2 علبة بسكويت سادة ( بوزن 100 غ للعلبة )
نصف كوب برش جوز الهند
ثلث كوب حليب
100 غ شوكولا سادة مبشورة
صلصة التوفي كريم
جوز هند مبشور للوجه

تعليقات (14)

2  الكاتب منى, on 23-09-2007 20:29   الله يسترنا من الحلويات و شو بتعمل بالوزن ,,     بس عن جد سهلة و كتير طيبة , و إذا جربتيها خبريني رينو     نورتي أختي

3  الكاتب بدور, on 26-09-2007 10:17 هي شكلا عنجد ولا أروع من هيك     لك الله يسلملي ايديكي الحلوين يا رب و تضلي تعمليلنا و تعلمينا هالأكلات الطيبة     سؤال اذا ممكن     شو يعني حمام مائي     شكرا كتير يا أحلى من العسل

4  الكاتب منى, on 26-09-2007 13:44 هلا بدورة     هل الحلى سهل و لازم تجربيه     شوفي بتحطي طنجرة فيها مي و بتحطي فوقها طنجرة تانية أصغر من أول طنجرة و بتحطهم على نار وسط    بس ما غلت المي بتوطي النار و بتحطي الشوكولا و الحليب في الطنجرة الي فوق لحتى تدوب الشوكولا بفعل البخار الي طالع من الطنجرة الي تحت     ان شاء الله فهمتي علي

5  الكاتب بدور, on 26-10-2007 17:23 نسيت خبرك النتائج     جربت هالأكلة بس بدون الحمام المائي يعني فورا حطيت الحليب والشوكولا يالطنجرة على نار هادية بس كسرت الشوكولا كتير كتير مشان تدوب بسرعة وما تعلئ بالطنجرة.    جربتا بنفس اليوم يلي سألتك عليها مشان هيك عملتا بهالطريئة و الحمدلله ظبتت و طلعت كتير كتير طيبة و رجعت عملتا مرة تانية وكمان ظبتت     شكرا كتير كتير ميمو البحبا أنا كتير

6  الكاتب منى, on 27-10-2007 11:10 و انا كمان بدور بحبك كتير , و ان شاء الله مية صحة و هنا يارب   جربيها كمان من دون شوكولا و بتطلع طيبة كتير

7  الكاتب ام نور, on 19-12-2007 18:51 اخت منى انا بدي اسالك عن وصفة شبيهة نوعا ما ما بعرف اذا مجربتيهااو سامعة فيا كانت جارتنا تعملا وتبعتلنا وهي عبارة عن بسكويت وجوز ولوز وزبيب شو ما عندا مكسرات تحط ومعجونين ببعضون ما بعرف شو تحط كمان وتقطعون قطع شي كتير طيب .وفي كمان نوع بس غير اكلتو عند اخت مغربية وهو عبارة عن طبقة من الشوكولا وبالنص لوز مكسر مع عسل وفوقو طبقة من الشوكولا ومقطع قطع صغيرة ولازم يضل بالبراد ميشان ما يدوب وخجلت اسال كيف عاملتو لان ما كتير بعرف المرة بس حابي اتعلم هاك اشيا لا الضيافة صايرة عم اتطلب كتير مهاك

8  الكاتب منى, on 21-12-2007 06:01 يممم ام نور     الطعمة الا شوي حسيتها من وصفك لهل الاكلات الي دقتيها     بس لو كنت محلك ما خجلت من السؤال       أختي عندي وصفة منحط فيها المكسرات أول الشي في صينيةو بعدها منغطيها بالتوفي كريم و أخر الشي الشوكولا ..    يمكن هي أقرب وصفة عندي للحلو الي دقتيه , و هي كمان كتيررر طيبة , أما أول وصفة ما عرفتها أختي     ان شاء الله اذا الله راد بنزل الطريقة بعد العيد     ام نور , الله يسامحك انتي بتطلبي من عيوني و الله يا عسل

9  الكاتب ام نور, on 31-12-2007 21:59 الله يبارك فيكي انت العسل يا ست منى سبحان الله انا وعم اتصفح بالموقع وجدت الكاتو الموزاييك ووجدته شبيه بالوصفة الي ما عرفتيا مني وكتير انبسطت لان من زمان حابي اتعلم هالوصفة وجارتنا بلبنان وزمان ما شفتا وهيك وصلت لا طلبي رح اعمل الكاتو الموزاييك بوقرة انشالله ويا ريت كمان تبقي تنزلي الوصفة الى قلتي عنا شكلا طيبة انا كتير بحب المكسرات بحس بتعطي قيمة لا وفخامة بالاكل مع انو بتنصح

10  الكاتب منى, on 06-01-2008 16:06 رح نزلها ان شاء الله و لا تنسي تخبريني شو بيصير بكاتو الموزاييك

11  الكاتب سارونات, on 17-09-2008 01:18 السلام عليكم و رحمة الله و بركاته  حلوى مميزة و جزبت انتباهي من اول مرة شفتها بس لان كان فيها توفي و كنت لساتني ما جربتو فقلتلها وداعا و نسيتها ة هلأ سبحان الله لقيتها و فيها توفي فقلت يا فرحتي هيك بستعمل التوفي اللي عندي لان صار وقت استخدمو و الطريقة سهلة و واضحة بس بدي اسال ازا فيني ساويها بالتوفي اللي عملتو و اللي حكيتلك عنه يعني يبس و نشف و بالتالي راح دوبو بحمام مائي بس خايفه يرجع ييبس و ينزع الوصفة و بتصير يابسة و تطير اسنان اللي راح ياكلوها و بعدين يطيرولي اسناني بقى قوليلي رأيك لان ما بدي خاطر و اخسر كل شي و ازا كان بينفع راح ساويها هالايام ان شاء الله و هيك بساوي الوصفة و اتخلص من التوفي و ساوي توفي جديد مشان كاتو التفاح و كاتو التمر كمان اديش بيضاين بالبراد و هل فينا نحفظو بالفريزر   بالتوفيق  سلام

12  الكاتب منى, on 17-09-2008 06:26 إذا كان نشف رجعييه للنار مع شوية حليب و خلييه لحتى يطرى و يرجع ناعم بعدها استخدمييه عادي , فيك تحفظيه تلات أيام و الفريزر كالعادة مو مجربه , بس نظرياً أتوقع بيصير

14  الكاتب منى, on 17-11-2008 17:59 كل الصلصة لكل البسكويت أختي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved