الكريما الصفراء :

2 علبة قشطة
علبة كريما دريم ويب
ثلاث أرباع كوب حليب سائل بارد جداً
ظرف كريم كراميل (البودرة من دون الكراميل )

تعليقات (32)

1  الكاتب بدور, on 26-09-2007 10:03 أنا نبهرت هلأ بالشكل ضل جرب الطعم     الله يخليلنا ياكي و يسلم هالايدين الحلوين يلي مالون مثيل.    شتهيت أجربو بس شكلو صعب شوي نشالله يظبط معي كتير شتهيت عليه     شكرا كتير ميمو الحلوة على هالوصفات البتجنن الله يئويكي يا رب

2  الكاتب منى, on 26-09-2007 11:44 الله يسلمك بدورة     بده شوية شغل بس مستاهل و الله     الحلو أكلوه كل ضيوفي و يا دوب دقت منه لقمة صغيرة من صحن زوجي     ان شاء الله رح يعجبك

6  الكاتب منى, on 16-04-2009 06:59 أزرق رنونة !   شو ما شفت الا بني و كراميل و بيج , اما الازرق ما شفتوا , وين هادا

7  الكاتب رنا, on 17-04-2009 17:44 هيك من تحت شي على ازرق ياترى الصحن اللي حاطة فيه ولا انا معي مي زرقة بعيني

8  الكاتب منى, on 18-04-2009 12:01 الصحن شفاف و ما في شي ازرق على بعد 2 كم من مركز التقاط الصوورة

9  الكاتب رنا, on 19-04-2009 14:16 هههههههه والله شككتيني بحالي خلص رح غمض عيوني وجربها

10  الكاتب منى, on 19-04-2009 21:04 و الله و انت كمان شككتيني بعيوني ,     دقيقة هي صرخت لاولادي لابداء الرأي           كمان شافوا ازرق , أظن هادا انعكاس الكريما و الكاميرا القديمة التعبانة هيك طلعت

11  الكاتب رنا, on 21-04-2009 17:05 يحيا العدل ...بوسيلي اولادك

12  الكاتب منى, on 21-04-2009 19:28 وصل

13  الكاتب رنا, on 26-04-2009 13:41 مممممم  اليوم كتير انا مبسوطة ....من يومين رحت زيارة قام تضيفت حلى كتير طيب وخفيف سالت صاحبته شو هاد قالتلي بسكويت بالكريمة   كان بطبق بايركس بس طبقة الي قالت عليها بسكويت كانت مبينة كاتو بس قال هادا نوع بسكويت خاص بتجيبه وبتغمسه بالنسكافيه بعدين طبقة تانية وعالوش قشطة وعلبة نسلة وبترشه بالنسكافيه ...انا كتير بحب النسكافيه لذلك قررت اعمل هالوصفة لزوجي بس سالتها عالبسكويت شرحتلي كيف بيكون وكيف شكل العلبة وبالفعل جابه زوجي واذذذذذذذذ....بيطلع هو البسكويت ليدي فنجرز يلي مجنني وماعم ينجح معي انبسطت كتير اني لقيته جاهز مشان اعمل هالوصفات الحلوة     اذا بدي اعمل هالوصفة بس بدي اسألك قديش كمية البسكويت اللازمة ؟العلبة الي عندي 400 غ     طيب البسكويت لما بدي اصفه مااغمسه بشي طيب كيف رح ينصف ؟قصدي بيوقع   وكمان قديش استعمل كيت كات انا عندي العلبة يلي فيها اصبعين كم وحدة رح يلزم ؟؟لانه ماعرفت اي علبة كت كات قصدك في منهن فيها اربع اصابع وفي تنتين     كترت عليكي بالاسئلة بس بدك تطولي بالك علي وياريت تشرحيلي طريقة صف البسكويت لانه مابظن انه متل الكاتو جلاس هداك قريت انه بتغمس بالحليب

14  الكاتب منى, on 04-05-2009 20:07 هلا رنونة   اسفة للتاخر , كعادتي يعني ...    البسكويت الي قلتي عليه هو نفسه الليدي فنجرز و المفروض ان المقدار الي بعمله مقابله 40 حبة أو علبة كاملة ..    البسكويت الجهز عم يكون انشف من البسكويت شغل البيت لهيك أنصحك انك تغمسيه شوي صغيرة بالحليب , الكت كات انااستخدمت العلبة الي كان فيها تنتين , بس يا ستي لو كترت الشوكولا بيكون أطيب و انتي كريمة و ضيوفك بيستاهلوا     طريقة الصف نفس طريقة كاتو جلاس و حتى لو من دون تغميس لان الكريما رح تسنده و ما رح يوقع لا تخافي ..    شو هل المرة بدي حصتي لازم تخبيلي ياها او على الاقل تاكلي عني قطعة منيييحة , ايه

15  الكاتب رنا, on 04-05-2009 21:35 خلص مو تكرم عينك الف شكر على ردك

16  الكاتب رنا, on 11-05-2009 19:21 سؤالي اليوم عن الكريما  الكريما هون العلبة فيها 4 ظروف كل ظرف بيحتاج 115 مل حليب بارد تقريبا نص كوب ...طيب هلأ انتي قديش معناها بتستعملي كريما لهالطبق مثلا ؟؟هي العلبة كلها تبع الكريما بوزن 39 غ ياترى علبتك نفس القياس يعني استخدم الاربع ظروف ؟؟

17  الكاتب رنا, on 11-05-2009 19:24 كمان سؤال غليظ تاني   هلأ كمية التوفي كريم هي كوب ونص سكر يعني رح احتاج كل الكمية

18  الكاتب منى, on 13-05-2009 20:31 هلا رنونة   العلبة عندي 132 غ , بقى ما بعرف كيف رح تقيسيها و انا استعملت كريما دانية , عرفتيها   على حساب الحليب نحتاج ظرفين و على حساب الوزن نحتاج , احم 3 علب كاملة او أكتر , بقى انتي شوفي شو المطلوب و نفذيه     التوفي كريم بيلزم كله للوصفة و اي سؤال تاني تكرم هل العيون

19  الكاتب رنا, on 13-05-2009 21:27 ياستي انا طلعت غلطانة الكيس الواحد من الكريما وزنه 39 غ وكل كيس بيلزمه 115 مل من الحليب معناها في فرق بين تركيبة الكريمتين لانه قلتيلي انتي للعلبة كلها عندك بدك تلات ارباع الكوب بقا هون على حساب الحليب يلي مستخدمتيه بدي كيسين بس ...المشكلة اني انتبهت على شغلة وقت الكاتو جلاس ووقتها استعملت بس كيسين من الكريما اكتشفت انه طلعت قليلة على كمية البسكويت يعني كأنه كان لازمني كريما اكتر يعني لحتى تطلع اكثف واسمك لان حسيتها مرئت شوي على كل حال الله يعطيكي العافية عالمتابعة ووجعتلك راسك رح حط 115 مل لكل ظرف واستعمل الاربعة وخلصت السيرة

20  الكاتب منى, on 17-05-2009 11:53 لا بالعكس رنونة لا وجعتيلي راسي و لا شي , المهم هلا عرفتي شو بدك تعملي و هادا هو المهم

21  الكاتب رنا, on 07-06-2009 20:03 واخييييييييييرا صار حلى الكيت كات ...والله ناجح وطيب كتير وعجب الجمهور بس دسممممم       وهي وحدة تانية       وهي كمان

22  الكاتب منى, on 07-06-2009 20:04 وووواااو ,. رنونة انا هلا راجعة من السفر و مشوبة و شفت هل الحلى , شوووو اشتهيت عليه    الف صحة و هنا يا رب و كتير انبسطت انه عجب ضيوفك و الصور حلوة كتير و بتشهي برافو عليك و الله

23  الكاتب رنا, on 09-06-2009 11:38 الله يسلمك منونة والله طار عقلن عليه بس عملته لاهل البيت لانه هون بهالغربة ضيوفنا مقتلة بعضها

24  الكاتب منى, on 09-06-2009 12:16 ما انتبهت انه لاهل البت , لهيك قلتي انه تقيل , لان لو للضيوف يا بيطلعلك لقمة يا لأ , لما ساويته أكلت بس لقمة منه من صحن جوزي لاتاكد من نجاح الوصفة لان الباقي طار الله يرحمه

25  الكاتب DOUHA, on 21-07-2009 16:26 هلئ انا جربتوو ورح خبرك شو بيصير معي بس سؤال ليه ما حطينا ليدي شوي بالحليب متل كل مرة وعلى فكرة كتير سهل

26  الكاتب منى, on 21-07-2009 19:04 وم الله ضحى انا هيك اتعلمت الوصفة من ام ايموني , بس على فكرة انا احيانا عم غمسه بالحليب عم حسه بيطلع اطرى , بس الوصفة لما عملتها لاول مرة و نزلتها متل ما اتعلمتها كان ما بدها تغميس

27  الكاتب DOUHA, on 22-07-2009 13:14 جربتو وطلع بيجننننننننننن وصورتوو ورح ابتعلك الصورة

30  الكاتب منى, on 26-03-2010 00:54 لا ما بيمشي الحال و هل البسكويت بتلاقيه بالسوبرماركات الكبيرة جنب الكيك و البسكويت و اذا مو متوفر ممكن تستبدليه بكيك سادة

32  الكاتب منى, on 29-10-2011 11:19 و الله مو مسجلة انا شو استخدمت

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved