زمااان

6 الكاتب منى, on 18-03-2008 11:40
هلا ام رغدة

ان شاء الله تجربيها و تعجبك يا رب و نور الموقع باخت جديدة و عزيزة

7 الكاتب سارونات, on 14-08-2008 04:53
السلام عليكم و رحمة الله و بركاته
جازاك الله خيرا اختي منى
ان شاء الله بجرباو بدي اسألك ازا جربتي تساوي خبز التورتيلا بالبيت
بالتوفيق
سلام

8 الكاتب منى, on 14-08-2008 07:43
هلا أختي

خبز الفاهيتا بده طحين درة و هو مو متوفر عندنا , بس انا جربته بالطحين العادي , ممكن نزل الطريقة إذا الله راد

9 الكاتب سارونات, on 14-08-2008 16:37
السلام عليكم و رحمة الله و بركاته
اي صح من خلال بحثي على النت لقيت انو بينعمل بطحين الدرة بس كمان في وصفات بالطحين العادي و كتير فرحت انك مجربتيه و ناطرة الوصفة على نار
بالتوفيق
سلام

10 الكاتب منى, on 14-08-2008 17:49
من عيوني أختي إن شاء الله

11 الكاتب حنان, on 28-05-2009 18:34
السلام عليكم ممكن اطلب منك معروف انك تعملي خبز تو رتيلا انا بسوي بالبيت هل المقا دير الا بكتبها مضبوطه كيلو طحين ملعقة صغيرة خميرة واربعة ملاعق كبار سكر وملعقة صغيرة ملح وبيضة و ثلاث اكواب ماء دافئة ونعمل حفرة ثم نضع جميع المواد الجافة ومن ثم نضع البيضة في الحفرة والماء ونبدا في العجن لمدة عشرة دقائق ونتركة حتى يختمر ومن ثم نضع على شيى مسطح دقيق ومن ثم نكبجهم ونرقهم حتى يصبح الخبز رقيق ونضع القلاة على الغاز ونضع الخبز وعندما تتحمر نقلبها ومن ثم نضع رغيف تاني

12 الكاتب منى, on 01-06-2009 17:46
ممم , يا سلام عليك اخت حنان

وصفة سهلة و شكلها بسيطة , ان شاء الله رح جربها و الف الف شكر الك
بوسيلي الاولاد

13 الكاتب DOUHA, on 17-10-2009 13:55
جربتا مبارح مافي اطيب منا
انا كنت ما بحب لحم الدجاج بس بهلالوصفات يلي بتشهي اتغيرت شكرا منى

14 الكاتب منى, on 18-10-2009 11:18
هنا ضحى حبيبتي

الشكر الك يا قمر على ثقتك في و تجربتك وصفااتي , الف صحة يا رب :zzz

15 الكاتب ليان 2009, on 11-04-2010 04:26
الله يعطيكي العافية يا رب عنجد انت بتتعبي كتير كرمالنا وهالسندويش بجنن وطعمتة احلى من المطاعم كتير انبسط عليه وسهل كتير ما بغلب ولا بلبك الله يسعدك يا احلى منوش

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 30/10/2007 )

< السابق		التالى >

[ عودة ]